Qəssab, arxiv şəkli

Heyvan qeyri-heyvan mənşəli məhsullar karantində saxlanılacaq - AQTA sədri açıqladı

19
Diri heyvanlar ölkəyə idxal olunduqda karantin dövrünü keçməlidirlər. Bu isə o deməkdir ki, heyvanlar müəyyən müddətdə nəzarətdə saxlanılmalıdır ki, onların hansısa xəstəlik daşıyıcısı olub-olmadığı bəlli olsun.

Nigar İsgəndərova, Sputnik Azərbaycan

BAKI, 30 dekabr — Sputnik. Gələn ildən etibarən Azərbaycana idxal olunan məhsullara münasibətdə idxal-karantin sisteminin tətbiqi həyata keçiriləcək. Gömrük-keçid məntəqələrinə yaxın məsafələrdə heyvan, bitki mənşəlli və digər qida məhsullarına münasibətdə vahid məntəqələrdə qida təhlükəsizliyinə görə risklərin dəyərləndirilməsi keçiriləcək.

Maraqlıdır, bu mexanizm necə olacaq?

Azərbaycan Qida Təhülkəsizliyi Agentliyinin sədri Qoşqar Təhməzli Sputnik Azərbaycan-a açıqlamasında bu haqda danışıb: "Diri heyvanlar ölkəyə idxal olunduqda karantin dövrünü keçməlidirlər. Bu isə o deməkdir ki, heyvanlar müəyyən müddətdə nəzarətdə saxlanılmalıdır ki, onların hansısa xəstəlik daşıyıcısı olub-olmadığı bəlli olsun. Artıq biz bütün mexanizmlərlə bağlı layihə hazırlayaraq hökumətə təqdim etmişik".

"Hazırda isə biz iki nöqtədə bu işin tətbiqinə başlamaq etmək istəyirik ki, omlardan biri şimal nöqtəsində, digəri isə Qırmızı Körpüyə yaxın bir yerdə olacaq. İstəyirik ki, həmin yerlərdə karantin yerləri olsun ki, heyvanlar ərazimizə daxil olduqda, onlara nəzarət həyata keçirilsin. Bundan sonra, yəni həmin heyvanın aldığı baytarlıq preparatları, dərman vasitələri, vaksinasiyaları, özü ilə daşıya biləcəyi zoonoz infeksiyaları, bir sözlə hamısı nəzarətdə olandan sonra ölkəyə idxalına icazə veriləcək. Çünki bütün bunlar ölkəmizin bio təhlükəsizliyi məsələsidir".

Lakin bu nəzarət yalnız heyvanmənşəli məhsullara şamil olunmayacaq: "Heyvan mənşəli məhsullarla yanaşı digər məhsullara da bu nəzarət tətbiq olunacaq. Sadəcə olaraq bunu misal olaraq göstərirdim ki, iş mexanizmi necə olacaq, deyə aydın təsəvvür yaransın. Yəni bu o deməkdir ki, özündə zərərvericilər daşıyan bitkimənşəli məhsullara da eyni yanaşma tətbiq olunacaq. Belə nəzarətin olması isə ölkəyə idxal olunan qida məhsullarının həm çevik şəkildə idxalına, həm də təhlükəsizlik göstəricilərinin təmin olunaraq əhalinin sağlamlığının qorunmasına töhfəsini verəcək".

19
Azərbaycan bayrağı

Azərbaycan Xalq Cümhuriyyətinin yaranmasından 102 il ötür

6
(Yenilənib 22:20 27.05.2020)
Azərbaycan Demokratik Respublikası gərgin və mürəkkəb ictimai-siyasi şəraitdə cəmi 23 ay fəaliyyət göstərə bildi.

BAKI, 28 may - Sputnik. Bu gün Azərbaycanda Respublika Günü qeyd olunur.

Sputnik Azərbaycan xəbər verir ki, 28 May 1918-ci il tarixində müsəlman Şərqində ilk dünyəvi demokratik dövlət olan Azərbaycan Xalq Cümhuriyyətinin yaranmasından 102 il ötür.

1990-cı ildən Respublika Günü dövlət bayramı kimi qeyd edilir.

Bakıda Azərbaycan Xalq Cümhuriyyətinin şərəfinə İstiqlal bəyannaməsi abidəsi ucaldılıb.

