Radio

Respublika radiosunu kəsib bizi bağlayırdılar, indi deyirlər, ver vəsiqəni, işlədək

1943
"Vəzifədə olanların çoxu sonradan öz kreslolarından ayrılmamaq üçün mənə yalvarırdılar ki, sənə nə istəsən, verək, bircə bu çıxışlar efirə getməsin"

Şahpəri Abbasova, Sputnik Azərbaycan

BAKI, 6 noyabr — Sputnik. "Diqqət, diqqət! Danışır Balakən! Yerli radionun yayımına başlayırıq!" Sputnik Azərbaycan bildirir ki, düz 49 il əvvəl Balakən sakinləri bu sözü Zümrüd Dibirovadan eşitdilər.

Balakən rayonunun radio qovşağının verilişlərinin baş redaktoru, eyni zamanda radionun diktoru, Azərbaycan Jurnalistlər İttifaqının üzvü olan Z.Dibirova ilə o illərə qiyabi səyahət etdik: "Balakən yerli radiosunun 44 il əməkdaşı olmuşam. 1970-ci ildə həmin radioda diktor kimi başladım. 1975-dən 2014-cü ilin dekabrına qədər orada redaktor işlədim. Bundan başqa, 25 il Respublika radiosunda bölgə müxbiri oldum. Radio mənim həyatımdır. Evimizdə bir neçə radio var. İndinin özündə də qulaq asıram. Müasir studiyalara gedirəm, baxıram, həvəslənirəm. Öz-özümə deyirəm ki, kaş yenidən doğulaydım, yenidən radioda işləyərdim. Bizim dövrümüzdə bu qədər mükəmməl deyildi. İndi hər şey çox asan və keyfiyyətlidir".

Zümrüd xanım ilk efiri və ilk müsahibini yada salır: "1967-ci ildə məktəbi, 1969-cu ildə texnikumu bitirdim. 1970-ci ildə ilk dəfə radioda diktor kimi işləməyə başlayanda veriliş hazırladım. Universitetin filologiya fakültəsində oxuyanda  məni işə dəvət elədilər. "Diqqət, danışır Balakən radiosu" cümləsi ilə efirimizə başlayırdıq. İlk müsahibim Həlimət Qarayeva olub. Əməkdar müəllim idi, bizə kimya dərsi deyirdi".

Zümrüd xanımın nəvəsi Fatimə də nənəsinin yolunu davam etdirir: "Nəvəm jurnalistika fakültəsinə daxil olub. O, televiziya aparıcısı olmaq istəyir. Kiçik nəvəm Səadət də diktorluq həvəsindədir. O qədər jurnalistikadan danışmışam, onlarda bu sənətə qarşı sevgi yaranıb".

"Məni radionun fanatı adlandırırlar. Uşaq vaxtından radio həvəskarı olmuşam. Natəvan Hacıyevaya, Ofeliya Sənaniyə qulaq asırdım. Anama deyirdim, "can ana, bütün işlərimi bitirdim, icazə ver, radioya qulaq asım". Uşaq verilişləri olurdu o zamanlar. 1960-cı ildə isə televizor aldıq. Kənddə ilk televizor bizdə olub. "Sehrli qutu" adlandırırdıq onu. Çox böyük sevgim var idi hər ikisinə. Amma radio məni daha çox cəlb elədi", - deyə Dibirova əlavə edir.

Ömrünü radioya həsr edən qadın Zümrüd Dibirova
© Sputnik / Shahperi Abbasova
Ömrünü radioya həsr edən qadın - Zümrüd Dibirova

Zümrüd xanım müasir radio verilişlərinə iradını bildirir: "Radioya qulaq asan insan oradan nəsə götürməlidir. Müasir radiomuz isə sırf şouya köklənib. Həddən ziyadə musiqi verirlər. Əlbəttə, musiqi də olmalıdır, amma həddində. Təbii ki, yaxşı radio jurnalistlərimiz də var. Müasir dillə desək, diceylər. Maarifləndirmək ən ümdə məsələdir. Lakin bizim müasir diceylərimiz üstünlüyü ancaq şouya verdiklərindən, bir neçə dəqiqədən sonra dalğanı dəyişmək istəyirsən".

"Bizim dövrümüzdə 15 dəqiqəlik verilişin 10 dəqiqəsi ayrılırdı təsərrüfat xəbərlərinə. Raykomun 3-cü katibi baxmamış biz efirə çıxmazdıq. Mədəniyyət xəbərləri, məktəb rubrikası da yer alırdı. Həftədə 3 dəfə efirə çıxırdıq. 15 dəqiqəlik Respublika radiosunu kəsirdilər, bizi bağlayırdılar. Bütün rayonların yerli radiosu var idi", - Dibirova xatırlayır.

