Kənd, arxiv şəkli

Körpüqıran, yoxsa Körpüquran Onlar dağıdan yox, yaradan olmaq istəyirlər

1040
(Yenilənib 11:57 26.01.2020)
İndi o kənddə nə arx var, nə də körpü. Amma adı dəfələrlə dəyişmiş kəndin adı yerli sakinlərdə xoş ovqat yaratmır

Musa Muradlı, Sputnik Azərbaycan

BAKI, 26 yanvar — Sputnik. Bir çox yaşayış məntəqələrinin adı kimi Bərdənin Körpüqıran kəndinin adı da sonradan dəyişdirilərək Körpüsındıran adlandırılıb. Amma nə hikmətdirsə, nə birinci, nə də ikinci ad yerli sakinlərin xoşuna gəlmir.

Körpüqıranla Körpüsındıranın elə də fərqli olmadığını düşünərək ad barədə yerli sakinlərin fikrini öyrənmək istədik. Kənd bələdiyyəsinin sədri Vidadi Əsədov kəndin adı barədə deyilənləri Sputnik Azərbaycan-a bölüşüb.

“Körpüsındıran kəndinin məskunlaşma tarixi 1850-ci illərə gedib çıxır. Kəndlə Tərtər rayonunun Hacallı kəndi arasında böyük bir arx varmış. Arxı keçmək üçün palıd ağacından yonulmuş taxta qoyaraq körpü kimi istifadə edirmişlər. Uzun müddət istifadə olunan körpü çürüdüyündən sınıb. Ondan sonra kəndin adı körpüsü sınıq, körpüsü qırıq qalıb. Adamlar bu kənddən keçib Tərtərin kəndlərinə yetişəndə “haradan gəlirsiniz” sualına “körpüsü qırıq kənddən” cavabı verirlərmiş. Beləliklə kəndin adı Körpüqıran qalıb. İndi kənddə nə həmin arx, nə də körpü var Tədricən toponimə çevrildiyindən kəndin adına hal-hazırda  Körpüsındıran deyilir” – deyə ixtisasca coğrafiya müəllimi olan V. Əsədov bildirib.

© Sputnik / Musa Muradli
Bərdənin Körpüqıran kəndinin adı sonradan dəyişdirilərək Körpüsındıran adlandırılıb

Həmsöhbətimiz kənddən keçən arxın tarixinə də aydınlıq gətirib: “Bizim bildiyimizə görə, vaxtilə Bərdənin Boyəhmədli kəndində Mamoy adlı imkanlı bir nəfər olub. O, Boyəhmədli kəndinə Tərtər çayından su aparmaq üçün arx çəkmək qərarına gəlib. Tərtər çayından su götürmək üçün ən münasib yer bizim kəndin yanı olub. Mamoy bəyin hesablamalarına görə, arxın bu nöqtədən başlaması suyu Boyəhmədliyə qədər çatdıra bilərdi. İşçi, usta tutub nazik arx qazdırıb. Amma arxın axma meylliliyi yüksək olduğundan, sonralar su torpağı yumaqla, məcrasını genişləndirib”.

Kəndin adı müəyyən dövrlərdə gah Körpüqıran, gah da Körpüsındıran adlandırılıb. Kəndə gələn əhali də ayrı-ayrı bölgələrdəndir.

“1950-ci illərdə kənd sakinlərinə verilən pasportlarda ünvan Körpüqıran yazılırmış. 1970-ci ildən isə kəndin adı dəyişdirilərək Körpüsındıran ediblər. Kənd sakinləri yerlidən, Şuşadan gəlmiş zarıstlılardan (Zarıstlı kəndinin adına uyğun belə adlanırlar) və Cənubi Azərbaycandan gələnlərdən ibarətdir. Türkmənçay müqaviləsindən sonra yollar bağlandığından, bu tərəfdə olanlar geri qayıda bilməyiblər. Bir çox ailə əvvəlcə Ağcabədi rayonunun Sarıcalı kəndində, sonra isə Bərdənin Körpüsındıran kəndində gəlib, burada yaşamalı olublar. Bu ailələrdən biri də mənim kökümdür. Stalin dövründə onlar repressiya qurbanı olublar. Hökumət adamları gəlib soruşublar ki, İrana getmək istəyirsinizmi? Bəziləri yox desələr də babamgil getmək istədiklərini bildiriblər. İrana köçürmək adı ilə onları yük vaqonlarına mindirərək aparıb, Qazaxıstanın boz çöllərinə töküblər. Orada bir müddət yaşayan babam hələ Stalinin sağlığında ikən qaçaq kimi yenidən kəndimizə qayıdıb. Körpüsındıranda bir nəsil də var ki, onlarında əsli, kökü Laçın rayonunun Qızılca kəndinə gedib çıxır. İndi kənddə bizim nəsildən olanlara iranlılar, Laçın və Şuşadan gələnlərə kürdlər, qalanlara da qarabağlılar deyirlər” – bələdiyyə sədri tarixə səyahət edir.

