Pirsinq prosesi, arxiv şəkli

Fərqli cazibədar: şeytan qovan bəzək hərdən təhlükəli ola bilir

721
(Yenilənib 20:36 09.10.2019)
"Bakıda qadınların əksəriyyəti qulaq və göbək nahiyəsinə pirsinq taxdırır. Amma bəzən qəribə istək və arzuları olanlar da olur"

Nigar İsgəndərova, Sputnik Azərbaycan

BAKI, 9 oktyabr — Sputnik. Bir neçə gün öncə şəhərimizin qonağı olan alman turist çoxsaylı pirsinqləri ilə diqqətləri üzərinə çəkdi. Bədənindəki 453 pirsinqə görə Ginnesin Rekordlar kitabına düşən Rolf Buccholzun Bakıya səfəri birmənalı qarşılanmadı: onu qınayanlar da, böyük maraqla qarşılayanlar da oldu.

Əlbəttə, dünyanın bütün ölkələrində olduğu kimi, Azərbaycanda da pirsinqə maraq var. Məhz bu amil onu deməyə əsas verir ki, alman turistin bu səfəri pirsinqlərə marağı daha da artıracaq.

Alman turist Rolf Buccholz
Alman turist Rolf Buccholz

Biz isə Sputnik Azərbaycan olaraq pirsinqin tarixi, qiymətləri, edilən müraciətlər haqda məlumat aldıq, həm də onun ziyanının olub-olmamasını öyrəndik.

Sən demə, pirsinqdən yaraşıq üçün hələ eramızdan əvvəl də istifadə edirmişlər. 1991-ci ildə iki turistin Avstriya və İtaliya sərhədində aşkarladığı, dünyanın ən qədim mumiyası hesab edilən Ötzinin qulaq nahiyəsində müxtəlif deşiklərin olduğu aşkarlanıb. Pirsinqlər üçün açılan bu dəliklərin ölçüsü isə 7-11 santimetr olub.

Qədimdə pirsinqlər məhz qulağa taxılırdı. İnsanlar belə hesab edirdilər ki, guya şeytan insan bədəninə qulaqdan daxil olur və bu metal pirsinqlər onu dəf edir, şeytanı insana yaxın buraxmır. Dövrümüzdə elə də geniş yayılmayan döş ucu pirsinqlər isə qədimdə kişilər arasında cəsarət, sadiqlik simvolu hesab edilirdi.

Bu gün bir sıra Afrika ölkələrində ailə həyatı qurarkən qadınların burunlarına pirsinq taxdırmaları vacib hesab edilir. Çünki hələ qədim dövrlərdən belə bir inam qalıb ki, pirsinqlər doğuş və adət ağrılarını azaldır.

Bəzi ölkələrdə isə evlilik nişanəsi kimi dodaq pirsinqinə üstünlük verilir.  Dil və cinsi nahiyəyə taxılan pirsinqlər dünyada ən qəribə növlərdən hesab edilir. 

Xüsusən də burun pirsinqinin 14-16-cı əsrlərdə daha geniş yayıldığı məlum olub. O zamanlar belə hesab edirdilər ki, bu yolla qan dövranı daha da sürətlənir. Kahinlər və şamanlar isə düşünürdülər ki, dilə pirsinqlər taxmaqla Allahla əlaqə yaratmış olurlar. Qeyd edək ki, qərb ölkələrində burun pirsinqi 1970-ci ildən sonra yayılmağa başladı.

Bakıdakı vəziyyəti öyrənmək üçün əlaqə saxladığımız salondan bizə verilən məlumata görə, kişilərlə müqayisədə qadınlar arasında pirsinqə maraq daha çoxdur. Müraciət edən qadınların əksəriyyəti isə qulaq və göbək nahiyəsinə pirsinq taxdırır: "Amma bəzən qəribə istək və arzuları olanlar da olur. Məsələn, o dəfə gələn qadın barmağına, bir başqası isə dilinə pirsinq taxdırdı. Belə qeyri-adi müraciətlər o qədər çox deyil".

Salondan verilən məlumatda pirsinq üçün gün ərzində 10-dan artıq müraciətin daxil olduğu bildirilib. Qeyd olunur ki, kişilər qadınlarla müqayisədə bədənin digər nahiyələrinə deyil, daha çox qulağa pirsinq etməkdən zövq alırlar: "Qadınlar və kişilər bunu gözəllik naminə edirlər. Belə düşünürlər ki, pirsinq onlara fərqli və cazibədar görünüş bəxş edir".

"Hətta elə müştərimiz olub ki, ümumilikdə 25 pirsinq taxdırıb. Bir xanım müştərimiz vardı, o, tək qulağına 9 pirsinq etdirmişdi", - deyə gözəllik salonundan verilən məlumatda bildirilir.

Həmsöhbətimiz deyir ki, onlara cinsi nahiyəyə pirsinq taxdırmaq üçün müraciət daxil olmur.

Ziyanlarına gəldikdə isə, bu işi icra edən ustalar onun ümumiyyətlə hansısa ziyanının olmadığını söyləyirlər. Sadəcə olaraq dəri deşildikdən bir müddət sonra təmizliyə riayət edilməsi əsas şərt hesab edilir.

"Bunlar əsasən titandan olur. İstəkdən asılı olaraq titanları qızılla da əvəzləmək olar. Adətən, bu metallar internet üzərindən sifariş edilir", - deyə türk usta Osman Aksoy əlavə edib.

Qeyd edək ki, titan pirsinqlərin ölkəyə gətirilmə qiyməti 3-4, taxdırılma qiyməti 10-20 manat, onların deşilmə iynəsi isə 1-2 manatdır.

