Sovetskidə evlərin söküntüsü, arxiv şəkli

Bakıda evləri sökülən sakinlərə əlavə yardım verilir Qərar da var, alan da

1486
(Yenilənib 16:18 09.12.2019)
Yasamal Rayon İcra Hakimiyyəti başçısının köməkçisi Habil Süleymanzadə bildirib ki, 2018-2019-cu illərdə "Sovetski"də evləri sökülən sakinlərə əlavə vəsaitin ayrıldığı məlumatı doğrudur

Zülfiyyə Quluyeva, Sputnik Azərbaycan

BAKI, 9 dekabr — Sputnik. 2018-2019-cu ildə "Sovetski" də evləri sökülmüş sakinlərə yenidən kompensasiya veriləcək. Bu barədə Sputnik Azərbaycan-a sakinlər məlumat veriblər.

İlham Əliyev Təzəpir məscidinin qarşısındakı yeni bağın və Füzuli küçəsi boyunca salınan Mərkəzi Parkın açılışında iştirak edib
© Official website of President of Azerbaijan Republic

Yasamal rayonu, Çingiz Mustafayev 36 ünvanında yaşamış sakin Zöhrə Sadıyeva açıqlamasında bildirib ki, 2018-ci ilin dekabr ayında "Sovetski"də evlər sökülərkən onun da evi "plan"a düşüb. Z.Sadıyeva həmin vaxt ona və ərazidə evi sökülən hər sakinə kvadrat metrə 1500 manatdan hesablanmaqla kompensasiya verildiyini söyləyib. Onun sözlərinə görə, həmin ərəfədə sakinlər kompensasiyanın az olması, real bazar qiymətləri ilə üst-üstə düşmədiyi barədə Yasamal Rayon İcra Hakimiyyətinə şikayət ediblər: "Üç il öncə evi sökülən sakinlərə də hər kvadrat metrə görə 1500 manat vermişdilər, bizə də. Halbuki, o qiymətə indi ev almaq mümkün deyil. Biz də buna görə dəfələrlə İcra Hakimiyyətinə şikayət etmişdik. Axır ki, yeni başçı Elşad Həsənov bizim səsimizi Prezidentə çatdırdı. Cənab Prezident, 2018-2019-cu illərdə "Sovetski"də evləri sökülən sakinlərə hər kvadratmetrə 500 manatdan hesablanmaqla əlavə kompensasiyanın verilməsi barədə göstəriş verib. Qonşularımızın bir qismi kompensasiyanı alıb. Mən də sənədlərimi təqdim etmişəm. Maliyyə Nazirliyindən vəsait ayrılan kimi əlavə kompensasiya kart hesabımıza köçürüləcək. Mən indiyə qədər demək olar ki, özümə normal şəraitli ev ala bilməmişəm. Binəqədidə bir ev almışam ki, ona da ev demək olmaz. Halbuki 45 kvadrat metr sahəsi olan evimə 2000 manatdan kompensasiya verilsəydi, şəhərin kənarından ev ala bilərdim. Amma sağ olsun başçımız ki, şikayətimizi dinlədi, Prezidentə məruzə etdi".

Prezident "Sovetski"dəki məscidin söküntüsünü dayandırdı

Məlumatı Sputnik Azərbaycan-a Yasamal Rayon İcra Hakimiyyətindən də təsdiqləyiblər. Yasamal Rayon İcra Hakimiyyəti başçısının köməkçisi Habil Süleymanzadə bildirib ki, 2018-2019-cu illərdə "Sovetski"də evləri sökülən sakinlərə əlavə vəsaitin ayrıldığı məlumatı doğrudur. Amma başçının köməkçisi bildirib ki, bu, əlavə kompensasiya deyil: "Orada 2000-sakin var ki, evi söküldüyü üçün əlavə yardımın ayrılması qərara alınıb. Yardım bir qisminə bu il verilib, digər qisminə isə gələn il veriləcək. Bu əlavə kompensasiya yox, yardımdır. Ayrılan yardımın hər kvadrat metrə görə 500 manatdan hesablanması barədə məlumat bir qədər yanlışdır. Vəsait sakinlərin hesabına Maliyyə Nazirliyi tərəfindən xüsusi düsturla hesablanaraq keçirilir".

1486
Bakıda parada parada baxan şəxslər, arxiv şəkli

Müharibədə xəsarət almış hərbi qulluqçuların tibbi-sosial ekspertizasına başlanır

0
(Yenilənib 17:55 18.01.2021)
"Komissiyada təmsil olunan orqanların nümayəndələrindən ibarət olmaqla, hər bir region üzrə işçi qrupları fəaliyyət göstərəcək".

BAKI, 18 yanvar — Sputnik. Hərbi əməliyyatlar zamanı xəsarət almış hərbi qulluqçuların tibbi-sosial ekspertizası məsələlərinin həlli məqsədilə Nazirlər Kabinetinin Qərarı əsasında aidiyyəti dövlət orqanlarının səlahiyyətli şəxslərindən ibarət olmaqla yaradılmış komissiyanın ilk iclası keçirilib. Bu barədə Sputnik Azərbaycan-a Əmək və Əhalinin Sosial Müdafiəsi Nazirliyindən məlumat verilib.

