Bulaq, arxiv şəkli

Ora dərdlə gələnlər şəfa tapıb gedirlər On iki xəstəliyin dərmanı olan bulaq

124
(Yenilənib 09:57 08.10.2019)
Bakir Nəbiyev adlı sahibkar deyir ki, Yanar su tərkibinə görə Yessentuki, Borjomi mineral suları ilə müqayisə oluna bilər

Musa Muradlı, Sputnik Azərbaycan

BAKI, 9 oktyabr — Sputnik. Bərdədə müalicəvi əhəmiyyətə malik bir neçə su mənbəyi mövcuddur. Muğanlı suyu böyrəklərin daşdan təmizlənməsinə, İsti su oynaq ağrılarının müalicəsinə kömək edir. Haqqında danışmaq istədiyimiz Yanar su isə bir neçə dərdin dərmanıdır.

Sputnik Azərbaycan-ın bölgə müxbiri Bərdə rayonunun Zümürxan kəndindəki Yanar su bulağında olaraq ətraflı məlumat əldə etməyə çalışıb. Məlum olub ki, bölgədə neft emalı məqsədilə axtarış-qazma işləri aparılıb. Hətta Tərtər rayonu ərazisində neft də tapılıb və bir müddət həmin neft çıxarılıb.

Bərdə rayonunun Zümürxan kəndindəki Yanar su bulağı
© Sputnik / Musa Muradli
Bərdə rayonunun Zümürxan kəndindəki Yanar su bulağı

“Ötən əsrin 50-ci illərində Bərdə-Tərtər bölgəsində neft əldə etmək məqsədilə geoloji kəşfiyyat işləri aparılıb. Bunun üçün bir neçə quyu da qazılıb, istifadəyə də verilib. Bir müddət Tərtərdə neft emalı həyata keçirilib. Ancaq o vaxtlar Moskvadan gələn “Pravda” qəzetinin müxbiri buradan bir yazı hazırlayaraq çıxarılan neftin iqtisadi baxımdan səmərəli olmadığını bildirib. Yəni, çəkilən xərcin əldə edilən gəlirə uyğun olmadığını iddia edib. Bununla da İttifaq rəhbərliyindən istismarın dayandırılması barədə qərar gəlib. Ancaq istismarın dayandırılmasına baxmayaraq, yerdən öz gücünə xam neft çıxırdı. Hətta yerli sakinlər traktorlara həmin neftdən töküb, işlədirdilər. 1992-1993-cü illərdə yaranan böhran vaxtı həmin neftdən istifadə halı daha geniş yayılmışdı. Bir çox çörəkbişirmə sexlərində də həmin xam neftdən mazut kimi istifadə edirdilər. Sonralar həmin quyuları betonlamaqla neftin çıxmasının qarşısını aldılar”, – deyə Bakir Nəbiyev bildirib.

HAŞİYƏ: Bakir Nəbiyev Yanar su bulağını sahibkar kimi işlədir. Qeyd edək ki, əvvəllər Yanar su bulağı baxımsız vəziyyətdə olub. Bura üz tutanlar çimən zaman yad gözlərdən gizlənmək üçün özlərinə parçadan yer düzəldirmişlər. Ancaq indi burada bulağın şəfalı suyundan bəhrələnmək üçün azacıq da olsa şərait yaradılıb. Çimmək üçün ətrafı bağlı çarhovuzlar gələn hər kəs üçün rahatlıqla vanna qəbul etməyə imkan verir. Bakir Nəbiyev həmin ərazini təmir etdirərək, istifadə üçün yararlı hala gətirib. 

Bərdə rayonunun Zümürxan kəndindəki Yanar su bulağı
© Sputnik / Musa Muradli
Bərdə rayonunun Zümürxan kəndindəki Yanar su bulağı

Onun sözlərinə görə, Bərdə ərazisində də bir neçə yerdə axtarış qazma işləri həyata keçirilib. Neft çıxmasa da faydalı termal sulara rast gəlinib.

