Xəzərin sahili, arxiv şəkli

Xəzər əldən gedir, bəla bu dəfə göydən gəlib

2373
(Yenilənib 19:38 07.11.2019)
R.Məmmədovun sözlərinə görə, Xəzərin səviyyəsi 1,5-2 metr düşərsə, böyük fəsadları olacaqR.Məmmədovun sözlərinə görə, Xəzərin səviyyəsi 1,5-2 metr düşərsə, böyük fəsadları olacaq

İradə Cəlilova, Sputnik Azərbaycan

BAKI, 7 noyabr — Sputnik. Xəzər dənizinin səviyyəsi ötən illə müqayisədə 18 sm düşüb. Bu barədə İranın Xəzər dənizi üzrə Milli Araşdırmalar Mərkəzinin sədri Seyid Məsumə Bəni Haşimi danışıb.

Onun sözlərinə görə, Azərbaycan, Rusiya və Qazaxıstanda yağıntıların azalması Xəzərin səviyyəsinin enməsinə səbəb olub. Mərkəzin sədri qeyd edib ki, Xəzər dənizinə tökülən Volqa çayında suyun azalması da əsas səbəblər arasındadır.

AMEA Coğrafiya İnstitutunun direktoru, akademik Ramiz Məmmədov da Sputnik Azərbaycan-a açıqlamasında bildirib ki, Xəzərin səviyyəsinin azalmasına səbəb Volqa çayının suyunun azalmasıdır.

O əlavə edib ki, 18 sm böyük rəqəm deyil. Ancaq bu rəqəm gələcəkdə artarsa, fəsadları ola bilər:

"Əvvəldən Xəzərin səviyyəsinin artacağı gözlənilirdi. Amma proqnozlaşdırıldığı kimi olmadı. İndi Xəzərin səviyyəsi aşağı düşür. Nə qədər davam edəcəyini isə elm belə müəyyən edə bilmir".

R.Məmmədovun sözlərinə görə, Xəzərin səviyyəsi 1,5-2 metr düşərsə, böyük fəsadları olacaq.

"Bakı bərəsinin məsafəsi dəyişəcək. Gəmilər yaxınlaşa bilməyəcək. Neft sənayesində buruqlara qalxmaq-düşmək proseslərində məsafələr dəyişəcək. Şelf zonası dəyişəcək, azalacaq. Eyni zamanda bu, biomüxtəlifliyə də mənfi təsir göstərəcək. Çoxlu şoranlaşmış ərazilər yaranacaq", - deyə R.Məmmədov qeyd edib.

Bir xərcimiz kəm: amerikalılar Xəzərdə xüsusi qurğular yerləşdirirlər>>

Qeyd edək ki, 1978-ci ildən 1995-ci ilədək olan dövrdə dənizdə suyun səviyyəsi 2,5 metrədək yüksəlib və bu, Azərbaycan iqtisadiyyatına çox böyük həcmdə ziyan vurub. Bu ziyan 2,5 milyard dollar dəyərində qiymətləndirilib.

Hazırda Xəzər dənizinə irili-xırdalı 130 çay tökülür. Onların arasında əsas yeri Volqa (80%), Kür (6%) və Ural (5%) çayları tutur.

2373
Teqlər:
zərər, fəlakət, səviyyə, Xəzər dənizi
Əlaqədar
Xəzərin statusu məsələsində daha bir müsbət addım atıldı
Xəzəri çirkləndirən obyektlər bağlanır
Xəzəri hasarlamaq hər adamın işi deyil - Reportaj
Alim Xəzərin səviyyəsindən danışdı: dəniz bizi tərk edir
 Koronavirus testi, arxiv şəkli

TƏBİB koronavirus testindən keçənlərin sayını açıqladı

1
Hazırda 1681 aktiv koronavirus xəstəsinin 79-u reanimasiyadadır, 20 nəfər süni tənəffüs aparatına qoşulub.

BAKI, 28 may - Sputnik. Bu gün Azərbaycanda koronavirusla bağlı keçirilən test sayı 4006 olub.

TƏBİB-dən Sputnik Azərbaycan-a verilən məlumata görə, ümumilikdə ölkədə koronavirusla bağlı keçirilən test sayı 284 669-dur.

Qeyd edək ki, Azərbaycanda daha 191 nəfərdə koronavirus aşkarlanıb, 2 nəfər vəfat edib. Ümumilikdə ölkədə koronavirusa yoluxanların sayı 4759, vəfat edənlərin sayı 56, sağalanların sayı 3022-dir.

Hazırda 1681 aktiv koronavirus xəstəsinin 79-u reanimasiyadadır, 20 nəfər süni tənəffüs aparatına qoşulub.

1
La Casa de Papel serialından kadr

"Netflix" uğursuz kopyalanmış türk serialı...

15
Əgər mövzu və ideologiya etibarı ilə "La Casa de Papel" serialını hər hansı bir Türkiyə serialı parodiya belə etsəydi, bunun özü bir inqilab sayılacaqdı.

