Xırdalan qəbiristanlığı sökülür? Bakı-Sumqayıt yolundan REPORTAJ

971
"Belə olarsa, burada xeyli sayda məzar yeri köçürüləcək. Yolun kənar hissəsinə düşən məzarlıqlar arasında məşhur şəxslərin də qəbirləri var"

Zülfiyyə Quluyeva, İradə Cəlil, Sputnik Azərbaycan

BAKI, 22 yanvar — Sputnik. Bakı-Sumqayıt yolunda genişləndirmə işləri ilə əlaqədar yol kənarındakı küknar ağacları kökündən çıxarılır.

Azərbaycan Avtomobil Yolları Dövlət Agentliyinin (AYDA) əməkdaşları Sputnik Azərbaycan-a bildiriblər ki, yolun genişləndiriləcək hissəsinə düşən 80-ə yaxın ağac kökündən çıxarılır. İşçilər məlumat veriblər ki, ağaclar çıxardılaraq bir qədər qarşıda, yoldan kənar hissələrə əkilir.

© Sputnik / Irade JELIL
Bakı-Sumqayıt yolunda genişləndirmə işləri

Qeyd edək ki, Bakı-Sumqayıt yolunda süni təpəciklər də dağıdılır. Yolda hərəkətə mane olmamaq şərtilə söküntü işləri davam etdirilir. Hadisə yerində olarkən yolun genişləndirilməsi işləri çərçivəsində "Xırdalan qəbiristanlığı"nda da məzarların bir hissəsinin söküləcəyi barədə məlumat əldə etdik. Qəbiristanlığın nəzarətçiləri Sputnik Azərbaycan-a bildiriblər ki, ərazinin 6 metr hissəsinin yolun genişləndiriləcək hissəsinə düşdüyü barədə onlarda da məlumat var. Lakin nəzarətçilər bu xəbərin dəqiq olub-olmadığını bilmədiklərini söylədilər: "Belə olarsa, burada xeyli sayda məzar yeri köçürüləcək. Yolun kənar hissəsinə düşən məzarlıqlar arasında məşhur şəxslərin də qəbirləri var".

Xırdalan qəbiristanlığı yaxınlığında, Sumqayıt-Bakı istiqamətində yolun mühafizə zolağına da xeyli sayda yaşayış və qeyri-yaşayış obyektləri düşür. Sakinlər hələ ki evlərin söküləcəyi barədə onlara rəsmi məlumat verilmədiyini söylədilər.

© Sputnik / Irade JELIL
Xırdalan qəbiristanlığı

"Azərbaycan Avtomobil Yolları" Dövlət Agentliyinin İctimaiyyətlə Əlaqələr şöbəsinin rəhbəri Anar Nəcəfli Sputnik Azərbaycan-a açıqlamasında bildirib ki, Bakı-Sumqayıt yolunun 17,5 km hissəsində, Xırdalan dairəsi və dairədən sonrakı hissədə yol genişləndirilir: "Görülən işlər çərçivəsində yol kənarındakı süni təpələr dağıdılır, körpülərin alt hissəsi genişləndirilir, yolun genişləndirilən hissəsinə düşən yaşayış və qeyri-yaşayış evlərinin kompensasiya ödənilməklə köçürülməsi işləri həyata keçirilir. O cümlədən müvafiq ekspertiza rəyi əsasında yaşıllıq zolaqlarının köçürülməsi işləri aparılır. Çıxardılan ağaclar yaxınlıqdakı boş ərazilərə və avtomobil yollarının mühafizə zolağındakı boş sahələrə köçürülür".

  • Xırdalan qəbiristanlığı
    © Sputnik / Irade JELIL
  • Xırdalan qəbiristanlığı
    © Sputnik / Irade JELIL
  • Bakı-Sumqayıt yolunda genişləndirmə işləri
    © Sputnik / Irade JELIL
  • Bakı-Sumqayıt yolunda genişləndirmə işləri
    © Sputnik / Irade JELIL
  • Bakı-Sumqayıt yolunda genişləndirmə işləri
    © Sputnik / Irade JELIL
1 / 5
© Sputnik / Irade JELIL
Xırdalan qəbiristanlığı

A.Nəcəfli Bakı-Rusiya yolunda aparılan genişləndirmə işlərinin bu ilin may ayının sonunadək başa çatdırılmasının nəzərdə tutulduğunu da söyləyib. O bildirib ki, Xırdalan, Biləcəri, Binəqədi istiqamətində nəqliyyat vasitələrinin axınının tənzimlənməsi, butulka effektinin aradan qaldırılması istiqamətində də işlər görüləcək. Qurum sözçüsü deyir ki, bundan sonra, növbəti mərhələdə Bakının giriş hissəsində - "Şamaxinka" adlanan yolda da tıxacın aradan qaldırılması istiqamətində işlərə başlanılacaq: "Bu istiqamətdə müəyyən layihələr var ki, onların icrası bizim tərəfimizdən həyata keçiriləcək".

A.Nəcəfli "Xırdalan qəbiristanlığı"nda yolun kənarına düşən hissədə məzar yerlərinin köçürülməsi barədə məlumatların yanlış olduğunu deyib. O bildirib ki, qəbiristanlıqda nəinki məzarların köçürülməsi, divarının belə sökülməsi nəzərdə tutulmur.

971
Əlaqədar
Yeni Yasamalda yeni yol bağlantısı yaradılır
Xırdalan sakinlərinin iki zülmü bitdi
Bakıda tıxac olmasın deyə tunellərdən biri genişləndiriləcək
Bakı-Sumqayıt yolunda təpəciklər dağıdılır

Şəhid general-mayorla doğulduğu Qəbələdə izdihamlı vida

438
Azərbaycan-Ermənistan dövlət sərhədinin Tovuz rayonu istiqamətində gedən döyüşlərdə şəhid olan qəhrəman hərbçimiz, general-mayor Həşimov Poladın nəşi doğulduğu Qəbələnin Vəndam kəndinə gətirilib.

