Amerikalı aktyor Jan-Klod van Damm

Ölkədə qeyri-adi təbliğat: Van Damma heykəl qoymaq ideyası haradan doğub

7437
(Yenilənib 21:32 29.10.2019)
Bir neçə həftə sonra Qəbələ rayonunun ən böyük qəsəbəsində amerikalı aktyora qoyulan heykəlin açılışı olacaq

Kəmalə Əliyeva, Sputnik Azərbaycan

BAKI, 29 oktyabr — Sputnik. Məşhur amerikalı aktyor Jan Klod Van Damma Qəbələ rayonunun Vəndam qəsəbəsində qoyulan abidə sosial şəbəkələrdə müxtəlif müzakirələrə səbəb olub. Layihənin ideya müəllifi, jurnalist Şakir Eminbəyli Sputnik Azərbaycan-a müsahibəsində bu qeyri-adi ideyasından danışıb.

Vəndam Qəbələ rayonunun ən böyük qəsəbəsidir. Eminbəylinin sözlərinə görə, bu qəsəbənin adı amerikalı aktyor Jan Klod Van Dammın soyadı ilə həmahəng səslənir. Odur ki, o, bu şərəfə qəsəbədə aktyorun heykəlinin qoyulmasına qərar verib. Aktyor heykəldə şpaqat açmış vəziyyətdə təsvir edilib. Heykəlin müəllifi Azad Əliyevdir. Jurnalist Azad Əliyev seçimi üzərində təsadüfən dayanmayıb. Məhz bu heykəltaraş ölkədəki heykəllərin bir çoxunun müəllifidir.

Памятник Ван Дамму в Габале
Məşhur amerikalı aktyor Jan Klod Van Damma Qəbələ rayonunun Vəndam qəsəbəsində qoyulan abidə

"Biz hələ ki, abidəni qoymamışıq. Mənim sosial şəbəkədə paylaşdığım şəkil biz hələ heykəl üçün yer seçərkən çəkilib. Sonra heykəli oradan götürmüşük. Bu heykəl yaxın zamanlarda mənim şəxsi ərazimdə, İnformasiya Mərkəzinin açılacağı yerdə qoyulacaq. Bu heykəlin qoyulmasında məqsəd Qəbələnin turistik yerlərinin təbliğatının aparılmasıdır. Van Dammın heykəli bu mərkəzin bir hissəsi olacaq", - deyə Şakir Eminbəyli bildirib.

Onun bu ideyasına insanların verdiyi reaksiya müxtəlif olub. Kiminin bu ideya çox xoşuna gəlib, kimi də onu lağlağıya çevirib. Nə qədər adam varsa, bir o qədər də fikir var. Ona görə də jurnalist tənqidləri normal qarşılayır və təqdir edir. O əmindir ki, bu yeni layihəsi sayəsində Qəbələni ziyarət edən turistlərin sayı artacaq.

Ненадолго появившийся в Габалинском районе памятник всемирно известному актеру Жан-Клоду Ван Дамму
Layihənin ideya müəllifi, jurnalist Şakir Eminbəyli

"Mənim əsas məqsədim Qəbələ rayonunda turizmi inkişaf etdirməkdir. Əminəm ki, bu yer təkcə azərbaycanlıların deyil, xarici turistlərin də sevimli yeri olacaq. Ümid edirəm ki, Van Damm özünün 60 illiyində Qəbələni ziyarət edəcək və onun şərəfinə hazırlanmış abidəni görəcək", - deyə Eminbəyli ümidini ifadə edib.

O, abidənin açılışının iki-üç həftə sonra olacağını bildirib.

Jan Klod Van Damm Belçika əsilli amerikalı aktyor, rejissor, senari müəllifi, döyüş səhnələrinin quruluşçusu və prodüserdir. O, 1979-cu ildə karate və kikboksinq üzrə orta çəki dərəcəli peşəkarlar arasında Avropa çempionu olub və qara kəmər sahibidir. Aktyorluq karyerası dövründə 50-dən çox filmə çəkilib. Onun məşhur filmlərindən "Qanlı idman", "Kikboksçu", "Şir ürəkli", "Ölümcül order", "Kiborq", "İkiqat zərbə", "Universal əsgər" və digərləri azərbaycanlı tamaşaçılar arasında da populyar olub.

