Qəbələnin Aydınqışlaq kəndi

Bu kənddə zaman çox namünasib vaxtda donub - FOTO

776
(Yenilənib 18:27 28.11.2019)
Təkcə yollarına yağış yağıb korlasa, dərd yarıdır: Aydınqışlaqda göydən damcı düşəndə evləri ancaq ildırımların işığı aydınladır

İlham Əhmədov, Sputnik Azərbaycan

BAKI, 28 noyabr — Sputnik. Artıq bir neçə ildir ki, Azərbaycanın əksər kəndlərinə yollar çəkilir, işıq, qaz və telefon xətləri yenilənir. Bir müddət əvvəl Qəbələdə yeni istifadəyə verilmiş kənd yollarını da buna misal gətirmək olar. Amma bununla yanaşı, rayonun elə kəndləri də var ki, oraya gedəndə istər-istəməz 90-cı illəri xatırlamalı olursan.

Sputnik Azərbaycan xəbər verir ki, darmadağın olmuş kənd yolları, hasarlardan sallanan telefon xətləri, aşmağa fürsət gözləyən işıq dirəkləri və ağacların üzəri ilə aparılmış qaz xətlərini gördükdə insan sözün əsl mənasında heyrətə gəlir. Hazırda söhbət etdiyimiz məkan Qəbələnin Aydınqışlaq kəndidir.

© Sputnik / Ilham Ahmadov
Qəbələnin Aydınqışlaq kəndi

Bu kəndin iki minə yaxın sakini və yeddi yüzə yaxın təsərrüfatı mövcuddur. Kənd insanları keçimlərini əsasən heyvandarlıq və qərzəkli meyvələrin yığılması ilə təmin etməkdədirlər.

Kənd sakini Rəcəb Yusibov durumlarını anladır: "Vəziyyət acınacaqlıdır. Yağış yağanda, ümumiyyətlə qış aylarında yollardan istifadə mümkün deyil. Boğaza qədər palçığa batırsan".

© Sputnik / Ilham Ahmadov
Evlərdə bir salamat elektrik avadanlığı qalmayıb

Təkcə yollarına yağış yağıb korlasa, dərd yarıdır: Aydınqışlaqda göydən damcı düşəndə evləri ancaq ildırımların işığı aydınladır.

Kənd ağsaqqalı Kərim Alxasov olanları belə izah edir: "Bir balaca külək əssə və ya yağıntı olsa, kənddən çıxmaqdan başqa çarəmiz yoxdur. Gün ərzində dəfələrlə işıqlar sönür-yanır. Evlərdə bir salamat elektrik avadanlığı qalmayıb. Bunlar bir yana, əsəblərimiz də tar-mar olub. Dəfələrlə işıq idarəsinə müraciət eləmişik, amma hələ də problem həllini tapmayıb".

  • Qəbələnin Aydınqışlaq kəndində vəziyyət
    © Sputnik / Ilham Ahmadov
  • Qəbələnin Aydınqışlaq kəndi
    © Sputnik / Ilham Ahmadov
  • Qəbələnin Aydınqışlaq kəndi
    © Sputnik / Ilham Ahmadov
1 / 3
© Sputnik / Ilham Ahmadov
Qəbələnin Aydınqışlaq kəndində vəziyyət

Kəndin digər sakini Yaşar Göycəyev kəndin problemlərini həll etmək üçün hər şeyi sıfırdan təmir etməyin vacibliyini vurğulayır: "İşıq dirəkləri yenisi ilə əvəz olunmalı, transformatorlar bərpa olunmalı və digər kommunal xidmətlər yenidən qurulmalıdır. Sakinlərin eləsi var ki, öz həyətlərində belə qorxu ilə gəzirlər, çünki elektrik dirəyi, yaxud transformator aşa, işıq xətti qəfil qırılıb düşə bilər".

Aydınqışlağın telefon xətləri bir ayrı "dastan"dır. Bir telefon xəttinin təmiri və kabelin havayla aparılması üçün ancaq kənd sakinləri özləri səy göstərməsələr, nə axtaran var, nə də soruşan. Telefon xətləri ya ağacların arasındadır, görünmür, ya da yerlərə sərilib, qaldırılıb dirəklərə bağlanacağı günü gözləyir.

