Əldə şpris, arxiv şəkli

Narkocinayətlərin sayı artmaqdadır - RƏSMİ

8
(Yenilənib 16:00 30.11.2019)
Muradlı ötən ildə 31 mindən çox narkomanın qeydə alındığını və onlardan 21 mininin iynələmə üsulundan istifadə etdiyini söyləyib.

BAKI, 29 noyabr - Sputnik. "Qaçaqmalçılıqla saxlanılan mal və məhsullar sırasında narkotiklər 45.6 faiz təşkil olunur. Təkcə bu ilin 11 ayında 358 narkocinayət hadisəsi aşkarlanıb. 2018-ci ildə isə bu rəqəm 264, 2017-ci ildə 210, 2012-ci ildə 87belə hadisə qeydə alınıb. Il ərzində götürülən narkotiklərin miqdarı 1 ton 21kiloqram olub. Bu rəqəmin 0.3-ü marixuana, 11.4-ü həşiş, 893.3-ü heroin, 30.6-ı tiryək, 4-ü kokoin, 73.7-i metamfetamin, 5.3-ü diəgrləri təşkil edir. Onu qeyd edim ki, 1 kiloqram heroindən 10 min doza alınır".

Sputnik Azərbaycan-ın xəbərinə görə, bu barədə Gömrük Komitəsinin Əməliyyat-İstintaq Baş İdarəsi rəisinin birinci müavini Güloğlan Muradlı jurnalistlərə açıqlamasında deyib. O ötən ildə 31 mindən çox narkomanın qeydə alındığını və onlardan 21 mininin iynələmə üsulundan istifadə etdiyini söyləyib: "Bu il ərzində insan bədənində 108 dəfə narkotik aşkarlanma halı qeydə alınıb. Təəssüflə qeyd etməliyəm ki, son illərdə qadınlar və uşaqlar da narkokuryer kimi istifadə edilir. Hazırda qadınların narkokuryer kimi istifadəsi il ərzində 14 faiz təşkil edib". Idarə rəisi həmçini ötən gün Biləsuvarda keçirilən böyük əməliyyatdan da danışıb.

Bildirib ki, bəzən belə hallar sonradan aşkarlandıqda Gömrük Komitəsi təqsirləndirilir: "Lakin bu belə deyil. Çünki sərhədi keçən şəxslər müxtəlif varinatlardan istifadə edirlər. Xüsusən də qeyd etməliyəm ki, avtomobillərdə yüzlərlə boşluq olan hissələr var və bunun 100 faiz yoxlanılması fiziki imkan baxımdan da mümkün deyil".

G.Muradlının sözlərinə görə, il ərzində qaçaqmal kimi daşınan mal və məhsullar sırasında mobil telefonlar da var: "Ötən il 6 min 400 mobil telefon, bu il isə minə yaxın mobil telefon aşkarlanıb".

"Bundan başqa, onu da qeyd edim ki, 80 min ədəd spirtli içkinin qaçaqmalçılıq yolu ilə keçirilməsinin qarşısı alınıb. Bu içkilər isə daha çox Rusiya və Özbəkistan keçirilib".O həmçinin qaçaqmal yolu ilə keçirilən valyutadan da danışıb: "İl ərzində 290 min dollar, 13 min avro, 25 min manat, 6 milyon rubl, qızıl və zinət əşyalarının keçirilməsinin qarşısı alınıb".

8
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

33
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

33
Su təhcizatı işləri, arxiv şəkli

Həm Azərbaycanın, həm İranın arzusu reallaşır - "Xudafərin" hidroqovşağından şad xəbər

65
(Yenilənib 23:50 20.10.2020)
Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir.

BAKI, 20 oktyabr — Sputnik. "Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O vurğulayıb ki, Azərbaycan, İran və Rusiyanın enerji sistemlərinin əlaqələndirilməsi üzrə proses davam edir: "Hər üç ölkənin müvafiq enerji şirkətlərinin razılığı ilə müəyyən edilmiş məsləhətçi şirkət tərəfindən layihənin texniki-iqtisadi əsaslandırılmasının hazırlanmasına başlanılıb. Eyni zamanda, "Azərbaycan Respublikası Hökuməti ilə İran İslam Respublikası Hökuməti arasında Araz çayı üzərində "Xudafərin" və "Qız Qalası" hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında Saziş"dən irəli gələn vəzifələr də yerinə yetirilməkdədir.

"Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir. "Xudafərin" hidroqovşağı üzrə tikinti xərclərinin və dəymiş ziyanın hesablanması, habelə su elektrik stansiyalarının qurğu və avadanlıqlarının alınması və quraşdırılması məsələlərinə baxılır. 1,6 milyard kubmetrdən çox sututumuna malik bu hidroqovşaqlar və ümumi qoyuluş gücü 280 meqavat gücündə olan bu stansiyalar Araz çayının su və enerji ehtiyatlarından hər iki tərəfin birgə istifadəsinə imkanlar yaradır".

O bildirib ki, bu layihələr iqtisadi və strateji aspektdən ölkəmiz üçün çox əhəmiyyətlidir:

"Bu layihələrin reallaşması Azərbaycana illik 368 milyon kilovat/saat elektrik enerjisi istehsalı, mövcud 252 min hektar torpaq sahəsi üzrə suvarmanın yaxşılaşdırılması və 8 min hektar yeni əkin sahələrinin suvarılması imkanı yaradacaq. Azərbaycanın suverenliyi, ərazi bütövlüyü əsas götürülməklə 2016-cı ildə bu layihələr üzrə sazişin imzalanması işğal olunmuş ərazilərimizin geri qaytarılacağına böyük inamın ifadəsi idi".

"Bu günlərdə müzəffər Ordumuzun Cəbrayıl şəhəri və rayonunun bıra sıra kəndlərini azad etməsi də Azərbaycan Prezidentinin uzaqgörən siyasətini, həmin ərazilərin bərpası zamanı bu hidroqovşaqlar və stansiyaların istifadəsinə əvvəlcədən hazırlıqla bağlı strateji baxışlarını bir daha nümayiş etdirdi. Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir", - deyə nazir bildirib.

65
Əlaqədar
İranla Azərbaycan arasında tarixi "Xudafərin Sazişi" imzalandı
İlham Əliyev: Xudafərin körpüsünün üzərində Azərbaycan bayrağı qaldırıldı
Nazirlikdən sərhədlərimizi qoruyanlara Xudafərin naminə zirehli hədiyyə - FOTO
Xudafərin körpüsünün üzərində Azərbaycan bayrağı - VİDEO
Ermənistan Xudafərin istiqamətində əməliyyat keçirməyə qadir deyil - MN