Səbaildə bərbad yollar

Bu "dəb" lənətə gəlsin: Bakıya gəlmək üçün iki ayaqqabı dəyişirlər - Reportaj

842
(Yenilənib 17:56 23.10.2019)
"Prezidentin tapşırığından sonra gəlib yollarımıza baxış keçiriblər. Deyilənə görə, təmir edəcəklər"

Zülfiyyə Quluyeva, Sputnik Azərbaycan

BAKI, 23 oktyabr — Sputnik. Bakı ətrafında elə qəsəbə və yaşayış massivləri var ki, yolları ucqar dağ kəndlərinin yollarından fərqlənmir. Bu problem ölkə başçısı İlham Əliyevin də diqqətini cəlb etdiyindən qəsəbədaxili yolların təmir olunması ilə bağlı Prezident Azərbaycan Avtomobil Yolları Dövlət Agentliyinin İdarə heyətinin sədri Saleh Məmmədovu qəbul edərkən xüsusi tapşırıqlar verib.

Sputnik Azərbaycan Bakı ətrafında əhalinin sıx məskunlaşdığı bir neçə yaşayış massivində qəsəbədaxili yolların vəziyyətini öyrənib.

Səbaildə bərbad yollar
© Sputnik / Zulfiyya Guluyeva
Səbaildə bərbad yollar

7-ci Binəqədi şosesinin ətrafında salınmış "Can Təpə" adlanan yaşayış massivinin sakinləri deyirlər ki, burada əhalinin sıx məskunlaşmasına 2000-ci ildən başlanılsa da, qəsəbənin əsas yolları asfaltlanmayıb.

Sakin İsmayıl Qarayev deyir ki, yaşayış massivinin bir hissəsi Abşeron, bir hissəsi isə Binəqədi rayonunun ərazisinə düşür: "Sözün açığı, burada yaşayan sakinlərin çoxu hələ də bilmir ki, hansı rayonun ərazisində yaşayır. Bircə bildiyimiz odur ki, haraya müraciət etsək də, yollarımızın vəziyyətinə baxan yoxdur. Sakinlər öz hesablarına bir neçə dəfə yollara daş töküblər. Amma yollarımızın əsaslı təmirə ehtiyacı var. Bu yaşayış massivinin yarıdan çoxunda məcburi köçkünlər məskunlaşıblar. Amma uşaqlar dərsə, camaat işə palçığa bata-bata gedib-gəlir. Yollarımız bərbad halda olduğundan buraya yeni avtobuslar da vermirlər. 142 saylı xətt üzrə sınıq-salxaq avtobuslar işləyir. Bir sözlə, dərdimizi kimə deyəcəyimizi bilmirik. Prezidentin tapşırığından sonra gəlib yollarımıza baxış keçiriblər. Deyilənə görə, təmir edəcəklər".

Masazır yollarında vəziyyət
© Sputnik / Zulfiyya Guluyeva
Masazır yollarında vəziyyət

Yeni Masazır qəsəbəsi, General Akim Abbasov küçəsinin sakinləri də illərdir ki, palçığa bata-bata gedib-gəlirlər. Sakin Fəxriyyə Kazımova Sputnik Azərbaycan-ın əməkdaşına deyib ki, qəsəbənin daxili yollarına hər il sakinlər öz hesabına çınqıl tökürlər: "Əvvəllər avtomobillər palçığa batıb qalırdı. Yollara daş tökdüyümüzdən maşın qapıya qədər gəlib çıxa bilir. Amma qış gələn kimi günümüz qara olur. Üst-başımız palçıq olur. Yollarımız bərbad olduğundan qəsəbəyə normal avtobus da verilmir".

Yeni Masazır qəsəbəsi M.P.Vaqif küçəsinin sakinləri də palçıqlı yollarla gedib-gəlməkdən bezdiklərini söyləyirlər: "2000-ci ildən yollarımızın vəziyyəti belə dözülməz durumdadır. Ucqar dağ kəndlərinin yolları bizim qəsəbənin yollarından abaddır. Biz avtobus dayanacağına qədər iki ayaqqabı dəyişirik ki, şəhərə palçıqlı ayaqqabı ilə getməyək. Uşaqlar məktəbə çatana qədər üst-başları palçıq olur".

Masazır yollarında vəziyyət
© Sputnik / Zulfiyya Guluyeva
Masazır yollarında vəziyyət

Səbail Bakının paytaxt rayonu olmasına baxmayaraq, bu rayonun da ərazisində yolları bərbad halda olan qəsəbələr var. Bayıl qəsəbəsinin daxili yolları bərbad vəziyyətdə olduğundan, sakinlər taksiyə minmək üçün əsas yola qədər piyada gəldiklərini söyləyirlər. Sakin İbrahim Abid deyir ki, yollar dağ kəndlərinin yolları kimi kələ-kötür, torpaq olduğundan taksi qəsəbənin məhəllələrindən olan sifarişləri qəbul etmir: "Xəstəmiz olanda biz gedib əsas yoldan artıq pul verib taksi gətiririk. Hər yerə 5 manata gedən taksi bizim qəsəbənin daxili yollarının bərbad vəziyyətdə olmasına görə 10 manat pul alır. Prezidentin tapşırığından sonra əl-ayağa düşüblər. Söz-söhbət var ki, yollarımızı asfaltlayacaqlar".

