Məktəb, arxiv şəkli

Qış qapının ağzını kəsib, biz isə yenə hazır deyilik

1894
(Yenilənib 20:15 06.11.2019)
Monitorinqlər zamanı təhsil müəssisələrinin istilik sistemlərindəki müəyyən edilmiş problemlərin aradan qaldırılması istiqamətində təxirəsalınmaz işlər görülür

Zülfiyyə Quluyeva, Sputnik Azərbaycan

BAKI, 6 noyabr — Sputnik. Bir neçə gün əvvəl paytaxtda havanın kəskin soyuması istilik verilməsi məsələsini gündəmə gətirib. Hamı bu qış istilik verilməsinin hansı səviyyədə olacağı, “Azəriqaz”la “Azəristiliktəchizat” arasında hansı problemlər yaranacağı üzərində düşünür.

Sözsüz ki, bu məsələdə ən çox diqqət yetirməli olduğumuz sahə məktəblərlə bağlıdır. Çünki soyuq havada bir neçə saat buz kimi otaqda oturmaq körpələrin səhhətinə pis təsir edir, məktəblilər arasında mövsümi və qeyri-mövsümi xəstəliklərin yaranmasına gətirib çıxarır.

Sputnik Azərbaycan paytaxt məktəblərinin qış mövsümünə hazırlığını və istiliyin hava şəraiti ilə əlaqədar vaxtından əvvəl verilməsinin nə dərəcədə mümkün olduğunu araşdırıb.

Bakı Şəhəri üzrə Təhsil İdarəsindən (BŞTİ) Sputnik Azərbaycan-ın sorğusuna cavab olaraq bildiriblər ki, ümumi təhsil müəssisələrinin istiliklə təchiz edilməsi Azərbaycan Respublikası Nazirlər Kabinetinin müvafiq qərarı ilə hər il noyabrın 15-dən başlayır. Cari ildə də təhsil müəssisələrinin istilik təminatına noyabr ayının 15-dən başlanacaq: "Bakı Şəhəri üzrə Təhsil İdarəsinin tabeliyində fəaliyyət göstərən ümumi təhsil müəssisələrinin 2019-2020-ci tədris ilində payız-qış mövsümünə hazırlığının yoxlanılması məqsədilə ilkin monitorinqlər aparılıb. Monitorinq zamanı qazanxanalar, istilik xətləri, radiatorlar yoxlamadan keçirilib və bir sıra nöqsanlar aşkarlanıb. Tüstü borularının təmizlənməsinə, sıradan çıxmış radiatorların, dövriyyə nasoslarının dəyişdirilməsinə, istilik xətlərinin yenilənməsinə və bəzi məktəblərin qazanxanalarında qazın təzyiqinin artırılmasına olan ehtiyaclar ümumiləşdirilərək bu barədə müvafiq qaydada müraciət olunub. Monitorinqlər zamanı təhsil müəssisələrinin istilik sistemlərindəki müəyyən edilmiş problemlərin aradan qaldırılması istiqamətində hazırda təxirəsalınmaz işlər görülür. İstilik sistemləri işə düşdükdən sonra əlavə olaraq hər hansı problem yaranarsa, səbəbi müəyyənləşdirilərək aradan qaldırılacaq".

Eyni zamanda bildirilib ki, BŞTİ-nin tabeliyində fəaliyyət göstərən ümumi təhsil müəssisələrindən 137-si "Azəristilik" ASC tərəfindən mərkəzləşdirilmiş qaydada, 168-i fərdi qazanxana vasitəsilə, 7-si isə fərdi və mərkəzləşdirilmiş qaydada istiliklə təchiz edilir.

"Azəristiliktəchizat" ASC-nin Abonent və Müştəri Xidmətlərinin rəisi Rafiq Əliyev isə Sputnik Azərbaycan-a açıqlamasında bildirib ki, istiliyin vaxtından əvvəl verilməsi mümkündür. Onun sözlərinə görə, məktəblərin istilik təchizatının və istilik mövsümünün müddəti "Azəristiliktəchizat" ASC ilə təhsil idarələri arasında imzalanmış müqavilə ilə tənzimlənir: "Bu müqavilədə istiliyin verilmə müddəti beş ay nəzərdə tutulub. Amma fərdi qaydada təhsil idarələrindən bizə müraciət olunarsa və istilik haqlarının ödənişinə zəmanət verilərsə, müraciətə baxılır".

R.Əliyev bildirib ki, artıq internat məktəblərindən, doğum evlərindən, uşaq xəstəxanalarından "Azəristiliktəchizat" ASC-yə istiliyin tez verilməsi üçün müraciət olunub: "Həmin müəssisələr müqavilə müddətinin dəyişdirilməsi və ödənişə təminat verdiklərindən artıq onların istiliyinin verilməsi təmin olunub".