Zümrüd xanım radio adlı sehrli aləmdə bütün problemlərini unutduğunu söyləyir: "O vaxt məktəbin radio qovşağında danışırdım, məndə həvəs oradan başladı. Sonradan pioner baş dəstə rəhbəri olanda tez-tez radio qovşağında verilişlər təşkil edib uşaqları efirə çıxarırdım, onları danışdırırdım. Radioda hər şeyi unuduram, problemlərimi, dərdimi-sərimi..."

Müsahibimiz Azərbaycan televiziya və radio tarixində xüsusi imzası olan bir çox diktorların müəllimi olub: "Aybəniz Məmmədəliyeva, Nailə İslamzadə mənim şagirdim olublar. Aybəniz xanım deyir ki, "Zümrüd xanım olmasaydı, bəlkə də, mən radioya gəlməzdim".  Respublika radiosunda rəhmətlik Mailə Muradxanlı, Fəridə Aslanbəyova, Qaçay Köçərli, Fatma Cabbarlı, Valid Sənani ilə çiyin-çiyinə çalışmışam".

Həmsöhbətimiz "sarı mətbuat" və saxta vəsiqə ilə insanları şantaj edən "jurnalist"lərdən gileylidir: "Baxırsan, heç bir təhsili yoxdur, əlində vəsiqə var. Adı it dəftərində də olmayan hansısa bir qəzetin təmsilçisi düşür kəndlərin canına. Vəsiqəni göstərib pul dilənir. Qurunun oduna yaş da yanır. Elələrinin ucbatından bu gün dəyərli jurnalistlərimizə olan inam azalıb. Hələ elə adamlar var ki, mənə təklif edirlər ki, "ver vəsiqəni, biz işlədək".

Qəhrəmanımız söyləyir ki, təmənna ilə yazı hazırlamaq ənənəsi sovet dövründə də olub: "O dövrdə də təmənna güdürdülər, sifarişli yazılar yazırdılar. Onda daha çox idi. Kolxozlara, məktəblərə, klublara gedib oradan pul istəyirdilər. O dövrün məmurları da öz səhvlərini ört-basdır etmək üçün müxbirə pul verirdilər. İndiki insanlar o dövrünkülərə nisbətən daha ayıq-sayıqdırlar. İndi internet var, sosial media var. Amma buna baxmayaraq bu işlə məşğul olub, sənətini qəpik-quruşa qurban verənlər də var".

Ömrünü radioya həsr edən qadın Zümrüd Dibirova
© Sputnik / Shahperi Abbasova
Zümrüd Dibirovanın radio aparatı

Peşəsini hər şeydən üstün tutan müsahibimizə də zamanında böyük miqdarda pullar təklif olunub. Lakin sənətə olan sevgisini puldan üstün tutan xanım imtina edib: "1986-cı il idi. O vaxt bir erməni uşaq geyimləri mağazası açmışdı. Xarici mallar gələn vaxtı üstündə böyük miqdarda pul götürmüşdü. Mən də onu işlədiyim qəzetdə və radioda ifşa etmişdim. Bu yazının çıxarılması üçün mənə böyük miqdarda pul təklif elədi, yanıma mötəbər insanları göndərdi. Dedim, olmaz. Mən sözümdən dönmərəm".

20 Yanvar hadisəsindən sonra insanların böyük bir hissəsi Kommunist partiyasından imtina edib, öz partbiletlərini yandırmışdı. Z.Dibirova deyir ki, bəziləri sonradan peşman olub, ondan həmin lentləri silməyi xahiş ediblər:

"20 Yanvar hadisələri baş verəndə çoxları Kommunist partiyasından çıxmışdı, bəzi məmurlar da dövlət əleyhinə çıxışlar edirdilər. Əksəriyyəti partbiletlərini cırmışdı. Mən də həmin vaxtlarda çəkiliş etmişdim. Vəzifədə olanların çoxu sonradan öz kreslolarından ayrılmamaq üçün mənə yalvarırdılar ki, "sənə nə istəsən, verək, bircə bu çıxışlar efirə getməsin". Qızıl, pul təklif edirdilər, dedim "xeyr, artıq çəkilib". Vəzifə eşqi Vətən sevgisindən üstün olanlar Kommunist partiyasından çıxdıqlarına görə peşman idilər".