Qəbələnin Aydınqışlaq kənd sakinlərinin müraciəti ilə bağlı Qəbələ Regional Elektrik Şəbəkəsi ilə əlaqə saxladıq. Regional şəbəkənin istismar üzrə rəis müavini Nüsrət Əmikişiyev bildirdi ki, yaranmış problemdən xəbərləri var. Amma o, problemin yaranmasında kənd sakinlərinin də günahkar olduğunu iddia etdi. Onun sözlərinə görə, işıq dirəkləri kiminsə bağına, kiminsə mağazasının yanına düşdüyü üçün sakinlərdən bəziləri narazılıq edərək, dirəklərinin basdırılmasına müəyyən problemlər yaradırlar. Eyni zamanda o, bu məsələnin yaxın zamanda həll olunacağını bildirdi.

Rəis müavini yaxın zamanlarda hər bir rayona, cümlədən Qəbələyə 25 transformatorun veriləcəyini bildirdi. Bundan sonra dəyişidirilməsi zəruri olan transformatorlar yenisi ilə əvəz olunacaq. İşıq dirəklərinə gəldikdə, onlar ilin sonu və gələn ilin əvvəlinə qədər yenisi ilə əvəz olunacaq.

Kənd sakinlərinin telefon xətləri ilə yaranmış problemləri ilə bağlı Qəbələ Telekommunikasiya Qovşağının direktoru Etibar İsayevlə əlaqə saxladıq. O, kənddə telefon xətlərinin problemli olması ilə bağlı heç bir məlumatın daxil olmadığını, olacaq təqdirdə istənilən zaman müdaxilə edilərək təmir və ya bərpa işlərinə hazır olduqlarını bildirdi. E.İsayev onu da qeyd etdi ki, yaranmış anlaşılmazlıqla əlaqədar kəndə mütəxəssis ezam olunacaq və araşdırma aparılacaq.

Qazax Rayon İcra Hakimiyyətində yeni su və kanalizasiya layihəsinin təqdimat mərasimi keçirilib
© Azersu Open Joint-Stock Company

Qəbələ Rayon Qaz İstismar İdarəsinin rəsmisi isə qazla bağlı kənddə yeni layihə əsasında yenidən işlər görüləcəyini, lazımı ərazilərdə qaz xətlərinin yenisi ilə əvəz olunacağını bildirdi. İdarə rəsmisinin sözlərinə görə, bu problemlə bağlı Rayon İcra Hakimiyyətinə də məlumat verilib, birgə layihə hazırlanaraq aidiyyatı qurumlara təqdim olunub.

Öz növbəsində kənd icra nümayəndəsi abadlıq işləri aparılacağını və gələn ilin sonuna kimi kənddə bütün yolların abadlaşdırılacağını bildirdi.

Beləliklə, əlaqədar qurumların hamısının nümayəndəsi Aydınqışlaq kəndinin sakinlərinin insan kimi yaşamaları üçün bütün işləri görəcəklərinə söz verdilər. Bizə isə gözləmək qalır.

776
Kompüter arxasında qız, arxiv şəkli

Azərbaycanda Kommunal Xidmətlər üzrə Vahid İnformasiya Sisteminin sınaqlarına başlanacaq

2
(Yenilənib 23:08 21.10.2020)
Bu, istehlakçıların bütün kommunal xidmətlər üzrə onlara aid məlumatları vahid şəxsi kabinet üzərindən idarə etmələrinə imkan yaradır

BAKI, 21 oktyabr — Sputnik. Kommunal Xidmətlər üzrə Vahid İnformasiya Sistemi və Vahid Çağrı Mərkəzinin yaradılması nəzərdə tutulur.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O qeyd edib ki, "Açıq hökumətin təşviqinə dair 2020-2022-ci illər üçün Milli Fəaliyyət Planı"na əsasən, Kommunal Xidmətlər üzrə Vahid İnformasiya Sistemi və Vahid Çağrı Mərkəzinin yaradılması nəzərdə tutulur: “"Dövlət informasiya ehtiyatları və sistemlərinin formalaşdırılması, aparılması, inteqrasiyası və arxivləşdirilməsi Qaydaları"nın təsdiq edilməsi və elektron hökumətlə bağlı bəzi tədbirlər haqqında Azərbaycan Respublikası Prezidentinin Fərmanı ilə Kommunal Xidmətlər Vahid İnformasiya Sisteminin operatoru funksiyaları Energetika Nazirliyinə həvalə edilib.

Cari ilin sonuna kimi "ASAN xidmət" tərəfindən sistemin test fazasına başlanması planlaşdırılır. Bu, istehlakçıların bütün kommunal xidmətlər üzrə onlara aid məlumatları vahid şəxsi kabinet üzərindən idarə etmələrinə imkan yaradır. Kommunal xidmətlər üzrə vahid informasiya bazasının yaradılması bu sahədə həyata keçirilən siyasətin mərkəzləşdirilməsi və sistemləşdirilməsi, müvafiq xidmətlər üzrə müraciətlərin vahid platformadan ünvanlanması, bu xidmətlərin hər kəs üçün daha əlçatanlığı və fasiləsizliyi, yaranan çətinliklərin operativ həlli baxımından faydalıdır”.