Həmsöhbətimiz bildirib ki, havanın temperaturu kəskin aşağı düşdükdə, orta sutkalıq temperatur 3 gün ardı-arda 8 dərəcədən aşağı olduqda da müvafiq icra orqanları istilik mövsümünün tez başlanması ilə bağlı qərar qəbul edir. Bu zaman istiliyin verilməsi tezləşdirilir.

1894

Əsrik dərəsi "alpinist", pul, səlahiyyət mədəniyyət axtarışında

5
(Yenilənib 19:49 24.07.2021)
Ağbulaq kənd icra nümayəndəsi deyir ki, populyar turizm məkanını təmizləmək üçün az qala alpinistə ehtiyacları var. Əsrik dərəsinin zibil poliqonuna çevrilməməsi üçün isə bir az düşüncə, bir az da pul gərəkdir.

 

BAKI, 24 iyul — Sputnik. Tovuz rayonunun Əsrik dərəsi Azərbaycanın ən dilbər guşələrindən biridir. Lakin əsrarəngiz gözəlliyə malik bu turizm bölgəsi günü-gündən zibilin içində batır. Çay yatağı, eləcə də yol qıraqlarında hər addımda zibilə rast gəlmək mümkündür. Hətta bəzi ərazilər zibil poliqonunu xatırladır.

Bu vəziyyətin yaranmasında rəsmilər turistləri və yuxarı kəndlərin sakinlərini, onlar da öz növbəsində rəsmiləri günahlandırırlar. Eyni zamanda ərazidə fəaliyyət göstərən onlarla restoranın da zibili hara tökməsi müəmmalıdır. Ərazidə fəaliyyət göstərən restoranlardan birinin icarədarı Azər Məmmədov Sputnik Azərbaycan-a günaşırı olaraq restoranların zibillərinin Tovuz MKTB-nin maşınları tərəfindən daşındığını deyib:

"Hər bir restoran sahibi istəyir ki, ərazisi təmiz olsun. İki gündən bir yığılan zibili qablarda yol kənarına çıxarırıq. Maşın gəlib onları yığıb aparır. Amma buraya istirahətə gələn insanlar təmizliyə riayət etmirlər. Əllərinə keçəni yol qıraqlarına atırlar. Ən çox da yuxarı kəndlərin sakinləri ərazini zibilliyə çevirirlər. Gətirib gözümüzün qabağında zibili atırlar buraya. İstirahətə gələnlər oturub çörəklərini yeyirlər, sonra da hər yeri zibilləyib gedirlər". 
© Sputnik / Ilham Mustafayev
Tovuz rayonunun Əsrik dərəsi ərazisində məişət tullantıları

Rayon sakini Güzgüxan Məhərrəmov isə acınacaqlı vəziyyətin yaranmasında dövlət qurumlarını günahlandırıb: “Buranın zibillənməsinin səbəbi “komxoz”dur, bələdiyyələrdir. Hansı ki, meşə idarəsi, ekologiya idarəsi buralara nəzarət etməlidir, amma etmirlər. Ərazidə bir dənə də olsun zibil yeşiyi yoxdur. Mən siqaret çəkirəmsə, zibil qabı yoxdursa, onun kötüyünü haraya atmalıyam? Gözəl dağlarımız var, meşəmiz var, təmiz havası var. Lakin qiymət verib təmizliyinə baxan yoxdur”, - deyə o, fikrini ifadə edib.

Əsrik dərəsinin ərazisinin bir hissəsinin düşdüyü Ağbulaq kənd icra nümayəndəsi Əli İbrahimov ərazinin zibillənməsinin qarşısının alınmasında çətinlik çəkdiklərini, əraziyə ayrılan iki nəfərin bu işlərin öhdəsindən gələ bilmədiyini vurğulayıb:

“Bizim kənddən yuxarıda yaşayan neçə kənd var, hamısı zibilini gətirib bu dərəyə atır. Kimin maşını var, zibilini yığır, buradan keçəndə dərə aşağı atıb gedir rayon mərkəzinə, işinin-gücünün arxasınca. Eyni zamanda istirahətə gələnlər zibilləyirlər. Əllərinə düşəni elə yerlərə atırlar ki, alpinist lazımdır onları götürmək üçün. Bizim kənddə yol kənarlarının zibillərini təmizləmək üçün iki nəfər ayrılıb. Onlar da çatdıra bilmirlər. Bu gün təmizlənir, sabah görürsən ki, ikiqat artıb”, - deyə o məlumat verib.
  • Tovuz rayonunun Əsrik dərəsi ərazisində məişət tullantıları
    © Sputnik / Ilham Mustafayev
  • Tovuz rayonunun Əsrik dərəsi ərazisində məişət tullantıları
    © Sputnik / Ilham Mustafayev
  • Tovuz rayonunun Əsrik dərəsi ərazisində məişət tullantıları
    © Sputnik / Ilham Mustafayev
  • Tovuz rayonunun Əsrik dərəsi ərazisində məişət tullantıları
    © Sputnik / Ilham Mustafayev
1 / 4
© Sputnik / Ilham Mustafayev
Tovuz rayonunun Əsrik dərəsi ərazisində məişət tullantıları

Kənd nümayəndəsinin sözlərinə görə, zibil tökənlərin qarşısını almaq üçün əllərində heç bir səlahiyyət yoxdur. O, dəfələrlə zibil atanlarla rastlaşdığını, xəbərdarlıq etdiyini və bu zaman onların aqressiyası ilə üzləşdiyini söyləyib.

