Bakıda taksi, arxiv şəkli

“Hərəyə bir taksi” tarixə qovuşur Daha hər avtomobili olan adam daşımayacaq

1253
(Yenilənib 13:51 29.01.2020)
Hansı avtonəqliyyat vasitəsi, hansı ərazidə xidmət göstərə biləcəyi, avtonəqliyyat vasitəsinin ili, vəziyyəti, komfortu, təhlükəsizliyi və sürücünün ümumi göstəriciləri qaydaya salınacaq

İradə Cəlilova, Sputnik Azərbaycan

BAKI, 29 yanvar — Sputnik. Son illər ölkədə taksi fəaliyyəti ilə məşğul olmaq xeyli asanlaşıb. Sürücülük vəsiqəsi olan istənilən şəxs yağışdan sonra göbələk kimi artan taksi şirkətlərinə müraciət edərək, orada işə düzələ bilir. Bu zaman bəzən nə şirkətin işçiləri sürücünü heç olmasa üzdən tanımırlar, eləcə də sürücü şirkətin harada yerləşməsindən xəbərdar olmur. Hər şey internet və telefon üzərindən qurulur. Müvafiq olaraq, şirkətin nə avtomobilin vəziyyəti, nə də taksi sürücüsünün professionallığı və sağlamlığı barədə məlumatı olur.

Azərbaycan Prezidenti İlham Əliyev də bir müddət öncə Nəqliyyat, Rabitə və Yüksək Texnologiyalar naziri Ramin Quluzadəni qəbul edən zaman yük avtonəqliyyat vasitələri, yerli daşıyıcıların mənafelərinin müdafiəsi, onların beynəlxalq bazara çıxışının daha da optimallaşdırılması ilə yanaşı, regionlarda taksilərin vəziyyəti, taksi xidməti göstərən daşıyıcılar, onlarla bağlı ümumi mənzərə, taksi sürücülərinin tibbi müayinədən keçirilməsi və sair bu kimi məsələlər müzakirə etmişdi.

Dövlət Avtomobil Nəqliyyatı Xidmətinin (DANX) ictimaiyyətlə əlaqələr sektorunun müdiri Nuridə Allahyarova bildirib ki, qarşıya qoyulan tapşırıqlardan biri də taksi xidməti və taksi sürücülərinin tibbi müayinəsi ilə bağlıdır. Belə ki, görüşdə səsləndirilən mövzuların araşdırılması üçün DANX-ın nəzdində işçi qrupu yaradılıb və taksilərlə bağlı təhlillər aparılıb.

İşçi qrupu tərəfindən ölkədə təxminən 44 min rəsmi və qeyri-rəsmi taksi fəaliyyət göstərdiyi müəyyən edilib. Təhlillərə görə, bu taksilərin 27 mini Bakıda, 17 mini isə regionlarda fəaliyyət göstərir. Qeyd edilib ki, regionlarda xidmət edən 17 min taksidən 3800 ədədi fərqlənmə nişanı ilə, 13 mindən çoxu isə fərqlənmə nişanı almadan qeyri-rəsmi fəaliyyət göstərir.

Bölgələrdə müasir taksilər işləyəcək - Köhnələr yığışdırılır?

N.Allahyarova həmçinin əlavə edib ki, statistikaya əsasən Daxili İşlər Nazirliyinin mövcud strukturu ilə baza işlənməsi prosesi həyata keçiriləcək. Belə ki, həmin bazada rəsmi və qeyri-rəsmi qeydiyyatda olan taksi xidmətləri barədə məlumat olacaq və onlarla bağlı ciddi təhlillər aparılacaq.

Yəni bundan sonra artıq nəqliyyat vasitəsi olan hər bir şəxs taksi xidmətinə başlaya bilməyəcək. Onun sözlərinə görə, qanunvericilikdə yer alan boşluqlardan biri də taksi xidməti göstərən sürücülərin bu fəaliyyətə başlaması üçün əldə etməli olduqları fərqlənmə nişanının vergi öhdəliyi ilə kifayətlənməsidir.

Ancaq bundan sonra fərqlənmə nişanı almaq da asan olmayacaq. Belə ki, yeni baza hazırlanacaq və bu özündə həm fərqlənmə nişanını ehtiva edən bir sənəd olacaq. Yəni kimin bu xidməti hansı avtonəqliyyat vasitəsilə, hansı ərazidə xidmət göstərə biləcəyini, avtonəqliyyat vasitəsinin ilini, vəziyyətini, komfortunu, təhlükəsizliyini və sürücünün ümumi göstəricilərini uyğunlaşdırmaq üçün qoyulan qaydaları özündə əks etdirəcək.

