Lift şaxtası, arxiv şəkli

Doqquzuncu mərtəbəyə 48 yaşlı qocanın belində - bilmədik, rekorddur, yoxsa işgəncə - FOTO

663
(Yenilənib 17:01 10.12.2019)
Belə təəssürat yaranır ki, lift ustaları mərtəbələri qalxıb-enəndə döşəmədə dayanmaq əvəzinə qapıdan yapışırlar. Yoxsa vaxtını başa vuran liftin əvəzinə qapını niyə dəyişsinlər ki?!

Nigar İsgəndərova, Sputnik Azərbaycan

BAKI, 10 dekabr — Sputnik. Oxucularımız müntəzəm olaraq "Bakıya yeni liftlər gətirildi" tipli xəbərlər oxuyurlar. Bu gün-sabah binalarına yeni lift quraşdırılacağı xəyalı ilə yaşayanların isə ümidi qəribə "sürpriz" ucbatından puç olur. 

Məsələn, paytaxtın Qara Qarayev 69 ünvanının sakinləri bir aydır ki, lift üzünə həsrət qalıblar. Binanın ən yaşlı sakinlərinin ünvanladığı müraciətə əsasən Sputnik Azərbaycan vəziyyəti araşdırıb. Sakinlər deyirlər ki, köhnə liftlər çıxarılıb, yeni liftlər gətirilsə də, artıq uzun müddətdir ki, hansısa bir mütəxəssis əraziyə baxış keçirmir. Sakinləri də ən çox narahat edən məsələ elə budur.

© Sputnik / Nigar Iskanderova
Qara Qarayev 69 ünvanının sakinləri

Xüsusən də yaşlı və uşaqlı olanlar liftsizliyin onlar üçün böyük problemə çevrildiyini deyirlər. Bina sakini, 81 yaşlı Şirzad Mikayılov deyir ki, bununla bağlı  dəfələrlə yığışaraq müxtəlif qurumlara şikayət ünvanlayıblar, lakin onlardan da bir səs çıxmayıb. Yəni sadəcə olaraq vəd veriblər: "Əslində, liftlər 25 ildən bir dəyişilməlidir. 25 il tamam olanda lifti əsaslı olaraq dəyişmədilər. Sadəcə olaraq liftin qapılarını dəyişdilər. Təsəvvür edin, bu liftin artıq 48 yaşı var".

"Yenə gəlib-gedən olsa, bilərik ki, iş gedir. Artıq 10 gündən çoxdur ki, buraya nə gələn var, nə gedən. Mənzil Kommunal İstismar Birliyinə zəng etmişəm, deyirlər ki, yanvarda düzələcək, amma heç bu vədə də inanmıram. 9 mərtəbəli binadır, mən 8-ci mərtəbədə qalıram. Əsa ilə güclə özümü idarə edirəm. Hər gün bu pilləkənləri çıxıb-düşmək bizim üçün işgəncədir. İnanırsız, bir aydır evə düz-əməlli bazarlıq edə bilmirik. Nə bazara gedə bilirik, nə də həyətə düşüb kartof-soğan ala bilirik", - deyə həmsöhbətimiz əlavə edib.

© Sputnik / Irade JELIL
Liftin inşası üçün nəzrdə tutulan yer

İslam İsayev, Rəhilə Mikayılova, Aftandil Bayramov da mövcud vəziyyətdən şikayətçidirlər.

Həmin binada quraşdırılmalı olan liftlər ilə bağlı sualımızı cavablandıran "Wittur" şirkətinin nümayəndəsi Murad Muradov Sputnik Azərbaycan-a açıqlamasında gözlənilmədən bir sürprizlə qarşılaşdıqlarını deyərək, işlərinin ləngimə səbəbini bununla izah edib: "Bəzi detallar çatışmadığı üçün işlərə ara verməli olduq. Bu bizim üçün də sürpriz oldu. Artıq bir neçə günə işlərə başlayacağıq və bu ilin sonuna bina liftlə təmin olunacaq".

