Bakı-Astara avtobusu

Sürücülər narkotiki sükan arxasında qəbul edir

25
(Yenilənib 16:17 29.11.2019)
"Ola bilər ki, sürücü yolda narkotik maddə istifadə edib. Yolda hər hansı hadisə baş verərsə, yəni sürücü rol arxasında narkotik maddə qəbul edərsə, artıq bununla hüquq mühafizə orqanları iş aparır"

Zülfiyyə Quluyeva, Sputnik Azərbaycan

BAKI, 29 noyabr — Sputnik. Bu gün narkotik vasitənin təsiri altında Bakıdan Astaraya sərnişin daşıyan avtobus sürücüsü saxlanılıb. Daxili İşlər Nazirliyinin (DİN) Mətbuat Xidmətindən verilən məlumata görə, Astara Rayon Polis Şöbəsinin əməkdaşları tərəfindən daxil olmuş məlumat əsasında rayon ərazisində Bakı-Astara marşrutu üzrə işləyən, Saylan şəhər sakini Ədalət Əliyevin idarə etdiyi "Temza" markalı, 10-TG-546 dövlət qeydiyyat nişanlı sərnişin avtobusu saxlanılıb. Sürücü Ədalət Əliyev tibbi müayinəyə dəvət edilib. Müayinə zamanı Ə.Əliyevin sərnişin dolu avtobusu narkotik vasitənin təsiri altında idarə etdiyi müəyyən olub. Astara RPŞ-yə gətirilən Ə.Əliyevin üzərinə keçirilən baxış zamanı bir bükümdə narkotik vasitə olan heroin aşkar edilərək götürülüb. Faktla bağlı Astara Rayon Polis Şöbəsinin İstintaq Bölməsində araşdırma aparılır.

© AR Ministry of Internal Affairs
Sürücü Ədalət Əliyev

Qeyd edək ki, sürücülərin narkotik maddə istifadə edərək sükan arxasında əyləşməsi hallarına tez-tez rast gəlinir. Bir müddət bundan əvvəl buna bənzər fakt paytaxtda sərnişindaşımada qeydə alınmışdı. Bu isə sürücülərin tibbi müayinə məsələsini gündəmə gətirir. Dövlət Avtomobil Nəqliyyatı Xidmətinin mətbuat katibi Nuridə Allahyarova Sputnik Azərbaycan-a açıqlamasında bildirib ki, ildə bir dəfə Əmək Məcəlləsinə uyğun olaraq işə götürülən sürücülər ümumi tibbi müayinədən keçərək tibbi arayış təqdim edirlər: "O zaman narkoloji yoxlama aparılır. İşə götürən işçinin narkotik istifadəçi olub-olmadığına əmin olmaq işə götürənin borcudur. Bundan sonra isə hər dəfə reys qabağı sürücülər tibbi müayinədən keçirilir. Reys qabağı tibbi müayinənin aparılması isə daşıyıcı şirkətə tapşırılıb. Daşıyıcılar reysqabağı tibbi müayinə üçün səhiyyə müəsisəsi ilə müqavilə bağlamalıdır. Həmin müqavilə əsasında tibb müəssisəsinin işçiləri qarajlarda hər reysdən öncə sürücünü tibbi müayinədən keçirirlər. Bu prosesə narko və alko testlərdən keçirilmə də daxildir. Amma ola bilər ki, sürücü yolda narkotik maddə istifadə edib. Yolda hər hansı hadisə baş verərsə, yəni sürücü rol arxasında narkotik maddə qəbul edərsə, artıq bununla hüquq mühafizə orqanları iş aparır".

25
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

22
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

22
Ramil Quliyev

Dünya çempionu da "Qarabağ Azərbaycandır!" dedi

22
(Yenilənib 23:21 29.10.2020)
İdmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

BAKI, 29 oktyabr — Sputnik. Türkiyə millisinin azərbaycanlı dünya çempionu Ramil Quliyev Ermənistan silahlı qüvvələrinin Bərdə şəhərinə raket zərbələri ilə törətdiyi terror barədə özünün "Instagram" səhifəsində paylaşım edib.

Sputnik Azərbaycan xəbər verir ki, idmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

Ramil Quliyevin paylaşımının skrinşotu

Bununla yanaşı, sosial şəbəkədə Qarabağa aid video yayımlayıb və qeyd bölməsinə "Qarabağ Azərbaycandır" yazıb.

Qeyd edək ki, 30 yaşlı idmançının "Instagram"da 67 mindən çox izləyicisi var.

22