Qaydalara uyğun olmayanlar isə fərqlənmə nişanı əldə edə bilməyəcəklər. Qurum bununla bağlı, artıq hökumətə müraciət edib.

Nəqliyyat məsələləri üzrə ekspert Elməddin Muradlının sözlərinə görə, taksi fəaliyyəti ilə məşğul olmaq üçün Nazirlər Kabinetinin xüsusi qərarı var. Həmin qərara görə, taksi fəaliyyəti ilə məşğul olanlar həmin standartlara cavab verməlidirlər.

"İlk növbədə avtomobil taksi fəaliyyətinə yararlı vəziyyətdə olmalıdır. Avtomobilin vizual görünüşü, daxili interyeri olmalıdır. Taksilər sınıq-salxaq avtomobillərdən olmamalıdır. Sürücülər Bakı şəhərində taksi fəaliyyəti ilə məşğul olmaq üçün Bakı Nəqliyyat Agentliyindən, digər rayonlar fəaliyyətlə məşğul olmaq üçün isə Dövlət Avtomobil Nəzarəti Xidmətindən fərqlənmə nişanı almalıdır. Sürücünün VÖEN-ni olmalı, vergi ödəyicisi olmalıdır", – deyə ekspert bildirib.

Onun sözlərinə görə, bir neçə il bundan əvvəl taksi avtomobillərində rəng məsələsi gündəmə gəlmişdi. Sonradan ağ, sarı və bənövşəyi rənglər taksilər üçün məqbul bilindi: "Amma biz Bakı şəhərində də, bölgələrdə də hər rəngdə taksi fəaliyyəti ilə məşğul olan avtomobillər görürük. Sürücünün etik qaydalara əməl etməsi, küçə və yollara bələd olması, müştəri ilə münasibət qurmaq üçün etik qaydalara riayət etməsi də zəruri hallardan biridir. Xarici dil bilgiləri ilə bağlı da müəyyən tələblər var. Sürücülər rus-ingilis dilində elementar danışıq dilini bilməlidir".

Ekspertin fikrincə, bu sahədə qaydaların olması xidmət sahəsində müsbət addımların atılmasına səbəb ola bilər. Çünki uzun illərdir ki, bu sahədən şikayətlər daxil olub.

"Sürücülərin kobudluğu, təhlükəli sürüş, kobud ifadələr istifadə etməsi məsələsi daim gündəmdədir. Bu baxımdan hesab edirəm ki, müəyyən qaydalar tətbiq edilməlidir. Amma bu məsələnin nə zaman reallaşacağı, nə effekt verəcəyi hələ müzakirə predmeti deyil. Çünki illər əvvəl də bu məsələ ilə bağlı Nəqliyyat Nazirliyi də müəyyən addımlar atmağa çalışdı. Amma effekt vermədi", – deyə E.Muradlı vurğulayıb.

1253
Oğuz meşələrində kəsilən qiymətli ağac növləri

"Bandotdel" meşədə əməliyyat keçirdi

10
Meşələrdə qiymətli növ ağacların qanunsuz kəsilərək emal sexlərinə satışı Oğuz rayon sakinləri Elşən Hüseynov və əvvəllər məhkum olunmuş Ehtibar Muxtarov tərəfindən həyata keçirilib.

BAKI, 28 noyabr — Sputnik. Daxili İşlər Nazirliyinin əməkdaşları tərəfindən Ekologiya və Təbii Sərvətlər Nazirliyinin mütəxəssisləri ilə birgə ölkə ərazisində meşə massivlərində ağacların qanunsuz olaraq kəsilməsi, yaşıllıq sahələrinin məhv edilməsi ilə məşğul olan daha bir dəstənin üzvlərinə qarşı uğurlu əməliyyat həyata keçirilib. DİN Mətbuat Xidmətindən Sputnik Azərbaycan-a verilən məlumata görə, Baş Mütəşəkkil Cinayətkarlıqla Mübarizə İdarəsinə Meşələrin İnkişafı Departamentinin əməkdaşlarından Oğuz rayonunun Filfilli, Xaçmaz və sair kəndlərinin ərazilərində yerləşən meşə zolaqlarında kütləvi şəkildə qanunsuz ağackəsmə əlamətlərinin müşahidə edilməsi barədə məlumat daxil olub. Hər iki qurumun əməkdaşları tərəfindən qeyd olunan xüsusatların hərtərəfli və obyektiv araşdırılması məqsədilə adıçəkilən kəndlərdə meşə zonaları nəzarətə götürülüb.