"Hər bir güclü qadının arxasında güclü kişi dayanır" deyirlər. Bu baxımdan xanım Dibirovanın bəxti gətirib. Ömür-gün yoldaşı Ömər bəy onun hər addımında yanında olub, dəstəyini əsirgəməyib: "Mən universitetin 3-cü kursunda oxuyanda ailə qurdum. Yoldaşım mənə söz verdi ki, sənin təhsilin yarımçıq qalmayacaq. Sözünün üstündə durdu. Onu bircə məsələyə görə bağışlaya bilmirəm: 1976-cı ildə mən Respublika Radiosunun müxbiri olanda rəhmətlik Tahir Paşazadə diksiyamı bəyəndiyinə və ədəbi dili mükəmməl bildiyimə görə məni paytaxta dəvət elədi. Yoldaşım razı olmadı. Mən müsabiqədə iştirak etmişdim, Rafiq Hüseynov komissiyanın sədri idi. O vaxt Əhməd Cəmilin "Qaçqınlar" şeirini söylədim, münsiflər heyətində olanların gözləri doldu. Sanki ürəyimizə dammışdı ki, bir müddətdən sonra xalqımızın böyük bir hissəsi qaçqınlıq həyatı yaşayacaq..."

Ömrünü jurnalistikaya həsr etmiş qadın gənc həmkarlarına tövsiyə verməyi də unutmur: "Obyektiv olsunlar. Doğrudur, işin xatirinə nəyisə yazmaq məcburiyyətində qalırsan. Bu, məndə də olub. Amma maksimum obyektivliyi qorusunlar. Obyektiv olsunlar ki, sonradan utanc hissi keçirməsinlər. Və ən əsası, daim mütaliə etsinlər. Jurnalist hərtərəfli olsa, bu onun və işlədiyi mətbu orqanın adını yüksəklərə qaldıracaq".

1943
Əlaqədar
Uşaqkən bir gözünü itirən aktyor mətbəxdə işləməyə üstünlük verir
"Space" TV-dəki böyük biabırçılığa görə müğənnilər məhkəməyə verildi
Azərbaycanda uşaq telekanalı yaradılması zəruridirmi - professorun şərhi
Pultlar da radiasiya yayırmış!
Qarabağ - Makkabi oyunu

"Qarabağ" İsraildə ilk xalını qazandı

28
(Yenilənib 00:38 04.12.2020)
“Qarabağ” qrupda son oyununu dekabrın 10-da keçirəcək. Ağdamlılar İspaniyada “Vilyarreal”ın qonağı olacaqlar

BAKI, 3 dekabr - Sputnik. Azərbaycan çempionu “Qarabağ” avrokuboklarda növbəti oyununu keçirib.

Sputnik Azərbaycan apasport.az-a istinadən bildirir ki, Ağdam təmsilçisi Avropa Liqasının qrup mərhələsinin V turunda meydana çıxıb.

İlk 4 görüşdə uduzduqdan sonra İ qrupunda sonuncu yeri tutduğu rəsmiləşən Qurban Qurbanovun yetirmələri İsrailin “Makkabi” klubu ilə görüşüb. Cari mövsümdə avrokuboklarda son ev matçını keçirən təmsilçimiz Təl-Əviv klubunu da İstanbuldakı “Başakşəhər Fatih Teim” stadionunda qəbul edib.

Baş məşqçi Qurban Qurbanov və əsas heyətin bir sıra üzvləri koronavirusa yoluxduğu üçün qardaş ölkəyə böyük itkilərlə yollanan “Qarabağ” turnirdə ilk xalını qazanıb. Qarşılaşmada hər iki qol ilk 45 dəqiqədə vurulub.

Komandamız hissənin ortalarında qapısında qol görüb. İsrail təmsilçisi penalti ilə hesabı açıb. Ağdamlılar ilk yarı başa çatmamış hesabda tarazlıq yaradıblar. Xayme Romero bərabərlik qoluna imza atıb. 

Qrupun digər oyununda “Sivasspor” Türkiyədə “Vilyareal”ı qəbul edib. İspaniya təmsilçisi 1 qolla səfər qələbəsi qazanıb.

Qeyd edək ki, “Qarabağ” qrupda son oyununu dekabrın 10-da keçirəcək. Ağdamlılar İspaniyada “Vilyarreal”ın qonağı olacaqlar.

Avropa Liqası
Qrup mərhələsi
V tur, İ qrupu
3 dekabr
21:55. “Qarabağ” (Azərbaycan) - “Makkabi” (Təl-Əviv, İsrail) - 1:1
Qollar:  Xayme Romero, 37 - Yonatan Kohen, 22 (pen.)

