Qəbiristanlıq

Bakıdakı on səkkiz qəbiristanlıqla bağlı müəmma - Onlara yiyə duran yoxdur

826
(Yenilənib 14:32 29.11.2019)
Ekspert Ramil Osmanlı deyib ki, yüksək vəzifəli şəxslər onların nəzarətində olan qəbiristanlıqların bələdiyyələrə verilməsinə mane olurlar.

Zülfiyyə Quluyeva, Sputnik Azərbaycan

BAKI, 29 noyabr — Sputnik. Qəbiristanlıqların bələdiyyələrə verilməsi ilə bağlı qərarın üzərindən bir ilə yaxın vaxt keçməsinə baxmayaq, bəzi qəbiristanlıqlar hələ də bələdiyyələr tərəfindən təhvil götürülməyib. Bu barədə Sputnik Azərbaycan-a Bakı Əhaliyə Vətəndaşlıq Xidməti Trestinin (BƏVXT) baş mühəndisi Sabir Həsənov məlumat verib. O, bildirib ki, Nazirlər Kabineti (NK) tərəfindən 2018-ci ilin dekabr ayında "Qəbiristanlıqların salınması və idarə olunması Qaydaları"na dəyişiklik edilib. Keçmiş Baş Nazir Novruz Məmmədovun qərarı ilə qəbiristanlıqlar yerli bələdiyyələrin idarəçiliyinə verilib. Amma hələ xeyli sayda bələdiyyə öz qəbiristanlığına sahib çıxmaq istəmir. S. Həsənov deyir ki, bu bir ilə yaxın müddətdə 32 qəbiristanlıqdan cəmi 14-ü bələdiyyələr tərəfindən təhvil götürülüb. Yerdə qalan bələdiyyələrin isə öz ərazilərindəki qəbiristanlıqları təhvil alma prosesi gecikir. S. Həsənov həmin bələdiyyələrin adını çəkməkdən imtina etsə də, bildirib ki, 18 qəbiristanlıq öz "sahibi"nin - müvafiq bələdiyyənin yolunu gözləyir.

Bəs görəsən bələdiyyələrin qəbiristanlıqları təhvil almasına nə mane olur?

Ədliyyə Nazirliyinin Bələdiyyələrlə İş Mərkəzindən Sputnik Azərbaycan-a bildiriblər ki, bu, tez həll olunan məsələ deyil. Qəbiristanlıqların Trestin balansından çıxarılıb yerli özünüidarəetmə orqanlarının tabeliyinə verilməsi üçün invertarlaşma işləri başa çatmalıdır:

"Bu istiqamətdə kompleks işlər gedir. İşlər başa çatdıqdan sonra qəbiristanlıqlar ərazi üzrə bələdiyyələrin balansına keçəcək. Bunun üçün müəyyən sənədlər hazır olmalıdır. Sənədləşmə işləri başa çatdıqdan sonra qəbiristanlıqların bələdiyyələrə verilməsi prosesi tamamlanacaq".

Qəbiristanlıqların bələdiyyələr tərəfindən təhvil götürülməsinin yubanmasının səbəbini elə özlərindən də soruşduq. Araşdırma zamanı bəlli oldu ki, Bakıətrafı qəsəbələrdə yerləşən qəbiristanlıqların çoxu bələdiyyələrin balansına keçib. Yerdə qalıb mərkəzi rayon bələdiyyələri. 

Məsələn, Keşlə qəbiristanlığı kimi böyük və məşhur qəbiristanlıq hələ də bələdiyyənin balansına verilməyib. Keşlə qəsəbə bələdiyyəsinin sədr müavini İradə Həsənova Sputnik Azərbaycan-a bildirib ki, qəbiristanlığın adı Keşlə olsa da, Keşlə bələdiyyəsinin ərazisinə düşmür. Bu qəbiristanlıq Xətai rayon bələdiyyəsinin ərazisindədir. Xətai rayon bələdiyyəsindən isə qəbiristanlığın onların ərazisində olsa da, hələ ki onların balansına verilmədiyini söylədilər. Bildirdilər ki, həmin qəbiristanlığın bələdiyyənin balansına verilməsi üçün NK-nın mövcud qərarı Ədliyyə Nazirliyinin Bələdiyyələrlə İş Mərkəzindən Xətai bələdiyyəsinə göndərilməlidir: "Biz də istəyirik ki, vətəndaşlara xidmət göstərək. Amma həmin qərar bizə göndərilməlidir ki, qəbiristanlığın bələdiyyəyə verilməsi üçün sənədləşmə işlərinə başlayaq".