Tovuz rayon Mənzil Kommunal Təsərrüfat Birliyinin rəisi Ceyhun Hüseynov isə təsərrüfat əsasında işlədiklərini və əraziyə zibil yeşiklərinin qoyulması üçün vəsaitlərinin olmadığını bildirib.

“Bizim orada heç bir restoranla müqaviləmiz yoxdur. Düzdür, ötən il müqavilə olub. Lakin pulu ödənmədiyinə görə maşınlar gedib dağıldı. Sonra göndərə bilmədik. Restoranlardan zibili biz götürmürük və o zibilin haraya atıldığını bilmirik. Ərazidə fəaliyyət göstərən restoranlar bizim idarə ilə müqavilə bağladığı təqdirdə maşınlarla zibillərin daşınmasını həyata keçirə bilərik”, - deyə Ceyhun Hüseynov açıqlama verib.

© Sputnik / Ilham Mustafayev
Tovuz rayonunun Əsrik dərəsi ərazisində məişət tullantıları

Zibil qablarına gəlincə, C.Hüseynov idarənin təsərrüfat əsasında işlədiyini söyləyib. “Zibil qabları baha başa gəlir və bu bizim idarənin imkanları xaricindədir”, - deyə o qeyd edib.

Görünən odur ki, bu xoşagəlməz mənzərə hələ uzun müddət davam edəcək. Vətəndaşlar isə unutmamalıdırlar ki, tullantıları müvafiq yerlərə qoymaq, ətrafı təmiz saxlamaq bir mədəniyyətdir.

Eləcə də oxuyun:

  • Xəzərin sahilində: Çimərliklərdə qiymətlər sərinləməyə imkan vermir

  • Sağalmayan yaramız: ekoloji fəlakətlər

  • "Siçovullar doqquzuncu mərtəbəyə qalxıb, evə girir. Uşaqlara, böyüklərə hücum edir"

5
Mövzu:
Azərbaycanın görməli yerləri, turizm obyektləri

Xalq artisti Səməd Səmədov vəfat səbəbi bilindi

57
(Yenilənib 22:10 24.07.2021)
"Toylar kralı" adını qazanan S.Səmədov 1946-cı il sentyabrın 17-də Aşqabadda anadan olmuş, 1948-ci ildə zəlzələ nəticəsində ailəsi ilə birlikdə Bakıya, İçərişəhər məhəlləsinə köçmüşdü.

BAKI, 24 iyul - Sputnik. "74 yaşlı xəstə Səməd Səmədov ötən gün gecə saatlarında "Yeni Klinika"nın reanimasiya şöbəsinə çox ağır - tənəffüs çatışmazlığı, ciddi dirəncli potenziya vəziyyətində daxil olub".

Sputnik Azərbaycan bildirir ki, bunu "Report"a açıqlamasında klinikanın reanimatoloqu Emil Qasımov deyib.

Onun sözlərinə görə, xəstənin saturasiyası 60-70 arasında idi: "Təzyiqi qaldırmaq üçün maksimal dozada təzyiq qaldıran dərmanlar istifadə olundu. Xəstəyə lazımi dəstək müalicəsi olunsa da, aparılan müayinələr nəticəsində prokansin dəyərinin çox yüksək olması bakterial infeksiyanın əlavə olunmasına sübut idi. İnfeksiya və iltihabı markerlər çox yüksək idi. Xəstədə kəskin böyrək çatışmazlığı təsbit edildi. Kreatin dəyərləri 2,5 dəfə yüksəlmişdi və xəstənin sidik çıxışları, demək olar ki, yox idi. Xəstə heç 24 saat reanimasiya şöbəsində qalmadı. 15-16 saat müddətində xəstəni saxlaya bildik. Bütün bu fonda müdaxilələrə baxmayaraq xəstədə ürək dayanması baş verdi. Ölüm səbəbi sepsis və septik şok diaqnozu idi".

