Bakmil stansiyası

Vaqonları tərk etməyiniz xahiş olunur, qatar "Bakmil" stansiyasına gedir... - REPORTAJ

1634
(Yenilənib 13:40 06.11.2019)
31 və 35 il yol şütüyən qatarlar isə qaçış müddətini, yaxud da belə desək, ömrünü başa vurduqdan sonra “metallom” kimi müxtəlif sexlərə verilir

Nigar İsgəndərova, Sputnik Azərbaycan

BAKI, 6 noyabr — Sputnik. "Bakı Metropoliteni" Qapalı Səhmdar Cəmiyyətinin yaranmasından 52 il ötür. Sərnişinlər üçün ən sərfəli, ən asan, eləcə də ən təhlükəsiz ictimai nəqliyyatın də metro olduğunu desək, yanılmarıq.

Qatarların normal, qrafik üzrə hərəkət etməsi, intervalda gecikmənin olmaması hər gün yüz minlərlə sərnişinin vaxtında iş başına yetişməsi deməkdir. Bəzən qatarların cəmi bir neçə dəqiqə gecikməsi sərnişinləri hövsələdən çıxardır. Çünki bir anlıq gecikmə sıxlıq, basabasa səbəb olur, havası onsuz da ağır olan metroda ciddi problemlər yaradır.

Qatar Bakmil stansiyasına gedir... - DEPODA
© Courtesy of Meherrem Medzhidov
Depoda görülən əsas işlər isə vaqonların sağlamlaşdırılması ilə bağlıdır.

Bu nöqsanların aradan qaldırılması istiqamətində ən böyük məsuliyyət isə deponun 384 işçisinin üzərinə düşür. Sputnik Azərbaycan da Bakı metrosunun “doğum günü” münasibətilə qatarların "evə" –"Nərimanov" elektrik deposuna şütüdükləri məkandan reportaj hazırlayıb.

1966-cı ilin 6 avqust tarixindən fəaliyyətə başlayan depoda həyat hər gün qaynayır. Sərnişinlərin görmədiyi bu aləmdə qatarlar elə həmin sərnişinləri mənzil başına rahat və təhlükəsiz çatdırmaq üçün hazırlanır. Bir-biri ilə kəsişən, qarışıq mənzərə təsiri bağışlayan yollarda əslində hər şey bir nizama tabedir.

Buradan gün ərzində 46 qatar xəttə çıxır. Depoda isə ehtiyat üçün 4-5 qatar saxlanılır. Həmsöhbətimiz, Depolar üzrə İş Departamentinin rəisi Faiq Əhmədovla ilk olaraq yeni nəsil qatarların sayı haqda danışırıq. Onun sözlərinə görə, "Bakı Metropoliteni" QSC-yə məxsus qatarların 55-i yeni nəsildir. Onlar 81-760 və 81-765 seriyalı qatarlardır. Bu qatarlar 81-717 seriyalı qatarlardan tamamilə seçilir.

Qatar Bakmil stansiyasına gedir... - DEPODA
© Courtesy of Meherrem Medzhidov
Vaqondakı qovşaqlar söküldükdən sonra onlar köməkçi sexlərə verilir.

Depoda görülən əsas işlər isə vaqonların sağlamlaşdırılması ilə bağlıdır. Təmir işlərinə vaqonların daxili mühərrikinin dəyişdirilməsini də aid etmək olar: "Bundan başqa depoda qatarların cari təmir işləri də aparılır. Burada konkret qaçış müddətini tamamlayan qatarlar yenidən baxışdan keçirilir. Məsələn, 560 min kilometr məsafə qət edən qatar təmir üçün saxlanılır. Yəni qatarlar təmir cədvəlinə uyğun olaraq saxlanılır. Gündəlik olaraq istismar olunan qatarlar 12-20 saat ərzində baxış üçün depoya daxil olur və bu zaman maşinist tərəfindən qeyd olunan nöqsanlar təmir prosesində aradan qaldırılır. Hazırlıq jurnalında müvafiq qeydlər aparıldıqdan sonra qatar yenidən cədvəli üzrə hərəkətə keçir".