“Vətəndaş müraciətlərinin obyektiv araşdırılaraq cavablandırılması, xidmətlərin icrası zamanı sui-istifadə hallarının qarşısının alınması, xidmətlərin icra vəziyyətinə dair mərkəzləşdirilmiş təhlil və hesabatların aparılması, istifadəçilər tərəfindən xidmətin keyfiyyətinə dair təklif və iradların toplanması, həmçinin vətəndaş məmnunluğunun artırılması məqsədilə yaradılacaq Vahid Çağrı Mərkəzinin formalaşdırılması ilə bağlı Konsepsiya layihəsi də Nazirlər Kabinetinə təqdim edilib. Bütün bu tədbirlər açıqlıq, şəffaflıq və hesabatlılıq prinsiplərini əsas tutaraq dövlət xidmətlərinin təkmilləşdirilməsinə, ictimai nəzarətin gücləndirilməsinə xidmət edəcək”, - deyə nazir bildirib.

2
Azərbaycan bayrağı, arxiv şəkli

Beynəlxalq ictimaiyyət Dağlıq Qarabağla bağlı Azərbaycanın haqlı mövqeyini dəstəkləyir

17
Xarici ölkələrin parlament nümayəndələri və beynəlxalq təşkilatların təmsilçiləri cəbhə xəttində gedən döyüşlərlə bağlı bəyanatlar verməkdə davam edirlər

BAKI, 21 oktyabr — Sputnik. Xarici ölkələrin parlament nümayəndələri və beynəlxalq təşkilatların təmsilçiləri cəbhə xəttində gedən döyüşlərlə bağlı bəyanatlar verməkdə davam edirlər.

Milli Məclisin Mətbuat və ictimaiyyətlə əlaqələr şöbəsindən Sputnik Azərbaycan-a bildirilib ki, Macarıstan Milli Assambleyasının Sədri Laslo Köver, Macarıstan-Azərbaycan Dostluq Qrupunun rəhbəri Atilla Tilki Ermənistan hərbi qüvvələrinin humanitar atəşkəsi pozaraq Azərbaycanın yaşayış məntəqələrini atəşə tutmasını pisləyib, Dağlıq Qarabağ münaqişəsinin həlli məsələsində Azərbaycana öz dəstəyini ifadə ediblər.

Həmçinin Avropa Parlamentinin Cənubi Qafqaz ölkələri üzrə Parlament Əməkdaşlıq Komitəsinin həmsədri Marina Kalyurand öz müraciətində Ermənistan-Azərbaycan Dağlıq Qarabağ münaqişəsinin sülh yolu ilə, beynəlxalq hüquq normaları və prinsipləri çərçivəsində, BMT Nizamnaməsi və ATƏT-in Helsinki Yekun Aktı əsasında həllinə tərəfdar olduğunu bildirib.

Özbəkistan Ali Məclisinin Azərbaycanla dostluq qrupunun rəhbəri Alişer Kadırovun məktubunda da Ermənistanın Azərbaycana qarşı son təxribatları, Ermənistan silahlı qüvvələrinin ölkəmizin ikinci böyük şəhəri olan Gəncəni, orada yaşayan dinc əhalini artilleriya və raket atəşinə tutması, mülki obyektlərin hədəfə alınması şiddətlə qınanılır, Azərbaycan Ordusunun həyata keçirdiyi əks-hücum tədbirləri təqdir edilir. Münaqişənin sülh yolu ilə beynəlxalq hüquq normaları çərçivəsində həllinə dəstək ifadə olunur.

17
Mövzu:
Azərbaycan və Ermənistan arasında müharibə
Əlaqədar
XİN: "Ermənistan rəhbərliyi məsuliyyətsiz bəyanatları ilə öz xalqını uçuruma sürükləyir"
Ermənistan döyüşlərə ASALA üzvlərini də cəlb edir
Hikmət Hacıyevdən Paşinyana cavab: Münaqişənin danışıqlar yolu ilə həllini dəstəkləyirik
Ərdoğan yenə Azərbaycana dəstək verdi: Bizə uzadılan hər bir əli kəsirik və kəsəcəyik!
Bütün imkanlarımızla Azərbaycanı dəstəkləyəcəyik - Türkiyənin Milli Müdafiə naziri