© Sputnik / Musa Muradli
1950-ci illərdə kənd sakinlərinə verilən pasportlarda ünvan Körpüqıran yazılırmış

Vidadi Əsədov yaşadığı kəndin adı barədə şəxsi mülahizəsini bölüşərkən qıran, sındıran sözlərinin dağıdıcılıq mənası verdiyini bildirib. Onun sözünə görə, elə çıxır ki, sanki bu kəndin adamları qurucu yox, dağıdıcıdırlar. O, deyir ki, kənd sakinləri də kəndin adının dəyişdirilməsi arzusundadırlar. Onlar kəndin adının daha çox özündə uğuru, quruculuğu əks etdirən Körpüquran, ya da Körpüsalanla əvəz edilməsini istəyirlər.

1040
Qarabağ - Legiya matçı

Türkiyə "Qarabağ"a qucaq açdı

25
(Yenilənib 20:24 22.10.2020)
Qardaş ölkə təmsilçiləri klubumuzun məktubuna "Stadionumuz hər zaman "Qarabağ"ın xidmətindədir" cavabını göndərib

BAKI, 22 oktyabr - Sputnik. Avropa Liqasının qrup mərhələsində Azərbaycan çempionu "Qarabağ"ın İspaniyanın "Vilyarreal" komandası ilə qarşılaşacağı meydan bəlli olub.

Sputnik Azərbaycan bildirir ki, bu barədə "Qarabağ" klubunun yaydığı açıqlamada deyilir.

Vurğulanır ki, hazırda ölkəmizin bütün cəbhəboyu əks-hücum əməliyyatları uğurla davam edir və ölkəmizdə hərbi vəziyyət elan edilib. İki gün öncə UEFA İcraiyyə Komitəsi ölkəmizdə vəziyyəti nəzərə alaraq, "Qarabağ"ımızın qrup mərhələsində ilk ev oyununu neytral meydanda keçirilməsi ilə bağlı qərar qəbul edib. Və "Vilyarreal"la matçının hansı ölkədə keçirilməsi ilə bağlı UEFA tərəfindən bir neçə ölkə klubumuza təqdim edilmişdir.

"Lakin həmin ölkələrdə klubumuzun təhlükəsizliyi, klubumuza qarşı hər hansı bir təxribat olması ehtimalı və digər məsələləri nəzərə alan klubumuz tərəfindən anında UEFA-ya məlumat verilib və "Vilyarreal"la matçın hər zaman öz dəstəyi ilə yanımızda olan Türkiyədə keçirilməsi üçün tutarlı əsaslarla müraciət göndərilib və bu müraciət UEFA tərəfindən müsbət qarşılanıb.

Ali futbol qurumunun tələbi ilə qarşılaşma bu mövsüm avrokuboklarda ev sahibliyi etmiş stadionda keçirilməlidir. Bununla bağlı qardaş Türkiyə təmsilçilərinə klubumuz tərəfindən məktub ünvanlanıb. Və qardaş ölkə təmsilçiləri klubumuzun məktubuna "Stadionumuz hər zaman "Qarabağ"ın xidmətindədir" cavabını göndərib. Başda "Qalatasaray" olmaqla, öz dəstəyini əsirgəməyən qardaş ölkə təmsilçilərinə təşəkkür edirik.

Hazırda Çempionlar Liqasının qrup mərhələsində iştirak edən "İstanbul Başakşehir" klubunun stadionu isə texniki cəhətdən UEFA-nın tam təmin olunduğuna görə "Qarabağ"ımız "Vilyarreal"la ev matçını məhz "Başakşehir"in Fatih Terim adına stadionunda keçirəcək", - açıqlamada deyilir.

"Qarabağ" Futbol Klubu "Başakşehir" klubuna könüldən göstərdiyi dəstəyə görə təşəkkürünü bildirib.