Texniki baxış zamanı eyni zamanda qatarlarda təmizlənmə işləri də həyata keçirilir. Bura vaqonlarda döşəmə, oturacaq və tutacaqların silinməsi prosesi də daxildir. 33-cü qanov adlanan hissədə isə vaqonların yuyulması həyata keçirilir.

Onun sözlərinə görə, 7 qanov təmir olunub: "Gündəlik olaraq qanovda 5 qatar təmir edilir. Bu işlər gündüz və gecə növbələrində yerinə yetirilir. Əsaslı təmirə ehtiyacı olan qatarlar isə onlar üçün ayrılan sahələrə daxil olur. Təxminən 3 milyon kilometr qət etdikdən sonra qatar əsaslı təmirə dayanır. Qeyd edim ki, bunadək qatarların əsaslı təmiri Gürcüstanda həyata keçirilirdi. Artıq bir müddətdir ki, bu işi özümüz həyata keçiririk".

Qatar Bakmil stansiyasına gedir... - DEPODA
© Courtesy of Meherrem Medzhidov
Yəni qatarlar təmir cədvəlinə uyğun olaraq saxlanılır.

F.Əhmədov deyir ki, vaqondakı qovşaqlar söküldükdən sonra onlar köməkçi sexlərə verilir.

Depoda fəaliyyət göstərən mexanizasiya sexində müəyyən detalların təmiri prosesi ilə də tanış olduq.

Həmsöhbətimizlə yeni nəsil qatarlar, onlarda aşkarlanan problemlərdən də danışdıq: "Yeni gətirilən qatarların zəmanət müddəti iki ildir. Bu qatarlarda maşinistlərin idarəetmə sistemi elektron qaydada həyata keçirilir. Burada maşinist oturduğu yerdən başqa vaqonlara keçid etmədən idarəetməni həyata keçirir".

31 və 35 il yol şütüyən qatarlar isə qaçış müddətini, yaxud da belə desək, ömrünü başa vurduqdan sonra “metallom” kimi müxtəlif sexlərə verilir. Daha ətraflı məlumatı isə F.Əhmədov verir: "81-717 seriyalı qatarların ömrü 31, 81-765 seriyalı qatarların ömrü isə 35 ildir. Bu müddət başa çatdıqdan sonra onların sökülmə prosesinə başlanılır. Artıq 81-717-lərin sökülməsi prosesi gedir. Son nəticə olaraq isə bu vaqonlar qara metal kimi təhvil verilir".

Qatar Bakmil stansiyasına gedir... - DEPODA
© Courtesy of Meherrem Medzhidov
Burada vaqonların mexaniki və pnevmatik hissələri tam sökülərək yenidən yığılır.

Eyni zamanda o, hazırda qatar parkında 81-717 seriyasından olanların üstünlük təşkil etdiyini də etiraf edir.

Söhbət əsnasında son zamanlar yeni qatarlarda ortaya çıxan problemdən də danışdıq: "Yeni qatarların qapısı saxlanıldıqda bu zaman sistemdə donma baş verir və qatarın hərəkəti ləngiyir. Artıq biz bununla bağlı olaraq Moskvadakı istehsalçı zavoda məlumat vermişik. Bu problemin onlarda da yaşanıldığı deyildi. Artıq həmin problemin aradan qaldırılması istiqamətində görülən işlər, yəni proqram tərtibatı tamamlanıb. Proqram təminatında nöqsan aradan qaldırıldıqdan sonra bu cür problemlər müşahidə olunmayacaq".

Daha sonra 3 saylı cari təmir sahəsinə üz tutaraq burada qatarların təmiri, necə yuyulması prosesi ilə tanış olduq. Burada vaqonların mexaniki və pnevmatik hissələri tam sökülərək yenidən yığılır. Bu proses isə nə az, nə çox, bir ayadək zaman alır. Nəticədə vaqonun altında olan bütün qovşaqlar sökülür, təkər cütləri, "arabacıq"lar və elektrik aparatları sökülərək yenidən yerinə bərpa olur.

Qatar Bakmil stansiyasına gedir... - DEPODA
© Courtesy of Meherrem Medzhidov
Qatar təmiri çox incəlik və yenilik tələb edir.

