Bakı bulvarında gənclər, arxiv şəkli

Əhalinin bir hissəsi siyahıya alınmadı - Statistika Komitəsi bunun səbəbini necə izah edir

557
(Yenilənib 13:47 11.10.2019)
Əhalinin bəzi hissəsinin siyahıya alınmamasının səbəbini öyrənməyə çalışsaq da, Statistika Komitəsindən suallara cavab kimi sadəcə olaraq bildirilib ki, konkret fakt varsa, bu haqda "Qaynar xətt"ə məlumat versinlər

Nigar İsgəndərova, Sputnik Azərbaycan

BAKI, 11 oktyabr — Sputnik. Hər 10 ildən bir Azərbaycanda əhalinin siyahıya alınması keçirilir. Bu il oktyabrın 1-dən etibarən əhalinin siyahıya alınmasına başlanılıb və ötən gün bu prosesin ilkin mərhələsi yekunlaşıb. Siyahıya alınma ilə bağlı son vəziyyət haqda Dövlət Statistika Komitəsinin məlumatında qeyd olunur ki, sayıcılar vətəndaşların ünvanlarına getmələrinə baxmayaraq, ev təsərrüfatının başçısı və ya üzvləri ilə görüşə bilmirlər.

Bildirilir ki, belə olan halda siyahıyaalmanın aparılması qaydalarına uyğun olaraq, əvvəlcədən müəyyənləşdirildiyi kimi, sayıcılar tərəfindən həmin şəxslər üçün "Evdə çətin tapılan şəxslərə məktub" adlı sənəd tərtib edilir və ev təsərrüfatının yaşadığı ünvan üzrə giriş qapısına bərkidilir. Həmin bildirişdə qeyd olunan ünvanda sorğunun keçirilməsi üçün münasib vaxtın təyin edilməsi və sayıcı ilə əlaqə saxlanılıb bu barədə məlumat verilməsi xahiş edilir.

Lakin əhalinin bir hissəsi, hətta işsiz təbəqə, gününü evdə keçirən təaqüdçülər belə onların qapılarının döyülmədiyini, siyahıya alınmadıqlarını bildirirlər. Əhalinin işlək təbəqəsi isə evdə olmadıqlarına görə onların qapılarına heç bir bildiriş kağızının qoyulmadığını bildiriblər.

Bəzi sakinlər isə onlara mobil və stasionar telefonla zəng edildiyini, sadəcə olaraq ad, soyad, ata adı və təvəllüdlə bağlı sualların verildiyini bildiriblər. Siyahıyaalma ilə bağlı anketdə 28 sual olsa da, həmkarımız Zülfiyyə Quluyevadan da sadəcə olaraq bu suallara cavab alınıb. Bu məlumatları almaq üçün onun mobil nömrəsinə zəng edilib:

"Bizi zəng edərək siyahıya aldılar. Bunun da səbəbini belə izah etdilər ki, axşam vaxtı sizi narahat etmək istəmirik. Biz isə heç bir narahatlığın olmadığını deyərək onları evə dəvət etdik. Lakin qapımızı döyən olmadı".

"Övladlarımın təhsil alıb-almadığı haqda da soruşmadılar", - deyə o əlavə edib.

Vətəndaşlar siyahıya alınmaq üçün sayıcıları evə dəvət etdiklərini, onların isə bundan imtina etdiyini bildiriblər.

İlham Əliyev ölkəmizdə keçirilən növbəti siyahıyaalınmada iştirak edərək siyahıyaalınma və sorğu vərəqələrinin suallarını cavablandırıb
© Official website of President of Azerbaijan Republic

Bakının bəzi ərazilərində hətta müxtəlif binalarda bu prosesin həyata keçirilməməsinin səbəbi ilə bağlı Dövlət Statistika Komitəsinin mətbuat katibi Elməddin Quliyev Sputnik Azərbaycan-a açıqlamasında sadəcə olaraq bunları deyib: "Bütün bunlar iddiadır. Kiminsə konkret faktı varsa, desin, bizim "Qaynar xətt"ə (510 07 89; 539 54 44; 539 80 44) müraciət etsinlər, biz də bunu araşdıraq. Sayıcılar həmin ünvana gələrək siyahıyaalmanı həyata keçirsinlər".

Telefonla siyahıyaalınmanın düzgün olub-olmaması sualına cavab olaraq isə E.Quliyev bildirib ki, belə bir addımın atılması əhalinin siyahıya alınması ilə bağlı qaydalara ziddir:

"Bununla bağlı konkret fakt varsa, bu zaman yenə də bizim "Qaynar xətt"ə zəng edib məlumat versinlər".

Qeyd edək ki, siyahıyaalma üçün oktyabrın 10-u son gün olsa da, bu günlərin sayı bir qədər də artırılıb. Oktyabrın 15-dək evdə tapılmayan şəxslərin ünvanlarına bir daha baş çəkiləcək.

