Uşaq əməyi, arxiv şəkli

Dövlət qeyri-sağlam ailələrdə doğulan həyatın dibinə gömülən uşaqlara sahib çıxsın!

2530
(Yenilənib 20:20 07.11.2019)
"İsraildə ailələrdə zorakılıqla üzləşən uşaqlar sosial işçilər tərəfindən aşkarlanır və dövlət o uşaqları valideynlərdən alaraq öz himayəsinə götürür"

BAKI, 7 noyabr — Sputnik. Cəmiyyət həyatın dibindəki uşaqlardan xəbərsizdir. Belə uşaqların sayı paytaxtda da, Bakı ətrafında da, regionlarda da həddindən artıq çoxdur.

Bu gün Sputnik Azərbaycan Multimedia Mətbuat Mərkəzində keçirilən "Azərbaycanda uşaqlara qarşı zorakılıq: bu problemlə necə mübarizə aparmalı" mövzusunda keçirilən Dəyirmi Masada Azərbaycan Uşaq Birliyinin rəhbəri, hüquq müdafiəçisi Kəmalə Ağazadə belə deyib.

Председатель Союза детей Азербайджана, известная детская правозащитница Кямаля Агазаде
© Sputnik / Murad Orujov
Azərbaycan Uşaq Birliyinin rəhbəri, hüquq müdafiəçisi Kəmalə Ağazadə

Onun sözlərinə görə, qeyri-sağlam ailələrdə dünyaya gələn uşaqlar gələcəyin potensial cinayətkarları kimi böyüyürlər. Çünki onlar körpə vaxtlarından valideyn sevgisindən, qayğısından məhrum olur, zorakılıqla üzləşir, ən müxtəlif travmalar alırlar. Bu cür böyüyən uşaqlar gələcəkdə cəmiyyət üçün ciddi başağrısına çevrilirlər.

Bəs necə edək ki, Azərbaycanda bəzən valideyn nəzarətindən kənar, bəzənsə qeyri-normal valideynlərdən tərbiyə alaraq böyüyən uşaqların sayı az olsun?! Necə edək ki, uşaqlar ailələrdə zorakılığa məruz qalmasınlar və travma ilə böyüməsinlər?!

Dəyirmi Masa iştirakçıları bu suala cavab tapmağa çalışıblar. "Qadın Liderliyi Uğrunda" İctimai Birliyinin sədri Ülkər Abdullayeva bununla bağlı dünya təcrübəsinə istinad etməyi təklif edib.

Председатель общественного объединения Во имя женского лидерства Улькер Абдуллаева
© Sputnik / Murad Orujov
"Qadın Liderliyi Uğrunda" İctimai Birliyinin sədri Ülkər Abdullayeva

"Misal üçün, İsraildə ailələrdə zorakılıqla üzləşən uşaqlar sosial işçilər tərəfindən aşkarlanır və dövlət o uşaqları valideynlərdən alaraq öz himayəsinə götürür. O uşaqlara normal təhsil, tərbiyə verilir və gələcəkdə bu uşaqlar öz ölkələri üçün faydalı insanlara, peşəkar kadrlara çevrilir", - deyən Abdullayeva, bu təcrübənin keçmiş Sovetlər İttifaqında da olduğunu xatırladıb.

Qeyd edib ki, Türkmənistanın mərhum prezidenti Saparmurad Niyazov, eləcə də SSRİ rəhbərliyində olmuş bir çox şəxslər haqqında onların uşaq evlərində böyüdüyü deyilirdi. Müharibə illərində valideynlərini itirən uşaqları dövlət himayəsinə götürürdü və ölkəsi üçün faydalı insanlar yetişdirirdi. Onlar sonra xüsusi xidmət orqanlarında, orduda, hüquq-mühafizə sistemində və s. əvəzolunmaz kadrlara çevrilirdi. Çünki dövlət onları öz arzusuna uyğun vətəndaş kimi yetişdirirdi.

