Əlləri ilə qulaqlarını tutmuş uşaq

Səs-küy cəzasız qalacaq?

494
(Yenilənib 19:15 21.11.2019)
Mülki hüquqda "qonşu təsirinə dözmək hüququ" deyilən anlayış var. Burada titrəyişlər, böyük səs-küylər yaratmağın qadağan olduğu qeyd edilir

İradə Cəlilova, Sputnik Azərbaycan

BAKI, 21 noyabr — Sputnik. Son vaxtlar Bakı şəhərində çoxmərtəbəli binaların tikintisi zamanı ətraf mühitin səs-küylə çirkləndirilməsi sakinlərin narahatlığına səbəb olub. Bu barədə sakinlər öz narazılıqlarını da dilə gətirirlər. Günün istənilən saatında səhər-günorta-axşam bilmədən drel və ağır texnikanın səsi tikinti aparılan ərazilərə yaxın yaşayan insanların kabusuna çevrilib.

Moskvada Çaplıqin küçəsi gecə saatlarında, arxiv şəkli
© Sputnik / Kirill Kallinikov

Bunlar azmış kimi, bəzi narahat sakinlərin gecə davaları, şənlikləri qonşularına rahat yaşamağa imkan verimir.

Bəzi xarici ölkələrdə ətraf mühitin səs-küylə çirkləndirilməsinə görə qadağalar tətbiq edilir. Məsələn, bir müddət əvvəl gecə səssizliyinin pozulması ilə bağlı Rusiyada müvafiq qərar sərtləşdirilib. Qərara görə, saat 23.00-07.00-a qədər səs-küy yaradıb insanların rahatlığını pozanlar müəyyən miqdarda xərimə ediləcəklər.

Azərbaycanda isə bununla bağlı İnzibati Xətalar Məcəlləsində konkret maddə qeyd edilməyib.

İnsanlar qonşuları və ya yaxınlıqdakı obyektlər tərəfindən səs-küylə narahat edildiyi təqdirdə isə məhkəməyə müraciət etməlidirlər.

Hüquqşünas Səməd Vəkilov Sputnik Azərbaycan-a açıqlamasında bildirib ki, qonşu təsirinə dözmək hüququnun pozulması ilə bağlı konkret olaraq vaxt təyin edilməyib.

Bu problemlə qarşılaşan zaman vətəndaş məhkəməyə müraciət etməlidir.

"2000-ci ildə kafelər, barlar səhərə qədər fəaliyyət göstərir, səs-küy insanların rahatlığını pozur, onların narazılığına səbəb olurdu. Şəhərdə olan narazılıqdan sonra Bakı Şəhər İcra Hakimiyyəti 2000-ci ildə sərəncam verdi. Sərəncamla kafe-bar və restoranların səhərə qədər olan fəaliyyəti qadağan edildi. BŞİH tərəfindən monitorinq qrupu yaradılmışdı. Şəhərdə bu istiqamətdə monitorinqlər aparılır və qadağanı pozan obyektlər cərimə edilirdi", - deyə S.Vəkilov bildirib.

Onun sözlərinə görə, mülki hüquqda "qonşu təsirinə dözmək hüququ" deyilən anlayış var. Burada titrəyişlər, böyük səs-küylər yaratmağın qadağan olduğu qeyd edilir:

"Məsələn, tutaq ki, sizin binanın altında restoran var və oradan güclü səs-küy gəlir və bu sizin qonşuluq hüququnuzu pozur. Bunun üçün siz məhkəməyə müraciət etməlisiniz. Məhkəmə ekspert təyin etməli və həmin pozuntu öz təsdiqini tapdığı təqdirdə obyekt cərimə edilməlidir".

Hüquqşünas qeyd edir ki, ancaq evdə səs-küy yaratmaq və qonşuların narazılılğına səbəb olmaq xuliqanlıq kimi də tövsif edilə bilər: "Əgər səs yaradan restorandırsa, onun fəaliyyətinə qadağa qoyula bilər. Vətəndaşa dəymiş maddi və mənəvi zərər ondan alına bilər".