“Bərdədə üç termal su mənbəyi mövcuddur. Biri Bərdə şəhəri ərazisindəki İsti su, digəri Muğanlı kəndindəki eyni adlı mənbədir. Üçüncüsü isə Zümürxan kəndi ərazisindəki bizim istifadə etdiyimiz Yanar sudur. O vaxt burada qazılan quyunu başa çatdırana yaxın yerin dərinliyində istidən qazma borusu əyilib. Qazmaçılar ağır şəraitə görə işi davam etdirə bilməyiblər. Buna baxmayaraq, qaynar su çıxmağa başlayıb. Tərkibini yoxlayanda isə mineral mənşəyi və müalicəvi əhəmiyyəti aşkar edilib. Bərdə şəhərindəki İsti suyun tərkibi natrium xlorla zəngindir. Yanar suyun tərkibində isə əsas üstünlüyü yod brom təşkil edir. Yanar su tərkibinə görə Yessentuki, Borjomi mineral suları ilə müqayisə oluna bilər”, – deyə Bakir Nəbiyev vurğulayıb.

Bərdə rayonunun Zümürxan kəndindəki Yanar su bulağı
© Sputnik / Musa Muradli
Bərdə rayonunun Zümürxan kəndindəki Yanar su bulağı

Bu suyun müalicəvi əhəmiyyəti haqqında danışan sahibkar bir çox xəstəliklərdən əziyyət çəkənlərin bura üz tutduğunu bildirib: “Yanar suyun çarhovuzlarında çimmək ilk öncə əsəbləri sakitləşdirir. Eyni zamanda, əsəblə bağlı yaranan allergiya xassəli yaranmış yaraları təmizləyir. Sınıq olarsa, onun bitişməsini sürətləndirir. Xaş yemək sınığın sağalmasına yardımçı olduğu kimi, bu bulağın suyunda çimmək də o qədər kömək göstərmiş olur. Ümumilikdə Yanar su 12 adda dərdə dərmandır”.

Onu da qeyd edək ki, müalicəvi məkana üz tutanların da sayı az deyil. Əsasən yay aylarında gələnlər çoxluq təşkil edir. Suyun hərarəti də soyuq yox, adından göründüyü kimi istidir. Bunu Yanar suya əl vuranda da hiss edilir. Su əli yandırmasa da, il boyu isti olaraq qalır.

124
Bakı metrosunda maska rejimi

Vəziyyət pisləşsə, tədbirlər sərtləşdiriləcək - Baş infeksionist

4
(Yenilənib 15:04 31.10.2020)
"Operativ Qərərgah tərəfindən epidemioloji situasiya nəzarətə götürülərək təhlil olunur və yoluxma dinamikasının daha da pisləşməsi baş verərsə, bu və ya digər adekvat qərarların qəbul olunması istisna olunmur"

Zülfiyyə Quluyeva, Sputnik Azərbaycan

BAKI, 31 oktyabr — Sputnik.  "Hazırda fəaliyyətinə icazə verilmiş qeyri-ərzaq təyinatlı ticarət mərkəzlərinin bağlanması məsələsi də karantin dövründə sərtləşdirmə tədbirlərindən biridir".

Bu sözləri Sputnik Azərbaycan-a açıqlamasında Səhiyyə Nazirliyinin Baş infeksionisti Təyyar Eyvazov bildirib. O qeyd edib ki, onlayn satışın həcminin artması koronavirus pandemiyası dövründə təqdirəlayiq hal hesab olunmalıdır:

"Bu tip ticarət həmin müəssisələrdə əhali sıxlığının və təmasların azalmasına, dolayısı yolla yoluxmaların dinamikasına təsir göstərir. Hazırkı epidemioloji durumda Nazirlər Kabineti yanında Operativ Qərərgah tərəfindən dövlət müəssisələrində ofislərdə çalışan işçilərin sayına məhdudiyyət qoyulub, bu özəl müəssisələr üçün də tövsiyə olunub, distant şəkildə işləməyə üstünlük verilir. Hazırda fəaliyyətinə icazə verilmiş qeyri-ərzaq təyinatlı ticarət mərkəzlərinin bağlanması məsələsi də karantin dövründə sərtləşdirmə tədbirlərindən biridir".