Ekspert Ramil Osmanlı isə bildirib ki, ancaq şəhər mərkəzinə yaxın qəbiristanlıqların bələdiyyələrə verilməsi prosesi ləngiyir. O, bunun müəyyən bürokratik əngəllər üzündən yubandığını bildirib. Onun sözlərinə görə, bəzi qəbiristanlıqlar yüksək vəzifəli şəxslərin nəzarətindədir. Onlar qəbiristanlıqların bələdiyyələrə verilməsinə müxtəlif vasitələrlə mane olurlar.

826
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

4
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

4
Su təhcizatı işləri, arxiv şəkli

Həm Azərbaycanın, həm İranın arzusu reallaşır - "Xudafərin" hidroqovşağından şad xəbər

18
(Yenilənib 23:50 20.10.2020)
Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir.

BAKI, 20 oktyabr — Sputnik. "Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O vurğulayıb ki, Azərbaycan, İran və Rusiyanın enerji sistemlərinin əlaqələndirilməsi üzrə proses davam edir: "Hər üç ölkənin müvafiq enerji şirkətlərinin razılığı ilə müəyyən edilmiş məsləhətçi şirkət tərəfindən layihənin texniki-iqtisadi əsaslandırılmasının hazırlanmasına başlanılıb. Eyni zamanda, "Azərbaycan Respublikası Hökuməti ilə İran İslam Respublikası Hökuməti arasında Araz çayı üzərində "Xudafərin" və "Qız Qalası" hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında Saziş"dən irəli gələn vəzifələr də yerinə yetirilməkdədir.

"Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir. "Xudafərin" hidroqovşağı üzrə tikinti xərclərinin və dəymiş ziyanın hesablanması, habelə su elektrik stansiyalarının qurğu və avadanlıqlarının alınması və quraşdırılması məsələlərinə baxılır. 1,6 milyard kubmetrdən çox sututumuna malik bu hidroqovşaqlar və ümumi qoyuluş gücü 280 meqavat gücündə olan bu stansiyalar Araz çayının su və enerji ehtiyatlarından hər iki tərəfin birgə istifadəsinə imkanlar yaradır".

O bildirib ki, bu layihələr iqtisadi və strateji aspektdən ölkəmiz üçün çox əhəmiyyətlidir:

"Bu layihələrin reallaşması Azərbaycana illik 368 milyon kilovat/saat elektrik enerjisi istehsalı, mövcud 252 min hektar torpaq sahəsi üzrə suvarmanın yaxşılaşdırılması və 8 min hektar yeni əkin sahələrinin suvarılması imkanı yaradacaq. Azərbaycanın suverenliyi, ərazi bütövlüyü əsas götürülməklə 2016-cı ildə bu layihələr üzrə sazişin imzalanması işğal olunmuş ərazilərimizin geri qaytarılacağına böyük inamın ifadəsi idi".

"Bu günlərdə müzəffər Ordumuzun Cəbrayıl şəhəri və rayonunun bıra sıra kəndlərini azad etməsi də Azərbaycan Prezidentinin uzaqgörən siyasətini, həmin ərazilərin bərpası zamanı bu hidroqovşaqlar və stansiyaların istifadəsinə əvvəlcədən hazırlıqla bağlı strateji baxışlarını bir daha nümayiş etdirdi. Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir", - deyə nazir bildirib.

18
Əlaqədar
İranla Azərbaycan arasında tarixi "Xudafərin Sazişi" imzalandı
İlham Əliyev: Xudafərin körpüsünün üzərində Azərbaycan bayrağı qaldırıldı
Nazirlikdən sərhədlərimizi qoruyanlara Xudafərin naminə zirehli hədiyyə - FOTO
Xudafərin körpüsünün üzərində Azərbaycan bayrağı - VİDEO
Ermənistan Xudafərin istiqamətində əməliyyat keçirməyə qadir deyil - MN