7437
Uqandad, arxiv şəkli

Gələn ilin bəd xəbəri özündən əvvəl gəlib: Onlarla ölkənin qapısını aclıq döyəcək

3
(Yenilənib 12:46 05.12.2020)
"Biz hamıya kömək edə bilmərik. Ona görə də prioritetləri təyin etməliyik. Aclıq onlarla ölkənin qapısını döyəcək" - Devid Bizli

BAKI, 5 dekabr — Sputnik. BMT-nin Ümumdünya Ərzaq Proqramının rəhbəri Devid Bizli bildirib ki, dünyada misli görünməmiş aclıq olacaq: COVID-19 səbəbindən 270 milyon insan acından ölə bilər.

Sputnik Azərbaycan-ın məlumatına görə, Bizli BMT-nin Baş Assambleyasının sessiyasında çıxışı zamanı 2021-ci ildə humanitar böhranın olacağı barədə xəbərdarlıq edib.

«75 il əvvəl BMT qurulandan bəri 2021-ci il, yəqin ki, ən güclü humanitar böhranın yaşandığı il olacaq. Biz hamıya kömək edə bilmərik. Ona görə də prioritetləri təyin etməliyik. Aclıq onlarla ölkənin qapısını döyəcək”, - Bizli deyib.

Onun sözlərinə görə, son illərdə silahlı münaqişələrin çoxalması aclıq təhlükəsilə üzləşən insanların sayını 80 milyondan 135 milyonadək artırıb. 2020-ci ildə isə COVID-19 pandemiyası bu rəqəmi 270 milyona çatdırıb.

COVID-19-a yoluxanların sayı 66 milyonu ötdü - Çin Azərbaycandan da geri pillədə>>

Öz növbəsində Ümumdünya Səhiyyə Təşkilatının rəhbəri Tedros Adhanom Gebreyesus vaksinlərlə mübadilə proqramı üçün dərhal 4.3 milyard dollar ayrılmasını istəyib.

“Biz vaksin uğrunda mübarizədə varlıların kasıbları əzdiyi bir dünya ilə barışa bilmərik. Bu, qlobal böhrandır və onun həlli üçün olan resurslar qlobal ictimai dəyərlər kimi ədalətlə bölünməlidir”, - Gebreyesus qeyd edib.

Bu ilin oktyabrında BMT-nin Ümumdünya Ərzaq Proqramı Nobel sülh mükafatının laureatı olub. Bu barədə qərarı Norveç Nobel Komitəsi verib. Komitədən bildirilib ki, humanitar proqram “aclıqla mübarizədə göstərdiyi səylərə, münaqişə zonalarında həyat şərtlərinin yaxşılaşdırılması cəhdləri və aclıqdan müharibə və münaqişə silahı kimi istifadə olunmasına qarşı mübarizədə aparıcı qüvvə kimi fəaliyyətlərinə görə” mükafata layiq görülür.

“Builki mükafatla Norveç Nobel Komitəsi dünyanın nəzərlərini aclıqdan əziyyət çəkən və aclıq təhlükəsi ilə üz-üzə qalan milyonlarla insana yönəltməsini istəyir”, - mükafat barədə şərhdə deyilirdi.

Komitənin sədri Berit Rayss-Andresen həmçinin vurğulamışdı ki, kömək göstərilməsi və ərzaq yardımı dünyada sabitlik perspektivlərini yaxşılaşdırmağa imkan verir.