Bəzi hallarda pirsinqlərin müxtəlif infeksion xəstəliklərin yayılmasına səbəb olduğu, bu metalların taxıldığı həssas bölgədə qanama, şişkinlik yaratdığı da təsdiqini tapır.

Respublikanın baş infeksionisti Cəlal İzayev Sputnik Azərbaycan-a açıqlamasında deyir ki, pirsinqlər bir adamdan çıxarılaraq başqasına taxıldıqda təhlükə mənbəyi ola bilər:

"Əgər həmin şəxsdə qanla keçən müxtəlif infeksion xəstəliklər, məsələn, hepatit varsa, bu zaman böyük təhlükə yarana bilər. Amma digər hallarda bu pirsinqlərin elə bir ziyanı yoxdur. Adi qızıl kimi təsir bağışlayır".

Baş infeksionistin sözlərinə görə, sifətində, bədənin müxtəlif nahiyələrində pirsinqlər olan şəxslər, gərək ki, gigiyenik qaydalara da əməl etsinlər: "Düzdür, qızıl və gümüş antibakterial təsirlərə malikdir. Tarix boyu da böyük zadəganlar qab-qacaqlarını, qaşıqlarını qızıldan düzəltdirirdilər ki, təhlükəsiz olsun. Amma gigiyenik qaydalara da əməl etmək lazımdır".

721
Teqlər:
xarici görünüş, dəb, gözəllik salonu
Sənan Şəfizadə

Futbol üzrə Azərbaycan çempionatı bərpa edilə bilərmi Sənan Şəfizadə danışır

0
(Yenilənib 12:11 31.05.2020)
İdman şərhçisi Sənan Şəfizadə deyir ki, Operativ Qərargahın icazəsindən dərhal sonra çempionata başlaya bilmərik
Sənan Şəfizadə: “Ədalətin qorunması üçün çempionat mütləq başa çatdırılmalıdır”

“Hazırda bütün futbol ictimaiyyəti Operativ Qərargahın qərarını gözləyir”. Bunu Sputnik Azərbaycan-a idman şərhçisi Sənan Şəfizadə deyib.

O bildirib ki, qərarda futbolçulara açıq havada məşq etməyə icazənin veriləcəyi təxmin edilir: “Futbolçularımız ev şəraitində məşqçilərin tapşırıqlarını yerinə yetirirlər. Qeyd edim ki, pandemiyadan çıxmaq Azərbaycan Premyer Liqası üçün heç də asan olmayacaq. Operativ Qərargahın icazəsindən dərhal sonra çempionata başlaya bilmərik. İdman prinsiplərinin yerinə yetrilməsi və ədalətin qorunması üçün çempionat mütləq başa çatdırılmalıdır”.

Qeyd edək ki, Premyer Liqa XX, birinci divizion isə XIX turdan sonra dayandırılıb.

Sənan Şəfizadənin geniş şərhinə audiofaylda qulaq asa bilərsiniz

0
Əlaqədar
Azərbaycan millisinin yarımmüdafiəçisi Bundesliqanın tövsiyəsini pozdu
Qaydalara riayət etmədi - ağır cəza aldı
Azərbaycan əsilli futbolçuya cəza: öncə ikinci komanda, sonra isə icarə
Fransada yüzlərlə azarkeş polisi çaş-baş qoydu
Avropanın ən dəyərli klubları - Madridlilər ilk pillədə
İradə Qədirova İrəvan xanlığına məxsus milli geyimdə

İrəvanlı gözəllərimiz bu cür geyiniblər - FOTO

4
Təqdim olunan geyim XIX əsr İrəvana aid zadəgan milli geyimlər qrupuna aiddir. Çəkilmiş foto və videonun müəllifi isə Günel Cəfərovadır

BAKI, 31 may — Sputnik. Azərbaycanın gənc fotoqrafı İradə Qədirova maraqlı addım atıb. Sputnik Azərbaycan xəbər verir ki, Qədirova İrəvan xanlığına məxsus milli geyimimizdə fotosessiya etdirib. O, fotolarını şəxsi “Instagram” profilində paylaşıb. Geyimlə yanaşı, İ.Qədirovanın istifadə etdiyi aksesuarlar da xüsusi marağa səbəb olub.

Посмотреть эту публикацию в Instagram

Публикация от Irada Gadirova 🇦🇿 (@irada_gadirova)

Belə ki, o, bəzək əşyaları olan alınlıq, çənəbənd, piyaləzəng (sırğa), həmayıl (boyunbağı) və s.-dən istifadə edib.

Посмотреть эту публикацию в Instagram

Публикация от Irada Gadirova 🇦🇿 (@irada_gadirova)

Qeyd edək ki, təqdim olunan geyim XIX əsr İrəvana aid zadəgan milli geyimlər qrupuna aiddir. Çəkilmiş foto və videonun müəllifi isə Günel Cəfərovadır.

Xatırladaq ki, İradə Qədirova Azərbaycan Fotoqraflar Birliyinin üzvüdür.

4
Əlaqədar
Mina Hüseyn: "Abırsız onların özüdür"
Gözünüzü çəkə bilməyəcəksiniz: World Press Photo 2020-nin qalibləri
Kamilla Zərbəliyeva: "Qabağımda soyunmaq istəyənlər çoxdur"
Kişilərin gözəllik tarixi buradan başlayır - FOTO
Alman "Modern Talking" qrupunun fotoqrafı azərbaycanlı üçün fotosessiya edib