Vaqonların əsaslı təmir xidmətinin rəisi Kamran İsmayılov 2017-ci ilin noyabrından istismara verilən sex haqda danışır: "Bu günədək bir qatarı əsaslı, 3 qatarı isə orta şəkildə təmir etmişik. Ukrayna, Rusiya və Almaniyadan qatarların ehtiyat hissələrini sifariş edirik.  Ötən il verdiyimiz sifarişlərin demək olar ki, 70 faizi gəlib. Gələn il isə 3 qatar üçün ehtiyat hissələri gələcək".

Qatar təmiri çox incəlik və yenilik tələb edir. Bunu Kamran İsmayılov da təsdiq edir: "Bizim işimiz vaqondakı bir hissəni söküb, təmizləyib onu yenidən yerinə qoymaqla yekunlaşmır. Biz modernləşməni, bir işi görən köhnə avadanlığı eyni zamanda bir neçə işi həyata keçirə bilən başqa avadanlıqla əvəzləyirik. Beləcə biz vaqona xidmət edən avadanlıqların sayını azaldırıq".

"Amma onu qeyd edim ki, hələlik bu sexdə yalnız daxili ehtiyaclar ödənilir. Yəni xaricdə hansısa qatar təmir üçün bura gətirilmir. Qatar bura gətirilərkən ilkin olaraq qumla təmizləmədən keçirilir. Əsaslı təmir zamanı vaqonun altı tamamilə sökülür. Köhnə rəng çıxardılır və bunun əvəzinə yeni rəng vurulur", - deyə xidmət rəisi vurğulayır.

Yeni qatarların hamısı bənövşəyi rəngdə seçilib. K.İsmayılov deyir ki, sifariş bu cür verildiyinə görə, yeni qatarlar belə boyanır. Onun sözlərinə görə, depoda təmir sahəsində çalışan işçilərin demək olar hamısı bu işi sıfırdan olaraq burada öyrənməyə başlayıblar: "Çünki biz özümüz də heç zaman belə təmir növü görməmişdik".

Qatar Bakmil stansiyasına gedir... - DEPODA
© Courtesy of Meherrem Medzhidov
Əsaslı təmir zamanı vaqonun altı tamamilə sökülür.

"Ən son nəsil qatarlarımızda bütün nöqsanlar özünün kompüter sistemində əksini tapır. Bundan başqa, kompüter arxasında oturmaqla onun vasitəsi ilə hazır məhsulun necə işləməsini izləmək də mümkün olacaq. Beləcə, həmin sistemlə nöqsanları da mümkün olacaq", - deyə o əlavə edib.

K.İsmayılovla gələcək planlar haqda da danışırıq: "Gələcək üçün bizim böyük proqramımız var. Xocəsəndə, yəni bizim 3-cü depoda zavod tikilməlidir. Orada yeni tipli, yəni 5-ci nəsil qatarlar buraxılmalıdır. Ona görə də pilot layihə olaraq bizim bu sex tikilərək istismara verildi".

Hər gün bizi ünvana çatdıran qatarların dünyasına kiçik səyahətdən sonra geriyə qayıdırıq. Kəsişən xətlərlə şütüyən qatarlar bu dəfə də bizi sağ-salamat ünvan başına çatdırır...

1634
Məmur tibbi əlçəklə, arxiv şəkli

Qaydalara əməl etməyən sahibkarlar sahibkarlıq subyektlərinin adları açıqlandı

10
Reyd keçirilən obyektlərdən 43-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb.

 

BAKI, 4 dekabr — Sputnik. Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə obyektlərində reydlər davam etdirilir. Agentlikdən aparılan reydlərlə bağlı Sputnik Azərbaycan-a verilən məlumata görə, Bakı, Sumqayıt şəhərləri, Abşeron rayonu, eləcə də koronavirus (COVID-19) yoluxmalarının artması müşahidə olunan şəhər və rayonlar (Gəncə, Şəmkir, Sabirabad, Ağstafa, Mingəçevir) üzrə 488 ictimai iaşə obyektində 901 monitorinq keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.

