Tay masajı

Bakıda tay masajı: əvvəl bildiklərinizi unudun - REPORTAJ

1392
(Yenilənib 13:34 03.02.2020)
Azərbaycanlılar daha çox yağlarla masaj olunmağı sevirlər. Amma əsl tay masajının elə növləri var ki...

Nigar İsgəndərova, Sputnik Azərbaycan

BAKI, 12 yanvar — Sputnik. Tay masajı bir neçə gün öncə UNESCO-nun Milli Mədəni İrs Siyahısına daxil edilib.

Nöqtəvi təsirə üstünlüyün verildiyi bu qədim terapiya növündən bir çox müasirimiz bəh-bəhlə yararlanır. Özünüz fikirləşin - heç nəyə vaxtın çatmadığı, gərginlik, streslə dolu texnologiyalar zəmanəsində yuxun da pozulur, əsəblərin də, immunitetin də. Bu cür problemlərdən, xüsusilə müxtəlif ağrılardan qurtulmaqda tay masajı əvəzsizdir.

Adından bəlli olduğu kimi, masaj növü Hindistanda yaransa da, Tailandda məşhurlanıb. Onu bu ölkənin çarlarından birinin şəxsi həkimi olan, təxminən 2 min il əvvəl yaşamış Jivak Kumar Bxaşinin adı ilə bağlayırlar. Əvvəllər bu terapiya növündən ancaq seçilmişlər istifadə edərdilər. İndi isə hətta Azərbaycanda da tay masajı var.

Əslində, bu masajla məşğul olan azsaylı peşəkarlar arasında yerli mütəxəssislər üstünlük təşkil etsə də, ölkəmizdə sırf tailandlı xanımlar da masaj xidməti göstərirlər. Tapdığımız yeganə belə ev "28 May" metro stansiyasının yaxınlığında yerləşir və beş ildir ki, fəaliyyət göstərir.

© Sputnik / Nigar Iskanderova
Ninauvarat xanım

Mərkəzin rəhbəri Emin Babayev Sputnik Azərbaycan-a qurduğu kiçik biznes haqda məlumat verir: "Bir gün işdən çıxmaq qərarına gəldim. Düşündüm ki, artıq biznesimi qurmağın zamanı gəlib. Amma nə edim ki, fərqli və cəlbedici olsun, deyə fikirləşdim. Sankt-Peterburqda olarkən tay masaj evlərinin birində olmuşdum, oranı çox bəyənmişdim. Düşündüm ki, elə Azərbaycanda da tay masaj evini açım. Artıq bu iş bizim kiçik ailə biznesimizə çevrilib".

"Hazırda burada dörd tailandlı xanım işləyir. Daha iki tailandlı mütəxəssis üçün rəsmi icazə almaqda isə bir çox problemlə qarşılaşırıq. Dövlət Miqrasiya Xidmətindən bildirilir ki, yerli əmək ehtiyatları hesabına bu boşluğu doldurmaq mümkündür. Amma ötən il bənzər problem yarandıqda mən DMX-nın rəisi Vüsal Hüseynovun qəbulunda oldum, fikirlərimi bölüşdüm və bildirdim ki, spesifik masaj növü olduğu üçün burada tay xanımların çalışması şərtdir. Bundan sonra mənim üçün maneələr aradan qalxdı. Hazırda bəzilərinin müqavilə müddəti başa çatdığı üçün yenidən eyni problemi yaşayırıq".

© Sputnik / Nigar Iskanderova
Tay masajı UNESCO-nun Milli Mədəni İrs Siyahısına daxil edilib

Masajçı xanımlarla tanış oluruq.

Adətən, masaj salonu dedikdə ağla başqa yerlər gəlsə də, bura tamamilə fərqli məkandır. Tailanda məxsus rahatladıcı, həzin musiqi sədası, xüsusi matun çayı və ruhunu unutduracaq toxunuşlar...

Biznes qurmaqda Emin Babayevə kömək edən xanımın adı Ninauvaratdır. Tailand dilində ləqəbi Rat, buradakı ləqəbi isə Nabatdır. 47 yaşı olan həmsöhbətimiz 18 yaşından tay masajı ilə məşğuldur: "Mən Tailandda ikən bu masajı öyrənmişəm. Tay masajı üçün orada xüsusi məktəblər olur və bu məktəbi bitirdikdə sertifikatlar verilir".