  • Oğuz meşələrində kəsilən qiymətli ağac növləri
    © AR Ministry of Internal Affairs
  • Oğuz meşələrində kəsilən qiymətli ağac növləri
    © AR Ministry of Internal Affairs
  • Saxlanılan şəxs Elşən Hüseynov
    © AR Ministry of Internal Affairs
  • Saxlanılan şəxs Etibar Muxtarov
    © AR Ministry of Internal Affairs
1 / 4
© AR Ministry of Internal Affairs
Oğuz meşələrində kəsilən qiymətli ağac növləri

Baş Mütəşəkkil Cinayətkarlıqla Mübarizə İdarəsinin əməkdaşları tərəfindən peşəkarlıqla həyata keçirilən əməliyyat tədbiri nəticəsində qısa zamanda müəyyən olunub ki, həmin meşələrdə qiymətli növ ağacların qanunsuz kəsilərək emal sexlərinə satışı Oğuz rayon sakinləri Elşən Hüseynov və əvvəllər məhkum olunmuş Ehtibar Muxtarov tərəfindən həyata keçirilib. Həmin şəxslər əməliyyat nəticəsində saxlanılaraq Baş İdarəyə gətiriliblər.

Elşən Hüseynov və Ehtibar Muxtarov tərəfindən qanunsuz olaraq kəsilmiş ağaclar, onların oduncaqlarının yeri və digər ləvazimatlar maddi sübut kimi Baş İdarənin əməkdaşları tərəfindən aşkar olunaraq götürülüb. Ekspert rəyi ilə məlum olmuşdur ki, bu şəxslər qanunla qorunan meşə sahələrinə külli miqdarda maddi ziyan vurublar. Həmçinin araşdırma zamanı dəstə üzvləri tərəfindən ağacların yaş halda kəsildiyi məlum olub. Onlar ifadələrində etdikləri cinayəti etiraf ediblər.

Qeyd olunan faktlarla bağlı dəstə üzvləri barəsində Baş İdarənin İstintaq və Təhqiqat İdarəsində cinayət işi başlanılıb. Hazırda cinayət işi üzrə bütün halların tam, hərtərəfli araşdırılması, eləcə də dəstənin digər üzvlərinin saxlanılması istiqamətində zəruri əməliyyat-istintaq tədbirləri davam etdirilir.

10
Teqlər:
meşə ərazisi, meşə sahəsi, meşə, Oğuz rayonu, Ekologiya və Təbii Sərvətlər Nazirlyi, ekologiya, Daxili İşlər Nazirliyi
Bərbərxana, arxiv şəkli

Restoran bərbərxanaların fəaliyyəti dayandırılıb

17
Noyabrın 30-dək bütün ölkə ərazisində restoran, bərbərxana və gözəllik salonlarının fəaliyyəti dayandırılıb.

BAKI, 28 noyabr — Sputnik. Bu gündən noyabrın 30-dək bütün ölkə ərazisində restoran, bərbərxana və gözəllik salonlarının fəaliyyəti dayandırılıb.

Sputnik Azərbaycan-ın məlumatına görə, bu barədə Nazirlər Kabineti yanında Operativ Qərargahın qərarında bildirilir.

Qərara əsasən, 2020-ci il 21 noyabr saat 00:00-dan 28 dekabr saat 06:00-dək şənbə və bazar günləri həyati əhəmiyyət kəsb edən fəaliyyət növləri, o cümlədən aptek və ərzaq mağazaları istisna olmaqla digər bütün sahələr üzrə, həmçinin, restoran, bərbərxana və gözəllik salonlarında xidmət dayandırılır.

17
Teqlər:
epidemiya, pandemiya, restoran, bərbər, Nazirlər Kabineti yanında Operativ Qərargah
Nikol Paşinyan, arxiv şəkli

Paşinyan nəyinə güvənərək "Qarabağ Ermənistandır" deyirdi

0
(Yenilənib 15:08 28.11.2020)
Ermənistanın istifadə etdiyi "Strela-10" və "Osa-AKM" 1960-cı illərin hava hücumundan müdafiə sistemləri idi və bəzən səkkiz kilometr hündürlükdəki "Bayraktar"ı belə zərərsizləşdirə bilmirdi.

Aleksandr Xrolenko, hərbi şərhçi

BAKI, 28 noyabr — Sputnik. Ermənistanın istifadə etdiyi "Strela-10" və "Osa-AKM" 1960-cı illərin hava hücumundan müdafiə sistemləri idi və bəzən səkkiz kilometr hündürlükdəki "Bayraktar"ı belə zərərsizləşdirə bilmirdi.

