CƏMİYYƏT
Cəmiyyətin həyatında baş verən aktual hadisələr

Türkiyədə sənədsiz yaşayan azərbaycanlılara şad xəbər

© AFP 2023 / OZAN KOSEЛюди на улицах Стамбула
Люди на улицах Стамбула - Sputnik Azərbaycan
Abunə olmaq
Orada yaşayan azərbaycanlılar deportasiya olunmayacaqlar. Onların Türkiyədə yaşaması üçün sənəd məsələsi həll olunacaq

BAKI, 12 dekabr — Sputnik. Türkiyədə yaşayan azərbaycanlıların sənədləşdirilməsi mərhələli şəkildə həll olunacaq.

Əcnəbilər və vətəndaşlığı olmayan şəxslər üçün bayram süfrəsi - Sputnik Azərbaycan
Bakıda qanunsuz miqrantlara bayram hədiyyəsi

Sputnik Azərbaycan-ın məlumatına görə, bu barədə Azərbaycanın Türkiyədəki səfiri Xəzər İbrahim məlumat verib: "Bizim qarşımızda bununla bağlı ali rəhbərlik tərəfindən də tapşırıqlar qoyulub. Səfirlikdə bizim Daxili İşlər Nazirliyinin təmsilçiləri də var. Dövlət Miqrasiya Xidməti, Diasporla İş üzrə Dövlət Komitəsi bu məsələnin həlli istiqamətində işlər görür. Bu yaxınlarda da səfirlik tərəfindən bu məsələ ilə bağlı müvafiq işlər görülüb, yazışmalar aparılıb. Artıq həmin azərbaycanlıların siyahısı hazırlanaraq Türkiyə tərəfinə təqdim edilib. Yəqin ki, qısa zamanda bu məsələ hissə-hisə həll olunacaq".

X.İbrahim bildirib ki, eyni zamanda Türkiyədə yaşayan uşaqların təhsil problemi də var: "Türkiyənin təhsil naziri ölkəmizə səfər edərkən Azərbaycanın Təhsil naziri Ceyhun Bayramov bu məsələni onun qarşısında ciddi şəkildə qaldırıb ki, sənədsiz uşaqlar da normal məktəblərdə təhsil ala bilsinlər".

Səfir həmçinin qardaş ölkədə sənədsiz yaşayan azərbaycanlıların deportasiya edilib-edilməyəcəyinə də aydınlıq gətirib: "Orada yaşayan azərbaycanlılar deportasiya olunmayacaqlar. Onların Türkiyədə yaşaması üçün sənəd məsələsi həll olunacaq. Bunun üçün Azərbaycan və Türkiyənin hüquq mühafizə orqanları sıx işləməlidirlər. İlkin etapda Türkiyədə sənədsiz yaşayanların bir qisminin sənəd problemi həll ediləcək. Sonrakı mərhələdə isə Türkiyədə yaşayan digər sənədsiz azərbaycanlıların, ümumiyyətlə hər birinin məsələsinin həll olunmasına dair işlər görüləcək".

Xəbər lenti
0