Hotel feyesi, arxiv şəkli

Qonşudan gələn yenilik turizmi çökdürə bilər

640
(Yenilənib 12:45 08.11.2019)
Gürcüstanda əhalinin 27 faizi turizmə xidmət sahəsində çalışır. Azərbaycanda isə bu sahədə çalışanalrın sayı 22 mindir. Bu isə o deməkdir ki, ölkəmizdə 10 minlərlə yeni iş yerlərinin yaradılması üçün turizmdən istifadə etmək olar.

Nigar İsgəndərova, Sputnik Azərbaycan

BAKI, 7 noyabr — Sputnik. Artıq 2021-ci ildən etibarən Türkiyədə otellər ulduza görə əlavə vergi ödəyəcək. Bu vergi 5 ulduzlu otellərdə gündəlik olaraq adambaşına 18 TL (5.50 AZN) olacaq. 4 ulduza görə,  otellər adambaşına olaraq 12 TL (3.50 AZN) ödəyəcəklər. 3 ulduzlu otellər isə buna görə, gündəlik olaraq  adambaşına 9 TL (2.67 AZN), 2 və 1 ulduzlu otellər, motellərqonaqlama üçün əzərdə tutulan mənizl və düşərgələr isə buna görə 6 TL (1.60 AZN) vergi verməli olacaqlar. Lakin 12 yaşından kiçik olan uşaqlara görə heç bir vergi alınmayacaq.

Bununla bağlı olaraq artıq Türkiyə Böyük Millət Məclisində Plan və Büdcə Komissiyası tərəfindən layihə qəbul olunub. Lakin müzakirələr birmənalı qarşılanmayıb. Belə ki, komissiyanın üzvləri verginin yüksək olmasını deyiblər. Komissiya üzvləri bildiriblər ki, belə olan halda onlar qonaqların otellərdən mənzillərə qaçmasını təşviq etmiş olacaqlar. Lakin digər millət vəkili Camal Öztürk isə bu ənənənin artıq başqa ölkələrdə olduğunu deyib: "Biz köhnə bazara təzə nırx qoymuruq. Fransada bu cür vergilər ən azı 10 avrodur. Artıq Rusiyada, Yunanıstanda da bu təcrübə yaradılıb. Bizim ölkədə də buna ehtiyac var".

Maraqlıdır, Azərbaycanda da belə bir addımın atılmasına ehtiyac varmı?

Azərbaycan Hotellər və Restoranlar Assosiasiyasının rəhbəri Samir Dübəndi Sputnik Azərbaycan-a açıqlamasında hələlik ölkəmizdə buna gərək olmadığını deyib: "Hazırda otellərimiz bələdiyyə, şəhər vergisi ödəyirlər. Buna görə otellərdən adambaşına olaraq təxminən 1.10-1.20 AZN vergi tutulur. Hansı otellərin bunu edib-etməməsi başqa bir mövzudur. Düşünürəm ki, ulduza görə əlavə verginin tətbiqi müsbət olmayan tendensiya kimi dəyərləndirilə bilər. Bu cür addım turistlərin otellərdən evlərə qaçmasını təşviq edə bilər. Amma etiraf edək ki, artıq biz belə bir mənzərənin şahidiyik. Sonuncu təhlil zamanı bəlli olub ki, Bakı şəhərində mənzillər sayı 1200 idi. Onlar kiçik və orta səviyyəli otellər üçün böyük rəqib hesab olunur".

"Hazırda otellər bütün vergiləri ödəyirlər. Onlar heç bir vergidən azad deyillər. Torpaq, əmlak, gəlir, muzdlu işə görə olan vergiləri ƏDV (əlavə dəyər vergisi) ödəyirlər. Bu gün biz orta və kiçik nbiznesin inkişafını düşünürük. O cümlədən düşüünrəm ki, kiçik otellər, qonaq evləri, B1 and B1 konseptində işləyən mərkəzlərin sayı artmalıdır. Bunun üçün biz daha əlverişli istuasiya yaratmış olsaq, biznesdə bu sahəyə maraq artar. Düşünürəm ki, otellər ƏDV-dən azad oluna bilər. Bundan başqa, muzdılu işə görə ödənilən vergi ləğv olunsa, yaxud da azalsa, bu addım həmin işçilərin məvacibinə də müsbət təsir etmiş olar. Hələlik ki, belə bir addımın atılmasına gərək yoxdur. Çünki hazırda otelçilik sahəsində vergi yükünü azaltmaq lazımdır", - deyə o əlavə edib.

