Vulkan, arxiv şəkli

Vulkanların içində yatan sərvət - əlini uzat, götür

2184
(Yenilənib 15:46 08.02.2020)
"Bizim institut tərəfindən vulkan palçığının təsiri öyrənilib. Həqiqətən də Lökbatanda olan vulkan, Daşgil vulkanlarının məhsullarından istifadə etmək olar"

İradə Cəlilova, Sputnik Azərbaycan

BAKI, 8 fevral — Sputnik. Müxtəlif mütəxəssislərin fikrincə, radon qazı, radioaktiv şüalanma daha çox tektonik qırılma olan ərazilərdə özünü göstərir. Çünki radon qazı yerin təkindən üzə çıxır.

Bu zaman maraqlı bir sual yaranır. Bəs palçıq vulkanları radioaktiv şüalanmaya səbəb ola bilərmi?

© Sputnik / Irade JELIL
Geoloji xəritə

AMEA-nın müxbir üzvü, Geoloji Mühitin Radiometriyası şöbəsinin rəhbəri Çingiz Əliyev Sputnik Azərbaycan-a açıqlamasında bildirib ki, Azərbaycan ərazisində suxurlar Yura dövrünə aid suxurlardır: "Bu süxurların müxtəlif radioaktivliyi var. Qobustanın daxilinə doğru bəzi vulkanlar var ki, orada Maykop yaşlı süxurlara rast gəlinir. Onların radioaktivliyi nisbətən çox olur".

Mütəxəssis bildirib ki, vulkan məhsullarında insan üçün təhlükəli heç nə yoxdur.

© Sputnik / Irade JELIL
AMEA-nın müxbir üzvü, Geoloji Mühitin Radiometriyası şöbəsinin rəhbəri Çingiz Əliyev

"Bizim institut tərəfindən vulkan palçığının təsiri öyrənilib. Həqiqətən də Lökbatanda olan vulkan, Daşgil vulkanlarının məhsullarından istifadə etmək olar. Bəzi vulkanların palçığından qadınlar üçün kosmetik vasitə kimi istifadə etmək olar. Bu, çox faydalıdır", - deyə Çingiz Əliyev vurğulayıb.

Ekspertin fikrincə, tədqiqatlar göstərir ki, vulkan məhsulları həqiqətən insan orqanizmi üçün faydalıdır: "Palçığın tərkibində çox sayda bədənə lazım olan mikroelementlər var. Bu palçıqdan kosmetikada istifadə olunur".

© Sputnik / Irade JELIL
Geoloji xəritə

Qeyd edək ki, ölkəmiz Yer kürəsində palçıq vulkanlarının unikal və klassik inkişaf regionu kimi tanınır. Planetimizdə məlum olan 2000-dən artıq palçıq vulkanlarından 344-ü Azərbaycanın şərqində və onunla həmsərhəd Xəzər akvatoriyasında yerləşir. Palçıq vulkanlarının əksəriyyəti Bakı və Abşeron yarımadasında yayılıb və onlardan bəziləri təbiət abidəsi kimi formalaşıb.

2184
Əlaqədar
Vulkandan xeyrimizə istifadə edə biləcəyik: alimlərimizdən ixtira
Taal vulkanı oyandı, əhalini köçürürlər - VİDEO
Palçıq vulkanları ilə bağlı turizm kompleksi yaradılacaq
Vulkan yaxınlığında ev tikənlərə ciddi xəbərdarlıq edildi
Təhsil Nazirliyi

Təhsil Nazirliyi vətəndaşların qəbulunu dayandırdı

23
(Yenilənib 10:15 30.09.2020)
Təhsil sahəsində dövlət xidmətlərinin göstərilməsini təmin etmək üçün bu dövr ərzində müraciətlər 146-1 Telefon Məlumat Mərkəzi vasitəsilə cavablandırılacaq

BAKI, 30 sentyabr — Sputnik. Ölkə ərazisində xüsusi karantin rejiminin müddətinin uzadılması barədə müvafiq qərara uyğun olaraq, Təhsil Nazirliyinin Vətəndaşların Qəbulu Mərkəzi 2020-ci il noyabrın 2-dək fəaliyyətini dayandırır.

Sputnik Azərbaycan-ın məlumatına görə, bu barədə Təhsil Nazirliyi məlumat yayıb. Bildirilib ki, təhsil sahəsində dövlət xidmətlərinin göstərilməsini təmin etmək üçün bu dövr ərzində müraciətlər 146-1 Telefon Məlumat Mərkəzi vasitəsilə cavablandırılacaq. Vətəndaşlar həmçinin Nazirliyin rəsmi office@edu.gov.az elektron poçt ünvanına müraciət edə və elektron resurslarında (www.edu.gov.az; www.ict.edu.az) təqdim edilən müxtəlif e-xidmətlərdən yararlana bilərlər.

Rəsmi məlumatları Təhsil Nazirliyinin internet saytı (www.edu.gov.az) və sosial şəbəkələrdəki səhifələrindən izləmək tövsiyə edilir.