21-ci əsrdə hərbi əməliyyatlar "ucuz" və "qəzəbli başla alınan qərarlar" əsasında təşkil oluna bilməz. Qarabağda baş verən son hadisələr bunu bir daha təsdiqlədi. Hər nə qədər müharibənin gedişatına Türkiyə istehsalı olan pilotsuz uçuş aparatları (PUA-lar) mühüm töhfə versə də, Azərbaycanın qələbə qazanmasında bu dövlətin bütövlükdə hərbi təşkilat sistemi, o cümlədən, müdafiə sənayesi potensialı, silah ehtiyatları və logistik imkanları həlledici rol oynadı. Beləliklə, Qarabağ münaqişəsi Türkiyənin "Bayraktar TB2" dronlarının havada qazandığıı uğrurla yanaşı, erməni tərəfinin yerdəki müdafiəsinin zəif təşkilini də ortaya qoydu.

Dağlıq Qarabağda atəşkəsin əldə olunmasından sonra media məkanında müharibənin yekunları ilə bağlə bir sıra məqalələr yer aldı. Bu məqalələrdə əksini tapan fikirləri iki cümlə ilə ümumiləşdirmək mümkündür:

- Azərbaycan ona görə qalib gəldi ki, onun Türkiyə istehsalı olan PUA-ları var idi, Ermənistan isə belə texnikaya sahib deyildi.
- Rusiyanın ağır hava hücumundan müdafiə sistemləri müasir "dron döyüşlərində" qətiyyən işə yaramır.

Bu cür sadələşdirilmiş yanaşma mütəxəssislərin nisbətən mücərrəd hərbi-texniki bilikləri ilə yanaşı, erməni hərbi texnikasının və döyüş heyətinin məhv edildiyini göstərən kadrların çoxluğu ilə də izah olunur. Üstəlik, həm "Bayraktar", həm də Azərbaycan Ordusunun Qarabağdakı istifadə etdiyi digər PUA-lar tərəfindən lentə alınmış videolar düyüşlərin lap əvvəlindən etibarən düşmənə sarsıdıcı mənəvi zərbə vurmağı bacardı.

Ancaq hər bir halda, döyüş sahəsindəki canlı qüvvə və texnikanın məhv edilməsində reaktiv yaylım atəşi sislemləri (RYAS) və artilleriya hissələri daha mühüm rol oynayır və artilleriyanın döyüş gücü PUA-larla müqayisədə dəfələrlə çoxdur. Məsələn, Pentaqon uzun illərdən bəri Əfqanıstan səmalarına hakim olsa da, hələ də yerdəki Talibana qalib gələ bilmir.

Ermənistanın 60-ci illərdən qalma texnikası

Düzgün təşkil edilmiş hava hücumundan müdafiə sistemi qarşı tərəfin pilotsuz təyyarələrini zərərsizləşdirməyə qadirdir və radielektron kəşfiyyat vasitələri bir neçə saniyə ərzində hərbi sursatların döyüş nəzarət nöqtələrinin koordinatlarını əldə etməyə (atəşi susdurmaq üçün) imkan verir. Bununla belə, Qarabağda adda-budda yerləşdirilən erməni qoşunlarının vahid hava hücumundan müdafiə sistemlərinin etibarlı müdafiəni təşkil edə bilməməsi yalnız həmin sistemin "köhnəlmiş" xüsusiyyətləri ilə deyil, həm də təşkilati səviyyədə yol verilən nöqsanlarla izah olunmalıdır. Qeyd edək ki, Ermənistanın istifadə etdiyi "Strela-10" və "Osa-AKM" 1960-cı illərin hava hücumundan müdafiə sistemləri idi və bəzən səkkiz kilometr hündürlükdə "Bayraktar"ı belə zərərsizləşdirə bilmirdi. Daha müasir komplekslər olan "Tor-M2KM" (qısa mənzilli) və "Buk-M2E" (orta mənzilli) isə yalnız İrəvanı və Metsamor atom elektrik stansiyasının müdafiəsinə cəlb olunmuşdu.

Ermənistan tərəfinin daha bir problemi – kamuflyaj vasitələrinə etinasızlıqla bağlı idi, ayrı-ayrı obyektlər, sanki "Gəl məni vur" deyə bağırırdılar. Qeyd edək ki, qərargah çadırının birbaşa vurulması bir neçə döyüş vahidini idarəolunmaz vəziyyətə düşməsinə gətirib çıxara bilər ki, bu da döyüş meydanında yüzlərlə, hətta minlərlə əsgərin itirilməsinə bərabərdir.