İqtisadçı-ekspert Natiq Cəfərli qonşu ölkə və Azərbaycan turizmi arasındakı fərqlərdən danışıb: Türkiyə artıq 30 ildən də artıqdır ki, otelçilik təcrübəsinə malikdir. Otelçilik təcrübəsinə görə Türkiyə artıq dünyanın ilk 10-a daxil olub. Bu ölkədə turizm sahəsində yeni vergilərin tətbiqi o qədər də təəccüblü deyil. Lakin Azərbaycanda isə bu sahəyə yeni inkişaf etməkdir. Ona görə də hələlik ölkədə otellərə bu cür vergilər tətbiq etməklə müəyyən tənzimlənmə prinsiplərinə keçirilməsi mərhələsi deyil. Qonşu ölkələrlə bizim cəlb etmək istədiyimiz turist bazarları da eyni olduğuna görə, qiymət, xidmət və əyləncə növlərinə görə onlardan daha üstün olmağa çalışmalıyıq. Lakin hazırkı durumda biz qonşularımızdan geridə qalırıq. Biz həm turizm sahəsində çalışanların sayına, həm də adambaşına gələn gəlirlərin miqdarına görə də geridə qalırıq".

"Çünki Gürcüstanda əhalinin 27 faizi turizmə xidmət sahəsində çalışır. Azərbaycanda isə bu sahədə çalışanalrın sayı 22 mindir. Bu isə o deməkdir ki, ölkəmizdə 10 minlərlə yeni iş yerlərinin yaradılması üçün turizmdən istifadə etmək olar. Lakin vergi yükü artırılarsa, biz turizm sahəsinin daha böyük çətinliklərlə qarşılaşacağının şahidi ola bilərik", - deyə o əlavə edib.

640
Professor Anar İsgəndərov

Millət vəkili: “Biz Azərbaycan Xalq Cümhuriyyətinin siyasi varisləriyik”

4
Millət vəkili, tarix elmləri doktoru, professor Anar İskəndərov deyir ki, AXC-nin mövcud olduğu qısa zamanda bir çox ilklər gerçəkləşdirilib
Millət vəkili: “Biz Azərbaycan Xalq Cümhuriyyətinin siyasi varisləriyik”

“1918-20-ci illərdə mövcud olan Azərbaycan Xalq Cümhuriyyəti xalqımızın şərəf tarixidir”. Bunu AXC-nin 100 illiyi ilə bağlı Sputnik Azərbaycan-a danışarkən millət vəkili, tarix elmləri doktoru, professor Anar İskəndərov deyib.

“AXC çox böyük dövlət olub. Bu dövlət az yaşasa da, Azərbaycan xalqını xalq edib. AXC-nin mövcud olduğu qısa zamanda bir çox ilklər gerçəkləşdirilib. Bütün bunlar onu göstərir ki, həqiqətən də biz 1918-20-ci illərdə mövcud olan dövlətin siyasi varisləriyik. Bu dövlət xalqımızın tarix boyu tolerant olduğunu göstərdi”.

Qeyd edək ki, bu gün Şərqin ilk demokratik müsəlman dövlətinin - Azərbaycan Xalq Cümhuriyyətinin yaradılmasının 102 ili tamam olur.

Anar İskəndərovun fikirlərinə audiofaylda qulaq asa bilərsiniz

4
Zivər bəy Əhmədbəyovun Şamaxıda evi

Xalq Cümhuriyyəti dövründə Bakının baş memarından Şamaxıya qalan miras

9
(Yenilənib 20:41 27.05.2020)
Zivər bəy Əhmədbəyovun Şamaxıda iki evi olub. Onlardan biri qorunaraq günümüzə qədər saxlanılıb. Ev Zivər bəyin öz layihəsi əsasından tikilib və qış evi kimi istifadə edilib.

İlham Əhmədov, Sputnik Azərbaycan

BAKI, 28 may — Sputnik. Azərbaycanın ən qədim şəhərlərindən olan Şamaxı tarixi yerlərin, eləcədə görkəmli şəxslərinin məskəni kimi tanınmaqdadır. Bir çox görkəmli şəxslərinin adını çəkmək olar ki, onları hətta sərhədlərimizdən kənarda da gözəl tanıyırlar.

