Ovçu, arxiv şəkli

Həftəsonu, payız, beşatılan: On gün qov, bir gün ov

1134
(Yenilənib 13:41 01.11.2019)
"Ov etmək üçün icazə"ləri Ekologiya və Təbii Sərvətlər Nazirliyinin yalnız regional ekologiya və təbii sərvətlər idarələrindən əldə etmək olar

İradə Cəlilova, Sputnik Azərbaycan

BAKI, 1 noyabr — Sputnik. "Hər il mayın sonu - iyunun əvvəlində ov mövsümü açıq elan edilir və növbəti ilin mart ayının əvvələrinədək davam edir. Təbii amillər və heyvanların bioloji xüsusiyyətləri nəzərə alınaraq, hər bir ov obyekti üçün ovun vaxtı ayrıca müəyyən edilir və bunun üçün mərhələli şəkildə icazə verilir".

Bu barədə Sputnik Azərbaycan-a Ekologiya və Təbii Sərvətlər Nazirliyinin Bioloji Müxtəlifliyin Qorunması və Xüsusi Mühafizə Olunan Təbiət Ərazilərinin İnkişafi Departamentinin sektor müdiri Bəhruz Məhəmmədov danışıb.

O qeyd edib ki, Azərbaycan ərazisində Dağıstan turu, çöl donuzu, dovşan, bataqlıq qunduzu (nutriya), cüllüt (qırıldayan cüllüt, ağquyruq çökükburun, kiçik kroşnep və çöl hamarquyruq cüllütü istisna olmaqla), qaz (ağqaş və qırmızıdöş qaz istisna olmaqla), ördək (ağgöz qara ördək, göydimdik, qılquyruq ördək və mərmərcürə istisna olmaqla), qaşqaldaq, alabaxta, bildirçin ovlanmasına icazə verilir.

"Dağıstan turu – (iyun ayının əvvəlindən – oktyabr ayının birinci ongünlüyünədək), çöl donuzu – (sentyabr ayının ortalarından – dekabr ayının ikinci ongünlüyünədək), dovşan – (noyabr ayının ortalarından – yanvar ayının birinci ongünlüyünədək), bataqlıq qunduzu (nutriya) – (oktyabr ayının əvvəlindən – fevral ayının ortalarınadək), cüllüt – (sentyabr ayının ortalarından – noyabr ayının ikinci ongünlüyünədək), su-bataqlıq quşları (qaz, ördək və qaşqaldaq) – (oktyabr ayının birinci ongünlüyündən – mart ayının əvvəllərinədək), alabaxta və bildirçin – (avqust ayının ikinci ongünlüyündən – noyabr ayının ortalarınadək) ovlana bilər", - deyə Bəhruz Məhəmmədov qeyd edib.

Lisenziya yenə yoxdur – Başıbəlalı birlik üzvləri yenə çətinlik yaşayır>>

Onun sözlərinə görə, ov yalnız müvafiq ovçuluq təsərrüfalarında və xüsusi müəyyən olunmuş ov sahələrində aparılır, lakin cəbhə bölgəsinə yaxın olan inzibati rayonların ərazilərində, eləcə də, Xəzər dənizinin adalarında, yaşıl zonalarda, şəhərlərin və digər yaşayış məntəqələrinin, həmçinin kurortların ətrafında 1,5-2 kilometrə qədər olan sahələrdə, xüsusi mühafizə olunan təbiət ərazilərində və onların sanitariya-mühafizə zonalarında qadağandır:

"Ov fəaliyyətinin həyata keçirildiyi ərazilər ov obyektlərinin növündən və xüsusiyyətlərindən asılı olaraq dəyişir. Məsələn, Dağıstan turu dağlıq zonada yaşadığı üçün onun ovu yalnız dağlıq ərazilərdə (Quba, Şəki, Zaqatala, Oğuz, İsmayıllı) aparıla bilər. Təbii ki, su-bataqlıq quşlarının ovuna eyniadlı ərazilərdə, dovşan ovuna isə yarımsəhra ərazilərində icazə verilir".

