Bakı şəhəri

Hava sevindirməkdə davam edəcək

67
(Yenilənib 13:07 28.11.2019)
Havanın temperaturu Abşeron yarımadasında gecə 7-9, gündüz 11-14, Bakıda gecə 7-9, gündüz 12-14 dərəcə isti olacaq

BAKI, 28 noyabr — Sputnik. Bakıda və Abşeron yarımadasında noyabrın 29-da havanın dəyişkən buludlu olacağı, əsasən yağmursuz keçəcəyi gözlənilir.

Ekologiya və Təbii Sərvətlər Nazirliyinin Milli Hidrometeorologiya Departamentindən Sputnik Azərbycan-a verilən məlumata görə, gecə və səhər bəzi yerlərdə zəif duman olacaq.

Bakı bulvarı
© Sputnik / Murad Orujov

Şimal-qərb küləyi günün ikinci yarısında cənub-şərq küləyi ilə əvəz olunacaq.

Havanın temperaturu Abşeron yarımadasında gecə 7-9, gündüz 11-14, Bakıda gecə 7-9, gündüz 12-14 dərəcə isti olacaq.

Atmosfer təzyiqi 764 mm civə sütunu, nisbi rütubət gecə 70-80, gündüz 50-60 faiz təşkil edəcək.

Azərbaycanın rayonlarında sabah hava əsasən yağmursuz keçəcək. Lakin gecə və səhər bəzi şimal və qərb rayonlarında havanın yağıntılı olacağı gözlənilir. Ayrı-ayrı yerlərdə duman olacaq. Qərb küləyi bəzi yerlərdə arabir güclənəcək.

Havanın temperaturu gecə 1-6, gündüz 10-15 dərəcə isti, dağlarda gecə 2 dərəcə şaxtadan 3 dərəcəyədək isti, gündüz 5-10 dərəcə isti olacaq.

Tibbi-meteoroloji proqnoza gəlincə, noyabrın 29-da Abşeron yarımadasında meteoroloji amillərin zəif tərəddüdü, iqlim normasına yaxın temperatur rejimi gözlənilir ki, bu da meteohəssas insanlar üçün əsasən əlverişlidir.

67
Akvariuma baxan ziyarətçilər, arxiv şəkli

Rusiyalı mütəxəssislər Bakı sakinlərinə sürpriz hazırlayırlar

22
(Yenilənib 13:01 29.11.2020)
Bakı zooparkının direktoru yaxın vaxtlarda şəhərin sakinlərinə və qonaqlarına təqdim olunacaq qeyri-adi yeniliklərdən danışıb.

Zarina Orucəliyeva, Sputnik Azərbaycan

BAKI, 29 noyabr — Sputnik. Bakı zooloji parkının ərazisində ilk dəfə olaraq nəhəng akvaterrarium tikiləcək. Sputnik Azərbaycan-a bu barədə Bakı zooparkının direktoru Azər Hüseynov məlumat verib.

Hazrıda zoopark bərpa mərhələsindədir, oradakı heyvanlar isə paytaxtın Qaradağ rayonundakı müvəqqəti qəfəslərə köçürülüb.

“Hazırda akvaterrariumda iş gedir. Onu Moskvanın Avrasiya zooparklar və akvariumlar assosiasiyasının üzvü olan “Akva Loqo” şirkəti tikir. Akvaterrariumda timsahlar, kaymanlar, ilanlar, varanlar yaşayacaq. Sonra müxtəlif növ balıqlar üçün iki iri akvariumun tikilməsi də plandadır”, - Hüseynov bildirib.

O qeyd edib ki, indiyədək Azərbaycanda nəhəng akvarium olmayıb.

Direktor deyib ki, özü hələ konstruksiyasını görməsə də, onun nəhəng olacağından şübhəsi yoxdur.

“Dəhliz formasında xüsusi müşahidə hissəsi tikiləcək. Əmin edirəm ki, çox gözəl olacaq”, - zooparkın direktoru əlavə edib.

Yaxın günlərdə xüsusi “elektroçoban” sisteminin quraşdırılması nəzərdə tutulub. Vəhşi heyvanlar, məsələn, şirlər, tezliklə açıq səma altında dolaşa biləcəklər. İçindən elektrik cərəyanı keçən xüsusi qorxuducu sistem onlara ziyarətçilərə yaxınlaşmağa imkan verməyəcək.

Rusiya zooparkına məxsus şirin skeleti yarım əsrdir Gəncədə saxlanır – video
© Sputnik / Rahim Məmmədov / Kamilla Əliyeva / Leyla Orucova

Rusiyalı mütəxəssislərin ardınca Azərbaycana Çindən olan işçilər gələcəklər, onlar qəfəslər üçün torları çəkəcəklər.

