Kimsəsiz uşaq, arxiv şəkli

Qırx milyondan artıq uşaq aclıqdan əziyyət çəkir - etməli?

587
(Yenilənib 21:09 16.10.2019)
Ömür boyu aclığa və hər cür qeyri-sağlam qidalanmaya son qoyub Sıfır Aclıq Nəslinə çevrilə bilərik, bu məqsədə çatmaq üçün hər kəs birlikdə çalışmalıdır

Nigar İsgəndərova, Sputnik Azərbaycan

BAKI, 16 oktyabr — Sputnik. 1945-ci ildə BMT-nin Ərzaq və Kənd Təsərrüfatı Təşkilatının (FAO) qurulmasının ildönümü münasibətilə hər il 16 oktyabr Ümumdünya Qida Günü kimi qeyd edilir. Sputnik Azərbaycan-ın xəbərinə görə, bununla bağlı olaraq FAO tərəfindən müəyyən statistik rəqəmlər hazırlanıb.

Qeyd olunur ki, bu gün 800 milyondan çox insan və ya təxminən doqquz nəfərdən biri aclıqdan əziyyət çəkir. Ərzaq təhlükəsizliyində keyfiyyət faktorunun da çox önəmli olduğu qeyd olunur. Bildirilir ki, qeyri-sağlam qidalanma artıq dünyada xəstəlik və ölüm üçün aparıcı risk faktoruna çevrilib.

BMT-nin Ərzaq və Kənd Təsərrüfatı Təşkilatın (FAO) məlumatına görə:

  Dünyada 30 000 bitki növünün yeməli olduğu məlum olsa da, hazırda yalnız 200 bitki becərilir və yalnız 8 bitki (arpa, lobya, qoz, fındıq, qarğıdalı, kartof, düyü və buğda) günümüzün günlük qida rasionunun 50 faizindən çoxunu təmin edir.

Dünyada 800 milyondan çox insan aclıqdan əziyyət çəkir.

5 yaşdan aşağı 149 milyon uşaq inkişaf ləngiməsi, 49 milyon isə çəki itirmədən əziyyət çəkir.

670 milyondan çox böyüklər və 120 milyondan çox oğlan və qız (5-19 yaş arası) artıq çəkidən əziyyət çəkir.

5 yaşdan aşağı 40 milyon uşaq artıq çəkidən əziyyət çəkir.

Qeyri-sağlam qidalanma oturaq həyat tərzi ilə birlikdə əlillik və yoluxucu olmayan xəstəliklərdən ölüm üçün №1 risk faktorudur.

Qeyri-sağlam qidalanmanın fərqli formaları eyni bir ev təsərrüfatında və hətta eyni fərddə ola bilər və nəsildən-nəslə ötürülə bilər.

Qida sisteminin ətraf mühitə vurduğu ziyan, aşağı gəlirli və orta gəlirli ölkələrdə emal edilmiş qidaların və ətin istehlakının artması səbəbindən 50-90% arta bilər.

Bəşər tarixi boyu təxminən 6000 bitki növü qida üçün becərilmişdir. Bu gün onlardan yalnız 8-i gündəlik kalorilərimizin 50%-dən çoxunu təmin edir.

İqlim dəyişikliyi məhsuldarlığı azaltmaqla həm məhsulun keyfiyyətini, həm də miqdarını azaldır.

FAO-nun ünvanladığı əsas şüar isə belədir: Ömür boyu aclığa və hər cür qeyri-sağlam qidalanmaya son qoyub Sıfır Aclıq Nəslinə çevrilə bilərik, bu məqsədə çatmaq üçün hər kəs birlikdə çalışmalıdır.

587
Kənd məktəbi, arxiv şəkli

Ucqar kəndlərdə məktəblərin azkomplektli formada fəaliyyətinə yol veriləcək

3
(Yenilənib 08:09 26.11.2020)
Bu, Prezident İlham Əliyevin dünən təsdiqlədiyi "Təhsil haqqında" qanunda dəyişiklik edilməsi barədə" qanunda əksini tapıb.

BAKI, 25 noyabr — Sputnik. Ucqar kənd yerlərində şagirdlərin sayından asılı olmayaraq, ibtidai və ümumi orta ümumtəhsil məktəblərinin azkomplektli formada fəaliyyətinə yol veriləcək.

Sputnik Azərbaycan-ın məlumatına görə, bu, Prezident İlham Əliyevin dünən təsdiqlədiyi "Təhsil haqqında" qanunda dəyişiklik edilməsi barədə" qanunda əksini tapıb.

Qanuna əsasən, şagirdlərin sayı az olan ibtidai siniflərdən komplekt siniflər təşkil olunacaq.

3
Teqlər:
ümumtəhsil məktəbləri, "Təhsil haqqında" Qanun, Prezident İlham Əliyev, məktəb

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

17
(Yenilənib 08:10 26.11.2020)
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

17
Teqlər:
Fövqəladə Hallar Nazirliyi, partlamamış hərbi sursat, minalardan təmizlənmə, ANAMA