Səbaildə bərbad yollar
© Sputnik / Zulfiyya Guluyeva
Səbaildə bərbad yollar

Yazını hazırlayarkən sakinlər redaksiyamıza zəng edərək artıq bəzi yollara çınqıl töküldüyünü söyləyiblər. "Can Təpə" adlanan massivdə yaşayan sakinlər 142 saylı avtobusun hərəkət etdiyi əsas yola artıq çınqıl töküldüyünü, aidiyyatı qurumun yolu asfaltlamağa başladığını söyləyiblər. M.P.Vaqif küçəsinə isə yarıya qədər çınqıl tökülüb. Sakinlər yola yarıya qədər daş tökülməsindən narazılıqlarını ifadə ediblər.

842
Teqlər:
qəsəbə, Bakı, təmir, yol
Əlaqədar
Bir dəfə sökdük, indi yenidən tikirik: Amma keçmişi qaytarmaq mümkün olmayacaq
Sumqayıta gedənlər Xırdalanın "bəla"sına düşüblər
"Yeddi gözəl"ə aparmayan yol: şəlalənin adını eşit, üzünü görmə
Prezident Sumqayıt üçün pul ayırdı
Məktəblərin birində, arxiv şəkli

Professor məktəblərdə dərslərlə bağlı təklif irəli sürüb: "Özüm hazırlayıb keçərəm"

4
(Yenilənib 13:08 05.12.2020)
"Düşünürəm ki, ali məktəb rəhbərləri və Təhsil Nazirliyinə müraciət etdikdən sonra məsələni kütləviləşdirmək və reallaşdırmaq olar" - Nəsiman Yaqublu

BAKI, 5 dekabr — Sputnik. Məktəblərdə "Zəfər-Vətən" dərslərinin keçirilməsi ilə bağlı təklif irəli sürülüb. Bakı Dövlət Universitetindən Sputnik Azərbaycan-a verilən məlumata görə, bu təkliflə universitetin professoru Nəsiman Yaqublu çıxış edib. O bildirib ki, "Zəfər-Vətən" dərsləri zamanı bütün müəllimlər tarixi qələbəmizdən, o cümlədən bu zəfərin əhəmiyyətindən, azad edilmiş ərazilərimizdən, şəhid və qazilərimizin fədakarlığındann birlik və həmrəyliyimizdən danışsınlar:

"Sərəncama uyğun olaraq hər il noyabrın 8-də ali və orta məktəblərdə xüsusi mövzunun - "Zəfər-Vətən" dərslərinin keçirilməsi müsbət addım olar. Biz bu günləri unuda bilmərik. Düşünürəm ki, müxtəlif görüntülər, slaydlar vasitəsilə zəfər tariximizlə bağlı dərslərin keçirilməsi məqsədəuyğun olar. Şəxsən mən həmin materialları hazırlamağa və dərsi tədris etməyə hazıram".

"Biz gənclərimizi şəhidlərimizin, qazilərimizin ruhunda tərbiyə etməliyik. Düşünürəm ki, ali məktəb rəhbərləri və Təhsil Nazirliyinə müraciət etdikdən sonra məsələni kütləviləşdirmək və reallaşdırmaq olar".

4
Teqlər:
Zəfər Günü, Vətən, BDU, professor, dərs, məktəb
Uqandad, arxiv şəkli

Gələn ilin bəd xəbəri özündən əvvəl gəlib: Onlarla ölkənin qapısını aclıq döyəcək

11
(Yenilənib 12:46 05.12.2020)
"Biz hamıya kömək edə bilmərik. Ona görə də prioritetləri təyin etməliyik. Aclıq onlarla ölkənin qapısını döyəcək" - Devid Bizli

BAKI, 5 dekabr — Sputnik. BMT-nin Ümumdünya Ərzaq Proqramının rəhbəri Devid Bizli bildirib ki, dünyada misli görünməmiş aclıq olacaq: COVID-19 səbəbindən 270 milyon insan acından ölə bilər.

Sputnik Azərbaycan-ın məlumatına görə, Bizli BMT-nin Baş Assambleyasının sessiyasında çıxışı zamanı 2021-ci ildə humanitar böhranın olacağı barədə xəbərdarlıq edib.

«75 il əvvəl BMT qurulandan bəri 2021-ci il, yəqin ki, ən güclü humanitar böhranın yaşandığı il olacaq. Biz hamıya kömək edə bilmərik. Ona görə də prioritetləri təyin etməliyik. Aclıq onlarla ölkənin qapısını döyəcək”, - Bizli deyib.