"Netflix" artıq dünyanın ən böyük kino platformasına çevrilməkdədir. Əlbəttə, bu platformada Azərbaycan istehsalı olan hər hansı film və ya serial yer almamaqdadır. Yaxın gələcəkdə bunun baş verəcəyinə dair hər hansı bir ümid işığı da olmadığından mən Türkiyə kino sektorunun "Netflix"dəki yerindən bəhs edəcəyəm.

"Netflix"də Türkiyə istehsalı olan (yanılmıramsa) iki serial yayımlanır. Bunların heç birini izləmədiyim üçün barələrində hər hansı bir fikir yürüdə bilməyəcəyəm. Lakin "Netflix"də yayımlanan bir sıra Amerika, İspaniya seriallarının izləyəcisiyəm və bu platformanın möhtəşəmliyinə dərin heyranlıq və pərəstiş duyuram. Üstəlik, film və serial sahəsinin gələcək inkişaf mərhələsinin məhz "Netflix"dən başladığını əminliklə iddia edə bilərəm.

"Netflix"də yayımlanan "La Casa de Papel" adlı ispan serialını bəlkə də çoxunuz izləmisiniz. İzləməyənlərə izləmələrini tövsiyə edirəm. Bu serial təkcə rejissor işi, aktyor oyunu, montaj və səs keyfiyyətləri ilə, məzmunu – dramaturgiyası ilə deyil, həm də özünün ehtiva etdiyi etiraz forması, tənqid üsulu ilə demokratiyanın, mənəvi və maddi azadlığın ən mükəmməl göstəricisidir.

Təbii ki, bu cür demokratik yaradıcılığa, mədəni cəsarətə elə ancaq hər hansı Avropa ölkəsi, Avropa xalqı sahib ola bilərdi. Yaxın Şərqdən, Qafqazdan, lap inkişaf etmiş uzaq Şərqdən də, Şimaldan və Cənubdan da belə keyfiyyətli tənqidi və etirazı gözləmək indiki halda hərdəmxəyallıq, hətta, dəlilik olardı.

Zeynəb Xanlarova, arxiv şəkli
© Official website of President of Azerbaijan Republic

"La Casa de Papel" mövzusu etibarı ilə siyasi səhnədə oynanılan böyük pul oyunlarına, insanların puldan asılı salınmış yazıq vəziyyətinə, məşiətimizlə bərabər xarakterimizin də pulla eyni mahiyyətə uyğunlaşdırılmasına etiraz edir. Əvvəlcədən təşkilatlanmış bir qrup kağız pulların istehsal olunduğu binanı işğal edir və burada istədikləri məbləğdə pul istehsal edib qaçmağı, o pulu öz aralarında bölüşdürüb öz böyük arzularını həyata keçirməyi planlaşdırırlar. Bunun üçün qurbanlar verirlər, yeri gəlsə, kiməsə hər hansı limitlərlə əzab da verirlər, amma qətiyyən can almamağa çalışır, vicdani və əxlaqi normaları qorumağa çalışır, xalqın gözündə qəhrəman olmaq, siyasətçiləri isə böyük bir iflasla baş-başa buraxmaq istəyirlər.

Serialın dördüncü sezonunun yayımına az qalmış Türkiyədə yayımlanmağa başlayan bir serialın anonsları çıxdı qarşıma. Bir müəllim dərs dediyi məktəbin binasının bir qismini partladır, öz şagirdlərini əsir götürür və özünün ailə-məişət problemlərinin intiqamını polisdən, müəllimdən, şagirddən almağa çalışır. "Öğretmen" adlı bu serialın anonslarından məlum olur ki, görüntüdə "La Casa de Papel"i parodiya etməyə çalışıblar. Lakin yaşadıqları mühitin maddi-mənəvi azadlıqları yalnız ailə-məişət intiqamlarına və kiçik əhəmiyyətli şəxslərə etiraz etməyə icazə verdiyi üçün mövzu və ideologiya baxımından "La Casa de Papel"ə yaxınlaşmağı da bacarmırlar.

Əslində, əgər mövzu və ideologiya etibarı ilə "La Casa de Papel" serialını hər hansı bir Türkiyə serialı parodiya belə etsəydi (ya da edə bilsəydi), bunun özü bir inqilab sayılacaqdı. Onlar isə təkcə müəllim obrazının xarici görünüşünü, kiçik məzmun detallarını, montaj və səs effektlərini məşhur ispan serialından kopyalamağa çalışıblar. Buna rəğmən, serial qısa müddətdə xeyli baxış toplayıb və sevilərək izlənilir.

Ah, yazıq Şərq! Hər zaman kiçik məsələlərlə baş qarışdırıb, kiçik ümidlərlə yetinməyə çalışıb. Amma onlar üçün hər zaman Avropa qəddar, zalım, ədalətsiz, əxlaqsız bir coğrafiya hesab edilib. Qəribədir, elə deyilmi? Mən də bu barədə uzun düşüncələrə dalıb bir antidepressant içirəm, vəssalam. Nə edim? Elə bununla kifayətlənə bilirəm. Bağışlayın!

15