Səricə Məmmədova

Gümüşü könüllülər - ən stressiz yerindən Reportaj

1125
(Yenilənib 21:13 08.11.2019)
"Gümüşü DOST" təqaüdə çıxmış yaşlı təbəqənin asudə vaxtlarının dəyərləndirilməsi və cəmiyyətə yenidən inteqrasiyasını təmin edən alt proqramdır. Proqramın adı isə insanların yaşlandığı zaman saçının rənginin dəyişərək gümüşü rəng alması ilə bağlıdır

Nigar İsgəndərova, Sputnik Azərbaycan

BAKI, 8 noyabr — Sputnik. Pensiya yaşına çatmaq heç də cəmiyyət üçün yararsız olmaq demək deyil. Artıq bir çox ölkələr bu şüarı rəhbər tutaraq təqaüdçüləri işə cəlb edir, onlardan dövlət büdcəsi üçün müəyyən fayda əldə edirlər. 

Əlbəttə, büdcə ilə yanaşı, burada digər başlıca amil həmin şəxslərin iş qabiliyyətlərinin zəifləməsinin, özlərini zaman keçdikcə "yaşlıyam" deyib yararsız hiss etmələrinin qarşısını almaqdır.

Azərbaycanda da pensiyaçıların aktivliyinin təminatı üçün müəyyən layihələr gerçəkləşdirilir. Əmək və Əhalinin Sosial Müdafiəsi Nazirliyinin tabeliyində "Dayanıqlı və Operativ Sosial Təminat Agentliyi" (DOST) bu cür şəxslərə xüsusi qayğı ilə yanaşır. Onların bilik və bacarıqlarının artırılması üçün müxtəlif vaxtlarda maraqlı layihələr icra olunur. Bu proqramlara "Üçüncü bahar" və artıq bir neçə aydır ki, icra olunan "Gümüşü könüllülər"i də misal olaraq göstərmək olar.

1956-cı il təvəllüdlü İradə Abbasova
© Sputnik / Nigar Iskanderova
Əmək və Əhalinin Sosial Müdafiəsi Nazirliyinin tabeliyində "Dayanıqlı və Operativ Sosial Təminat Agentliyi" (DOST)

Belə proqramlarda məqsəd pensiya yaşına çatmış şəxslərin aktiv həyat tərzinin təmin olunmasına dəstəkdir.

Bu gün DOST-un ən aktiv işçiləri sırasında "Gümüşü könüllülər"in də adı var desək, yanılmarıq. Sputnik Azərbaycan gümüşü könüllülərlə, onların işi ilə tanış olub.

Həmsöhbətimiz, 1956-cı il təvəllüdlü İradə Abbasova ixtisasca əmtəəşünasdır. Onun ikinci ixtisası isə psixoloqdur. 20 illik iş stajı olan İ.Abbasova 45 yaşından etibarən işləmir. O, vətəndaşlara növbələrin verilməsi, növbələrin tənzimlənməsi, bir sözlə, vətəndaş məmnuniyyətinin yüksəldilməsi işlərinə dəstək vermək üçün DOST kollektivi ilə birgə çalışır: "O zamanlar mağazada malların istifadə müddətlərinə nəzarət edirdim. Mağazada olan bütün malların üzərində yazılan tarixləri yoxlayırdım. Övladlarım olandan sonra işdən uzaqlaşmalı oldum, artıq 20 ildir ki, iş mühitindən kənarda idim. Bu müddətdə 3 övladımı böyüdərək onlara ali təhsil vermişəm, peşə sahibi olublar".

1956-cı il təvəllüdlü İradə Abbasova
© Sputnik / Nigar Iskanderova
1956-cı il təvəllüdlü İradə Abbasova

"Əvvəllər psixoloq kimi çalışmışam. İndi isə yalnız balaca, şıltaq nəvəmin psixoloquyam", - deyə o əlavə edir.

İ.Abbasova 1 saylı DOST Mərkəzində "gümüşü könüllü" kimi işə başlamasından danışır: "Bir müddət öncə "Üçüncü bahar" layihəsinə qatılmışdım. O da sırf pensiyaçılar üçün nəzərdə tutulmuşdu. Bu layihə çərçivəsində biz toxuculuq, rəsm, musiqi, hətta dil kurslarına da qatılırdıq. Tez-tez kinoya gedirdik. Bütün bunlar bizim üçün pulsuz idi. Daha sonra isə "Könüllü dost" və "Üçüncü bahar" layihəsinin birgə təşkilatçılığı ilə "Gümüşü könüllü" proqramına start verildi. Mən də bu proqrama qatıldım. Bu müddətdə bizi müxtəlif gəzintilərə də aparıblar. Ekskursiya üçün Bakının kəndlərinə getmişik".

