CƏMİYYƏT
Cəmiyyətin həyatında baş verən aktual hadisələr

Bakının 14 qəsəbəsində toy-bayram: Su və kanalizasiya çəkiləcək

© Sputnik / Ilham MustafaŞəhərdə su və kanalizasiya xətlərinin yenidən qurulması istiqamətində qızğın iş gedir
Şəhərdə su və kanalizasiya xətlərinin yenidən qurulması istiqamətində qızğın iş gedir - Sputnik Azərbaycan
Abunə olmaq
Binəqədi, Biləcəri, 28 may, Mərdəkan, Şüvəlan, Buzovna, Dübəndi, Pirallahı, Bilgəh, Maştağa, Sabunçu, Zabrat, Əmircan və Bülbülə qəsəbələrinin yenidən qurulması ilə bağlı elan edilən tenderlərə yekun vurulub

BAKI, 31 oktyabr — Sputnik. Bakının 14 qəsəbəsinin su təchizatı və kanalizasiya sisteminin yenidən qurulmasına başlanılır. Bu barədə Sputnik Azərbaycan-a "Azərsu" ASC-dən məlumat verilib.

Bildirilib ki, "Azərsu" ASC Bakının Binəqədi rayonunun Binəqədi, Biləcəri, 28 may, Xəzər rayonunun Mərdəkan, Şüvəlan, Buzovna, Dübəndi, Pirallahı rayonunun Pirallahı, Sabunçu rayonunun Bilgəh, Maştağa, Sabunçu, Zabrat, Suraxanı rayonunun Əmircan və Bülbülə qəsəbələrinin yenidən qurulması ilə bağlı elan etdiyi açıq tenderlərə yekun vurub.

Tenderlərin qalibləri "Protean Construction" ASC, "Araz İnşaatçı", "Arko Təmir Tikinti Şirkəti", "Express Xim Servis", "Hidro İnşaat Servis", "I and R Construction", "Mühəndis Tikinti Layihə", "Sənaye Tikinti" MMC-lər, və Türkiyənin "Eren İnşaat Sanayi ve Ticaret" Anonim Şirkətinin yerli filialı olub.

Qalib şirkətlərə ümumilikdə 12 436 025 manat ödəniləcək.

Xəbər lenti
0