23
Tərtərdə, arxiv şəkli

Mülki vətəndaşlar vurulub, yeddi nəfər xəstəxanadadır

40
(Yenilənib 10:14 30.09.2020)
AR Baş Prokurorluğu tərəfindən müxtəlif cinayətlər törətmiş Ermənistan silahlı qüvvələrinin hərbi qulluqçularının beynəlxalq hüquq normaları çərçivəsində məsuliyyətə cəlb edilərək cəzalandırılmalarını təmin etmək məqsədi ilə zəruri olan tədbirlər həyata keçirilir.

BAKI, 30 sentyabr — Sputnik. Məlum olduğu kimi, təcavüzkar Ermənistanın hərbi-siyasi rəhbərliyi beynəlxalq hüququn norma və prinsiplərini kobud şəkildə pozaraq dinc əhaliyə qarşı terror əməllərini davam etdirir.

Sputnik Azərbaycan Baş Prokurorluğun məlumatına istinadla xəbər verir ki, düşmənin silahlı qüvvələri əhalinin kompakt olduğu məntəqələri - rayon və kənd mərkəzlərini, mülki infrastruktur obyektlərini – yaşayış evlərini, xəstəxanaları, tibb məntəqələrini, məktəb binalarını, uşaq bağçalarını, dövlət qurumlarının inzibati binalarını, təsərrüfat təyinatlı əraziləri ağır artilleriya qurğularından intensiv atəşə tutmaqda davam edir.

Ermənistan hərbi birləşmələrinin növbəti dəfə ağır artilleriyadan Tərtər şəhərini intensiv atəşə tutması səbəbindən 30.09.2020-ci il tarixdə saat 08 radələrində dövlət qurumlarının inzibati binalarının yaxınlığına top mərmisinin düşməsi nəticəsində 7 nəfər mülki şəxs müxtəlif dərəcəli bədən xəsarətləri alaraq xəstəxanalara yerləşdirilib, o cümlədən mülki infrastruktur obyektlərə külli miqdarda ziyan vurulub.

Hazırda prokurorluq əməkdaşları tərəfindən döyüş şəraitində mümkün olan bütün istintaq əməliyyat tədbirləri həyata keçirilir, o cümlədən yaralananların aldıqları xəsarətlərin ağırlıq dərəcəsini, eləcə də mülki infrastruktur obyektlərinə dəymiş ziyanın məbləğini müəyyən etmək məqsədilə müvafiq ekspertizalar təyin edilib.

Azərbaycan Respublikasının Baş Prokurorluğu tərəfindən müxtəlif cinayətlər törətmiş Ermənistan silahlı qüvvələrinin hərbi qulluqçularının beynəlxalq hüquq normaları çərçivəsində məsuliyyətə cəlb edilərək cəzalandırılmalarını təmin etmək məqsədi ilə zəruri olan tədbirlər həyata keçirilir.

40
 Fransa Prezidenti Emmanuel Makron

Makron Tramp Putinlə Qarabağı müzakirə edəcək

0
Fransa, ABŞ və Rusiya Dağlıq Qarabağ münaqişəsinin nizamlanması üzrə ATƏT-in Minsk Qrupunun həmsədr ölkəsidir.

BAKI, 30 sentyabr — Sputnik. Fransa Prezidenti Emmanuel Makron bəyan edib ki, Dağlıq Qarabağda hərbi əməliyyatlarla bağlı Rusiya və ABŞ prezidentləri Vladimir Putin və Donald Trampla telefon danışıqları aparacaq. Sputnik Azərbaycan RİA Novosti-yə istinadən xəbər verir ki, bunu Makron Latviyanın paytaxtı Riqada mətbuat konfransı zamanı bildirib.

"Bu gün axşam prezident Putin və düşünürəm ki, sabah prezident Trampla bu məsələ barədə fikir mübadiləsi aparmaq və çıxış yolları (böhrandan –red.) təklif etmək üçün danışıqlar aparacağam", - deyə Makron qeyd edib.

Qeyd edək ki, Fransa, ABŞ və Rusiya Dağlıq Qarabağ münaqişəsinin nizamlanması üzrə ATƏT-in Minsk Qrupunun həmsədr ölkəsidir.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb.

Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli və Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki əhali arasında həlak olan və yaralananlar var. Mülki infrastruktur obyektlərinə ciddi ziyan dəyib.

Mülki əhali və hərbi qulluqçular arasında itkilər və yaralılar barədə məlumat dəqiqləşdirilir.

Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin məlumatına görə, Azərbaycan Ordusunun uğurlu əməliyyatı nəticəsində bir sıra kəndlərimiz - Füzuli–Cəbrayıl istiqamətində Qaraxanbəyli, Qərvənd, Kənd Horadiz, Nüzgar, Yuxarı Abdurrəhmanlı, Aşağı Abdurrəhmanlı, Böyük Mərcanlı işğaldan azad edilib. Bundan əlavə, Ağdərə rayonu və Murovdağ istiqamətlərində düşmən postları darmadağın edilib, Talış kəndi ətrafındakı əlverişli yüksəkliklər nəzarətə götürülüb.

0