Baş hakim: Robert Hennessi (İrlandiya)
“Qarabağ”: 1. Şahruddin Məhəmmədəliyev, 81. Kevin Medina, 77. Donald Gerye, 8. Uroş Matiç, 2. Qara Qarayev (k), 19. Filip Ozobiç, 10. Abdullah Zubir, 44. Elvin Cəfərquliyev, 7. Ovusu Kvabena, 9. Xayme Romero, 18. İsmayıl İbrahimli
Ehtiyat oyunçular: 12. Emil Balayev, 94. Ayxan Arazlı, 4. Rahil Məmmədov, 27. Toral Bayramov, 21. Rauf Hüseynli, 29. Zamiq Əliyev 
Məşqçi: Elçin Rəhmanov
“Makkabi”: 19. Daniel Tennenbaum, 30. Maor Kandil, 18. Eytan Tibi, 21. Şeran Yeini (k), 27. Ofir Davidzada, 23. Eyal Qolasa, 42. Dor Perets, 24. Yonatan Kohen, 44. Luis Ernandes, 17. Dan Biton, 9. Nik Blekmen
Ehtiyat oyunçular: 1. Daniel Perets, 3. Matan Baltaksa 11. Tal Ben Haim, 22. Avi Rikan, 25. Amit Qlazer, 29. Eylon Almoq, 39. Eduardo Gerrero, 47. Eden Karzev, 10. Etey Şexter, 6. Dan Qlazer, 31. Şahar Piven, 72. Aleksandar Peşiç
Baş məşqçi: Giorgios Donis

28
Teqlər:
UEFA Avropa Liqası, "Makkabi" FK (Tel-Əviv), Qarabağ FK
Azərbaycan Respublikasının Xarici İşlər Nazirliyi

Ermənistan hökuməti yeni reallıqla barışmalıdır - Azərbaycan XİN

14
(Yenilənib 22:54 03.12.2020)
Azərbaycan BMT TŞ-nin müvafiq qətnamələrinin icrasını təmin etdi və ərazi bütövlüyünü bərpa etdi. 10 noyabrda Ermənistan hökumət başçısının da imzaladığı birgə bəyanatla bölgədə yeni təhlükəsizlik və əməkdaşlıq formatı yarandı.

BAKI, 3 dekabr - Sputnik. Ermənistan rəhbərliyindən fərqli olaraq, Azərbaycan Prezidenti imzaladığı hər bir sənədin nəinki indiki mərhələdə, hətta uzaq perspektivdə nəyə xidmət etdiyini çox yaxşı bilir. Bunu dövlət başçımız yalnız sözləri ilə deyil, konkret əməlləri ilə nümayiş etdirir. Ermənistan xarici işlər naziri xəyal dünyasından nə qədər acı olsa da reallığa dönməlidir.

Sputnik Azərbaycan bildirir ki, bu barədə Azərbaycan Xarici İşlər Nazirliyinin Mətbuat xidməti idarəsinin Ermənistan xarici işlər naziri Ara Ayvazyanın “Armenpress” agentliyinə verdiyi müsahibəyə dair şərhində deyilir.

"Ermənistan tərəfinin uzun illər ərzində sərgilədiyi beynəlxalq hüquqa zidd və destruktiv mövqe bu ölkəni uçuruma sürükləyib. Ermənistan hökuməti son baş verən hadisələrdən nəticə çıxarmalı və bölgədə yaranmış yeni reallıqla barışmalıdır.

Azərbaycan BMT TŞ-nin müvafiq qətnamələrinin icrasını təmin etdi və ərazi bütövlüyünü bərpa etdi. 10 noyabrda Ermənistan hökumət başçısının da imzaladığı birgə bəyanatla bölgədə yeni təhlükəsizlik və əməkdaşlıq formatı yarandı.

Əsir və girovların, meyitlərin dəyişdirilməsinə gəldikdə isə, Ermənistan xarici işlər nazirinə xatırladırıq ki, məhz Ermənistan tərəfi uzun illər ərzində Azərbaycanın “hamının hamıya” dəyişdirilməsi təşəbbüsünə qarşılıq vermirdi. İndi bu prinsipin Ermənistan tərəfindən qəbul edilməsi elə dəyişən reallığın bir hissəsidir. Azərbaycan isə hər zaman beynəlxalq humanitar hüquq prinsiplərinə ciddi riayət edib, humanizm prinsiplərindən çıxış edərək, hətta hərbi əməliyyatlar davam edən zaman birtərəfli qaydada erməni əsirlərini və cəsədləri qarşı tərəfə təhvil verib.

Ermənistan tərəfinin 10 noyabr tarixli birgə bəyanatı yozmaq əvəzinə bu razılaşmadan irəli gələn məsələləri yerinə yetirməsi bölgədə uzun illərdir gözlənilən sülhün yaranmasına xidmət edəcəkdir", - deyə XİN-in şərhində vurğulanır.

14
Teqlər:
Ermənistan XİN, cavab, Azərbaycan XİN, Azərbaycan, Qarabağ