Hüseynovun sözlərinə görə, yenilənmiş zooparkda tezliklə yeni heyvanlar da görə biləcəyik. Azərbaycana artıq əfilər, kaymanlar, ilanlar və Rusiyadan iki pələng gətirilib. Yaxın zamanlarda Tbilisi zooparkından zebra da gətiriləcək.

Yeni zooparkın tikintisi hələ 2018-ci ildə IDEA İctimai Birliyinin dəstəyi ilə başlayıb. Bərpa təşəbbüsü Heydər Əliyev Fondunun vitse-prezidenti Leyla Əliyevaya məxsusdur.

Yenilənmiş zooparkın ərazisi iki hektar böyüyəcək – 2.25-dən 4.25-dək. Bunun sayəsində heyvanların qəfəsləri də genişlənəcək və təbii mühit şəraitinə daha yaxın olacaq. 

Hüseynovun sözlərinə görə, Bakının sakinləri və qonaqlarını möhtəşəm sürpriz gözləyir: zooparka yeni növ ekzotik heyvanlar gətiriləcək. Bunlar arasında Avstraliya, Amerika və Afrika faunasının nümayəndələri də ola bilər.

22
Teqlər:
fauna, Amerika, Afrika, Avstraliya, elektroçoban, əfi ilan, kayman, timsah, akvaterrarium, Bakı Zooloji Parkı, Bakı

Qarış-qarış Qarabağ: Ağdamın Şahbulaq kəndi - VİDEO

12
(Yenilənib 13:38 29.11.2020)
Üçtərəfli bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) Kəlbəcər rayonu Azərbaycana qaytarılıb

Ağdam rayonunun Şahbulaq kəndindən videogörüntülər yayılıb.

Sputnik Azərbaycan bildirir ki, videonu Azərbaycan Müdafiə Nazirliyi təqdim edib.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.
Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) Kəlbəcər rayonu Azərbaycana qaytarılıb. Dekabrın 1-də Laçın rayonunun Azərbaycana qaytarılması nəzərdə tutulur. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.
Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

12
Teqlər:
Azərbaycan Müdafiə Nazirliyi, video, kənd, Ağdam, Qarabağ
Mövzu:
Azərbaycan və Ermənistan arasında müharibə
Nikol Paşinyan, arxiv şəkli

Paşinyan ölkədəki hərc-mərcliyi dayandırmaq üçün təklif verdi: “Əsirləri...”

0
(Yenilənib 12:45 29.11.2020)
Paşinyan yazıb ki, daxili fikir ayrılıqları problemin həllini sürətləndirməyəcək. O qeyd edib ki, kimin günahkar olduğu və hansı məsuliyyət daşıdığı hələ gələcəkdə bəlli olacaq

BAKI, 29 noyabr — Sputnik. Ermənistanın baş naziri Nikol Paşinyan hərbi əsirlərin qaytarılması və itkin düşmüşlərin axtarışı məsələlərini tezləşdirmək üçün ölkədəki hərc-mərcliyi dayandırmağa çağırıb.

“Biz ölkədə vəziyyəti tədricən sabitləşdirməliyik, onu daha da qəlizləşdirməməliyik. İndi ən vacib məsələ əsirlərin, itkin düşmüşlərin və potensial olaraq gizlənmiş (hərbçilərin) problemidir və onu tez həll etmək lazımdır”, - Paşinyan Facebook səhifəsində yazıb.

O həmçinin Azərbaycanı nəzərdə tutaraq qeyd edib ki, bizim ölkəmizin nöqteyi-nəzərindən baxanda bu problemin uzanması guya Azərbaycana Ermənistanda qarşıdurmanı dərinləşdirməyə kömək edəcək, bu isə çaxnaşmalara gətirib çıxara bilər.

Paşinyan yazıb ki, daxili fikir ayrılıqları problemin həllini sürətləndirməyəcək. O qeyd edib ki, kimin günahkar olduğu və hansı məsuliyyət daşıdığı hələ gələcəkdə bəlli olacaq. “Ancaq indi biz problemin birgə həllinə kökkənməliyik, bir-birimizlə dava etməyə yox. Buna əminəm”, - Paşinyan yazıb.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.
Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) Kəlbəcər rayonu Azərbaycana qaytarılıb. Dekabrın 1-də Laçın rayonunun Azərbaycana qaytarılması nəzərdə tutulur. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır. 

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

 

0
Teqlər:
itkin düşənlər, hərbi əsirlər, Nikol Paşinyan, qarşıdurma, Ermənistan
Mövzu:
Azərbaycan və Ermənistan arasında müharibə