Gözəllik salonu, arxiv şəkli

Pulu sel kimi səpdiyimiz sahədə qorxunc vəziyyət Tibb işçisinin işini evdar qadın görür

912
(Yenilənib 20:28 18.12.2019)
Bərbərxana və gözəllik salonlarının saxlanılması, sanitariya sahəsində acınacaqlı vəziyyət yaranıb, ora sağlam gedənlər yolxucu xəstəliklə geri qayıtmaq təhlükəsi ilə üz-üzədirlər

Zülfiyyə Quluyeva, Sputnik Azərbaycan

BAKI, 18 dekabr — Sputnik. Azərbaycanda ötən il vətəndaşların ən çox pul xərclədiyi sahələrdən biri də bərbərxana xidməti olub. 

Rəsmi rəqəmlərə görə, bu sahəyə ötən il 79 776,1 min manat xərclənib ki, bu da 2017-ci illə müqayisədə 4 058,20 min manat və ya 5,35% çoxdur. 2018-ci ildə Azərbaycanda bərbərxana xidmətlərinə ümumilikdə 80 milyon manata yaxın pul xərclənib. Dövlət Statistika Komitəsinin açıqladığı rəqəmlərdən də görünür ki, əhalinin ən çox istifadə etdiyi və pul xərcləməyə xəsislik etmədiyi sahələrdən biri məhz bərbərxana xidmətləridir.

Sputnik Azərbaycan ölkə əhalisinin daha çox vəsait sərf etdiyi bu sahədə xidmətin səviyyəsini araşdırıb.

"Ay VİP Studio"nun rəhbəri, həkim kosmetoloq Aytac Əsədova bildirib ki, ölkədə paytaxt və iri şəhərlər başda olmaqla bərbərxana xidmətlərinə tələbat kəskin artıb. Həkim kosmetoloq bunun səbəbini bu sahədə yeniliklərin durmadan artması, insanların öz zahiri görünüşlərinə diqqət ayırmasının zamanın tələbinə çevrilməsi ilə əlaqələndirir. Həmsöhbətimiz deyir ki, illər öncə bərbərxanaya gedən müştəri əsasən saç və dırnaq qulluğu üçün müraciət edirdisə, bu gün bərbərxanalarda müxtəlif cür xidmətlər göstərilir: "Bu sıraya saç, dırnaqdan savayı, bir çox digər xidmətlər daxildir".

Amma kosmetoloq bu sahədə kəmiyyətlə yanaşı keyfiyyətin də artmasının vacib olduğunu söyləyir. A.Əsədova hər tin başı gözəllik salonu adı altında fəaliyyət göstərən bərbərxanaların peşəkarlıq baxımından tələblərə cavab vermədiyini söyləyir. Həmsöhbətimiz deyir ki, "gözəllik salonları"nın sayı yağışdan çıxan göbələk kimi artsa da, çoxu peşəkarlıq baxımından tələblərə cavab vermir: "Şərt "gözəllik salonu" açmaq yox, əsas amil bu sahədə peşəkar və keyfiyyətli xidmət göstərməkdir. Bu gün "gözəllik salon"larının bəzilərində xidmətin səviyyəsi çox aşağıdır. Hətta deyərdim ki, insanların həyatına təhlükə yaradacaq həddədir. Bu sahədə qeyri-peşəkar şəxslərin işləməsi bərbərxana xidmətlərindən bəhrələnənləri bəzən problemlərlə üz-üzə qoyur. Xüsusilə də kosmetoloji xidmət sahəsində tələbatın artması, qeyri-peşəkar insanların bu sahəyə axınına səbəb olub. Bəzən evdar qadınlar belə kosmetoloji sahədə xidmət göstərirlər. Nəticədə gözəlləşmək üçün belə məkanlara müraciət edənlərin gözəlliyində qüsur yaranır. Bu gün bizə müraciət edənlərin çoxu, məhz belə qeyri-peşəkarların əlinə düşənlərdir”.

Üstəlik "gözəllik salon"larında keyfiyyətsiz kosmetoloji məhsullardan istifadə, gigiyenik tələblərin pozulması bərbərxana xidmətlərindən şikayətləri artırır. Odur ki, A.Əsədova bərbərxana xidmətlərindən istifadə zamanı peşəkarlara müraciət etməyin, eləcə də, "gözəllik salon"larında gigiyenik vəziyyətə diqqət yetirməyin çox vacib olduğunu söyləyir.