Onun sözlərinə görə, son illərdə silahlı münaqişələrin çoxalması aclıq təhlükəsilə üzləşən insanların sayını 80 milyondan 135 milyonadək artırıb. 2020-ci ildə isə COVID-19 pandemiyası bu rəqəmi 270 milyona çatdırıb.

COVID-19-a yoluxanların sayı 66 milyonu ötdü - Çin Azərbaycandan da geri pillədə>>

Öz növbəsində Ümumdünya Səhiyyə Təşkilatının rəhbəri Tedros Adhanom Gebreyesus vaksinlərlə mübadilə proqramı üçün dərhal 4.3 milyard dollar ayrılmasını istəyib.

“Biz vaksin uğrunda mübarizədə varlıların kasıbları əzdiyi bir dünya ilə barışa bilmərik. Bu, qlobal böhrandır və onun həlli üçün olan resurslar qlobal ictimai dəyərlər kimi ədalətlə bölünməlidir”, - Gebreyesus qeyd edib.

Bu ilin oktyabrında BMT-nin Ümumdünya Ərzaq Proqramı Nobel sülh mükafatının laureatı olub. Bu barədə qərarı Norveç Nobel Komitəsi verib. Komitədən bildirilib ki, humanitar proqram “aclıqla mübarizədə göstərdiyi səylərə, münaqişə zonalarında həyat şərtlərinin yaxşılaşdırılması cəhdləri və aclıqdan müharibə və münaqişə silahı kimi istifadə olunmasına qarşı mübarizədə aparıcı qüvvə kimi fəaliyyətlərinə görə” mükafata layiq görülür.

“Builki mükafatla Norveç Nobel Komitəsi dünyanın nəzərlərini aclıqdan əziyyət çəkən və aclıq təhlükəsi ilə üz-üzə qalan milyonlarla insana yönəltməsini istəyir”, - mükafat barədə şərhdə deyilirdi.

Komitənin sədri Berit Rayss-Andresen həmçinin vurğulamışdı ki, kömək göstərilməsi və ərzaq yardımı dünyada sabitlik perspektivlərini yaxşılaşdırmağa imkan verir.

Hələ bu ilin aprelində Bizli deyirdi ki, ilk növbədə aparıcı ölkələr hərbi münaqişələrin dayandırılması üçün işlər görməlidir. Hərbi əməliyyatların iştirakçıları isə ehtiyacı olan insanlara humanitar yardım göstərilməsi üçün maneəsiz şərait yaratmalıdırlar. Bundan başqa, onun sözlərinə görə, planet üzrə humanitar yardımların çatdırılması üçün logistika mərkəzlərinin yaradılmasına 350 milyon dollar tələb olunur.

“Vaxt bizim əleyhimizə işləyir, ona görə də gəlin müdrikcəsinə və cəld hərəkət edək”, - Bizli əlavə edib. Proqram rəhbərinin xəbərdarlığına görə, əgər BMT-yə lazımi yardım göstərilməsə, hər gün 300 min insan aclıqdan öləcək. Aclıq ümumilikdə 30 ölkəni əhatə edə bilər.

2020-ci ildə vəziyyəti qəlizləşdirən təkcə koronavirus deyil, eləcə də neft qiymətlərinin çökməsi, turizm sahəsində maliyyə itkiləri, iş yerlərinin azalması, əmək miqrantlarının gəlirlərinin sıfırlanması olub.

BMT-nin aylar öncəki proqnozuna görə, 2020-ci ilin sonunadək 265 milyon insan aclıqdan əziyyət çəkəcəkdi ki, bu da ötən ilin göstəricilərini iki dəfə üstələyir.

Koronavirusun yayılması isə artıq mövcud olan neqativ amillərə - müharibələrə, iqlim dəyişikliklərinə, iqtisadi böhrana – daha yeni problemlər əlavə etməkdədir, BMT-nin Ərzaq Proqramının hesabatında deyilir.

“COVID-19 pandemiyası həyatı tükdən asılı olan milyonlarla insan üçün fəlakətdir. Bu o insanlardır ki, yalnız gün ərzində nəsə qazana bildikləri təqdirdə qida qəbul etmək imkanları olur”, - Ərzaq Proqramının aparıcı mütəxəssisi Arif Hüseyn bildirib.

Bu zaman söhbət ərzaq çatışmazlığından deyil, məhz aclıqdan gedir. Dünyada xroniki olaraq qida qəbul edə bilməyənlərin sayı çoxdur: Afrikada 100 milyon, Yaxın Şərqdə və Asiyada 43 milyon, Latın Amerikasında 18.5 milyon aclıqdan zəiyyət çəkir.

 

11
Teqlər:
vaksin, Koronavirus, COVID-19, epidemiya, ərzaq, BMT, fəlakət, humanitar, böhran, aclıq, dünya