FHN-nin Xüsusi Riskli Xilasetmə Xidmətinin xilasediciləri təlim zamanı

Bir göz qırpımında harayımıza yetişənlər - Azərbaycanlı "Supermen"lər

557
(Yenilənib 22:22 07.02.2020)
FHN-in Xüsusi Riskli Xilaetmə Xidmətinin rəisi hər gün ən azı 15 çağırışın olduğunu, hava şəraitindən asılı olmayaraq, əməkdaşların öz vəzifələrini layiqincə yerinə yetirdiklərini deyib.

İradə Cəlilova, Sputnik Azərbaycan

BAKI, 7 fevral — Sputnik. Fövqəladə Hallar Nazirliyinin İctimaiyyətlə əlaqə idarəsi fövqəladə halların nəticələrinin aradan qaldırılması tədbirlərinə hazırlıq səviyyəsinin media nümayəndələrinə nümayiş etdirilməsi məqsədilə Nazirliyin Xüsusi Riskli Xilasetmə Xidmətinin (XRXX) inzibati binasına press-tur təşkil edib.

Sputnik Azərbaycan xəbər verir ki, press-tur çərçivəsində irimiqyaslı fövqəladə hallar zamanı istifadə edilən qərargah avtomobilləri, çevik xilasedicilərin döyüş hazırlığı, Çevik Xilasetmə İdarəsinin motosikletləri və xüsusi təyinatlı xilasetmə avtomobili, təcili tibbi yardım personalı və təcili tibbi yardım avtomobili, minalardan təmizlənmə üzrə çevik qrupun şəxsi heyətinin döyüş hazırlığı və təchizatında olan texniki vasitələr və s. nümayiş etdirilib.

© Sputnik / Irade JELIL
FHN-nin Xüsusi Riskli Xilasetmə Xidmətinin təşkil etdiyi press-tur zamanı təcili tibbi yardım personalı

Tədbirdə Çevik Xilasetmə İdarəsinin motoxilasedicilərinin döyüş hazırlığı və motosikletləri, xüsusi təyinatlı xilasetmə avtomobilləri barədə məlumat verilib, kinoloji taborun təlimatçı kinoloqlarının hazırlığı və xüsusi təlim keçmiş itlər nümayiş etdirilib.

Media nümayəndələri kimyəvi zəhərlənmələr zamanı istifadə olunan deqazasiya duş kabinəsi və xüsusi geyimlər barədə də məlumatlandırılıb. Suda batmış şəxsin dalğıclar tərəfindən xilas edilməsi, kimyəvi zəhərlənmələr zamanı şəxsi heyətin deqazasiya edilməsi, alpinist və desantların alpinist qülləsindən enmələri və digər proseslər praktik təlimlərlə göstərilib.

© Sputnik / Irade JELIL
FHN-nin Xüsusi Riskli Xilasetmə Xidmətinin xilasediciləri təlim zamanı

Xüsusi Riskli Xilaetmə Xidmətinin birinci müavini general-mayor Məhərrəm Həsənov jurnalistlərə bildirib ki, Xidmətin əsas fəaliyyəti fövqəladə hallara çevik reaksiya vermək, fövqəladə halların nəticələrinin aradan qaldırılması zamanı xüsusi riskli və qəza xilasetmə əməliyyatlarını həyata keçirməkdir. Həmçinin zərərçəkmişlərə ilkin və təxirə salınmaz tibbi yardım etmək, təbii-texnogen və terror hadisələrinə məruz qalmış strateji əhəmiyyətli obyektlərin mühafizəsini təşkil etməkdir. Onun sözlərinə görə, xilasedicilər dağ alpinizm xilasedicilərindən, pirotexniklər, kimyaçılar, desantlar, dalğıclar və kinoloqlardan ibarətdir.

Xatırladaq ki, XRXX 2007-ci ildə yaradılıb. İndiyədək yüzlərlə əhəmiyyətli əməliyyatlarda iştirak edən Azərbaycan xilasediciləri 2010–cu ilin yanvar ayında Şamaxı və Pirallahı yolunda qar uçqunları zamanı xüsusilə fərqləniblər. Xilasedicilər həmin hadisələr zamanı qar altında qalmış avtomobillərdən adamları xilas ediblər. Həmin hadisə ən təhlükəli və riskli əməliyyatlardan hesab edilir.