"DOST tərəfindən bizim kimi "gümüşü könüllülər"lə iki aylıq müqavilə bağlanır. Artıq ay yarımdır ki, burada çalışıram, işimdən məmnunam. Kollektivə çox öyrəşdiyim üçün düşünürəm ki, iki aylıq müqavilə müddəti bitdikdən sonra könüllü kimi çalışmaq üçün yenidən müraciət edəcəyəm", - deyə o əlavə edir.

1956-cı il təvəllüdlü İradə Abbasova
© Sputnik / Nigar Iskanderova
İradə Abbasova ixtisasca əmtəəşünasdır.

İxtisasca psixoloq olduğu üçün vətəndaşları, xüsusən də yaşlıları və fiziki məhdudiyyəti olan şəxsləri başa düşmək onun üçün çox asandır. 

Onların iş saatları isə yaşlarına görə heç də ağır deyil. “Gümüşü DOST” alt proqramı üzrə könüllülər həftənin beş günü 4 saat olmaqla 2 növbədə fəaliyyət göstərirlər. Bu könüllülərin gündəlik xərclərini qarşılamaq məqsədi ilə hər ay üzrə müəyyən məbləğdə maddi vəsait ödənilir. Lakin konfidensiallıq üçün bu məbləğin qədəri açıqlanmır.

"Gümüşü könüllü" olan digər həmsöhbətimiz Səricə Məmmədova isə 65 yaşındadır. O, uzun müddət tibb müəssisələrində çalışıb, pensiyaya çıxdıqdan sonra isə "Gümüşü könüllü" proqramına görə 1 saylı DOST Mərkəzinə müraciət edib. Onun da işi İ.Abbasova ilə eynidir.

Səricə Məmmədova
© Sputnik / Nigar Iskanderova
Səricə Məmmədova

S.Məmmədova hazırda "Gümüşü könüllü" proqramının 4 təqaüdçüsündən biridir. Qeyd edək ki, "Gümüşü könüllü" proqramına qoşulanların 3-ü qadındır.  "Gümüşü könüllü" məzunlarının sayı isə 9 olub.

Belə qənaətə gəlmək olar ki, artıq pensiya yaşına çatmış şəxslər "Gümüşü könüllü" proqramına müraciət etməklə bir daha cəmiyyət üçün nə qədər yararlı olduqlarını göstərə biləcəklər.

Səricə Məmmədova
© Sputnik / Nigar Iskanderova
S.Məmmədova hazırda "Gümüşü könüllü" proqramının 4 təqaüdçüsündən biridir.

Qeyd edək ki, “Gümüşü DOST” təqaüdə çıxmış yaşlı təbəqənin asudə vaxtlarının dəyərləndirilməsi və cəmiyyətə yenidən inteqrasiyasını təmin edən alt proqramdır. Proqramın adı insanların yaşlandığı zaman saçının rənginin dəyişərək gümüşü rəng alması ilə bağlıdır.

DOST tərəfindən əhalinin yaşlı təbəqəsinin işə təşviqini, onların da özlərini cəmiyyətin vacib bir üzvü kimi hiss etməsini nəzərdə tutan bu proqram işçi deyil, yalnız agentlik üçün könüllü yetişdirir və bununla bağlı olaraq hansısa şirkətdən DOST-a müraciət daxil olmur.  

1125
Əlaqədar
Atalar vs oğullar - iş uğrunda mübarizədə dövlət hər ikisindən qazana bilər
Kişilərlə qadınlar bu sahədə də bərabərləşirlər
Rusiyada işləyən azərbaycanlıların pensiya təminatına aydınlıq gətirildi
Saxta yardım və əlillik düzəldənləri hansı cəza gözləyir? - Nazirlik açıqladı
Məni daha gözləmə - pensiyaya çıxmaq ümidimizi basdıran sadə riyaziyyat
ANAMA əməkdaşları, arxiv şəkli

İşğaldan azad olunan ərazilərdə mina təhlükəsi: vaxt qayıtmaq mümkün olacaq?

3
(Yenilənib 14:00 29.11.2020)
"10 il dedikdə bu, insanların əraziyə qayıtması deyil, bütün mina problemlərindən tam olaraq azad olunmadır" - ANAMA rəsmisi

BAKI, 29 noyabr - Sputnik. Tərtər-Suqovuşan yolunun yenidən qurulması, ərazilərin minalardan və partlamamış silah-sursatdan təmizlənməsi üçün əməliyyat-axtarış tədbirləri davam etdirilir.

Sputnik Azərbaycan APA-ya istinadən bildirir ki, bunu ANAMA-nın Operativ Qərargahının rəisi İdris İsmayılov söyləyib.