Buradan isə belə qənaətə gəlmək olar ki, işlərin öncədən planlaşdırılmamasının, bir növ səhlənkarlığın əziyyətini vətəndaşlar hələ də çəkmək məcburiyyətində qalacaqlar.

© Sputnik / Nigar Iskanderova
81 yaşlı Şirzad Mikayılov

Bakı Şəhər İcra Hakimiyyətindən isə Sputnik Azərbaycan-ın sorğusuna cavab olaraq bildirilib ki, bu liftlər Almaniyadan gətirilib, yaxın günlərdə quraşdırılaraq istifadəyə veriləcək. BŞİH-dən həmçinin qeyd olunub ki, 6 blokdan ibarət olan binaya dörd yeni lift qoyulacaq. Binanın 3 və 4-cü bloklarına 2010-cu ildə yeni liftlər quraşdırıldığı üçün görülən işlər həmin ünvanlara aid olmayacaq.

Xatırladaq ki, biz yeni quraşdırılan və quraşıdırılacaq liftlərlə bağlı bu kimi problemlərin usta və kadr çatışmazlığından qaynaqlanma ehtimalının olub- olmadığını öyrənmək üçün Bakı Lift Təmir İstehsalat Birliyinin direktoru Xalid Ələkbərova sual ünvanlamışdıq. O isə bildirmişdi ki, bu cür liftlərin təmiri ilə məşğul olmaq üçün heç bir kadr çatışmazlığı yoxdur, yeni gələn liftlər yerli mütəxəssislər tərəfindən quraşdırılır. Onun sözlərinə görə, ümumi ustaların sayı 200, liftlərin montajı ilə məşğul olan ustaların sayı isə 100-dür.

Qeyd edək ki, Azərbaycan Respublikasının şəhər və rayonlarında çoxmənzilli binaların lift təsərrüfatının maddi-texniki bazasının möhkəmləndirilməsi ilə bağlı əlavə tədbirlər haqqında Azərbaycan Respublikasının Prezidentinin 5 fevral 2019-cu il tarixli Sərəncamına əsasən, Bakı şəhərində 542 liftin dəyişdirilməsi nəzərdə tutulub. 542 ədəd liftin alınması üçün "Lifttəmir" İstehsalat Birliyi Almaniya istehsalı "Wittur Holding GMBH" şirkəti ilə müqavilə imzalayıb və hazırda bu liftlərdən 492 ədədi gətirilib. 130-dan çox lift quraşdırılıb və FHN-in mütəxəssisləri tərəfindən istismara qəbul edilib. Hazırda paytaxtın Nizami, Qaradağ, Xətai, Nərimanov, Binəqədi, Sabunçu, Yasamal və Nəsimi rayonlarında 296 ədəd yeni liftin quraşdırılması işləri aparılır. Bakı şəhərinin lift təsərrüfatını inkişaf etdirmək üçün ümumilikdə 32 milyon manat vəsait ayrılıb.

663
Əlaqədar
Qarovulçu lift çuxuruna düşüb can verdi
Köhnə binaların yeni dərdi - Bu dəfə yaxşıdır, amma yenə də bəyənmirlər
Bakının rayonlarında liftlər dəyişdiriləcək
Məmur tibbi əlçəklə, arxiv şəkli

Qaydalara əməl etməyən sahibkarlar sahibkarlıq subyektlərinin adları açıqlandı

2
Reyd keçirilən obyektlərdən 43-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb.

 

BAKI, 4 dekabr — Sputnik. Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə obyektlərində reydlər davam etdirilir. Agentlikdən aparılan reydlərlə bağlı Sputnik Azərbaycan-a verilən məlumata görə, Bakı, Sumqayıt şəhərləri, Abşeron rayonu, eləcə də koronavirus (COVID-19) yoluxmalarının artması müşahidə olunan şəhər və rayonlar (Gəncə, Şəmkir, Sabirabad, Ağstafa, Mingəçevir) üzrə 488 ictimai iaşə obyektində 901 monitorinq keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.

