Badamdarda süşürmə zonasındakı evlər, arxiv şəkli

Həm vətəndaş itirib, həm dövlət Amma artıq qarşısı alınacaq

1110
(Yenilənib 15:28 17.01.2020)
Ekspert deyir ki, təhlükəli ərazilərdə yaşayanların daha təhlükəsiz ərazilərə köçürülməsi və ya kompensasiya qarşılığında evlərini tərk etməsi dövlətə ağlasığmaz məbləğə başa gələcək

İradə Cəlilova, Sputnik Azərbaycan

BAKI, 17 yanvar — Sputnik. Bir neçə gün öncə Nazirlər Kabineti "Ərazi Tikinti-Planlaşdırma Mərkəzinin göstərdiyi xidmətlərə görə ödənilən xidmət haqqı məbləğləri"ni təsdiq edib. Belə ki, Ərazi Tikinti-Planlaşdırma Mərkəzinin göstərdiyi xidmətlərə görə, sifarişçinin sorğusu ilə Bakı şəhərinin ərazisində aparılacaq tikintinin icazə verilən parametrlərinin verilməsi, sorğuya əlavə olunan hüquqmüəyyənedici sənəddə (sənədin surətində) göstərilən torpaq sahəsinin hüdudları daxilində sifarişçinin müəyyən etdiyi tikinti ərazisinin sahəsi 500 m2 -dək olduqda 1000,0 manat, sorğuya əlavə olunan hüquqmüəyyənedici sənəddə (sənədin surətində) göstərilən torpaq sahəsinin hüdudları daxilində sifarişçinin müəyyən etdiyi tikinti ərazisinin sahəsi 500 m2 -dən çox olduqda (1000,0 + 500 m2 - dən çox olan hər metr kvadrat üçün 2,0 (yuxarı məbləği 3000,0 manatdan çox olmamaqla) olacaq.

Təsdiq üçün təqdim edilmiş şəhərsalma əsaslandırılması sənədlərinin yoxlanılması zamanı tikinti ərazisinin ölçüləri 1000 kvadratmetrədək olduqda 1 ədəd layihə üçün 3 min manat, bu ölçülər 1000 kvadratmetrdən çox olduqda isə əlavə hər kvadratmetr üçün 2 manat ödənilir. Sadalanan xidmət haqlarının ödənişi zamanı güzəşt edilən obyektlər də var.

Qeyd edək ki, maksimum ödəniş fərdi evlərdə 15 min, çoxmənzilli binalarda isə 450 min manatı keçməməlidir.

Onu da xatırladaq ki, bu məbləğlər Bakının mərkəzi və mərkəzə yaxın əraziləri üçündür. Daha kənar ərazilərdə məbləğlər daha aşağı olacaq.

Əmlak məsələləri üzrə ekspert Elnur Fərzəliyev Sputnik Azərbaycan-a açıqlamasında bildirib ki, ölkədə 1 milyona yaxın sənədsiz-çıxarışsız mənzillər var. Ekspertin fikrincə, mənzillər inşa edilən zaman bir neçə qurum və təşkilatların bu tikintidən xəbəri olur.

"Əksər hallarda tikintiyə icazə verilərkən rəsmi icazə sənədi verilmədiyindən vətəndaşlar tikinti işlərini bitirdikdən sonra həmin əmlaklarını sənədləşdirməyə görə ciddi problemlərlə üzləşirlər. Və bu hal ciddi korrupsiya hallarına yol açır. Artıq hər bir vətəndaş fərdi həyət evi və digər tikinti işləri inşa edən zaman aidiyyəti olmayan vəzifəli şəxslərə deyil, birbaşa dövlət qurumuna ödəniş edərək icazə və layihə işlərini əldə edə biləcək", – deyə ekspert vurğulayıb.

Onun sözlərinə görə, verilmiş layihə üzrə inşa ediləcək əmlakın mövcudluğu ilə bağlı dövlət şəhərsalma və arxitektura idarəsi məlumatlı olacaq və tikinti işləri bitdikdən sonra mülk sahibi öz çıxarışını əldə edə biləcək.

