Ailə, arxiv şəkli

Xəyanət insanları valideynlik hüququndan məhrum etməyə əsas vermir

1409
(Yenilənib 08:35 30.11.2019)
Valideynlik hüququ məhdudlaşdırılanların da sayında tədrici artım qeydə alınıb. Belə ki, ötən il 35 nəfərin valideyn hüquqları məhdudlaşdırılıb.

Nigar İsgəndərova, Sputnik Azərbaycan

BAKI, 30 noyabr — Sputnik. Bu il Azərbaycanda 55 nəfər valideynlik hüququndan məhrum edilib. Dövlət Statistika Komitəsinin rəsmi məlumatına görə, 2005-2018-ci illər üzrə bu rəqəm 1530 olub. 2005-ci ildə bu rəqəm 116, 2018-ci ildə isə 128 təşkil edib. Göründüyü kimi illər üzrə rəqəmlərdə artım nəzərə çarpır.

Valideynlik hüququ məhdudlaşdırılanların da sayında tədrici artım qeydə alınıb. Belə ki, ötən il 35 nəfərin valideyn hüquqları məhdudlaşdırılıb. Ümumilikdə, 2005-2018-ci illər ərzində ölkədə valideynlik hüquqları məhdudlaşdırılanların sayı 634 nəfər təşkil edib. 2005-ci ildə bu rəqəm 4, 2018-ci ildə isə 35 olub.

Maraqlıdır, hansı hallarda insanlar valideynlik hüququndan məhrum edilir, yaxud da onların bu hüquqları məhdudlaşdırılır?

Hüquqşünas Elvin Səlimov Sputnik Azərbaycan-a açılamasında deyib ki, valideynlik hüququndan məhrumedilmə Ailə Məcəlləsinin 12-ci fəslində nəzərdə tutulub. Həmin fəsildə valideynlərin hüquq və vəzifələrindən bəhs edilir, onların digərləri ilə müqayisədə daha üstün hüquq və vəzifələrə malik olduğu qeyd olunur. Ailə Məcəlləsinin 64-cü maddəsində bildirilir ki, valideynlər öz vəzifələrini yerinə yetirmədikdə, yəni aliment ödəmək iqtidarında olduğu halda qəsdən bu ödənişi həyata keçirmədikdə, valideynlik hüququndan məhrum edilirlər.

Bağça
© Official website of President of Azerbaijan Republic

"Valideynlik hüququndan sui-istifadə edilirsə, uşaqlara qarşı məişət zorakılığı olursa, tərəflərdən biri xroniki alkoqolizm və narkomaniyadan əziyyət çəkirsə, buna görə qeydiyyatdadırsa, uşaqlara, yaxud da valideynin biri tərəfindən digərinin sağlamlığına, yaxud da həyatına qəsd edilməklə cinayət törədilirsə, təqsirli şəxs valideynlik hüququndan məhrum edilə bilər. Bununla bağlı isə təbii ki, məhkəmənin qətnaməsi olmalıdır", - deyə həmsöhbətimiz əlavə edib.

Hüquqşünas deyib ki, bir şəxsin valideynlik hüququndan məhrum edilməsi, onu vəzifələrindən azad etmir. Valideynlik hüququndan məhrum edilmə ilə bağlı qərar olsa da, həmin şəxs aliment ödəməlidir: "Valideynlik hüququndan məhrum olma cəza alan şəxsin övladı üzərində hüquqlarından məhrum edilmədir. Belə olan halda o övladı ilə münasibətdə hansısa hüquqdan istifadə edə bilmir. Lakin valideyn həyat tərzini dəyişdikdə, alimentlə bağlı öhdəliklərini və digər vəzifələrini vaxtında icra etdikdə, bu zaman onun valideynlik hüququ bərpa olunur. Həmin şəxs məhkəməyə müraciət etdikdən sonra onun işinə baxılır. Yerli icra hakimiyyətlərinin qəyyumçuluq, himayəçilik orqanları da bu işə cəlb olunur. Burada bir məqam da var: Uşaq 10 yaşa çatıbsa, valideynlik hüququndan məhrum edilən şəxsin valideynliyinin bərpası həmin uşağın razılığı ilə ola bilər".

Səlimovun sözlərinə görə, valideynlik hüququndan məhrum edilmiş şəxsin övladı 6 ay ötdükdən sonra müvafiq qəyyumçuluq və himayəçilik orqanının razılığı ilə başqa bir şəxsə övladlığa verilə bilər. Uşaq övladlığa verilibsə, övladlığa götürmə ləğv olunmayıbsa, bu zaman valideynlik hüququndan məhrum edilmiş şəxsin hüquqlarının bərpası mümkün olmur.