Onun dediyinə görə, artıq burada 10 gündür təmizləmə işi 3 istiqamətdə əllə, mexaniki maşınlarla və minaaxtaran vasitəsilə həyata keçirilir.

İsmayılov bildirib ki, bu günə kimi 169 ədəd mina və partlamamış hərbi sursat, tank əleyhinə və piyada əleyhinə minalar aşkar olunaraq zərərsizləşdirilib. 10 km yoldan artıq 8 km-i təmizlənib. Son 3-4 gün ərzində isə  yerdə qalan hissə təmizlənib istifadəyə veriləcək. Ümumiyyətlə, 27 sentyabr tarixindən əməliyyat-axtarış tədbirləri nəticəsində 750 ədəd partlamamış hərbi sursat,  4500 ədəd  piyada əleyhinə mina və 2000-ə yaxın tank əleyhinə mina aşkar edilərək götürülüb.

"Hazırda partlamamış silah-sursatla çirklənmiş ərazilərdə axtarış davam etdirilir. Ümumi ərazilərin və yaşayış məntəqələrin təmizlənməsi 3-5 ilə, tam olaraq bu işlərin başa çatdırılması isə 10 il müddətində nəzərdə tutulur. 10 il dedikdə bu, insanların əraziyə qayıtması deyil, bütün mina  problemlərindən tam olaraq azad olunmadır. Ucqar dağlıq ərazilərdə, əkin-otlaq sahələrində bunların hamısının təmizlənməsi 10 il müddətində nəzərdə tutulur. İnsanların qayıdışı isə daha tez müddətdə nəzərdə tutulur", - İ.İsmayılov bildirib.

3
Teqlər:
Qarabağ, əhali, təmizləmə, yol, Tərtər, Suqovuşan, ANAMA, təhlükə, işğaldan azad edilmiş ərazilər, mina
Mövzu:
Azərbaycan və Ermənistan arasında müharibə
Ata və övladı

Övladlığa götürülən hər uşaq üçün müavinət təyin olunacaq

5
(Yenilənib 13:39 29.11.2020)
Övladlığa götürülən sağlamlıq imkanları məhdud hər uşaq üçün aylıq 480 manat məbləğində vəsait ödənəcək

BAKI, 29 noyabr — Sputnik. Prezident İlham Əliyevin təsdiqlədiyi yeni qanunlar valideyn himayəsindən məhrum olmuş uşaqların övladlığa götürülməsinin stimullaşdırılmasına, bu kateqoriyadan olan uşaqlara qayğının daha da artırılmasına xidmət edir.

Sputnik Azərbaycan-a Əmək və Əhalinin Sosial Müdafiəsi Nazirliyindən verilən məlumata görə, “Sosial müavinətlər haqqında” Azərbaycan Respublikasının Qanununda dəyişiklik edilməsi barədə” Qanuna əsasən, gələn ilin əvvəlindən  yeni aylıq müavinət növü təsis olunacaq.

Müavinət valideynlərini itirmiş və ya valideyn himayəsindən məhrum olmuş 3-18 yaş arası uşaqları övladlığa götürən şəxslərə hər uşaq üçün təyin ediləcək. Dövlət başçısının 24 noyabr 2020-ci il tarixli Fərmanında bu müavinətin məbləği övladlığa götürülən hər uşaq üçün aylıq 160 manat, övladlığa götürülən sağlamlıq imkanları məhdud hər uşaq üçün aylıq 480 manat məbləğində müəyyən olunub.

“Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında” və “Təhsil haqqında” qanunlarda dəyişikliklər edilməsi barədə qanunlar isə bu qanunlar qüvvəyə mindiyi vaxtdan övladlığa götürülmüş uşaqların ödənişli əsaslarla təhsil aldıqları müddətdə onların təhsil haqlarının dövlət büdcəsi vəsaiti hesabına ödənilməsini nəzərdə tutur. 

Vergi Məcəlləsində edilmiş dəyişikliyə əsasən isə bu dəyişiklik qüvvəyə mindiyi vaxtdan sağlamlıq imkanları məhdud uşaqları övladlığa götürən valideynlərin hər hansı muzdlu işdən vergi tutulmalı olan aylıq gəliri 200 manat məbləğində azaldılır.

Qeyd edək ki, Prezident İlham Əliyevin 2018-ci il 10 dekabr tarixli 393 nömrəli Fərmanına əsasən, ölkəmizdə övladlığagötürmə sahəsində müasir idarəetmə mexanizmi yaradılaraq  hazırda tətbiq olunur. Fərmanda uşaqların övladlığa götürülməsini stimullaşdıran tədbirlərin və dəstəkləyici mexanizmlərin hazırlanması da nəzərdə tutulub.

5
Teqlər:
ƏƏSMN, gələn il, Övladlığa götürmə, müavinət