Reyd keçirilən obyektlərdən 43-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə obyektləri aşağıdakılardır.

Bakı şəhəri üzrə:

Bakı şəhəri, Nəsimi rayonu, Səməd Vurğun ev.68 ünvanında yerləşən, hüquqi şəxs "Kobra" kiçik müəssisəsinə məxsus yeməkxana, Həsən Əliyev ev 90D ünvanında yerləşən, fiziki şəxs Məmmədov Şəadət Arif oğluna məxsus obyekt, A. M. Şərifzadə ev 33 ünvanında yerləşən, fiziki şəxs Hüseynov Sənan Rasim oğluna məxsus "Kaktus" restoranı, Nizami Rayonu, Qara Qarayev pr. ev.69 ünvanında yerləşən, fiziki şəxs Heydərov Sahib Sabir oğluna məxsus "Ləzzət dönər" evi, Nəsimi rayonu, Alı Mustafayev 37B ünvanında yerləşən, fiziki şəxs İsmayılov Pənah Ələddin oğluna məxsus kafe, Nəsimi rayonu, Alı Mustafayev 3 mkr ev.10 K ünvanında yerləşən, fiziki şəxs Arzu Ekici Bayraməli qızına məxsus kafe, Binəqədi rayonu, Süleyman Sani Axundov ev.1 A ünvanında yerləşən, fiziki şəxs Nəbiyev Səfa Rəşadət oğluna məxsus "Cıdır Düzü" restoranı, Yasamal rayonu, Şərifzadə ev.2 M. ünvanında yerləşən, fiziki şəxs Bayramov Qalib Taryel oğluna məxsus "Quzu Təndir" restoranı, G.Mehmandarov küçəsində yerləşən, fiziki şəxs Həsənov Nail Telman oğluna məxsus kafe, Səbail rayonu, Yusif Məmmədəliyev ev.19 m.1 A ünvanında yerləşən, fiziki şəxs Muradov Kamran Namiq oğluna məxsus "Nutelland" kafesi, hüquqi şəxs "Nabikoğlu" Məhdud Məsuliyyətli Cəmiyyətinə məxsus "Chef Baku" kafesi, Yeni Günəşli qesəbəsində yerləşən, fiziki şəxs Rüstəmov Samin Ələddin oğluna məxsus kafe, Lökbatan qəs., keçid 1596 ünvanında yerləşən, fiziki şəxs Əliyev Elməddin Nazim oğluna məxsus "Lion Garden" kafesi, Həsən Əliyev, ev 115A ünvanında yerləşən, fiziki şəxs Hüseynov Elvin Fuqan oğluna məxsus kafe, Sulutəpə qəs., R. Allahverdiyev 11 ünvanında yerləşən, fiziki şəxs Xəlilov Bəhmən Məhəmməd oğluna məxsus kafe, H.Cavid pr. ev 8 ünvanında yerləşən, fiziki şəxs Mahmudov Alsavad Xalid oğluna məxsus "Şaurma №1" restoranı, Səbail rayonu, Neftçi Qurban Abbasov küç., ev.24a ünvanında yerləşən, fiziki şəxs Məhərrəmov Elgün Zakir oğluna məxsus kafe, Səbail rayonu, Neftçi Qurban Abbasov küç., ev.7 M. ünvanında yerləşən, fiziki şəxs Hüseynov Xəyyam Hüseyn oğluna məxsus yeməkxana, Biləcəri, R.İsmayılov 8 ünvanında yerləşən, fiziki şəxs Namazov Telman Fərəc oğluna məxsus "Rəmiş" kafesi;