Reyd keçirilən obyektlərdən 43-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə obyektləri aşağıdakılardır.

Bakı şəhəri üzrə:

Bakı şəhəri, Nəsimi rayonu, Səməd Vurğun ev.68 ünvanında yerləşən, hüquqi şəxs "Kobra" kiçik müəssisəsinə məxsus yeməkxana, Həsən Əliyev ev 90D ünvanında yerləşən, fiziki şəxs Məmmədov Şəadət Arif oğluna məxsus obyekt, A. M. Şərifzadə ev 33 ünvanında yerləşən, fiziki şəxs Hüseynov Sənan Rasim oğluna məxsus "Kaktus" restoranı, Nizami Rayonu, Qara Qarayev pr. ev.69 ünvanında yerləşən, fiziki şəxs Heydərov Sahib Sabir oğluna məxsus "Ləzzət dönər" evi, Nəsimi rayonu, Alı Mustafayev 37B ünvanında yerləşən, fiziki şəxs İsmayılov Pənah Ələddin oğluna məxsus kafe, Nəsimi rayonu, Alı Mustafayev 3 mkr ev.10 K ünvanında yerləşən, fiziki şəxs Arzu Ekici Bayraməli qızına məxsus kafe, Binəqədi rayonu, Süleyman Sani Axundov ev.1 A ünvanında yerləşən, fiziki şəxs Nəbiyev Səfa Rəşadət oğluna məxsus "Cıdır Düzü" restoranı, Yasamal rayonu, Şərifzadə ev.2 M. ünvanında yerləşən, fiziki şəxs Bayramov Qalib Taryel oğluna məxsus "Quzu Təndir" restoranı, G.Mehmandarov küçəsində yerləşən, fiziki şəxs Həsənov Nail Telman oğluna məxsus kafe, Səbail rayonu, Yusif Məmmədəliyev ev.19 m.1 A ünvanında yerləşən, fiziki şəxs Muradov Kamran Namiq oğluna məxsus "Nutelland" kafesi, hüquqi şəxs "Nabikoğlu" Məhdud Məsuliyyətli Cəmiyyətinə məxsus "Chef Baku" kafesi, Yeni Günəşli qesəbəsində yerləşən, fiziki şəxs Rüstəmov Samin Ələddin oğluna məxsus kafe, Lökbatan qəs., keçid 1596 ünvanında yerləşən, fiziki şəxs Əliyev Elməddin Nazim oğluna məxsus "Lion Garden" kafesi, Həsən Əliyev, ev 115A ünvanında yerləşən, fiziki şəxs Hüseynov Elvin Fuqan oğluna məxsus kafe, Sulutəpə qəs., R. Allahverdiyev 11 ünvanında yerləşən, fiziki şəxs Xəlilov Bəhmən Məhəmməd oğluna məxsus kafe, H.Cavid pr. ev 8 ünvanında yerləşən, fiziki şəxs Mahmudov Alsavad Xalid oğluna məxsus "Şaurma №1" restoranı, Səbail rayonu, Neftçi Qurban Abbasov küç., ev.24a ünvanında yerləşən, fiziki şəxs Məhərrəmov Elgün Zakir oğluna məxsus kafe, Səbail rayonu, Neftçi Qurban Abbasov küç., ev.7 M. ünvanında yerləşən, fiziki şəxs Hüseynov Xəyyam Hüseyn oğluna məxsus yeməkxana, Biləcəri, R.İsmayılov 8 ünvanında yerləşən, fiziki şəxs Namazov Telman Fərəc oğluna məxsus "Rəmiş" kafesi;