25
Teqlər:
Türkiyə, qrup mərhələsi, Avropa Liqası, "Qarabağ" FK, futbol
Əlaqədar
Qurban Qurbanov: “Fikrimiz Azərbaycan əsgərlərinin yanındadır”
"Qarabağ" qardaş Türkiyəni seçdi
Yaşıl sahənin adamı: "Gün gələcək, Şuşada Avropa çempionatı keçirəcəyik"
Dünya futbolunun türk ulduzu Azərbaycana dəstəyini ifadə etdi
UEFA rəhbəri: "Ümid edirəm ki, Qarabağdakı münaqişə tezliklə sülh yolu ilə həll ediləcək"
 “TOÇKA-U” raketinin buraxılışı, arxiv şəkli

Beynəlxalq təşkilatlar rayonlarımızın raket atəşinə tutulması barədə məlumatlandırılıb

13
Ermənistan ərazilərindən döyüş əməliyyatları zonasından aralıda yerləşən Qəbələ, Kürdəmir və Siyəzən rayonlarında yaşayan dinc əhalinin və mülki infrastrukturun raket zərbələrinə məruz qalması diqqətə çatdırılıb

BAKI, 22 oktyabr - Sputnik. Müdafiə Nazirliyinin Beynəlxalq Hərbi Əməkdaşlıq İdarəsinin rəisi general-mayor Hüseyn Mahmudov tərəfindən ölkəmizdə akkreditə olunmuş xarici hərbi attaşelər və beynəlxalq təşkilatların ölkəmizdəki nümayəndələri üçün bu gün növbəti brifinq verilib.
Sputnik Azərbaycan-a Müdafiə Nazirliyindən daxil olan məlumata görə, brifinqdə qonaqlara Ermənistan Respublikasının münaqişədə birbaşa iştirakı, Ermənistan ərazilərindən döyüş əməliyyatları zonasından aralıda yerləşən Qəbələ, Kürdəmir və Siyəzən rayonlarında yaşayan dinc əhalinin və mülki infrastrukturun raket zərbələrinə məruz qalması, eləcə də humanitar atəşkəs razılığına əməl etməyərək açıq şəkildə onu pozması haqqında ətraflı məlumat verilib.
Əlavə olaraq, işğaldan azad olunmuş Cəbrayıl, Füzuli və Zəngilan rayonlarının ərazilərində olan inzibati yaşayış mərkəzlərinin, tarixi-memarlıq və dini abidələrinin dağıdılması və talan edilməsi, eləcə də döyüş texnikasının tibbi təyinatlı texnika adı altında döyüşlərdə istifadə edilməsi barədə də məlumat diqqətə çatdırılıb.

13
Teqlər:
Azərbaycan Müdafiə Nazirliyi, Siyəzən, Kürdəmir, Qəbələ, raket zərbələri, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
İsrail səfiri Gəncədə: “Qurbanların başına gələnləri dinləmək ürəyimi ağrıdır”
Qəbələnin atəşə tutulması nəticəsində bir nəfər xəsarət alıb
Prezidentin köməkçisi: "Qəbələyə raketlər Qafan və Cermuk bölgələrindən atılıb"
Hikmət Hacıyev Ermənistanın Qəbələ, Kürdəmir və Siyəzənə raket atəşi barədə
Ermənistan ərazisindən Siyəzən, Qəbələ və Kürdəmir raket atəşinə tutulub

Putindən Ərdoğanla bağlı xoş sözlər: "Belə etibarlı tərəfdaşla işləmək xoşdur"

0
Rusiya lideri: "Türkiyə prezidenti Ərdoğan müstəqil siyasət yürüdür: Qərara aldı ki, ölkəsinə müasir HHM sistemi lazımdır, dedi və S-400 aldı".

BAKI, 22 oktyabr - Sputnik. "Türkiyə prezidenti Ərdoğan müstəqil siyasət yürüdür: Qərara aldı ki, ölkəsinə müasir HHM sistemi lazımdır, dedi və S-400 aldı. Belə etibarlı tərəfdaşla işləmək xoşdur".

Sputnik Azərbaycan-ın məlumatına görə, bu sözləri Rusiya prezidenti Putin Valday klubunda onlayn çıxışı zamanı deyib.

"Ərdoğan dedi biz bunu reallaşdıracağıq, biz də elədik. Digər sahələrdə əməkdaşlıq edirik. Mən bilirəm ki, Ərdoğan müstəqil xarici siyasət yürüdür. Bütün təzyiqlərə baxmayaraq, biz onunla çox qısa zamanda “Türk axını” layihəsini reallaşdırdıq. Amma Avropa ilə indiyə qədər bunu edə bilmirik, illərdir mövzu çeynənir. Avropa elementar müstəqillik və suveren iradə göstərib ona xeyir gətirəcək "Şimal axını-2" layihəsini reallaşdıra bilmir. Biz öz milli maraqlarımızı başa düşərək Türkiyə ilə bunu tez bir vaxtda elədik", - deyə Putin vurğulayıb.

0
Əlaqədar
Putin: "Azərbaycan ərazilərinin itirilməsi vəziyyəti sonsuzadək davam edə bilməz"
Rusiya prezidenti: Minsk qrupu formatını bir az dəyişmək olar
Putin ümid edir ki, ABŞ Dağlıq Qarabağ münaqişəsinin nizamlanmasına kömək edəcək