General-mayor Həşimov Polad İsrayıl oğlu qəhrəmanca şəhid olub. Onun nəşi doğulduğu Qəbələnin Vəndam kəndinə gətirilib. Məmləkətinə onunla vidalaşmaq imkanı yaradılıb.

Qeyd edək ki, şəhidimiz sabah paytaxtdakı İkinci Fəxri Xiyabanda son mənzilə yola salınacaq.

İyulun 12-də Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz istiqamətində mövqelərimizi ələ keçirmək məqsədilə artilleriya atəşindən istifadə edərək hücuma keçməyə cəhd göstərib.

Düşmən hücumunun qarşısını alarkən döyüşdə Azərbaycan Ordusunun  hərbi qulluqçuları çavuş Sadıqov Vüqar Lətif oğlu, baş əsgər Məmmədov Elşad Dönməz oğlu, baş leytenant Mahmudov Rəşad Rəşid oğlu, hərbi qulluqçumuz əsgər Daşdəmirov Xəyyam Məhəmməd oğlu, bu gün isə döyüş zamanı müdafiənin ön xəttində olan general-mayor Həşimov Polad İsrayıl oğlu, polkovnik Mirzəyev İlqar Anzor oğlu, mayor Əhmədov Namiq Hajan oğlu, mayor Novruzov Anar Gülverdi oğlu, gizir Zeynallı İlqar Ayaz oğlu, gizir Babayev Yaşar Vasif oğlu və müddətdən artıq həqiqi xidmət hərbi qulluqçusu, əsgər Mustafazadə Elçin Arif oğlu şəhid olub.

438
Buzovnada çimərlik, arxiv şəkli

Bəla gələndə tək gəlmir: Payızı gözləyək, vəziyyət bir az da pisləşə bilər

282
Psixoloq bildirir ki, karantin qaydalarının davam etməsi, yeni vərdişlərin formalaşması insanlarda müəyyən narahatlıqlar yaradıb.

Nigar İsgəndərova, Sputnik Azərbaycan

BAKI, 14 iyul — Sputnik. Hər il mövsümi olaraq payız aylarında insanlar müəyyən depressiya yaşayırlar. Mütəxəssislər bunu “payız depressiyası” adlandırırlar. Kimdəsə bu depressiya özünü daha sərt, kimdəsə daha yumşaq formada biruzə verir.

Bu ilin payızında isə depressiyanın daha kəskin olacağı proqnozlaşdırılır. Bunun da əsas səbəbi məhz sərt karantin qaydaları, insanları yayda belə, dincəlmədən evdə keçirməsi, qayğılarının daha da artması ilə izah olunur.

Mövcud pandemiya şəraitinin payızda depressiyaya səbəb olmaması nə edilməlidir?

Psixoloq Elnur Rüstəmov Sputnik Azərbaycan-a açıqlamasında deyib ki, bu, daha çox payızda karantin rejiminin hansı formada davam etməsindən asılı olacaq: "Ona görə də hələlik bununla bağlı proqnoz vermək, payızda depressiya artacaq demək tələskənlik olardı. Çünki sentyabrda dərslərin açılması, bundan sonra iş yerlərinin də qismən bərpası insanların əhval-ruhiyyəsinə müsbət təsir göstərə bilər. Buna görə də, düşünürəm ki, biz hələlik payıza yox, bu günə hazırlaşsaq daha yaxşı nəticələr əldə etmiş olarıq. Yəni, karantin qaydalarına əməl etsək, qaydaları pozmasaq, maska taxıb sosial məsafəni gözləsək, gigiyenik qaydalara əməl etsək, bütün bunlar da karantin rejiminin yumşalmasına köklənə bilər".

"Biz bu il nə yazı, nə də yayı normal hiss etdik. Lakin mövcud vəziyyət payızda da davam edərsə, bu bir çox psixoloji problemlərin yaranmasına rəvac verə bilər. Psixoloji problem dedikdə, yalnız depressiya nəzərdə tutulmamalıdır. Bura təşviş, aqressiya və bir çox psixoloji problemləri də əlavə edə bilərik. Karantin qaydalarının davam etməsi, yeni vərdişlərin formalaşması onsuz da insanlarda müəyyən narahatlıqlar yaradıb. Çünki ötən ilin yayı ilə bu ilin yayını müqayisə etdikdə həyatımızda nə qədər dəyişikliklərin olduğunu görə bilərik. Ötən il insanların hamısı dincəlmək üçün harasa üz tutmasalar da,  ən azı istədikləri vaxtda evdən çıxa bilirdilər. İnsanlar rahatlıqla həyətə düşə, parka gedə bilirdilər. İnsanların bir azadlıqları var idi, bu gün isə o azadlıq məhdudlaşdırılıb", - deyə psixoloq əlavə edib.

O bildirib ki, insanlar asanlıqla yeni davranış modelinə uyğunlaşmış olsaydılar, bəlkə də karantin qaydaları bu qədər sərt olmazdı: "Bir toplum olaraq yeni davranış modelini bu rejimdə qəbul etməkdə çətinlik çəkdik. Çünki biz əl verib görüşməyə, sosial məsafə gözləməməyə öyrəşmişdik. Düşünürəm ki, bu gün hökumət payızdan daha çox bu günə köklənib yoluxanların sayının azalması, sağalanların sayının artmasına nail olmağı hədəfləyib. Yəni, bu gün hökumət payızdan daha əvvəl iyul və avqustda vəziyyəti nəzarətə almağı hədəfləyib".

282