© Sputnik / Irade JELIL
FHN-nin Xüsusi Riskli Xilasetmə Xidmətinin xilasediciləri təlim zamanı avtomobili sudan çıxarırlar

"Həmin hadisələr zamanı biz 45 nəfərə yaxın insanı qarın altında qalmış avtomobillərdən çıxararaq yaxınlıqdakı isti yerlərə təhvil verdik. Elə həmin il Şirvan və Sabirabad rayonlarında subasma hadisələri baş verdi. Yenə də xidmətimizin əməkdaşları orada 1 ay müddətində xilasetmə və təxliyyə əməliyyatlarını həyata keçirdi", - deyə Məhərrəm Həsənov bildirib.

Xidmətin fəaliyyət tarixində 2011-ci ildə Türkiyənini Van bölgəsində baş vermiş zəlzələ zamanı xilasetmə işlərinin uğurla həyata keçirilməsi əsas yer tutur. Burada Azərbaycanın 120-ə yaxın xilasedicisi xilasetmə əməliyyatlarında iştirak etmişdi.

M.Həsənovun sözlərinə görə, xilasetmə əməliyyatları zamanı azərbaycanlı xilasedicilər 12 nəfəri uçqunların altından sağ-salamat çıxarıblar. 60-a yaxın cəsəd də xilasediclərimiz tərəfindən çıxarılıb.

© Sputnik / Irade JELIL
FHN-nin Xüsusi Riskli Xilasetmə Xidmətinin xilasediciləri təlim zamanı

"Van zəlzələsi zamanı azərbaycanlı kinoloqlar 104 saatdan sonra dağıntılar altında qalmış bir nəfərin həyatını xilas edə bilmişdilər. 108 saat sonra dağıntılar altından xilas edilən son şəxsi də məhz azərbaycanlı xilasedicilər qurtarmışdı", - Həsənov bildirib.

2015-ci ildə "Günəşli" yatağında baş vermiş yanğın zamanı da azərbaycanlı xilasedicilərin fəaliyyəti danılmazdır. Onlar 30 nəfəri yanğının pəncəsindən xilas edə bilmişdilər.

"Həmin hadisə zamanı platformada olanlar təşviş içində qayıqlara dolmuşdular. İlk qrupun olduğu qayıq platformaya çırpılaraq dağılmışdı. İkinci qrupun olduğu qayıq isə platformanın altına sıxışıb qalmışdı. Qayıqda olan 30 nəfər çətin bir əməliyyatla XRXX-nin əməkdaşları tərəfindən xilas edilmişdi", - deyə M.Həsənov vurğulayıb.

© Sputnik / Irade JELIL
Fövqəladə Hallar Nazirliyi Xüsusi Riskli Xilasetmə Xidməti rəisinin birinci müavini general-mayor Məhərrəm Həsənov

2018-ci ildə XRXX-nin xilasediciləri 3 ay müddətində itkin düşmüş alpinistlərin axtarışlarını davam etdiriblər: "Bizim xilasedicilərimiz bir gün də olsa geri çəkilmədi, axtarışları davam etdirdilər. Bu axtarışlar XRXX-nin rəisinin nəzarəti altında həyata keçirilirdi. Sonda 6 metr dərinlikdə qarın altından onların cəsədlərini çıxara bildik".

XRXX-nin peşəkar dalğıclarının son əməliyyatı ötən il "MİQ-29" təyyarəsinin axtarışları zamanı olub. Axtarışlarda Müdafiə Nazirliyi, SOCAR-ın dalğıcları ilə yanaşı, XRXX-nin dalğıcları da iştirak ediblər. Axtarışlar 25 gün ərzində 25-30 metr dərinlikdə aparılıb. Xidmətin 60 metr dərinlikdə üzən dalğıcları təyyarənin qara qutusunu, pilotun cəsədini və onun silahını suyun altından çıxara bilib.

M.Həsənov qeyd edib ki, XRXX yüksək standartlara uyğun maddi-texniki baza ilə təmin edilib.

  • FHN-nin Xüsusi Riskli Xilasetmə Xidmətinin xilasediciləri təlim zamanı
    © Sputnik / Irade JELIL
  • FHN-nin Xüsusi Riskli Xilasetmə Xidmətinin xilasediciləri təlim zamanı
    © Sputnik / Irade JELIL
  • FHN-nin Xüsusi Riskli Xilasetmə Xidmətinin xilasediciləri təlim zamanı
    © Sputnik / Irade JELIL
  • FHN-nin Xüsusi Riskli Xilasetmə Xidmətinin xilasediciləri təlim zamanı
    © Sputnik / Irade JELIL
  • FHN-nin Xüsusi Riskli Xilasetmə Xidmətinin xilasediciləri təlim zamanı
    © Sputnik / Irade JELIL
1 / 5
© Sputnik / Irade JELIL
FHN-nin Xüsusi Riskli Xilasetmə Xidmətinin xilasediciləri təlim zamanı

XRXX-nın rəisi, general-mayor Şahmar Paşayev isə bildirdi ki, sadalanan hadisələr xidmət əməkdaşlarının iştirak etdiyi əməliyyatların 10 faizini təşkil edir: "Xidmətimiz yarandığı gündən nazir Kəmaləddin Heydərov tərəfindən bütün texniki-avadanlıqlarla təmin edilib. Gördüyümüz işlər bu texnikaların sayəsində həyata keçirilib".

