BAKI, 21 dekabr — Sputnik. Əl Cəzirə Media Şəbəkəsinin Beynəlxalq Avrasiya Mətbuat Fondu ilə birlikdə hazırladığı Azərbaycana həsr edilmiş sənədli filmlərin Əl Cəzirə "Musafir" proqramında yayımı davam edir.
Sputnik Azərbaycan xəbər verir ki, filmlər Azərbaycanın zəngin tarixi, mədəniyyəti, əsrarəngiz təbiəti, qədim ənənələri, yaşam tərzini, turizm potensialını çoxmilyonluq ərəb dünyasına çatdırmaq məqsədi daşıyır. Hər birisi 25 dəqiqədən ibarət olan 5 film Bakı və Naxçıvan şəhərləri daxil olmaqla Azərbaycanın əksər regionlarını əhatə edir. İyunun 20-dən iyulun 12-dək Azərbaycanda səfərdə olan Əl Cəzirə "Musafir" proqramının peşəkar çəkiliş heyəti ölkəmizin gəzməli, görməli yerlərini, milli mətbəxini, tarixi irsini, folklorunu, musiqisini lentə alıb. Filmlər noyabrın 26-dan başlayaraq hər şənbə günündən ardıcıl olaraq nümayiş etdirilir. Artıq filmlərin 4 bölümü yayımlanıb və sosial şəbəkələrdə paylaşılıb. Filmin Naxçıvanla bağlı növbəti bölümü dekabrın 21-də Bakı vaxtı ilə saat 20.30 da nümayiş etdiriləcək.