TƏBİB-in ictimaiyyətlə əlaqələr şöbəsinin əməkdaşı Elnarə Baxış Sputnik Azərbaycan-a bildirib ki, xalq artisti Səməd Səmədov 23 iyul 2021-ci il tarixində 60-70 saturasiya ilə Yeni klinika tibb müəssisəsinə daxil olub: "Döş qəfəsinin kompüter tomoqrafiyasının nəticələrinə əsasən, onda koronavirus ağırlaşması, ikitərəfli poliseqmentar multifokal pnevmoniya təsdiqlənib. Bütün səylərə baxmayaraq, COVID ağırlaşmalarından biri olan sepsis və septik şok inkişaf edib, böyrək çatışmazlığı yaranıb, təəssüf ki, xalq artistinin həyatını xilas etmək mümkün olmayıb".

----------

18:52

Azərbaycanın xalq artisti Səməd Səmədov vəfat edib.

Sputnik Azərbaycan APA-ya istinadən bildirir ki, bu barədə müğənni Tural Qismət məlumat verib.

Qeyd edək ki, S. Səmədov bu gün koronavirusdan dünyasını dəyişib.

"Toylar kralı" adını qazanan S.Səmədov 1946-cı il sentyabrın 17-də Aşqabadda anadan olmuş, 1948-ci ildə zəlzələ nəticəsində ailəsi ilə birlikdə Bakıya, İçərişəhər məhəlləsinə köçmüşdü.

Bülbül adına musiqi məktəbinin skripka sinfini bitirdikdən sonra A.Zeynallı adına Musiqi Məktəbinin nəzəriyyə sinfində oxuyub.

1988-ci ildən toylarda çıxış edib. 2000-ci ildə əhali arasında aparılan sorğunun nəticələrinə görə, Səməd Səmədov rəsmi olaraq "Toylar Kralı" adını qazanıb. O, Müstəqil 'Qrant' Milli İctimai Mükafatının ikiqat sahibi, 150 müxtəlif mahnının, 5 albomun, 20 klipin ifaçısı idi. 12 sentyabr 2011-ci ildə Xalq artisti fəxri adına layiq görülmüşdü.

57
Teqlər:
xalq artisti, ölüm, Səməd Səmədov
Tibb işçisi əlində Sputnik V peyvəndinin ampulasının tutub, arxiv şəkli

"Sputnik V" peyvəndi onkoloji xəstələrə tövsiyə olundu

0
(Yenilənib 22:09 24.07.2021)
Rusiyanın Səhiyyə Nazirliyindən bildirilib ki, hormonal terapiya da daxil olmaqla (ancaq hematoloji toksikasiya əlamətləri olmayan) uzunmüddətli müalicə kursu alan bütün pasiyentlər vaksinasiyaya cəlb edilə bilərlər.

 

BAKI, 24 iyul — Sputnik. Rusiyanın Səhiyyə Nazirliyi yetkinlik yaşına çatmış vətəndaşların COVID-19-a qarşı peyvənd olunmasına dair müvəqqəti xarakter daşıyan təlimatları yeniləyib. Sputnik Azərbaycan bu barədə RİA Novosti-yə istinadla xəbər verir.

Beləliklə, dəyişikliklərə əsasən, "Sputnik V" peyvəndi başlanğıc səviyyəsindən asılı olmayaraq müalicəsi başa çatmış bütün xərçəng xəstələri üçün tövsiyə olunur. Əməliyyat olunması planlaşdırılan xəstələr isə bundan 14 gün və ya daha əvvəl vaksinasiya oluna bilərlər.

"EpiVakKorona" (Rusiyanın "Vektor" mərkəzinin istehsal etdiyi peyvənd preparatı) peyvəndi isə allergiyanın ağır formalarından, bədxassəli şişlərdən, ilkin immun çatışmazlığı xəstəliyindən əziyyət çəkənlərə əks-göstəriş sayılır.

Ancaq kəskin infeksion və ya yoluxucu olmayan xəstəlik keçirmiş şəxslərə sağaldıqdan 2-4 həftə sonra bu preparatla peyvənd olunmaları tövsiyə edilir.

Peyvəndin hər hansı bir komponentinə qarşı həssaslıq, xəstəlik tarixçəsində şiddətli allergik reaksiyalarla bağlı halların mövcud olması, ana südü ilə qidalanma vaksindən imtina üçün səbəb sayıla bilər. Bununla belə, hamiləlik inyeksiya üçün əks göstəriş hesab olunmur.

Nazirliyin mətbuat xidməti əmin edir ki, xərçəng əleyhinə müalicə alan xəstələr üçün peyvənd sonrası reaksiyaların artma riski yoxdur.

Nazirlikdən o da bildirilib ki, hormonal terapiya da daxil olmaqla (ancaq hematoloji toksikasiya əlamətləri olmayan) uzunmüddətli müalicə kursu alan bütün pasiyentlər vaksinasiyaya cəlb edilə bilərlər.

 

0
Teqlər:
onkoloji xəstəlik, Rusiya, Sputnik-V peyvəndi, peyvənd