Круглый стол: Ситуацию с правами детей в Азербайджане
© Sputnik / Murad Orujov
Dəyirmi Masa: Azərbaycanda uşaqlara qarşı zorakılıq: bu problemlə necə mübarizə aparmalı

"Bəlkə biz də bu təcrübədən istifadə edək?! Həyatın dibindəki uşaqları dövlət himayəsinə götürsün, onların təlim-tərbiyəsinə yüksək səviyyədə fikir verilsin. Dövlətin qayğısı və məhəbbəti ilə böyüyən uşaqlar həmişə öz dövlətlərinə sədaqətlə xidmət edəcəklər. Amma həyatın dibindəki uşaqların belə bir lüksü yoxdur. Onların çoxu böyüyəndə pis vərdişləri olan və ətrafa da bu vərdişləri bulaşdıran potensial cinayətkarlara çevrilirlər" – deyə QHT sədri bildirib.

Türkiyədə yaşayan azərbaycanlı politoloq Ramiyə Məmmədova da qeyd edib ki, əgər dövlət özü üçün əlavə başağrısı istəmirsə, bu cür uşaqları himayəsinə götürərək onlara qayğı göstərməli, onları sağlam tərbiyə etməlidir. Türkiyədə həyatın dibindəki uşaqların sayının hədsiz dərəcədə çox olduğunu vurğulayan politoloq, onların cəmiyyət üçün ciddi təhlükə olduğunu deyib. Əlavə edib ki, Azərbaycan kiçik dövlətdir, əhalisi də Türkiyə ilə müqayisədə azdır. Odur ki, bu ölkənin öz azyaşlı sakinlərinə sahib çıxmaq imkanı var.

Политолог Рамия Мамедова
© Sputnik / Murad Orujov
Politoloq Ramiyə Məmmədova

Dəyirmi Masanın digər iştirakçıları da dövlətin bu cür uşaqları öz himayəsinə götürməsinin vaxtının çatdığını qeyd ediblər.

2530
Peyvənd, arxiv şəkli

Rusiya əhalisi 1 il ərzində peyvəndlənəcək

1
Monoklonal antikorlar istehsalını davam etdirən üç müəssisə köməyimizlə texnologiyamızı şəbəkələrinə yerləşdirdilər.

BAKI, 15 avqust — Sputnik. Rusiya Federasiyası Səhiyyə Nazirliyinin Qamaleya adına Epidemiologiya və Mikrobiologiya Milli Tədqiqat Mərkəzinin direktoru Aleksandr Ginsburq bildirib ki, rusiyalıların ehtiyacı olan peyvənd dozası 9-12 ay ərzində başa gələ bilər.

"Əsas bizim ölkənin tələbatını təmin etməkdir. Mən əminəm ki, bu 9-12 aya başa gələr" - deyən Ginsburq vurğulayıb ki, ilk preparatları ölkənin 10-15 regionu alacaq. O, həmin regionların adını açıqlamayıb.

Rusiya peyvəndinin istehsal texnologiyası monoklonal antikorların istehsalına bənzərdir.

"Monoklonal antikorlar istehsalını davam etdirən üç müəssisə köməyimizlə texnologiyamızı şəbəkələrinə yerləşdirdilər" - deyən tədqiqat mərkəzinin rəhbəri bildirib ki, yaxın ay yarımda hər bir müəssisə hər ay milyon doza pevənd istehsal edəcək.

Bir müddət əvvəl RF Səhiyyə Naziri Mixail Muraşko bildirmişdi ki koronavirusdan peyvəndi ilk olaraq, müəllimlər və həkimlər alacaq.

1
 Goranboy sakini Mahir Xəlilov avtomobil və motosikl detallarından xüsusi texnika düzəldib

Xaricdə olsa milyonlar qazanardı - Bizdə isə hələlik insanların xeyir-şərini yola verir

40
(Yenilənib 15:28 15.08.2020)
Karantin bitdikdən sonra usta öz maşını ilə yenidən xeyir-şər məclislərində insanların qulluğunda olacaq. 