Komissiyanın sədri, əmək və əhalinin sosial müdafiəsi naziri Sahil Babayev vurğulayıb ki, Prezident, Silahlı Qüvvələrin Müzəffər Ali Baş Komandanı İlham Əliyevin rəhbərliyi ilə Ordumuzun böyük tarixi Zəfər əldə etdiyi Vətən müharibəsində şəhid olan qəhrəmanlarımızın ailələri kimi, müharibədə xəsarət (yaralanma, travma, kontuziya) alan hərbi qulluqçuların da sosial müdafiəsi diqqət mərkəzindədir. Dövlət başçısının tapşırığına əsasən onlarla bağlı dəstək tədbirləri görülür. Yaralanmış hərbi qulluqçuların artıq yarıdan çoxu Nazirliyin əməkdaşları tərəfindən ziyarət olunub və bu proses yaxın günlərdə başa çatacaq.

Nazir bildirib ki, bu görüşlər zamanı onların, ailə üzvlərinin sosial vəziyyətləri öyrənilməklə müvafiq dəstək işləri aparılır, həmçinin reabilitasiya vasitələri ilə təmin edilirlər. Son bir ayda da 125 hərbçiyə 530 reabilitasiya vasitəsi verilib, 6 hərbi qulluqçu yüksək texnologiyalı 8 protezlə təmin olunub. Ehtiyacı olanlara sosial-psixoloji dəstək və reabilitasiya xidmətləri göstərilir.

S.Babayev, bu görüşlər zamanı, eyni zamanda, xəsarət almış hərbi qulluqçuların sağlamlıq vəziyyəti, tibbi-sosial ekspertizası üçün də məlumatlar toplandığını, amputasiya halları ilə bağlı onlardan bir qisminə artıq uyğun əlillik dərəcələri təyin olunduğunu qeyd edib.

O bildirib ki, hazırda ilk iclası keçirilən bu komissiya da ölkəmizin ərazi bütövlüyü uğrunda hərbi əməliyyatlar zamanı xəsarət almış hərbi qulluqçuların tibbi-sosial ekspertizasının operativ, vaxtında, keyfiyyətlə, mərkəzləşmiş şəkildə həyata keçirəcək. Komissiyada təmsil olunan orqanların nümayəndələrindən ibarət olmaqla, hər bir region üzrə işçi qrupları fəaliyyət göstərəcək. Bu işçi qrupları həmin hərbi qulluqçuların birgə əyani müayinəsi, onların xəsarət və xəstəliklərinin hərbi xidmətlə əlaqəsinin müəyyən edilməsi işini aparacaq. Bundan sonra müvafiq tibbi sənədlərin elektron sistemə daxil edilməsi və əlilliyin qiymətləndirilməsi aparılmaqla prosesin operativ, şəffaf və keyfiyyətlə icrası təmin olunacaq.

Əlillik təyinatları aparılmış hərbi qulluqçulara sosial ödənişlərin təyinatı da elə əlillik təyin olunan gün proaktiv şəkildə, elektron sistem üzərində avtomatik şəraitdə həyata keçiriləcək. Eyni zamanda, onların reabilitasiya xidmətləri ilə əhatə olunması işləri aparılacaq.

İclasda komissiya tərəfindən görüləcək işlər müzakirə olunaraq tədbirlər planı təsdiq edilib.

Xatırladaq ki, komissiyasının tərkibinə Azərbaycan Respublikası müdafiə, səhiyyə nazirlərinin müavinləri, Müdafiə Nazirliyinin Tibb Baş İdarəsinin rəisi, İcbari Tibbi Sığorta üzrə Dövlət Agentliyinin İdarə Heyəti sədrinin müavini, Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri, Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri, Tabeliyində hərbi-həkim komissiyaları və həkim-uçuş komissiyaları olan dövlət orqanlarının səlahiyyətli şəxsləri daxil edilib.

0
Bakı məktəblərin birində, arxiv şəkli

Orta məktəbi vaxtından əvvəl bitirmək istəyənlər üçün imkan

6
(Yenilənib 17:57 18.01.2021)
İstedadlı şagirdlər üçün təşkil olunan eksternat imtahanı Təhsil Nazirliyinin müvafiq əmri ilə təsdiq edilmiş "Ümumi təhsil pilləsinin ibtidai, ümumi orta və tam orta təhsil səviyyələrinin vaxtından əvvəl bitirilməsi Qaydaları" əsasında keçirilir.

BAKI, 18 yanvar — Sputnik. Ümumi təhsilin hər hansı səviyyəsini vaxtından əvvəl bitirmək istəyən istedadlı şagirdlər üçün eksternat qaydasında imtahan keçiriləcək. Sputnik Azərbaycan-ın məlumatına görə, Bakı Şəhəri üzrə Təhsil İdarəsinin (BŞTİ) əmrinə əsasən, eksternat imtahanı yanvarın 19-da təşkil olunacaq.

Qeydiyyatdan keçmiş məktəblilərin biliyi test imtahanı vasitəsilə yoxlanılacaq. İmtahan hər fəndən 10 sual olmaqla, fənn proqramlarına uyğun hazırlanacaq və nəticələr müvafiq komissiya tərəfindən 100 ballıq şkala üzrə qiymətləndiriləcək. Test imtahanından uğurla keçən istedadlı şagirdlər müsahibəyə cəlb olunacaqlar.

Qeyd edək ki, istedadlı şagirdlər üçün təşkil olunan eksternat imtahanı Təhsil Nazirliyinin müvafiq əmri ilə təsdiq edilmiş "Ümumi təhsil pilləsinin ibtidai, ümumi orta və tam orta təhsil səviyyələrinin vaxtından əvvəl bitirilməsi Qaydaları" əsasında keçirilir.

6