Hazırda söhbət açacağımız şəxs də dövrünün ən görkəmli şəxslərindən və ziyalılarından biridir. O, Azərbaycanın ilk ali təhsilli memardır. Bir çox möhtəşəm tiklilərdə onun imzası var. Söhbət Zivər bəy Əhmədbəyovdan gedir.

Zivər bəy 1873-cü ildə Şamaxıda doğulub, ilk təhsilini də məhz Şamaxıda alıb. Şamaxıda ona məxsus iki ev olub ki, onlardan biri qorunaraq günümüzə qədər saxlanılıb.

  • Zivər bəy Əhmədbəyovun Şamaxıda evi
    © Sputnik / Ilham Ahmadov
  • Zivər bəy Əhmədbəyovun Şamaxıda evi
    © Sputnik / Ilham Ahmadov
  • Zivər bəy Əhmədbəyovun Şamaxıda evi
    © Sputnik / Ilham Ahmadov
1 / 3
© Sputnik / Ilham Ahmadov
Zivər bəy Əhmədbəyovun Şamaxıda evi

Həmin ev hazırda şəhərin Şirvanşah İbrahim küçəsində yerləşir. Ev Zivər bəyin öz layihəsi əsasından tikilib və qış evi kimi istifadə edilib.

Hazırda ev sahibi olan Toğrul Eyyublu ev haqqında bildiklərini belə nəql edir: “Ev öz möhtəşəm memarlıq quruluşuna görə digər evlərdən çox fərqlənir. Evin içərisindəki 14 tağ otaqları bir-birindən ayırır və bişmiş kərpicdən hörülüb. Evin 3 pəncərəsi var ki, bunlar da şəbəkə üsulu ilə hazırlanıb və evin interyerinə fərqlilik və gözəllik verir. Evin içərisindəki sütunlar yonulmuş çay daşlarından hazırlanıb. İçərisindəki tağlar o qədər dəqiq işlənilib ki, istənilən nöqtədən baxıldıqda tağların mükəmməl düzülüşün görmək mümkündür”.

O dövrün reallıqları ilə barışmaq istəməyən, tələblərinə boyun əyməyən memar bir çox çətinliklərlə üzləşib. Müasir düşüncəli memar Sovet hakimiyyətin istəkləri ilə razılaşmır və o 1925-ci ildə intihar edir.

Yeni qurulan hökumət ona məxsus bütün mülklərə əl qoyur. Bir müddət boş qalan evi anbar kimi istifadə olunur. Sonradan evdə kimsəsiz bir qadın həm yaşayır, həm də nəzarət edir. Kimsəsiz qadının vəfatından sonra ev 1961-ci ildə Şamaxı sakini Soltanpaşa Eyyubov tərəfindən satın alınır. İllər keçməsinə baxmayaraq ev öz gözəlliyini və tarixi görünüşünü qoruyub saxlayır. Sonra Soltanpaşa kişinin övladı Namiq Eyyubov evi bərpa etmək fikrinə düşür və 2015-2017-ci illərdə ev restavrasiya etdirir.

© Sputnik / Ilham Ahmadov
Zivər bəy Əhmədbəyovun Şamaxıda evi

Hazırda evdə Namiq Eyyublunun ailə üzvləri yaşayır. Toğrul Eyyublu deyir ki, evin içərisi xüsusi şəkildə dizayn olunaraq dekorativ qədim əşyalarla bəzədilib. Evdə dərinliyi 4 metr olan su quyusu var ki, ev sahibi həmin quyudakı sudan bu gün də istifadə edir. Restavrasiya zamanı evin qədimliliyi tam qorunaraq yenidən bərpa olunub.

Onu da qeyd edək ki,  Zivər bəy Əhmədbəyov 1902-ci ildə Peterburq İnşaat Mühəndisləri İnstitutunu bitirib, 1902-1917-ci illərdə Bakı şəhər idarəsində memar işləyib. Azərbaycan Xalq Cümhuriyyəti elan olunduqdan sonra Bakı şəhərinin baş memarı olub. Şamaxıda Cümə məscidini, İmam məscidini, Bakıda Təzə Pir məscidini, Göyçayda Əbülfəzlil Abbas məscidini, Əmircanda isə Murtuza Muxtarov məscidinin memarı məhz Zivər bəy Əhmədbəyov olub.

Əmircanda layihəsini verdiyi məscid hazırda Şərq memarlığının ən yaxşı incilərindən biri kimi UNESCO-nun tarixi abidələr siyahısına salınaraq qorunur.

9