Valideynlik hüququnun məhdudlaşdırılmasına gəlincə, hüquqşünas deyib ki, valideyn psixi pozğunluq, xroniki xəstəliklərdən əziyyət çəkdiyi halda bu baş verə bilər. Çünki belə olan halda, uşaqla ünsiyyətdə problemlər yarana bilər. Valideynlik hüququnun məhdudlaşdırılması ilə bağlı olaraq da məhkəmədə qətnamə qəbul olunur və 3 gün ərzində tərəflərə təqdim edilir.

Hüquqşünasın sözlərinə görə, həm valideynlik hüququnun ləğvi, həm də məhdudlaşdırılması zamanı valideynlər vəzifələrindən azad olmurlar. Onlar hər şeyə rəğmən vəzifələrini icra etməlidirlər.

"Qadın həyat yoldaşına xəyanət edirsə, ər onun valideynlik hüququndan məhrum edilməsini tələb edir. Valideynlik hüququndan məhrumetmə ilə bağlı Ailə Məcəlləsinin 64-cü maddəsində konkret olaraq göstərilən müddəalar var. Burada qeyd olunur ki, şəxs hansı hallarda konkret olaraq valideynlik hüququndan məhrum edilə bilər. Bəzən tərəflər elə düşünür ki, valideynlik hüququndan azadedilmə sadə prosesdir və bu problemi məhkəməyə müraciət edərək yoluna qoya bilərlər. Həyat yoldaşının xəyanəti ilə üzləşmiş şəxs bununla bağlı məhkəməyə müraciət edərək boşana bilər. Lakin xəyanət etmiş tərəf övladına baxırsa, onun qayğısına qalırsa, onda niyə valideynlik hüququndan məhrum edilməlidir?!", - deyə hüquqşünas əlavə edib.

Ailə, Qadın və Uşaq Problemləri üzrə Dövlət Komitəsinin Uşaq Problemləri şöbəsinin Böyük məsləhətçi Günel Nağdəliyeva isə Sputnik Azərbaycan-a açıqlamasında deyib ki, Azərbaycan Respublikasının Konstitusiyasına əsasən, uşaqların qayğısına qalmaq və onları tərbiyə etmək valideynlərin borcudur. Bu borcun yerinə yetirilməsinə dövlət nəzarət edir. Bütün valideynlər uşaqlarının hüquq və mənafelərinin müdafiə edilməsi üçün öhdəlik daşıyırlar. Valideynlik hüququ, uşaq hüquqlarının pozulmasına əsas vermir. Valideynlik hüququ yerinə yetirilən zaman uşağın mənafeyi əsas götürülməlidir.

Uşaqlar, arxiv şəkli
© REUTERS / Jose Luis Gonzalez

"Valideynlik hüququnun təmin olunması özlüyündə məhz uşağın hüquq və mənafeyinin təmin olunmasına xidmət etməlidir. Bu hallara riayət olunmazsa, Azərbaycan Respublikasının Ailə Məcəlləsində öz təsbitini tapmış müddəalar rəhbər götürülür. Məcəllənin 51-ci maddəsində qeyd olunur ki, uşağın hüquqları və qanuni mənafeləri pozulduqda, o cümlədən valideynləri, yaxud onlardan biri, uşağın təhsili, tərbiyəsi üzrə vəzifələrini yerinə yetirmədikdə, uşaq öz hüquqlarını qorumaq üçün müvafiq icra hakimiyyəti orqanına müraciət edə bilər. Artıq 14 yaşı tamam olmuş uşaqlar isə öz hüquqlarını qorumaq üçün yaşadıqları ərazi üzrə məhkəməyə müraciət etmək hüququna malikdirlər", - deyə Dövlət Komitəsinin nümayəndəsi bildirib.

1409

Azərbaycanın İranla sərhədindəki Ağbənddə bayrağımız dalğalanır - VİDEO

21
(Yenilənib 19:30 22.10.2020)
Dövlətimizin başçısı Ağbənd zastavasında Azərbaycan bayrağının qaldırılmasının videosunu da paylaşıb.

BAKI, 22 oktyabr - Sputnik. Ağbənd qəsəbəsinin azad edilməsi ilə Azərbaycan və İran İslam Respublikası dövlət sərhədinin tam nəzarətə götürülməsi təmin olundu.

Sputnik Azərbaycan bildirir ki, bu barədə Azərbaycan Prezidenti İlham Əliyev Twitter hesabında məlumat verərək, bu münasibətlə Azərbaycan və İran xalqlarını təbrik edib.

Həmçinin dövlətimizin başçısı Ağbənd zastavasında Azərbaycan bayrağının qaldırılmasının videosunu da paylaşıb.