557
Teqlər:
Dövlət Statistika Komitəsi, statistika, siyahı, əhali
Azərbaycanlı hərbçilər, arxiv şəkli

İtkin düşmüş hərbçilərimizin sayı açıqlandı - RƏSMİ

3
2020-ci il noyabrın 10-da atəşkəs elan olunduqdan sonra Azərbaycan Respublikası Silahlı Qüvvələrinin 386 nəfər hərbi qulluqçusunun itkin düşdüyü müəyyən olunmuşdu.

BAKI, 20 aprel — Sputnik. "İtkin düşmüş 24 nəfər hərbi qulluqçunun olduqları yerlərin müəyyən olunması məqsədilə axtarış qrupları tərəfindən hazırda Tərtər, Füzuli, Cəbrayıl, Xocavənd və Xocalı rayonlarının ərazilərində, həmçinin Şuşa şəhəri ətrafında müvafiq axtarış işləri aparılır". Sputnik Azərbaycan xəbər verir ki, bu barədə Respublika Hərbi Prokurorluğundan bildirilib.

Qeyd olunub ki, Murov dağı silsiləsində isə əlverişli təbii şərait imkan verənədək axtarışlar təxirə salınıb.

"O cümlədən həmin hərbi qulluqçularımızın əsir götürülmələri və yaxud meyitlərinin qarşı tərəfdə olmaları ehtimalları ətrafında da istintaq-əməliyyat tədbirlərinin icrası davam etdirilir və nəticəsi barədə ictimaiyyətə vaxtaşırı məlumat veriləcək", - məlumatda qeyd olunub.

Məlumata görə, 2020-ci il noyabrın 10-da atəşkəs elan olunduqdan sonra Azərbaycan Respublikası Silahlı Qüvvələrinin 386 nəfər hərbi qulluqçusunun itkin düşdüyü müəyyən olunub, həmin xüsusat Azərbaycan Respublikası Baş Prokurorluğunun və Respublika Hərbi Prokurorluğunun rəhbərliyi tərəfindən nəzarətə götürülüb, Hərbi prokurorluq orqanlarının və Dövlət Təhlükəsizlik Xidmətinin əməkdaşlarının iştirakı ilə Silahlı Qüvvələrin hərbi qulluqçularından ibarət axtarış qrupları tərəfindən itkin düşmüş hərbi qulluqçularımızın axtarılaraq tapılması istiqamətində müntəzəm iş aparılıb.

Ötən dövr ərzində şahidlərin dindirilməsi və ifadələrinin yerində yoxlanılması, mobil telefon nömrələrinin anten məlumatlarının götürülməsi və digər zəruri istintaq hərəkətlərinin icrası yolu ilə itkin düşmüş 362 nəfər hərbi qulluqçumuzun meyitlərinin olduğu ərazilər və basdırıldığı yerlər müəyyənləşib, şəhidlərimizin meyitləri ərazilərdən götürülərək, o cümlədən basdırıldıqları yerlərdən çıxarılaraq müayinə olunub və şəxsiyyətləri müəyyən edilərək yaxınlarına təhvil verilib.

3
Teqlər:
Hərbi Prokurorluq, say, itkin düşmə, hərbçilər, Azərbaycan Ordusu
Ağac kəsimi, arxiv şəkli

İcra Hakimiyyətinin verdiyi əraziyə görə cərimə yazdılar

3
(Yenilənib 17:28 20.04.2021)
İki ağacın kəsildiyi, bir ağacın zədələndiyi və təbiətə 2280 manat məbləğində ziyan dəydiyi müəyyən edilib.

BAKI, 20 aprel — Sputnik. Nəsimi rayonu Seyid Cəfər Pişəvari küçəsi 27A ünvanında ağacların kəsilərək tikinti işlərinin aparılması barədə Dövlət Ekoloji Təhlükəsizlik Xidmətinə daxil olan şikayət Xidmətin əməkdaşları tərəfindən yerində araşdırılıb.

Xidmətin rəsmisi Vaqif Cavadov Sputnik Azərbaycan-a bildirib ki, əraziyə keçirilən baxış zamanı fakt təsdiqini tapıb, sözügedən ünvanda tikinti məqsədilə qazıntı işlərinin aparıldığı, 2 ağacın kəsildiyi, 1 ağacın zədələndiyi və təbiətə 2280 manat məbləğində ziyan dəydiyi müəyyən edilib.

O qeyd edib ki, araşdırma zamanı ərazinin yaşayış binasının tikintisi məqsədilə Bakı Şəhər İcra Hakimiyyəti tərəfindən "Memar İnşaat-2017" MMC-yə verildiyi məlum olub: "Faktla bağlı akt tərtib olunub, yaşıllığa dəymiş ziyanın məbləği cinayət tərkibi yaratdığından toplanmış sənədlər aidiyyəti üzrə Prokurorluq orqanına göndəriləcək".

3
Teqlər:
cərimə, ağacların kəsilməsi, tikinti şirkəti, icra hakimiyyəti