Sumqayıt şəhəri, 3-cü mkr ünvanında yerləşən, fiziki şəxs Rəhimov Zaur Tofiq oğluna məxsus "Köz Dönər" kafesi, 9-cu mkr ünvanında yerləşən, fiziki şəxs Şamıyev Elvin Rəhim oğluna məxsus "Hicaz Dönər" kafesi, 13-cü mkr ünvanında yerləşən, fiziki şəxs Əliyev İlham İsmayıl oğluna məxsus "Tea" kafesi, Səməd Vurğun ev.25 ünvanında yerləşən, fiziki şəxs Zamanov Rasim Nadir oğluna məxsus "Rəvan" çay evi, 17-ci mkr ünvanında yerləşən, fiziki şəxs Ağayev Seymur Engels oğluna məxsus "Ordubad" kafesi, 3 mkr. Bakı küçəsində yerləşən, fiziki şəxs Cəfərov Nurəddin Allahverdi oğluna məxsus "Lider Dönər" kafesi, 34-cü məh. ünvanında yerləşən, fiziki şəxs Bayramov Müşviq Etibar oğluna məxsus "Dönər Kabab" kafesi, 3-cü mkr ünvanında yerləşən, fiziki şəxs Şıxvəliyev İlham Gülməmməd oğluna məxsus "Bahar" kafesi, 40-cı məh. ünvanında yerləşən, fiziki şəxs Allahverdiyev Bəhram Sədirxan oğluna məxsus "Nərgiz" kafesi, Bədəlbəyli küç., ev 22 ünvanında yerləşən, fiziki şəxs Hacıyev Həsən Qaimşad oğluna məxsus "Nübar" kafesi;

Abşeron rayonu, Xırdalan şəhərində yerləşən, fiziki şəxs Mirzəyev Elçin Yaşar oğluna məxsus "Qədim Bakı" kafesi, Xırdalan şəhərində yerləşən, fiziki şəxs Bağırov Həşim Məmməd oğluna məxsus kafe, Mehdiabad qəsəbəsində yerləşən, fiziki şəxs Əlizadə Şahin Qərib oğluna məxsus "Zirvə" kafesi, Xırdalan şəh., H.Əliyev prospektində yerləşən, fiziki şəxs Soltanov Ramin Rəfayət oğluna məxsus "Aziz Baba" dönər evi, Saray ŞTQ-də yerləşən, fiziki şəxs Səmədov Rasim Rafiq oğluna məxsus "Ziya" kafesi, Buzovna ştq ev.342 M. ünvanında yerləşən, fiziki şəxs Əskərov Azər Firudin oğluna məxsus "Sherlocks" kafesi;

Digər şəhər və rayonlar üzrə:

Ağstafa şəhəri, M.Ə.Rəsulzadə küçəsində yerləşən, fiziki şəxs Kosayev Qara Mirzə oğluna məxsus kafe;

Şəmkir, Dəllər qəsəbəsində yerləşən, fiziki şəxs Aslanov Rövşən Akif oğluna məxsus kafe; Gəncə şəhəri Ş.İ.Xətai 157 ünvanında yerləşən, fiziki şəxs Süleymanov Məmmədəli İslam oğluna məxsus kafe, Ş.İ.Xətai ev.0 M.0 ünvanında yerləşən, fiziki şəxs Tağızadə Heydər Fazil oğluna məxsus dönər evi, Təbriz küçəsi ev.315 ünvanında yerləşən, fiziki şəxs Qurbanov Kamran Sədrəddin oğluna məxsus yeməkxana;

Mingəçevir şəhərində yerləşən, fiziki şəxs Hacıyev Nurlan Arzuman oğluna məxsus obyekt, H.Hüseynov küç., ev.30 M. ünvanında yerləşən, fiziki şəxs Abbasov Rubail Yaşar oğluna məxsus restoran, Maqomayev 14 ünvanında yerləşən, fiziki şəxs Rövşən Bilalov Rasim oğluna məxsus kafe.

Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektlərində yoxlama-nəzarət tədbirlərini davam etdirir və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcək.