Sumqayıt şəhəri, 3-cü mkr ünvanında yerləşən, fiziki şəxs Rəhimov Zaur Tofiq oğluna məxsus "Köz Dönər" kafesi, 9-cu mkr ünvanında yerləşən, fiziki şəxs Şamıyev Elvin Rəhim oğluna məxsus "Hicaz Dönər" kafesi, 13-cü mkr ünvanında yerləşən, fiziki şəxs Əliyev İlham İsmayıl oğluna məxsus "Tea" kafesi, Səməd Vurğun ev.25 ünvanında yerləşən, fiziki şəxs Zamanov Rasim Nadir oğluna məxsus "Rəvan" çay evi, 17-ci mkr ünvanında yerləşən, fiziki şəxs Ağayev Seymur Engels oğluna məxsus "Ordubad" kafesi, 3 mkr. Bakı küçəsində yerləşən, fiziki şəxs Cəfərov Nurəddin Allahverdi oğluna məxsus "Lider Dönər" kafesi, 34-cü məh. ünvanında yerləşən, fiziki şəxs Bayramov Müşviq Etibar oğluna məxsus "Dönər Kabab" kafesi, 3-cü mkr ünvanında yerləşən, fiziki şəxs Şıxvəliyev İlham Gülməmməd oğluna məxsus "Bahar" kafesi, 40-cı məh. ünvanında yerləşən, fiziki şəxs Allahverdiyev Bəhram Sədirxan oğluna məxsus "Nərgiz" kafesi, Bədəlbəyli küç., ev 22 ünvanında yerləşən, fiziki şəxs Hacıyev Həsən Qaimşad oğluna məxsus "Nübar" kafesi;

Abşeron rayonu, Xırdalan şəhərində yerləşən, fiziki şəxs Mirzəyev Elçin Yaşar oğluna məxsus "Qədim Bakı" kafesi, Xırdalan şəhərində yerləşən, fiziki şəxs Bağırov Həşim Məmməd oğluna məxsus kafe, Mehdiabad qəsəbəsində yerləşən, fiziki şəxs Əlizadə Şahin Qərib oğluna məxsus "Zirvə" kafesi, Xırdalan şəh., H.Əliyev prospektində yerləşən, fiziki şəxs Soltanov Ramin Rəfayət oğluna məxsus "Aziz Baba" dönər evi, Saray ŞTQ-də yerləşən, fiziki şəxs Səmədov Rasim Rafiq oğluna məxsus "Ziya" kafesi, Buzovna ştq ev.342 M. ünvanında yerləşən, fiziki şəxs Əskərov Azər Firudin oğluna məxsus "Sherlocks" kafesi;

Digər şəhər və rayonlar üzrə:

Ağstafa şəhəri, M.Ə.Rəsulzadə küçəsində yerləşən, fiziki şəxs Kosayev Qara Mirzə oğluna məxsus kafe;

Şəmkir, Dəllər qəsəbəsində yerləşən, fiziki şəxs Aslanov Rövşən Akif oğluna məxsus kafe; Gəncə şəhəri Ş.İ.Xətai 157 ünvanında yerləşən, fiziki şəxs Süleymanov Məmmədəli İslam oğluna məxsus kafe, Ş.İ.Xətai ev.0 M.0 ünvanında yerləşən, fiziki şəxs Tağızadə Heydər Fazil oğluna məxsus dönər evi, Təbriz küçəsi ev.315 ünvanında yerləşən, fiziki şəxs Qurbanov Kamran Sədrəddin oğluna məxsus yeməkxana;

Mingəçevir şəhərində yerləşən, fiziki şəxs Hacıyev Nurlan Arzuman oğluna məxsus obyekt, H.Hüseynov küç., ev.30 M. ünvanında yerləşən, fiziki şəxs Abbasov Rubail Yaşar oğluna məxsus restoran, Maqomayev 14 ünvanında yerləşən, fiziki şəxs Rövşən Bilalov Rasim oğluna məxsus kafe.

Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektlərində yoxlama-nəzarət tədbirlərini davam etdirir və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcək.

10
Teqlər:
Nəsimi rayonu, Bakı şəhəri, sahibkarlıq subyektləri
Bayılda sürüşmə zonası

Təbiətlə məmurlar sanki Bayıl sakinlərinin qəsdinə durublar - FOTOLAR

50
(Yenilənib 22:32 04.12.2020)
"Bizə bildirdilər ki, burada yaşamaq həyatımız üçün təhlükəlidir. Amma bizim buradan başqa yerdə evimiz yoxdur. Ona görə də məcburuq burada yaşayaq".