O, bizə tay masajının texnikası haqda da məlumat verir: "Tay masajının icrası üçün bir çox üsullar var. Ümumiyyətlə, onu deyim ki, dünyada tay masajının iki əsas növü məşhurdur: klassik tay masajı və refleksoloji ayaq masajı.

Klassik tay masajında masajçı müştərinin qollarından, çiyinlərindən tutaraq onu müxtəlif istiqamətlərə doğru dartır. Yağlarla tay masajı isə son 20 ildə çox populyarlıq qazanıb. Elə Azərbaycanda da yerli vətəndaşlar daha çox yağlarla olan bu masaj növünə üstünlük verirlər.

Ümumilikdə tay masajlarının bir çox növləri ilə müxtəlif ağrılar aradan qaldırılır. Aromatik yağlarla masaj isə digərləri ilə müqayisədə yalnız rahatladıcı təsirə malikdir".

© Sputnik / Nigar Iskanderova
O, 18 yaşından tay masajı ilə məşğuldur

Ninauvarat xanımın sözlərinə görə, dərin toxumaların masajı digərləri ilə müqayisədə daha sərt masaj növü hesab edilə bilər. Bu masajda toxunuşlar da sərtdir. Tay masajına otlarla edilən masajlar da daxildir: "Masajdan öncə biz hazır kisələrdə olan bu otları isidirik. Bu otlar isindiyi üçün masaj zamanı onun yayılan qoxusu bir rahatlıq bəxş edir. İsti ot kisəsini bədənin lazım olan, daha həssas nahiyələrinə basırıq".

Söhbət əsnasında bəlli olur ki, tay masajının növləri arasında ən maraqlısı elə refleksoloji ayaq masajıdır. Sən demə, ayaq altında olan müxtəlif nöqtələr orqanizmimizin sağlam olub-olmamasından xəbər verir. Belə ki, Tailandda bitən xüsusi ağacdan hazırlanan taxta parçası ilə ayaq altının müxtəlif hissələrinə basılır və bu zaman ağrının hiss olunduğu nöqtəyə uyğun olaraq müştərinin hansı xəstəlikdən əziyyət çəkdiyi, hansı ağrıların müşahidə olunduğu ortaya çıxır.

© Sputnik / Nigar Iskanderova
Ninauvarat xanımın sözlərinə görə, dərin toxumaların masajı digərləri ilə müqayisədə daha sərt masaj növü hesab edilə bilər

Bundan başqa, ovucun içi də masaj edilir. Masajçılar daha çox limfa xətləri ilə işləyirlər. Müəyyən tıxanma olduqda həmin xətləri açaraq ağrıları aradan qaldırırlar.

Həmçinin isti, qara qaya daşları ilə masajdan istifadə edilir. Bu masaj üsulu rahatladıcı təsirə malikdir.  Qeyd edək ki, tay masajı digər masaj növlərindən fərqli olaraq seans şəklində olmur.

© Sputnik / Nigar Iskanderova
Klassik tay masajının qiyməti həftəsonunda bir saat üçün 40 manat, həftəiçi isə 38 manatdır

Bakıda yerlilərlə yanaşı, turistlər arasında da bu masaja böyük maraq var. Gün ərzində azı 6-7 turist buraya müraciət edir. Əcnəbilər arasında isə tailandlılar üstünlük təşkil edirlər.

Klassik tay masajının qiyməti həftəsonunda bir saat üçün 40 manat, həftəiçi isə 38 manatdır. Bunun səbəbi isə iş günlərində də müştəri axınını təmin etməkdir.

1392
Əlaqədar
Sağalmaz xəstəliyə yeni müalicə metodu
Cavanlaşma iynələrinin "əbədiyyət" effekti - həyatla vidalaşmağa razısınız?
Seks treninq keçirənlərə Tailanda gəlmək qadağan edildi
Yaşlı adam, arxiv şəkli

Koronavirusa yoluxma insanı 10 yaş qocaldır, həmçinin...

3
Koronavirusun ağır formaları mətnlərin və sözlərin mənasını dərk etmə qabiliyyətinə təsir edir. Buna baxmayaraq, xəstəliyə yoluxmuş insanlarda emosional sahə, məkan yaddaşı və rəqəmləri əzbərləmək qabiliyyəti dəyişməz qalıb.

