Siqaret satışı, arxiv şəkli

Gözdən uzaq, könüldən iraq: Siqaret üstündə qurulan sağlam həyat necə olurmuş?

993
(Yenilənib 17:46 30.10.2019)
Marketə girirsən, görürsən ki, siqaret düz gözünün qabağındadır. Bu, düzgün deyil. Xüsusən də məktəblilərin siqaretə aludəçiliyinin qarşısının alınması üçün onların məktəblərin qarşısındakı köşklərdən yığışdırılması vacibdir.

Nigar İsgəndərova, Sputnik Azərbaycan

BAKI, 30 oktyabr — Sputnik. Bu gün bəzi ölkələr tütündən ölüm hallarının qarşısını almaq üçün əsas çıxış yollarından birini də qiymətləri və vergiləri qaldırmaqda görürlər. Məsələn, Avstraliyada 1 qutu siqaretin qiyməti 19.82 dollar, Yeni Zelandiyada isə 17.54 dollar təşkil edir. Bu isə o deməkdir ki, Yeni Zelandiyada siqaretin qiyməti Böyük Britaniyadakından 6.69 dollar daha yüksəkdir. Böyük Britaniyada isə siqaretin qiyməti 13.39 dollardır.

Siqaretin qiymətinin ən aşağı olduğu ölkə isə Qazaxıstandır. Burada bir qutu siqaretin qiyməti 1.06 dollar təşkil edir. "Tobacco"nun (tobaccoatlas.org) statistik məlumatlarına baxdıqda isə bu ölkədə tütünün təsirlərindən ölüm hallarının 22 mindən yuxarı olduğunu görə bilərik. Belə ki, Qazaxıstanda gündəlik olaraq siqaret aludəçilərinin 16 min nəfərini 10-14 yaşlı uşaqlar, 2 milyon 466 min nəfərini 15 yaşdan yuxarı olan şəxslər təşkil edir. 

Azərbaycanda isə bir qutu siqaretin qiyməti 1-4 manat arasında dəyişilir.

"Tobacco"nun son olaraq Azərbaycan üçün açıqladığı hesabatda isə bu sahədə müəyyən irəliləyişlərin olduğu qeyd olunsa da, deyə bilərik ki, rəqəmlər elə də ürəkaçan deyil. Məlumata görə, hər il 12 mindən artıq insan tütün və tütün məhsullarının yaratdığı fəsadlara, müxtəlif xəstəliklərə görə dünyasını dəyişir. Statistikada qeyd olunur ki, Azərbaycanda tütün və tütün məhsullarından asılılıq kişilərin ölüm faktorunda 23 faizədək rola malikdir. Bu rəqəmə görə isə ölkəmiz İnsan İnkişafı İndeksinə görə, digər inkişaf etmiş ölkələrdən daha bədbin nəticələr əldə edib.

Qeyd olunur ki, hər gün 8 mindən artıq uşaq (10-14 yaşlarında) və yaşı 15-dən yuxarı olan 1 milyon 373 min yeniyetmə siqaret çəkir, tütünün təsiri altında olur. Məlumata görə, Azərbaycanda tütündən asılı olanların 2 faizini uşaqlar təşkil edir.

Maraqlıdır, ölkəmizdə bu rəqəmin azaldılması üçün nələrin edilməsinə gərək var?

Ümumdünya Səhiyyə Təşkilatının (ÜST) Azərbaycandakı nümayəndəsi Hande Harmancı isə jurnalistlərə açıqlamasında qeyd edib ki, ölkəmizdə tütünçəkmə ilə mübarizədə bir çox işlər görülüb, amma ölkədə siqaretin qiyməti hələ də çox aşağıdır.

Narkoloji Dispanserin rəhbəri Araz Manuçərov Sputnik Azərbaycan-a açıqlamasında ilk növbədə siqaretə əlçatanlığın çətinləşdirilməsinin vacibliyindən danışıb: “Məsələn, marketə girirsən, görürsən ki, siqaret düz gözünün qabağındadır. Bu, düzgün deyil. Xüsusən də məktəblilərin siqaretə aludəçiliyinin qarşısının alınması üçün onların məktəblərin qarşısındakı köşklərdən yığışdırılması vacibdir”.