1917-ci ildə Rusiyada baş vermiş Fevral inqilabı nəticəsində Çar İmperiyası devrildi. Ölkədə çarizmin məzlum vəziyyətə saldığı xalqların milli hərəkatı başlandı. 1918-ci il mayın 28-də Azərbaycan Xalq Cümhuriyyəti (1918-1920) – müsəlman Şərqində ilk dünyəvi demokratik dövlət yaradıldı. Bu respublika azərbaycanlıları tarixi yaddaşında Azərbaycan dövlətçiliyinin ilk təcrübəsi kimi iz qoyub.

Məhəmməd Əmin Rəsulzadə tərəfindən əsası qoyulan Azərbaycan Xalq Cümhuriyyəti türk və İslam dünyasında ilk parlamentli respublika və ilk demokratik, hüquqi və dünyəvi dövlət nümunəsi idi.

Azərbaycan müvəqqəti hökumətinin ilk başçısı isə Fətəli Xan Xoyski idi. 10 gün Milli Şura Tiflisdə işlədikdən sonra Gəncəyə köçürülüb. Yalnız 1918-ci ilin sentyabrında Türkiyə ordusunun rəhbərliyi ilə – Bakı daşnak-rus qüvvələrdən təmizləndikdən sonra milli hökumət Gəncədən Bakıya köçdü.

Müstəqil Azərbaycan Cümhuriyyəti qısa ömründə böyük nailiyyətlər və qalibiyyətlər əldə edib. İlk dəfə qadınlara seçim hüququ tanıyan və qadın–kişi bərabərliyini təmin edən cümhuriyyət o cümlədən milli ordu, milli pul, demokratlaşma, milli bank, azad seçkilər, beynəlxalq əlaqələr və beynəlxalq ictimayyət tərəfindən Azərbaycan istiqlalının rəsmiyyətə tanınması, Azərbaycanın bütövlüyünü təmin etmək, iqtisadi islahat və s. müstəqil Azərbaycan Cümhuriyyəti təmin edib.

Azərbaycan Demokratik Respublikasını rəsmi surətdə tanıyan ilk dövlət Osmanlı dövləti olub (4 iyun 1918-ci ildə).

1918-ci il 9 noyabr tarixində M.Ə.Rəsulzadənin təklifi əsasında Azərbaycan Demokratik Respublikasının üç rəngli bayrağı qəbul edilib. O zamana qədər Azərbaycan Demokratik Respublikasının bayrağı qırmızı rəngdəydi.

Azərbaycan Demokratik Respublikası gərgin və mürəkkəb ictimai-siyasi şəraitdə cəmi 23 ay fəaliyyət göstərə bildi. Təəssüflər olsun ki, müstəqil Azərbaycan Cümhuriyyəti iki yaşına çatmadan bolşeviklərin hücumuna məruz qalıb müvəqqəti olaraq devrildi. Sovetlər Birliyi, Azərbaycanı məcburi surətdə öz tərkibinə daxil etdi. Bolşeviklər tərifindən devirlməsinə baxmayaraq, istiqlal ideyası yenilmədi və 1991-ci ildə Sovet İmperiyasının dağılması ilə Azərbaycan yenidən öz müstəqilliyini elan etdi.

6
Marixuana nümunələri, arxiv şəkli

Şəkidə 1 tondan artıq narkotik tərkibli bitki məhv edilib

1
(Yenilənib 21:22 27.05.2020)
Rayonun İkinci Biləcik kəndi ərazisində ümumi çəkisi 1 ton 172 kq yabanı halda bitən 7321 ədəd narkotik tərkibli çətənə bitkiləri aşkar edilib.

BAKI, 27 may — Sputnik. “Xaş–xaş 2020” əməliyyat-axtarış və profilaktiki tədbirlər planına uyğun olaraq Şəki Şəhər Rayon Polis Şöbəsinin əməkdaşları tərəfindən yabanı halda bitmiş narkotik tərkibli bitkilərin aşkar olunaraq məhv edilməsi istiqamətində əməliyyat tədbiri keçirilib.

Daxili İşlər Nazirliyinin Mətbuat Xidmətinin Şəki regional qrupundan Sputnik Azərbaycan-a verilən məlumata görə, rayonun İkinci Biləcik kəndi ərazisində ümumi çəkisi 1 ton 172 kq yabanı halda bitən 7321 ədəd narkotik tərkibli çətənə bitkiləri aşkar edilib. Həmin bitkilər kökündən çıxarılıb və yandırılaraq məhv edilib.

1