Respublika Gigiyena və Epidemiologiya Mərkəzinin Kommunal Gigiyena bölməsinin rəhbəri Eldar Abdullayev Sputnik Azərbaycan-a açıqlamasında bildirib ki, 2009-cu ildə "Bərbərxanaların, gözəllik salonlarının saxlanılması, sanitariya əks-epidemik və profilaktik tədbirlərin təşkili, dezinfeksiya işlərinin aparılmasına dair" təlimat hazırlanıb: "Həmin təlimatda bərbərxanalar və gözəllik salonlarında bütün otaqlar və avadanlıq təmiz olmalıdır. Müştərilərə xidmət üçün ancaq təmiz ağlardan istifadə olunmaldır. Hər bir müştəri üçün təmiz dəsmaldan istifadə edilməlidir. Hər dəfə istifadə edilən ağlar dezinfeksiya edilməli, yuyulmalıdır. Pedikür üçün istifadə edilən ayaq ləyənləri dezinfeksiya məhlulu ilə təmizlənməlidir. 

Hər iş yerində manikür və pedikür alətlərinin sayı üçdən az olmamalıdır. Həmin alətlər ultrabənövşəyi şüalandırıcı altında saxlanılmalıdır. İnfeksion hepatitlərin, QİÇS infeksiyasının və digər yoluxucu xəstəliklərin yayılmaması üçün dezinfeksiya tədbirləri keçirilməldir. Daraqlar, şotkalar bakterisid cihazlarda və dezinfeksiya məhlullarında zərərsizləşdirilməlidir. Kosmetik cihazların dəri ilə təmasda olan səthi 70 faizli etil spirti ilə islanmış tampon və 15 dəqiqə fasilə ilə iki dəfə silinməlidir. İşçilər xüsusi geyimlər və fərdi qoruyucu vasitələrlə təmin olunmalıdırlar".

E.Abdullayev deyir ki, sahibkarlıq subyektlərində yoxlama dayandırıldığından, bərbərxana və gözəllik salonları gigiyenik tələblərə görə yoxlanılmır.

Botoks və lazer prosedurlar gözəllik salonlarında deyil, tibb müəssisələrində aparılmalıdır. Lisenziyalaşdırma ilə bağlı qanunda da bu məsələ öz əksini tapıb. Bu işi görən şəxsin də mütləq tibbi təhsili olmalıdır.

912
Maliyyə hesabatı, arxiv şəkli

Məcburi dövlət sosial sığorta haqqı müvəqqəti azaldılıb

12
(Yenilənib 22:37 03.06.2020)
Sumqayıt və Gəncə şəhərlərində 90 faizi, digər şəhərlərdə 80 faizi, rayon inzibati ərazi vahidlərinin inzibati mərkəzi olan inzibati ərazi vahidlərində və qəsəbələrdə 60 faizi, kənd yerlərində isə 50 faizi miqdarında məcburi dövlət sosial sığorta haqqı ödəniləcək.

BAKI, 3 iyun — Sputnik. Azərbaycanda sahibkarlar bu il aprelin 1-dən dekabrın 31-dək məcburi dövlət sosial haqlarını güzəştlə ödəyəcək.

Sputnik Azərbaycan-a bununla bağlı Prezident İlham Əliyev “Sosial sığorta haqqında” qanuna dəyişiklikləri təsdiqləyib. Beləliklə, bu ilin 9 ayı üçün sahibkarlıq fəaliyyəti üzrə minimum aylıq əməkhaqqının tikinti və ticarət sahələrində 25 faizi, digər sahələrdə 15 faizi miqdarının Bakı şəhərində 100 faizi, Sumqayıt və Gəncə şəhərlərində 90 faizi, digər şəhərlərdə 80 faizi, rayon inzibati ərazi vahidlərinin inzibati mərkəzi olan inzibati ərazi vahidlərində və qəsəbələrdə 60 faizi, kənd yerlərində isə 50 faizi miqdarında məcburi dövlət sosial sığorta haqqı ödənilməlidir.

2021-ci il yanvarın 1-dən 2025-ci il dekabrın 31-nə qədər isə əvvəlki qaydada - sahibkarlıq fəaliyyəti üzrə minimum aylıq əməkhaqqının tikinti sahəsində 50 faizi, digər sahələrdə 25 faizi miqdarının Bakı şəhərində 100 faizi, Sumqayıt və Gəncə şəhərlərində 90 faizi, digər şəhərlərdə 80 faizi, rayon inzibati ərazi vahidlərinin inzibati mərkəzi olan inzibati ərazi vahidlərində və qəsəbələrdə 60 faizi, kənd yerlərində isə 50 faizi miqdarında məcburi dövlət sosial sığorta haqqı ödəniləcək.

12
Bakıda yaşayış kompleksi, arxiv şəkli

Güzəştli mənzillər adlarına uyğundurmu yaxud bunun nəyi güzəştdir?