Onun sözlərinə görə, XRXX-nın 2300-ə yaxın əməkdaşı var. Xidmət təkcə Bakıda deyil, Gəncə, Mingəçevir, Şəmkir, Sumqayıt, Xaçmaz və Lənkəranda da fəaliyyət göstərir.

© Sputnik / Irade JELIL
Fövqəladə Hallar Nazirliyinin Xüsusi Riskli Xilasetmə Xidmətinin rəisi, general-mayor Şahmar Paşayev

XRXX 24 saat fəaliyyət göstərir. Xidmət rəisi hər gün ən azı 15 çağırışın olduğunu, hava şəraitindən asılı olmayaraq, əməkdaşların öz vəzifələrini layiqincə yerinə yetirdiklərini deyib.

Jurnalistlərə FHN tərəfindən həyata keçirilən axtarış-xilasetmə əməliyyatlarını əks etdirən videoçarx da nümayiş etdirilib.

557
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

22
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

22
Su təhcizatı işləri, arxiv şəkli

Həm Azərbaycanın, həm İranın arzusu reallaşır - "Xudafərin" hidroqovşağından şad xəbər

46
(Yenilənib 23:50 20.10.2020)
Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir.

BAKI, 20 oktyabr — Sputnik. "Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O vurğulayıb ki, Azərbaycan, İran və Rusiyanın enerji sistemlərinin əlaqələndirilməsi üzrə proses davam edir: "Hər üç ölkənin müvafiq enerji şirkətlərinin razılığı ilə müəyyən edilmiş məsləhətçi şirkət tərəfindən layihənin texniki-iqtisadi əsaslandırılmasının hazırlanmasına başlanılıb. Eyni zamanda, "Azərbaycan Respublikası Hökuməti ilə İran İslam Respublikası Hökuməti arasında Araz çayı üzərində "Xudafərin" və "Qız Qalası" hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında Saziş"dən irəli gələn vəzifələr də yerinə yetirilməkdədir.

"Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir. "Xudafərin" hidroqovşağı üzrə tikinti xərclərinin və dəymiş ziyanın hesablanması, habelə su elektrik stansiyalarının qurğu və avadanlıqlarının alınması və quraşdırılması məsələlərinə baxılır. 1,6 milyard kubmetrdən çox sututumuna malik bu hidroqovşaqlar və ümumi qoyuluş gücü 280 meqavat gücündə olan bu stansiyalar Araz çayının su və enerji ehtiyatlarından hər iki tərəfin birgə istifadəsinə imkanlar yaradır".

O bildirib ki, bu layihələr iqtisadi və strateji aspektdən ölkəmiz üçün çox əhəmiyyətlidir:

"Bu layihələrin reallaşması Azərbaycana illik 368 milyon kilovat/saat elektrik enerjisi istehsalı, mövcud 252 min hektar torpaq sahəsi üzrə suvarmanın yaxşılaşdırılması və 8 min hektar yeni əkin sahələrinin suvarılması imkanı yaradacaq. Azərbaycanın suverenliyi, ərazi bütövlüyü əsas götürülməklə 2016-cı ildə bu layihələr üzrə sazişin imzalanması işğal olunmuş ərazilərimizin geri qaytarılacağına böyük inamın ifadəsi idi".

"Bu günlərdə müzəffər Ordumuzun Cəbrayıl şəhəri və rayonunun bıra sıra kəndlərini azad etməsi də Azərbaycan Prezidentinin uzaqgörən siyasətini, həmin ərazilərin bərpası zamanı bu hidroqovşaqlar və stansiyaların istifadəsinə əvvəlcədən hazırlıqla bağlı strateji baxışlarını bir daha nümayiş etdirdi. Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir", - deyə nazir bildirib.

46
Əlaqədar
İranla Azərbaycan arasında tarixi "Xudafərin Sazişi" imzalandı
İlham Əliyev: Xudafərin körpüsünün üzərində Azərbaycan bayrağı qaldırıldı
Nazirlikdən sərhədlərimizi qoruyanlara Xudafərin naminə zirehli hədiyyə - FOTO
Xudafərin körpüsünün üzərində Azərbaycan bayrağı - VİDEO
Ermənistan Xudafərin istiqamətində əməliyyat keçirməyə qadir deyil - MN