İlham Mustafayev, Sputnik Azərbaycan

BAKI, 15 avqust — Sputnik. Goranboy rayon Yəhərçi Qazaxlar kənd sakini Mahir Xəlilov avtomobil və motosikl detallarından xüsusi texnika düzəldib. O, kvadrasiklə yaxın olan bu texnikanı bir il müddətində ərsəyə gətirib. M.Xəlilovun hazırladığı kvadrasikl avtomobillərin keçə bilmədiyi yerlərdə asanlıqla hərəkət etmə qabliyyətinə malikdir.

Sputnik Azərbaycan-la söhbətində Goranboy sakini uşaqlıqdan texnikaya marağının böyük olduğunu və həmişə işlərini yüngülləşdirmək üçün xüsusi texnikalar hazırlamağa maraqlı olduğunu danşıb:

© Sputnik / Ilham Mustafa
Goranboy sakini Mahir Xəlilov avtomobil və motosikl detallarından xüsusi texnika düzəldib

"Filmlərdə çox görürdüm hər şəraitdə hərəkət edə bilən texnikaları. Qərara aldım ki, öz əlimlə birini yığacam. Bütün işlərini özüm gördüm və belə texnika ərsəyə gəldi" - deyərək məlumat verib.

M.Xəlilov kvadrasiklin hazırlanması üçün mütəmadi olaraq internetdən də istifadə edib. Onun hazrlanmasında əsasən "Jiquli" və motosikl ehtiyat hissələrindən yararlanıb. Digər hisslərini isə dəmir vasitəsilə qaynaq edərək hazırladığını deyib:

  • Goranboy sakini Mahir Xəlilov avtomobil və motosikl detallarından düzəltdiyi xüsusi texnika
    © Sputnik / Ilham Mustafa
  • Goranboy sakini Mahir Xəlilov avtomobil və motosikl detallarından düzəltdiyi xüsusi texnika
    © Sputnik / Ilham Mustafa
  • Goranboy sakini Mahir Xəlilov avtomobil və motosikl detallarından xüsusi texnika düzəldib
    © Sputnik / Ilham Mustafa
  • Goranboy sakini Mahir Xəlilov avtomobil və motosikl detallarından xüsusi texnika düzəldib
    © Sputnik / Ilham Mustafa
  • Goranboy sakini Mahir Xəlilov avtomobil və motosikl detallarından xüsusi texnika düzəldib
    © Sputnik / Ilham Mustafa
  • Goranboy sakini Mahir Xəlilov avtomobil və motosikl detallarından xüsusi texnika düzəldib
    © Sputnik / Ilham Mustafa
1 / 6
© Sputnik / Ilham Mustafa
Goranboy sakini Mahir Xəlilov avtomobil və motosikl detallarından düzəltdiyi xüsusi texnika

"Əsasən "Jiquli" avtomobilinin ehtiyat hissələridir. Dəyişikliklər edərək quraşdırmışam. Bir də müxtəlif model motosikllərin detallarından istifadə etmişəm. 1200 manata başa gəlib. Heç bir maşın çıxa bilmədiyi yerlərdə hərəkət edir" - deyə Xəlilov bildirib.

Xəlilov kvadrasiklə marağın böyük olduğunu, getdiyi yerlərdə onunla şəkil çəkdirmək istəyən, saxlayıb sual verib maraqlananların çox olduğunu bildirib. Bu texnikanı almaq istəyənlərin də olduğunu deyən Goranboy sakini 2 min manat təklif edildiyini də söyləyib. Lakin daha təkmil bir kvadrasikl hazırladıqdan sonra satacağını bildirib.

Usta kvadrasikldən xeyriyyə məqsədilə də istifadə edir. O yaşadığı kəndin xeyir-şər işlərində kvadrasiklin arxasına qoşqu ilə bağladığı çən ilə su daşıyır. Bunun müqabilində isə heç bir ödəniş qəbul etmir. Çünki işi xeyriyyə məqsədilə edir.

Karantin bitdikdən sonra usta öz maşını ilə yenidən xeyir-şər məclislərində insanların qulluğunda olacaq. 

40