2
Teqlər:
Nəsimi rayonu, Bakı şəhəri, sahibkarlıq subyektləri
Bayılda sürüşmə zonası

Təbiətlə məmurlar sanki Bayıl sakinlərinin qəsdinə durublar - FOTOLAR

10
(Yenilənib 22:32 04.12.2020)
"Bizə bildirdilər ki, burada yaşamaq həyatımız üçün təhlükəlidir. Amma bizim buradan başqa yerdə evimiz yoxdur. Ona görə də məcburuq burada yaşayaq".

İradə Cəlilova, Sputnik Azərbaycan

BAKI, 4 dekabr — Sputnik. Bakının Bibiheybət qəsəbəsində yenidən torpaq uçqunu olub. Sputnik Azərbaycan bu barədə xəbər tutan kimi hadisə yerinə yollanıb. Bibiheybət məscidindən bir qədər aşağıda, yamacda baş verən torpaq uçqunu ərazidə olan evlərdə yaşayanlar üçün təhlükə yaradıb. Ərazidə yaşayan sakinlər Sputnik Azərbaycan-a bildiriblər ki, torpaq uçqunu gecə saatlarında baş verib. Bu səbəbdən də dövlət qurumları burada yaşayan insanlara evlərini tərk etməyi tövsiyyə edib.

  • Bayılda sürüşmə zonası
    © Sputnik / Irade JELIL
  • Bayılda sürüşmə zonası
    © Sputnik / Irade JELIL
  • Bayılda sürüşmə zonası
    © Sputnik / Irade JELIL
  • Bayılda sürüşmə zonası
    © Sputnik / Irade JELIL
  • Bayılda sürüşmə zonası
    © Sputnik / Irade JELIL
  • Bayılda sürüşmə zonası
    © Sputnik / Irade JELIL
1 / 6
© Sputnik / Irade JELIL
Bayılda sürüşmə zonası

Nazilə Məmmədova adlı sakin bildirib ki, bu ərazidə yerləşən evlərdə kirayə qalan sakinlər evlərdən köçüb: "Dövlət qurumlarının nümayəndələri gəlib əraziyə baxış keçirdilər. Bizə bildirdilər ki, burada yaşamaq həyatımız üçün təhlükəlidir. Amma bizim buradan başqa yerdə evimiz yoxdur. Ona görə də məcburuq burada yaşayaq" - deyə sakin bildirib.

Sakinlərlə söhbət əsnasında öyrəndik ki, ərazidəki evlərin heç birinin kupçası yoxdur. Odur ki, sakinlər əgər köçsələr, evlər sökülərsə onlara kompensasiya verilib-verilməyəcəyini bilmək istəyirlər: "Buradakı evlərin heç birinin sənədi yoxdur. Amma burada ev alsan, torpaq alsan bir kvadratmetri 2000 manatdır. Belə məlumatlar var ki, sökülərsə evlərə görə sakinlərə hər kvadrat metrə iki min manat ödəniləcək. Amma rəsmi qurumlar bizə bu barədə heç bir söz deməyiblər".

Sakinlər bildirir ki, yamacda yağıntılar çox olanda torpaq uçqunları baş verir. Amma onlar buna adətkərdə olublar: "Biz də istəyərik ki, bu təhlükəli yerdən köçək. Amma buna görə gərək bizə kompensasiya ödənilsin. Çünki, bizim başqa yerdə evimiz yoxdur. Nə də imkanımız yoxdur ki, köçüb başqa yerdə kirayə yaşayaq".

Sakinlər dövlət qurumlarının gələcəyi nəticəni gözlədiklərini söyləyiblər.

Məsələyə Səbail Rayon İcra Hakimiyyətindən münasibət bildirən olmadı. Ekologiya və Təbii Sərvətlər Nazirliyinə ünvanladığımız sorğunun da cavabını gözləyirik.

10
Teqlər:
Səbail rayon İcra Hakimiyyəti, Ekologiya və Təbii Sərvətlər Nazirliyi, Bayıl, sürüşmə, torpaq uçqunu