Rusiyada mağazada siqaret satışı
© Sputnik / Konstantin Chalabov

“Siqaretin qiymətinin artması ilə sadəcə olaraq bir müddət ona aludə ola biləcək şəxslərin sayını azaltmaq mümkün olacaq. Bu qiymətin, verginin artmasından isə məqsədyönlü yararlanmaq lazımdır. Yaxşı olar ki, bu yolla əldə olunan vəsait sağlam həyata təşviq məqsədilə istifadə edilsin. Ordan gələn puldan məhəllələrdə idman meydançalarının salınması, ona təşviqin artırılması məqsədilə istifadə edilsə, daha sərfəli olar. Amma bu siqaretdən asılılığı olan şəxslər üçün çıxış yolu olmayacaq”, - deyə o əlavə edib.

İqtisadçı-ekspert Natiq Cəfərli isə hesab edir ki, sosial həyat üçün önəmli bir nüans olmadığından və pis vərdişlərdən xilas olunmaq üçün təqdirəlayiq addım hesab edildiyindən siqaret və tütün məhsullarının qiymətlərinin qalxması etirazla qarşılanmır. O, belə hesab edir ki, qiymətlərin kəskin artması heç də müsbət nəticə verməyəcək: “Bu səbəbdən də bir çox ölkələrdə də aksiz vergiləri tez-tez artırılır. Azərbaycanda isə bu cür məhsulların qiyməti çox yüksək olarsa, o zaman qonşu ölkələrdən qaçaqmalçılıq hallarının artması baş verə bilər. Buna görə, qonşu ölkələrdəki qiymətlər də nəzərə alınmalıdır ki, mənfi tendensiyalar müşahidə edilməsin”.

993
 “TOÇKA-U” raketinin buraxılışı, arxiv şəkli

Beynəlxalq təşkilatlar rayonlarımızın raket atəşinə tutulması barədə məlumatlandırılıb

2
Ermənistan ərazilərindən döyüş əməliyyatları zonasından aralıda yerləşən Qəbələ, Kürdəmir və Siyəzən rayonlarında yaşayan dinc əhalinin və mülki infrastrukturun raket zərbələrinə məruz qalması diqqətə çatdırılıb

BAKI, 22 oktyabr - Sputnik. Müdafiə Nazirliyinin Beynəlxalq Hərbi Əməkdaşlıq İdarəsinin rəisi general-mayor Hüseyn Mahmudov tərəfindən ölkəmizdə akkreditə olunmuş xarici hərbi attaşelər və beynəlxalq təşkilatların ölkəmizdəki nümayəndələri üçün bu gün növbəti brifinq verilib.
Sputnik Azərbaycan-a Müdafiə Nazirliyindən daxil olan məlumata görə, brifinqdə qonaqlara Ermənistan Respublikasının münaqişədə birbaşa iştirakı, Ermənistan ərazilərindən döyüş əməliyyatları zonasından aralıda yerləşən Qəbələ, Kürdəmir və Siyəzən rayonlarında yaşayan dinc əhalinin və mülki infrastrukturun raket zərbələrinə məruz qalması, eləcə də humanitar atəşkəs razılığına əməl etməyərək açıq şəkildə onu pozması haqqında ətraflı məlumat verilib.
Əlavə olaraq, işğaldan azad olunmuş Cəbrayıl, Füzuli və Zəngilan rayonlarının ərazilərində olan inzibati yaşayış mərkəzlərinin, tarixi-memarlıq və dini abidələrinin dağıdılması və talan edilməsi, eləcə də döyüş texnikasının tibbi təyinatlı texnika adı altında döyüşlərdə istifadə edilməsi barədə də məlumat diqqətə çatdırılıb.

2
Teqlər:
Azərbaycan Müdafiə Nazirliyi, Siyəzən, Kürdəmir, Qəbələ, raket zərbələri, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
İsrail səfiri Gəncədə: “Qurbanların başına gələnləri dinləmək ürəyimi ağrıdır”
Qəbələnin atəşə tutulması nəticəsində bir nəfər xəsarət alıb
Prezidentin köməkçisi: "Qəbələyə raketlər Qafan və Cermuk bölgələrindən atılıb"
Hikmət Hacıyev Ermənistanın Qəbələ, Kürdəmir və Siyəzənə raket atəşi barədə
Ermənistan ərazisindən Siyəzən, Qəbələ və Kürdəmir raket atəşinə tutulub

Azərbaycanın İranla sərhədindəki Ağbənddə bayrağımız dalğalanır - VİDEO

59
(Yenilənib 19:30 22.10.2020)
Dövlətimizin başçısı Ağbənd zastavasında Azərbaycan bayrağının qaldırılmasının videosunu da paylaşıb.

BAKI, 22 oktyabr - Sputnik. Ağbənd qəsəbəsinin azad edilməsi ilə Azərbaycan və İran İslam Respublikası dövlət sərhədinin tam nəzarətə götürülməsi təmin olundu.