İnzibati Xətalar Məcəlləsinin 245.2. maddəsinə görə, ətraf mühitə və insan sağlamlığına mənfi təsir göstərən vibrasiya və səs-küy çirklənməsinin müvafiq icra hakimiyyəti orqanının müəyyən etdiyi normalarının pozulmasına görə fiziki şəxslər iki yüz manatdan üç yüz manatadək məbləğdə, vəzifəli şəxslər iki min beş yüz manatdan üç min beş yüz manatadək məbləğdə, hüquqi şəxslər səkkiz min manatdan on min manatadək məbləğdə cərimə edilirlər.

Ancaq qonşuluq təsirinə dözmək hüququna görə vətəndaşlar məhkəməyə müraciət etməlidirlər.

Tikinti məsələləri üzrə ekspert Elnur Fərzəliyev deyir ki, tikinti şirkətləri gecə saatlarında tikinti apara bilər. Çünki gündüz saatlarında tikintiyə material daşıyan avtomobillərin şəhərə girişi qadağandır. Belə olduğu halda işlərin həyata keçirilməsi üçün avtomobillər axşam saatlarında şəhərə daxil ola bilir:

"Əgər material axşam saatlarında gətirilə bilirsə, orada çalışan işçilər işləri görməyə məcburdurlar".

Onun sözlərinə görə, bu istiqamətdə olan qanunlar bir daha gözdən keçirilməlidir.

Məsələ ilə bağlı Bakı Şəhər Baş Polis İdarəsindən Sputnik Azərbaycan-a bildirilib ki, bu kimi hallarla qarşılaşan vətəndaşlar polisə müraciət etməlidirlər.

494

DİN: Aşıq Namiq qadının ünvanına qeyri-etik ifadələr səsləndirib

6
Məhkəmənin 7 noyabr tarixli qərarı ilə N.Hüseynov İnzibati Xətalar Məcəlləsinin 535.1-ci maddəsində nəzərdə tutulan inzibati xətanı törətməkdə təqsirli bilinərək barəsində inzibati tənbeh tədbiri tətbiq edilib.

BAKI, 1 dekabr — Sputnik. Televiziya kanallarının birində aşıq Namiq Fərhadoğlu (Namiq Hüseynov) Nərimanov polisinin ünvanına əsassız ittihamlar səsləndirib.

Sputnik Azərbaycan xəbər verir ki, DİN Mətbuat Xidmətinin KİV və ictimaiyyətlə əlaqələr şöbəsinin rəisi, polis mayoru Elşad Hacıyev bildirib ki, Namiq Hüseynovun səsləndirdiyi fikirlər böhtandır və qərəzdən irəli gəlir.

Oktyabrın 30-da N.Hüseynov barəsində Nərimanov RPİ-nin 18-ci Polis Şöbəsinə şikayət ərizəsi daxil olub. Müraciətdə vətəndaş sosial şəbəkə vasitəsilə tanış olduğu şəxsin ona etik olmayan təkliflər etməsini və onun tələblərinə əməl etməyəcəyi təqdirdə hədə-qorxu gəlməsini vurğulayıb.

İş üzrə aparılan araşdırmanın xüsusatlarını aydınlaşdırmaq məqsədilə N.Hüseynov müvafiq polis şöbəsinə dəvət olunmasına baxmayaraq o, polisə tabesizlik nümayiş etdirib, şikayət edən qadının ünvanına isə qeyri-etik ifadələr səsləndirib.

Qeyd olunan hərəkətlərdə xırda xuliqanlıq, polis işçisinin və ya hərbi qulluqçunun qanuni tələbinə qəsdən tabe olmama maddələrinin tərkib əlamətləri olduğuna görə fakta əsasən İnzibati Xətalar Məcəlləsinin 510-cu (Xırda xuliqanlıq) və 535.1-ci (Polis işçisinin və ya hərbi qulluqçunun qanuni tələbinə qəsdən tabe olmama) maddəsi ilə inzibati protokol tərtib olunaraq baxılması üçün Nərimanov rayon Məhkəməsinə göndərilib.

Məhkəmənin 7 noyabr tarixli qərarı ilə N.Hüseynov İnzibati Xətalar Məcəlləsinin 535.1-ci maddəsində nəzərdə tutulan inzibati xətanı törətməkdə təqsirli bilinərək barəsində inzibati tənbeh tədbiri tətbiq edilib.