B.Məhəmmədov əlavə edib ki, yerli vətəndaşlar üçün "Ov etmək üçün icazə"ləri Ekologiya və Təbii Sərvətlər Nazirliyinin yalnız regional ekologiya və təbii sərvətlər idarələrindən əldə etmək olar. Bunun üçün ovçu ovçuluq biletini və heyvanlar aləmindən istifadəyə görə müvafiq ödənişin qəbzini təqdim etməlidir: "Əcnəbilərə və vətəndaşlığı olmayan şəxslərə Azərbaycan Respublikasının ərazisində ov etmək üçün icazənin verilməsi" ilə bağlı sənədlərin qəbulu isə ASAN xidmət vasitəsilə həyata keçirilir".

1134
Əlaqədar
Oğuzda canavar dörd nəfəri yaraladı - ikisi uşaqdır
Ekologiyaya qənim kəsilmiş 700-dək şəxs məsuliyyətə cəlb olunub
Kürü təmizləyirlər: "Qohumlarınızla danışın"
Ovuna icazə verilən heyvanların siyahısı açıqlandı
Ovçunun hobbisi başına bəla oldu
Azərbaycan hərbçiləri, arxiv şəkli

Müzəffər Azərbaycan Ordusu Laçında! - VİDEO

79
(Yenilənib 00:21 01.12.2020)
Üçtərəfli bəyanata əsasən Müzəffər Azərbaycan Ordusunun bölmələri dekabrın 1-də Laçın rayonuna daxil olub.

BAKI, 01 dekabr - Sputnik. Azərbaycan Respublikası, Rusiya Federasiyası Prezidentləri və  Ermənistan Respublikası baş nazirinin imzaladığı üçtərəfli bəyanata əsasən, Azərbaycan Ordusunun bölmələri dekabrın 1-də Laçın rayonuna daxil olub.

Sputnik Azərbaycan bildirir ki, məlumatı və müvafiq videonu Azərbaycan Müdafiə Nazirliyi yayıb.

 

79
Teqlər:
Azərbaycan ordusu, Azərbaycan, Qarabağ, Laçın
Dünya Səhiyyə Təşkilatının baş direktoru Tedros Adhanom Qebreyesu, arxiv şəkli

ÜST rəhbərindən çağırış: siyasiləşdirməyin

16
ÜST rəhbərinin sözlərinə görə, ümumdünya təşkilatının bəzi üzvləri araşdırmaları siyasiləşdirməyə çalışırlar

BAKI, 30 noyabr - Sputnik. Ümumdünya Səhiyyə Təşkilatının baş direktoru Tedros Adhanom Gebreyesus koronavirusun mənbəyi haqda araşdırmaları siyasiləşdirməməyə çağırıb. Onun sözlərinə görə, ekspertlər öz rəylərini elmə əsaslanaraq hazırlayacaqlar.

"Bizim mövqeyimiz kifayət qədər dəqiq və sərt idi. Biz virusun mənbəyini tapmaq üçün iş aparırıq, çünki bu, bütün dünyaya xəstəliyin genezisini taparaq gələcək alovlanmaların qarşısını almağa yardım edəcək", - Cenevrədəki mətbuat konfransında Gebreyesus deyib.

O vurğulayıb ki, ÜST virusun mənbəyinin araşdırılmasında FAO (BMT-nin ərzaq və kənd təsərrüfatı təşkilatı) və Ümumdünya Heyvan Sağlığı Təşkilatı ilə birgə işləyir. Bu məsələylə məşğul olan beynəlxalq ekspertlər qrupuna ABŞ, Böyük Britaniya, Cənubi Koreya, Sudan və digər ölkələrin nümayəndələri daxildir. Ancaq buna rəğmən, ÜST rəhbərinin sözlərinə görə, ümumdünya təşkilatının bəzi üzvləri araşdırmaları siyasiləşdirməyə çalışırlar. 

"Ona görə də məsləhət görürük: xahiş edirik, bu məsələni siyasiləşdirməyin. Biz hər şeyi edəcəyik, amma elmə istinadla", - Gebreyesus vurğulayıb.

16
Teqlər:
siyasət, ÜST, araşdırma, mənbə, epidemiya, COVID-19
Mövzu:
Dünyanı cənginə almış bəla