​Qeyd edək ki, bu gün müzəffər Azərbaycan Ordusu Füzuli rayonunun Mollavəli, Yuxarı Rəfədinli, Aşağı Rəfədinli, Cəbrayıl rayonunun Sirik, Şıxlar, Məstəlibəyli, Dərzili kəndlərini, Zəngilanın Kolluqışlaq, Malatkeşin, Kənd Zəngilan, Genlik, Vəliqulubəyli, Qaradərə, Çöpədərə, Tatar, Tiri, Əmirxanlı, Qarqulu, Bartaz, Dəlləkli kəndlərini və Ağbənd qəsəbəsini işğaldan azad edib.

21
Teqlər:
Prezident İlham Əliyev, Azərbaycan ordusu, erməni təxribatı, Ermənistan-Azərbaycan, Dağlıq Qarabağ münaqişəsi, bayraq, Ağbənd qəsəbəsi, sərhəd, İran, Azərbaycan
Mövzu:
Azərbaycan və Ermənistan arasında müharibə
Əlaqədar
Dövlət başçısı: "Azərbaycan və İran dövlət sərhədi tam nəzarətə götürüldü"
Füzuli, Cəbrayıl və Zəngilanın 20 kəndi və 1 qəsəbəsi azad edildi - İlham Əliyev
İlham Əliyev: "Sülhməramlılarla bağlı həlledici sözü biz deməliyik"
İlham Əliyev: "Ermənistanın bu hökuməti ilə sülhlə nizamlanma perspektivi çox uzaqdır"
İlham Əliyev: "Dağlıq Qarabağda heç bir referendum olmayacaq"
Corc Dik

İsrail səfiri: "Mülki vətəndaşlara edilən hücumlar qəbuledilməzdir"

8
(Yenilənib 18:58 22.10.2020)
Azərbaycan-İsrail münasibətlərinə toxunan israilli diplomat iki ölkə arasında dostluq və əməkdaşlıq münasibətlərinin dərin tarixi köklərə malik olduğunu vurğulayıb

Eldar Tanrıverdiyev, Sputnik Azərbaycan

BAKI, 22 oktyabr — Sputnik. Milliyyətindən, etnik mənsubiyyətindən və dini inancından asılı olmayaraq mülki vətəndaşlara edilən hücumlar qəbuledilməzdir.

Sputnik Azərbaycan xəbər verir ki, bunu Gəncədə erməni terrorunun acı nəticələrinə şahidlik edən İsrailin Azərbaycandakı səfiri Corc Dik deyib.

İsrailli diplomat Gəncəyə səfərinin əsas məqsədinin erməni terroru zamanı həlak olan dinc sakinlərin yaxınları və Gəncə sakinləri ilə görüşmək, bu dəhşətli raket hücumlarının səbəb olduğu dağıntıları öz gözləri ilə görmək olduğunu deyib.

"Buraya Azərbaycan xalqına və Gəncə şəhərinin sakinlərinə, həlak olanların ailələrinə başsağlığı vermək və bu hücum nəticəsində yaralananların tezliklə şəfa tapmasını diləmək üçün gəlmişəm. Biz İsrail dövləti olaraq müharibə və hücumların, xüsusən də günahsız mülki şəxslərə qarşı həyata keçirilən bu cür hücumların səbəb olduğu dəhşətli hadisələrin nə olduğunu çox yaxşı bilirik. Milliyyətindən, etnik mənsubiyyətindən və dini inancından asılı olmayaraq mülki vətəndaşlara qarşı həyata keçirilən hücumlar qəbuledilməzdir. Heç bir insanın həyatına laqeyd yanaşmaq olmaz. Heç kim bu cür şəraitdə yaşamamalı və gecələr rahat yatarkən heç kim öz yaxınlarını, əzizlərini və ya qonşusunu itirməməlidir".

Azərbaycan-İsrail münasibətlərinə toxunan israilli diplomat iki ölkə arasında dostluq və əməkdaşlıq münasibətlərinin dərin tarixi köklərə malik olduğunu vurğulayıb.

"Bu dostluq heç kimə qarşı yönəlməyib. Azərbaycanla dostluğumuza dəyər veririk və Gəncədə yaşanan dəhşətli hücumun qurbanlarını bu çətin anlarda dəstək olaraq bir sıra humanitar yardımla təmin edirik".

Sonda səfir Corc Dik faciə qurbanlarının ailələrinə, eləcə də Gəncə sakinlərinə və bütün Azərbaycan xalqına dərin hüznlə başsağlığı verib, yaralananların tezliklə şəfa tapmasını diləyib.

8
Mövzu:
Azərbaycan və Ermənistan arasında müharibə