6
Teqlər:
aşıq, şikayət, Nərimanov RPİ, Elşad Hacıyev, DİN
Dəmir yolu körpüsünün tikintisi yekunlaşdırılıb

Xırdalan dairəsi yaxınlığında dəmir yolu körpüsünün tikintisi yekunlaşdırılıb

8
(Yenilənib 11:07 01.12.2020)
Avtonəqliyyat vasitələrinin normal və təhlükəsiz hərəkətinə maneə törətdiyi üçün köhnə körpünün sökülərək əvəzinə yeni bir aşırımlı tağlı dəmir yolu körpüsünün inşa edilməsi ilə bağlı qərar qəbul edilmişdi.

BAKI, 1 dekabr — Sputnik. Bakı-Quba-Rusiya Federasiyası ilə dövlət sərhədi avtomobil yolunun Xırdalan dairəsi yaxınlığında yeni dəmir yolu körpüsünün tikintisi aparılaraq yekunlaşdırılıb.

Bu barədə Sputnik Azərbaycan-a Azərbaycan Avtomobil Yolları Dövlət Agentliyindən məlumat verilib.

  • Dəmir yolu körpüsünün tikintisi yekunlaşdırılıb
    © Azerbaijan Highway State Agency
  • Dəmir yolu körpüsünün tikintisi yekunlaşdırılıb
    © Azerbaijan Highway State Agency
  • Dəmir yolu körpüsünün tikintisi yekunlaşdırılıb
    © Azerbaijan Highway State Agency
  • Dəmir yolu körpüsünün tikintisi yekunlaşdırılıb
    © Azerbaijan Highway State Agency
1 / 4
© Azerbaijan Highway State Agency
Dəmir yolu körpüsünün tikintisi yekunlaşdırılıb

Bildirilib ki, yeni körpünün uzunluğu 68.5 metr, eni isə 12.7 metr təşkil edir.

Qeyd edək ki, köhnə dəmiryolu körpüsünün dayaqları yolun hərəkət hissəsində avtonəqliyyat vasitələrinin normal və təhlükəsiz hərəkətinə maneə törətdiyi üçün köhnə körpünün sökülərək əvəzinə yeni bir aşırımlı tağlı dəmir yolu körpüsünün inşa edilməsi ilə bağlı qərar qəbul edilmişdi.

8
Teqlər:
tikinti, körpü, dəmir yolu, Xırdalan dairəsi

Tariximizin Laçın vaxtı! - Ali Baş Komandan bəyan etdi

4
Xalqa müraciətində Prezident İlham Əliyev Laçın rayonunun Ermənistan silahlı qüvvələrinin işğalından azad edildiyini bəyan edib.

BAKI, 1 dekabr - Sputnik. Azərbaycan Prezidenti, Ali Baş Komandan İlham Əliyev xalqa müraciət edib.

Sputnik Azərbaycan-ın xəbərinə görə, müraciət AzTV vasitəsilə yayımlanıb.

Xalqa müraciətində Prezident İlham Əliyev Laçın rayonunun Ermənistan silahlı qüvvələrinin işğalından azad edildiyini bəyan edib.

Laçın rayonu 1992-ci il mayın 18-də erməni silahlı birləşmələri tərəfindən işğal edilmişdi.

Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Azərbaycan Respublikasının Prezidenti İlham Əliyev və Rusiya Federasiyasının Prezidenti Vladimir Putin Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanata görə, Ağdam rayonu 2020-ci il noyabrın 20-dək Azərbaycan Respublikasına qaytarılıb. 2020-ci il noyabrın 15-də Azərbaycan Respublikasına Kəlbəcər rayonu, dekabrın 1-də Laçın rayonu qaytarılmalı idi. Lakin erməni tərəfi daha 10 gün vaxt istəyərək Kəlbəcəri noyabrın 25-də boşaltdı. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

4
Teqlər:
Ermənistan Silahlı Qüvvələri, Vladimir Putin, Üçtərəfli bəyanat, Dağlıq Qarabağ, Azərbaycan, İlham Əliyev, Ali Baş Komandan, Laçının azad olunması, Laçının işğalı