Hələ bu ilin aprelində Bizli deyirdi ki, ilk növbədə aparıcı ölkələr hərbi münaqişələrin dayandırılması üçün işlər görməlidir. Hərbi əməliyyatların iştirakçıları isə ehtiyacı olan insanlara humanitar yardım göstərilməsi üçün maneəsiz şərait yaratmalıdırlar. Bundan başqa, onun sözlərinə görə, planet üzrə humanitar yardımların çatdırılması üçün logistika mərkəzlərinin yaradılmasına 350 milyon dollar tələb olunur.

“Vaxt bizim əleyhimizə işləyir, ona görə də gəlin müdrikcəsinə və cəld hərəkət edək”, - Bizli əlavə edib. Proqram rəhbərinin xəbərdarlığına görə, əgər BMT-yə lazımi yardım göstərilməsə, hər gün 300 min insan aclıqdan öləcək. Aclıq ümumilikdə 30 ölkəni əhatə edə bilər.

2020-ci ildə vəziyyəti qəlizləşdirən təkcə koronavirus deyil, eləcə də neft qiymətlərinin çökməsi, turizm sahəsində maliyyə itkiləri, iş yerlərinin azalması, əmək miqrantlarının gəlirlərinin sıfırlanması olub.

BMT-nin aylar öncəki proqnozuna görə, 2020-ci ilin sonunadək 265 milyon insan aclıqdan əziyyət çəkəcəkdi ki, bu da ötən ilin göstəricilərini iki dəfə üstələyir.

Koronavirusun yayılması isə artıq mövcud olan neqativ amillərə - müharibələrə, iqlim dəyişikliklərinə, iqtisadi böhrana – daha yeni problemlər əlavə etməkdədir, BMT-nin Ərzaq Proqramının hesabatında deyilir.

“COVID-19 pandemiyası həyatı tükdən asılı olan milyonlarla insan üçün fəlakətdir. Bu o insanlardır ki, yalnız gün ərzində nəsə qazana bildikləri təqdirdə qida qəbul etmək imkanları olur”, - Ərzaq Proqramının aparıcı mütəxəssisi Arif Hüseyn bildirib.

Bu zaman söhbət ərzaq çatışmazlığından deyil, məhz aclıqdan gedir. Dünyada xroniki olaraq qida qəbul edə bilməyənlərin sayı çoxdur: Afrikada 100 milyon, Yaxın Şərqdə və Asiyada 43 milyon, Latın Amerikasında 18.5 milyon aclıqdan zəiyyət çəkir.

 

3
Teqlər:
vaksin, Koronavirus, COVID-19, epidemiya, ərzaq, BMT, fəlakət, humanitar, böhran, aclıq, dünya
Bakıda buludlu hava, arxiv şəkli

Sabah meteohəssas insanlar üçün yaxşı gün olacaq

4
Tibbi-meteoroloji proqnoza görə, dekabrın 6-da Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir

BAKI, 5 dekabr — Sputnik. Sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Sputnik Azərbaycan Milli Hidrometeorologiya Xidmətinin verdiyi məlumata istinadla xəbər verir ki, gecə və səhər zəif duman olacaq. Mülayim şimal-şərq küləyi əsəcək. Havanın temperaturu Bakıda və Abşeron yarımadasında gecə 5-7, gündüz 7-9 dərəcə isti olacaq. Atmosfer təzyiqi normadan yüksək 772 mm civə sütunu təşkil edəcək, nisbi rütubət gecə 70-80, gündüz 50-55 faiz olacaq.

Dekabrın 6-da Azərbaycanın rayonlarında arabir yağış, dağlıq və dağətəyi rayonlarda qar yağacağı, ayrı-ayrı yerlərdə intensiv olacağı gözlənilir. Bəzi yerlərdə duman olacaq. Mülayim şərq küləyi əsəcək. Havanın temperaturu gecə 2-6, gündüz 6-9 dərəcə isti, dağlarda gecə 5-10 dərəcə şaxta, gündüz 0-5 dərəcə şaxta olacaq.

Tibbi-meteoroloji proqnoza gəldikdə isə, dekabrın 6-da Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

4
Teqlər:
hava proqnozu, qar, külək, şaxta, yağış, buludlu hava