BAKI, 25 oktyabr — Sputnik. Böyük Britaniya alimləri apardıqları araşdırma zamanı koronavirus xəstəliyinin insanların İQ səviyyəsini endirdiyini müəyyən edib. Sputnik Azərbaycan xarici mətbuata istinadla xəbər verir ki, bu intelektual bacarıqlar və yaddaşla əlaqələndirilib. Mütəxəssislərin sözlərinə görə, koronavirusa yoluxan şəxslər xəstəliyə yoluxmayan yaşıdları ilə müqayisədə məntiq testlərini həll etməkdə çətinlik çəkiblər. Bundan əlavə, şəxslərin İQ səviyyəsi xəstəliyi hansı ağırlıqda keçirmələri ilə də birbaşa əlaqəlidir. Tədqiqat zamanı alimlər 84 könüllünün məntiqi bacarıqlarını və yaddaşlarını araşdırıblar.

Müəyyən edilib ki, koronavirusa yoluxan insanlar sağlam insanlarla müqayisədə 65 faiz geri qalıb. Mütəxəssislərin fikrincə, bu xəstələrin 10 yaş yaşlanmasına bərabərdir.

Koronavirusun ağır formaları mətnlərin və sözlərin mənasını dərk etmə qabiliyyətinə təsir edir. Buna baxmayaraq, xəstəliyə yoluxmuş insanlarda emosional sahə, məkan yaddaşı və rəqəmləri əzbərləmək qabiliyyəti dəyişməz qalıb.

3
İtaliyada epdimioloji vəziyyət

İtaliyada sabahdan yeni qadağalar tətbiq olunacaq

18
İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

BAKI, 25 oktyabr - Sputnik. İtaliyada epidemioloji vəziyyətin pisləşməsi səbəbindən oktyabrın 26-dan məhdudiyyətlər artırılır.

Sputnik Azərbaycan “Qafqazinfo”ya istinadla məlumat verir ki, bu gün İtaliya Baş Nazirinin Mətbuat xidməti tərəfindən açıqlanan yeni qaydalara uyğun olaraq bütün kinoteatr, teatr, idman zalları və hovuzlar bağlanacaq.

Restoran və barlar işə davam edəcək, lakin vaxt məhdudiyyəti ilə - axşam saat 6-dək.

Qeyd edək ki, İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

18
Cəbrayıl və Zəngilan rayonlarının işğaldan azad olunan kəndləri

Cəbrayıl Zəngilan rayonlarının işğaldan azad olunan kəndlərinin videogörüntüsü yayıldı

0
(Yenilənib 19:11 25.10.2020)
Müdafiə Nazirliyi Cəbrayıl və Zəngilan rayonlarının işğaldan azad olunan kəndlərinin videogörüntüsünü yayıb.

BAKI, 25 oktyabr — Sputnik. Müdafiə Nazirliyi Cəbrayıl və Zəngilan rayonlarının işğaldan azad olunan kəndlərinin videogörüntüsünü yayıb. Sputnik Azərbaycan həmin görüntünü təqdim edir.

Sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.
Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.
Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.
Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.
Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.
Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.
Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.
Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.
Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.
Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.
Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.
Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.
Oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.
Oktyabrın 21-də Füzuli rayonunun Gecəgözlü, Aşağı Seyidəhmədli, Zərgər kəndləri, Cəbrayıl rayonunun Balyand, Papı, Tulus, Hacılı, Tinli kəndləri, Zəngilan rayonunun Mincivan qəsəbəsi, Xurama, Xumarlı, Sarıl, Babaylı, Üçüncü Ağalı, Hacallı, Qırax Müşlan, Üdgün, Turabad, İçəri Müşlan, Məlikli, Cahangirbəyli, Baharlı kəndləri işğaldan azad edilib.
Oktyabrın 22-də Füzuli rayonunun Mollavəli, Yuxarı Rəfədinli, Aşağı Rəfədinli, Cəbrayıl rayonunun Sirik, Şıxlar, Məstəlibəyli, Dərzili kəndləri, Zəngilanın Kolluqışlaq, Malatkeşin, Kənd Zəngilan, Genlik, Vəliqulubəyli, Qaradərə, Çöpədərə, Tatar, Tiri, Əmirxanlı, Qarqulu, Bartaz, Dəlləkli kəndləri və Ağbənd qəsəbəsi işğaldan azad olunub.
Oktyabrın 23-də Qubadlı rayonunun Zilanlı, Kürd Mahrızlı, Muğanlı və Alaqurşaq, Xocavənd rayonunun Dolanlar, Bünyadlı, Cəbrayıl rayonunun Dağ Tumas, Nüsüs, Xələfli, Minbaşılı, Veysəlli, Zəngilan rayonunun Vənədli və Mirzəhəsənli kəndləri işğaldan azad edilib.
0