İradə Cəlilova, Sputnik Azərbaycan

BAKI, 4 dekabr — Sputnik. Bakının Bibiheybət qəsəbəsində yenidən torpaq uçqunu olub. Sputnik Azərbaycan bu barədə xəbər tutan kimi hadisə yerinə yollanıb. Bibiheybət məscidindən bir qədər aşağıda, yamacda baş verən torpaq uçqunu ərazidə olan evlərdə yaşayanlar üçün təhlükə yaradıb. Ərazidə yaşayan sakinlər Sputnik Azərbaycan-a bildiriblər ki, torpaq uçqunu gecə saatlarında baş verib. Bu səbəbdən də dövlət qurumları burada yaşayan insanlara evlərini tərk etməyi tövsiyyə edib.

  • Bayılda sürüşmə zonası
    © Sputnik / Irade JELIL
  • Bayılda sürüşmə zonası
    © Sputnik / Irade JELIL
  • Bayılda sürüşmə zonası
    © Sputnik / Irade JELIL
  • Bayılda sürüşmə zonası
    © Sputnik / Irade JELIL
  • Bayılda sürüşmə zonası
    © Sputnik / Irade JELIL
  • Bayılda sürüşmə zonası
    © Sputnik / Irade JELIL
1 / 6
© Sputnik / Irade JELIL
Bayılda sürüşmə zonası

Nazilə Məmmədova adlı sakin bildirib ki, bu ərazidə yerləşən evlərdə kirayə qalan sakinlər evlərdən köçüb: "Dövlət qurumlarının nümayəndələri gəlib əraziyə baxış keçirdilər. Bizə bildirdilər ki, burada yaşamaq həyatımız üçün təhlükəlidir. Amma bizim buradan başqa yerdə evimiz yoxdur. Ona görə də məcburuq burada yaşayaq" - deyə sakin bildirib.

Sakinlərlə söhbət əsnasında öyrəndik ki, ərazidəki evlərin heç birinin kupçası yoxdur. Odur ki, sakinlər əgər köçsələr, evlər sökülərsə onlara kompensasiya verilib-verilməyəcəyini bilmək istəyirlər: "Buradakı evlərin heç birinin sənədi yoxdur. Amma burada ev alsan, torpaq alsan bir kvadratmetri 2000 manatdır. Belə məlumatlar var ki, sökülərsə evlərə görə sakinlərə hər kvadrat metrə iki min manat ödəniləcək. Amma rəsmi qurumlar bizə bu barədə heç bir söz deməyiblər".

Sakinlər bildirir ki, yamacda yağıntılar çox olanda torpaq uçqunları baş verir. Amma onlar buna adətkərdə olublar: "Biz də istəyərik ki, bu təhlükəli yerdən köçək. Amma buna görə gərək bizə kompensasiya ödənilsin. Çünki, bizim başqa yerdə evimiz yoxdur. Nə də imkanımız yoxdur ki, köçüb başqa yerdə kirayə yaşayaq".

Sakinlər dövlət qurumlarının gələcəyi nəticəni gözlədiklərini söyləyiblər.

Məsələyə Səbail Rayon İcra Hakimiyyətindən münasibət bildirən olmadı. Ekologiya və Təbii Sərvətlər Nazirliyinə ünvanladığımız sorğunun da cavabını gözləyirik.

50
Teqlər:
Səbail rayon İcra Hakimiyyəti, Ekologiya və Təbii Sərvətlər Nazirliyi, Bayıl, sürüşmə, torpaq uçqunu
Biznes  ledi

İllərin sənətçisi yeni biznesə başlayıb

0
(Yenilənib 23:45 04.12.2020)
Sayan istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb

BAKI, 4 dekabr — Sputnik. Türkiyəli müğənni Seda Sayan yeni biznesə başlayıb.

Sputnik Azərbaycan xəbər verir ki, sənətçi öz adı ilə istehsal olunan ətirli kolonyanı satışa çıxarmağa hazırlaşır.

View this post on Instagram

A post shared by Seda Sayan (@sedasayan)

Artıq Seda məhsullarla çəkdirdiyi fotosunu özünün "Instagram" səhifəsində paylaşıb. O, istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb. Qeyd edək ki, kolonya qutusunun üzərində Seda Sayanın şəkli yer alıb.

0