143
(Yenilənib 22:02 03.06.2020)
Mənzil 10% ilkin ödəniş edilərək, 4% dərəcəsi ilə 30 il müddətinə güzəştli ipoteka krediti ilə alındıqda 1 otaqlı mənzil üçün aylıq 138-143 manat, 2 otaqlı mənzil üçün 182-230 manat, 3 otaqlı mənzil üçün isə 245-268 manat ödəniləcək.

Xalid Məmmədov, Sputnik Azərbaycan

BAKI, 3 iyun — Sputnik. Mənzil İnşaatı Dövlət Agentliyi (MİDA) Hövsan qəsəbəsindəki yaşayış kompleksində güzəştli mənzillərin satışını elan edib. Satışa ümumilikdə 249 mənzil çıxarılır. Bütün mənzillər tam təmirli, mətbəx mebeli, kombi isitmə sistemi (kombi cihazı daxil olmaqla), su, qaz və elektrik sayğacları ilə təmin edilmiş vəziyyətdə təklif olunur.

Sputnik Azərbaycan xəbər verir ki, MİDA-nın məlumatına görə, Agentliyin sərəncamında olan mənzillərin əldə edilməsi "Elektron hökumət" portalı üzərində (www.e-gov.az) "Güzəştli mənzil" sistemi vasitəsilə elektron qaydada həyata keçirilir. Yalnız "Güzəştli mənzil" sistemində elektron kabinetə sahib olmuş vətəndaşlar mənzil almaq hüququna malikdir. Elektron kabinetə sahib olmuş bütün vətəndaşlar qeydiyyat tarixindən və sıra nömrəsindən asılı olmayaraq, mənzillərin seçimində bərabər hüquqa malikdir.

Əmlak məsələləri üzrə ekspert Ramil Osmanlı Sputnik Azərbaycan-a açıqlamasında satışa çıxarılan mənzillərin qiymətlərindən, tətbiq edilən güzəştlər və əlavə endirimlərdən danışıb.

Ekspert bildirib ki, MİDA-nın bu istiqamətdə kifayət qədər təcrübəsi var: "Mənzil İnşaatı Dövlət Agentliyinin ilk layihəsi olan Yasamal Yaşayış Kompleksi istər qiymət, istər prosesin icrası baxımından özünü doğruldub. Digər tərəfdən, bu yaxınlarda güzəştlə mənzil əldə etmək hüququ olan vətəndaşların kateqoriyaları da genişləndirilib. Artıq gənc ailə üzvü olan müəllimlər üçün əmək stajı tələbi 5 ildən 3 ilə endirilməklə yanaşı, yalnız ümumtəhsil məktəbində işləyən deyil, digər ümumi təhsil müəssisələrində çalışan gənc ailə üzvü olan müəllimlər də güzəştli mənzil əldə edə biləcəklər. Eyni zamanda buraya "ən azı 15 il dövlət ümumi təhsil müəssisəsində müəllim işləyən şəxs" kateqoriyası da əlavə olunub. Həmin kateqoriyaya aid olan vətəndaşlar yaşından və ailə vəziyyətindən asılı olmayaraq güzəştlə mənzil əldə etmək hüququndan yararlana biləcəklər".

Hövsan yaşayış kompleksi, arxiv şəkli
© Official website of President of Azerbaijan Republic

Bu kateqoriyaları daha da genişləndirmək mümkündürmü sualına ekspert belə cavab verib: "Güzəştlə mənzil əldə etmək hüququ olan vətəndaşların kateqoriyalarını daha da genişləndirmək olar, amma bu məsələ hələlik bu gün üçün aktual hesab edilmir. Onsuzda müraciətlərin sayı çoxdur. Məsələn, Yeni Yasamal layihəsində təxminən 1800 mənzil üçün 20 minə yaxın müraciət var idi. Bu mənada hesab edirəm ki, indiki halda kateqoriyaların genişləndirilməsi müraciətlərin sayını bir qədər də artıracaq və əlavə texniki problemlər yarada bilər. Amma layihələrin istiqamətləri genişlənərsə, bu addımı atmaq olar".

Mənzillərin qiymətlərindən danışan ekspert bildirib ki, mənzillərin qiymətini normal hesab etmək olar: "Hövsanda 1 otaqlı mənzillərin qiyməti 32 min 130 manatdan, 2 otaqlılar 42 min 415 manatdan, 3 otaqlılar 57 min 120 manatan başlayır. Hazırda əvvəlki texniki və digər qüsurlar yoxdur, aradan qaldırılıb. Mənzili ipoteka krediti ilə deyil, nağd şəkildə alanlara 10% güzəşt ediləcək. Yəni şəxs mənzilin pulunu tam ödəyirsə, həmin vəsaitdə 10 faiz güzəşt nəzərdə tutulur. Belə ki, mənzilə öz vəsaiti hesabına birdəfəlik ödəniş edərək sahib olmaq istəyən vətəndaş üçün mənzillərin satışı 1 otaqlılar üçün 28 min 917 manatdan, 2 otaqlılar üçün 38 min 174 manatdan, 3 otaqlılar üçün 51 min 408 manatan başlayır".