Sputnik Azərbaycan bildirir ki, bu barədə Azərbaycan Prezidenti İlham Əliyev Twitter hesabında məlumat verərək, bu münasibətlə Azərbaycan və İran xalqlarını təbrik edib.

Həmçinin dövlətimizin başçısı Ağbənd zastavasında Azərbaycan bayrağının qaldırılmasının videosunu da paylaşıb.

​Qeyd edək ki, bu gün müzəffər Azərbaycan Ordusu Füzuli rayonunun Mollavəli, Yuxarı Rəfədinli, Aşağı Rəfədinli, Cəbrayıl rayonunun Sirik, Şıxlar, Məstəlibəyli, Dərzili kəndlərini, Zəngilanın Kolluqışlaq, Malatkeşin, Kənd Zəngilan, Genlik, Vəliqulubəyli, Qaradərə, Çöpədərə, Tatar, Tiri, Əmirxanlı, Qarqulu, Bartaz, Dəlləkli kəndlərini və Ağbənd qəsəbəsini işğaldan azad edib.

59
Teqlər:
Prezident İlham Əliyev, Azərbaycan ordusu, erməni təxribatı, Ermənistan-Azərbaycan, Dağlıq Qarabağ münaqişəsi, bayraq, Ağbənd qəsəbəsi, sərhəd, İran, Azərbaycan
Mövzu:
Azərbaycan və Ermənistan arasında müharibə
Əlaqədar
Dövlət başçısı: "Azərbaycan və İran dövlət sərhədi tam nəzarətə götürüldü"
Füzuli, Cəbrayıl və Zəngilanın 20 kəndi və 1 qəsəbəsi azad edildi - İlham Əliyev
İlham Əliyev: "Sülhməramlılarla bağlı həlledici sözü biz deməliyik"
İlham Əliyev: "Ermənistanın bu hökuməti ilə sülhlə nizamlanma perspektivi çox uzaqdır"
İlham Əliyev: "Dağlıq Qarabağda heç bir referendum olmayacaq"
Milli Məclis

Milli Məclisin növbəti plenar iclasının vaxtı gündəliyi məlum olub

0
(Yenilənib 19:26 22.10.2020)
"Azərbaycan Respublikasının Xocavənd rayonunun Vəng kəndinin Çinarlı kəndi adlandırılması haqqında" qanun layihəsinə, "Hərbi vəzifə və hərbi xidmət haqqında" və digər qanunlarda dəyişikliklərə baxılacaq

Xalid Məmmədov, Sputnik Azərbaycan

BAKI, 22 oktyabr — Sputnik. Milli Məclisin növbəti plenar iclasının vaxtı məlum olub.

Sputnik Azərbaycan-ın məlumatına görə, parlamentin iclası 27 oktyabrda keçiriləcək. İclasın gündəliyinə 8 məsələ daxil edilib.

Bunlar aşağıdakılardır:

1. "Azərbaycan Respublikasının Xocavənd rayonunun Vəng kəndinin Çinarlı kəndi adlandırılması haqqında" Azərbaycan Respublikası qanununun layihəsi barədə.

2. "Hərbi vəzifə və hərbi xidmət haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (üçüncü oxunuş).

3. "Təhsil haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (ikinci oxunuş).

4. "Peşə təhsili haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (ikinci oxunuş).

5. Azərbaycan Respublikasının Meşə Məcəlləsində, Azərbaycan Respublikasının Torpaq Məcəlləsində, Azərbaycan Respublikasının Mülki Məcəlləsində, "Torpaq islahatı haqqında", "Torpaq bazarı haqqında", "Bələdiyyə torpaqlarının idarə edilməsi haqqında", "Dövlət rüsumu haqqında", "Daşınmaz əmlakın dövlət reyestri haqqında" və "Torpaqların dövlət ehtiyacları üçün alınması haqqında" Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

6. Azərbaycan Respublikasının Əmək Məcəlləsində və Azərbaycan Respublikasının Ailə Məcəlləsində dəyişiklik edilməsi haqqında Azərbaycan Respublikası qanununun layihəsi barədə (birinci oxunuş).

7. "Hərbi qulluqçuların statusu haqqında", "Əhalinin sağlamlığının qorunması haqqında", "Yol hərəkəti haqqında", "Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında", "Avtomobil yolları haqqında", "Özəl tibb fəaliyyəti haqqında", "Dövlət qulluğu haqqında", "Psixiatriya yardımı haqqında", "Onkoloji yardım haqqında" və "Tütün məmulatlarının istifadəsinin məhdudlaşdırılması haqqında" Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

8. "Tibbi sığorta haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

0