E.Fərzəliyev qeyd edib ki, bu günə qədər sənədsiz tikintilərin qeyri-rəsmi icazələrini almaq vətəndaşlara çox baha başa gəlib. Lakin bu gün dövlət şəhərsalma və arxitektura idarəsinin tətbiq etdiyi rəsmi və qanuni rüsum qeyri-qanuni ödənişlərdən ən azı 4-5 dəfə aşağıdır.

"Tikintilərə icazənin bir qurum tərəfindən verilməsi həm də o deməkdir ki, daha tikintilərin qadağan olunduğu qeyri-qanuni yerlərdə tikinti işləri aparılmayacaq. Bu gün sayı minlərlə olan yaşayış evləri var ki, vulkanik, sürüşməyə meylli ərazilərdə, neft buruqlarının arasında, qaz və elektrik xətlərinin ən yaxın məsafəsində tikilib", – deyə Fərzəliyev bildirib.

Ekspert hesab edir ki, belə ərazilərdə inşa olunmuş mənzillərin özəlləşməsi qanunla mümkün deyil. Və belə qeyri-qanuni icazələrin verilməsi həm həmin ərazidə mənzil tikmiş sakinləri mülkiyyət hüququndan, həm də dövləti çox böyük gəlirlərdən məhrum edib.

"Təbii ki, zamanla həmin ərazilərdə məskunlaşmış sakinlər təhlükəsiz ərazilərə köçürüləcək və yaxud onlar kompensasiya qarşılığında öz mənzillərini tərk edəcəklər. Bunun dövlətə hansı məbləğ bahasına başa gəlməsinə gəldikdə isə rəqəm ağlasığmaz dərəcədə yüksək olacaq", – deyə E.Fərzəliyev qeyd edib.

1110

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

13
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

13
Məktəbdə dərs prosesi, arxiv şəkli

Ümumi təhsil pilləsi nələri əhatə edəcək?

7
(Yenilənib 23:41 25.11.2020)
Ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

BAKI, 25 noyabr — Sputnik. Azərbaycan Respublikasında ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

Sputnik Azərbaycan-ın məlumatına görə, bu, Prezident İlham Əliyev tərəfindən bu gün təsdiqlənən "Təhsil haqqında" qanuna dəyişiklik edilməsi barədə qanunda əksini tapıb.

Qanuna əsasən, Ümumtəhsil məktəbi ibtidai, ümumi orta və tam orta məktəb formasında ayrı-ayrılıqda da təşkil oluna bilər.

Həmçinin, qanunda göstərilib ki, İbtidai təhsilin məqsədi təhsilalanlara oxu, yazı və hesablama bacarıqları, vətənpərvərlik və Azərbaycan xalqının dəyərlərinə, dövlət rəmzlərinə hörmət hissi aşılamaq, onlarda insan, cəmiyyət və təbiət haqqında ilkin biliklər, şəxsiyyətin formalaşdırılmasına yönəlmiş həyati bacarıqlar, sadə əmək vərdişləri, məntiqi təfəkkür elementləri, bədii-estetik keyfiyyətlər və digər xüsusiyyətlər formalaşdırmaqdan ibarətdir.

Eyni zamanda ümumi orta təhsilin məqsədi təhsilalanlarda nitq, yazı və ünsiyyət mədəniyyətinin, sağlam həyat tərzinin formalaşdırılmasını, onların dövlətə və dövlətçiliyə, Azərbaycan xalqının dəyərlərinə və ümumbəşəri dəyərlərə sədaqət ruhunda tərbiyə olunmasını, insan hüquq və azadlıqlarına hörmətlə yanaşmasını, idrak fəallığının və məntiqi təfəkkürünün inkişafını, müvafiq təhsil proqramı üzrə əldə etdiyi bilikləri tətbiq etmək, müasir informasiya-kommunikasiya texnologiyalarından istifadə etmək, cəmiyyətdə baş verən hadisələri dəyərləndirmək, öz gələcək həyat yolunu və fəaliyyət istiqamətlərini müəyyənləşdirmək, müstəqil öyrənmə və qərar qəbuletmə bacarığını, peşə seçiminə və əmək fəaliyyətinə hazırlığını təmin etməkdən ibarətdir.

7