O qeyd edib ki, gələcəkdə MİDA-nın həyata keçirdiyi layihələrə alternativ başqa layihələr təklif olunarsa, o halda qiymətlərə düzəlişlər qaçılmaz olacaq: "Amma bugünkü şərtlər daxilində tələb yüksəkdir və tələb yüksək olduğu dövrdə MİDA-nın təqdim etdiyi qiymətlər mövcud bazar qiymətlərindən aşağıdır. Məsələn, MİDA tərəfindən Yeni Yasamalda təmirli mənzilin 1 kvadratmetri 950 manata təklif olunurdu. Nağd alışlarda bu rəqəm hətta 860 manatadək gəlib düşürdü. Amma biz faktiki olaraq Yeni Yasamalın mənzil bazarını araşdırdıqda orada təmirli mənzilin bir kvadratmetrinin 1150-1200 manatdan başladığının şahidi oluruq. Burada növbəlilik mütləq şəkildə gözlənilir".

Qeyd edək ki, Bakı şəhəri, Suraxanı rayonu, Hövsan qəsəbəsi Zığ şosesi - Hava Limanı 12-ci km. "22" ünvanında yerləşən Hövsan Yaşayış Kompleksinin 1 saylı binası üzrə 249 mənzilin satışı 30 iyun 2020-ci il tarixində saat 11:00-da başlayacaq və 7 iyul 2020-ci il tarixi saat 11:00-dək davam edəcək. Bu elan çərçivəsində mənzillərin satışı həm ipoteka kreditindən istifadə etməklə, həm də öz vəsaiti hesabına ödəniş üsulu ilə nəzərdə tutulub. Mənzillərin satış qiymətinə ƏDV daxildir. Mənzillərin sahəsi isə 1 otaqlılarda 38-39 kvadratmetr, 2 otaqlılarda 50-63 kvadratmetr, 3 otaqlılar 67-73 kvadratmetr arasında dəyişir. Bu, mənzillərin daxili perimetrlə ölçülən sahəsidir.

Vətəndaş mənzili İpoteka və Kredit Zəmanət Fondunun güzəştli ipoteka krediti vəsaiti hesabına aldıqda 10 faiz minimal ödəniş tələb olunur. Mənzil 10% ilkin ödəniş edilərək, 4% dərəcəsi ilə 30 il müddətinə güzəştli ipoteka krediti ilə alındıqda 1 otaqlı mənzil üçün aylıq 138-143 manat, 2 otaqlı mənzil üçün 182-230 manat, 3 otaqlı mənzil üçün isə 245-268 manat ödəniləcək. Qeyd edək ki, kredit illik 4 faiz dərəcəsi ilə 3-30 il müddətinə verilir.

143
“Keşikçidağ”da Keşikçi qala” sərhəd zastavası kompleksi istifa­dəyə verilib

Bu gün "Keşikçidağ" istiqamətində təxribat törədiləcək?

0
DSX: “Keşik­çidağ” ərazisində bir qrup Gürcüstan vətəndaşının dövlət sərhədini pozmaqla təxribat törədəcəyi barədə məlumat­lar əldə olunub

BAKI, 4 iyun - Sputnik. İyun ayının 4-də Azərbaycan-Gürcüstan dövlət sərhədində “Keşik­çidağ” Dövlət Tarix-Mədəniyyət Qoruğunun ərazisində bir qrup Gürcüstan vətəndaşı  tərəfindən dövlət sərhədini pozmaqla təxribat xarakterli hərəkətlərin törədiləcəyi barədə məlumat­lar əldə olunub. Əldə olunmuş məlumatlar barədə Gürcüstanın Sərhəd Mühafizəsi rəsmi qaydada məlumatlandırılıb.

Sputnik Azərbaycan xəbər verir ki, bu barədə Dövlət Sərhəd Xidmətinin Mətbuat Mərkəzinin yaydığı məlumatda qeyd edilir.

Məlumata görə, Dövlət Sərhəd Xidməti bununla əlaqədar rəsmi olaraq bildirir ki, dövlət sərhədində istənilən təxribatın qarşısı qətiyyətlə alınacaq və bu zaman baş verə biləcək fəsadlara görə təxribatın təşkilatçıları məsuliyyət daşıyacaqlar.

0