Digər tərəfdən, 1990-cı illərdə qazanılan qələbə Qarabağda erməni ordusunun məğlubedilməzliyi barədə mif yaratmışdı. Araz çayından Murovdağ silsiləsinə qədər 100 kilometrlik cəbhə xəttində ermənilərin ciddi mühəndis qurğularının olmamasını yalnız bununla izah etmək mümkündür. Açıq səngərlər, atəş nöqtələri, ayrı-ayrı blindajlar – keçən əsrin əvvələrindən qalma istehkam nümunələridir.

Erməni tərəfi uzunmüddətli atəş nöqtələrinə (dəmir betondan hazırlanmış) və yeraltı rabitə şəbəkəsinə də qətiyyən əhəmiyyət verməyib, halbuki bunun üçün kifayət qədər – təxminən 30 il vaxtı var idi. Özü də bu iş çox böyük vəsait tələb etmir. Bu məqamda Suriyada minimum texniki imkanlarla uzun tunellər tikildiyini yada salmaq olar. Elə isə sual olunur: baş nazir Nikol Paşinyan nəyinə güvənərək "Qarabağ Ermənistandır" deyirdi? Yaxud müdafiə naziri David Tonayanın "Yeni müharibə vəziyyətində yeni ərazilər" konsepsiyası hansı hərbi gücə əsaslanırdı?

Dağlıq Qarabağda döyüşlərin yenidən qızışdığı 27 sentyabrda Ermənistanın hərbi potensialı Azərbaycan tərəfinin hərbi gücündən bir neçə dəfə aşağı idi.

Suriya və Liviya təcrübəsi

Rusya Hava Hücumundan Müdafiə sistemlərinin türk PUA-ları ilə müqayisə mövzusuna qayıtsaq, Suriya və Liviyanın hava məkanında "Tor-M2KM", "Buk-M2E" və "Sosna" Zenit Raket Komplekslərindən (ZRK) yüksək peşəkarlıqla istifadəsini yada salmaq lazımdır.

"Tor-M2KM" kompleksi atəş məsafəsi 15 km-ə qədər və tutub-saxlama hündürlüyü 10 km-ə qədər olan gizli hədəfləri (Elektron paramaqnit rezonansı 0,02 kvadrat metrə qədər olan) aşkar edib vurmaq qabiliyyətinə malik səkkiz raketlə təchiz edilib. Bu sistem eyni anda 48 hədəfi müəyyənləşdirə, 10 hədəfi izləyə və 4 hədəfi sıradan çıxara bilir.

"Buk-M2E" kompleksinin maksimum atəş məsafəsi 45 kilometrdir. Sistem 15 metrdən 25 kilometrə qədər hünüdürlükdəki hədəfi tutub-saxlaya bilir. 2,5 Maxa qədər sürətlə aerodinamik hədəfləri və 4 Maxa qədər sürətlə ballistik hədəfləri vurmağa qadirdir. Eyni anda 24 hədəfə (o cümlədən, Elektron Paramaqnit Rezonansı 0,05 kvadrat metrə qədər olan və çətinliklə seçilən obyektlərə) atəş aça bilir.

"Sosna" zenit-raket kompleksi qanadlı raketləri və pilotsuz təyyarələri 12 km-ə qədər məsafədə görür. Ttəminatlı məğlubiyyət zonası: mənzili – 1,3-10 km, hündürlüyü – 2 metrdən 5 km-ə qədərdir. Atəşin idarə olunması sistemi optik-elektronikdir və kompleks özünü hər hansı bir radiasiya ilə büruzə vermir. ZRK günün istənilən vaxtında, istənilən havada, heyət üzvlərinin iştirakı olmadan avtomatik rejimdə işləyə bilir.

Sülhməramlı əməliyyat çərçivəsində Rusiya radielektron müharibəsində ən yeni kompleks hesab olunan "Leer-3" sistemini Dağlıq Qarabağa göndərib. Bu sistemin əsas vəzifəsi 3G və 4G şəbəkələrinin GSM mobil siqnallarını kəsməkdir. Kompleks bir KaMaz avtomobili və 120 kilometr radiusa malik iki-üç "Orlan"-10 PUA-sından ibarətdir. Pilotsuz uçuş aparatı telefonları, planşetləri aşkarlaya, kəşfiyyat apara, məlumatı rəqəmsal xəritəyə qeyd edərək atəş açılması üçün artilleriya qruplarına ötürə bilir.

Qarabağ münaqişəsi həll edilmədi, yenidən donduruldu, bu isə o deməkdir ki, müasir kəşfiyyat və hava hücumundan müdafiə sistemləri əhəmiyyətini qətiyyən itirməyib.

0