Baş infeksionist onu da əlavə edib ki, Operativ Qərərgah tərəfindən epidemioloji situasiya nəzarətə götürülərək təhlil olunur və yoluxma dinamikasının daha da pisləşməsi baş verərsə, bu və ya digər adekvat qərarların qəbul olunması istisna olunmur.

4
Teqlər:
Koronavirus, epidemiya, COVID-19
Əlaqədar
On rayon və şəhər sərt karantin rejimi zonasından çıxarılır
Qubada koronavirus xəstəsi yerlilərini təşvişə saldı
Vasif Əliyev: “Yenidən sərt karantin rejiminə keçilə bilər”
Koronavirus sağalır, fəsadları qalır
Azərbaycanda koronavirus xəstəsi yaşayış yerini icazəsiz tərk etdi
 Bıçaq əlində kişi, arxiv şəkil

Azyaşlı oğlunun gözü qarşısında arvadını qətlə yetirdi

10
Digah qəsəbə sakini 1985-ci il təvəllüdlü Əyyubova Sanara Möhübbət qızına çoxsaylı bıçaq xəsarətlərinin yetirilməsi barədə rayon prokurorluğuna məlumat daxil olub

BAKI, 31 oktyabr — Sputnik. Oktyabrın 30-da saat 12 radələrində Abşeron rayonu, Digah qəsəbə sakini 1985-ci il təvəllüdlü Əyyubova Sanara Möhübbət qızına çoxsaylı bıçaq xəsarətlərinin yetirilməsi barədə rayon prokurorluğuna məlumat daxil olub.

Abşeron rayon prokurorluğundan Sputnik Azərbaycan-a verilən xəbərə görə, dərhal prokurorluq əməkdaşları tərəfindən hadisə yerinə və meyitə baxış keçirilib, digər zəruri prosessual hərəkətlər yerinə yetirilib. 

Aparılmış araşdırmalarla zərərçəkmişin əri 1978-ci il təvəllüdlü Hüseynov Rafiq İman oğlunun şəxsi münasibətlər zəminində aralarında yaranmış mübahisə zamanı azyaşlı oğlunun gözü qarşısında bıçaqla xəsarətlər yetirməklə Sanara Əyyubovanı qəsdən öldürməsinə əsaslı şübhələr müəyyən edilib.

Faktla bağlı Abşeron rayon prokurorluğunda Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

Rafiq Hüseynov şübhəli şəxs qismində tutularaq istintaqa cəlb olunub.

Hazırda iş üzrə zəruri istintaq tədbirləri davam etdirilir.

10
Teqlər:
bıçaq zərbəsi, bıçaqlanma, bıçaq, qətl hadisəsi, qətl, prokurorluq, Bakı
Fövqəladə hallar naziri, general-polkovnik Kəmaləddin Heydərov Gəncə şəhərində qəza baş vermiş əraziyə gəlib

Ermənistanın mülki əhalimizə qarşı terror aktları barədə hər kəs məlumatlandırılıb - FHN

0
Fövqəladə Hallar naziri, general-polkovnik Kəmaləddin Heydərov Ermənistan silahlı qüvvələrinin Azərbaycanın dinc əhalisinə qarşı törətdiyi terror xarakterli təxribatları barədə tərəfdaş ölkələrin uyğun qurumları və beynəlxalq təşkilatları məlumatlandırıb.

BAKI, 31 oktyabr - Sputnik. Azərbaycan Respublikasının Fövqəladə Hallar naziri, general-polkovnik Kəmaləddin Heydərov Ermənistan silahlı qüvvələrinin Azərbaycanın dinc əhalisinə qarşı törətdiyi terror xarakterli təxribatları barədə tərəfdaş ölkələrin uyğun qurumları və beynəlxalq təşkilatları məlumatlandırıb.

Bu barədə Sputnik Azərbaycan-a Fövqəladə Hallar Nazirliyindən məlumat verilib.

Məlumatda qeyd olunur ki, 30-a yaxın ölkənin fövqəladə hallarla mübarizə üzrə məsul dövlət qurumları və 20-yə yaxın nüfuzlu beynəlxalq təşkilata, o cümlədən Birləşmiş Millətlər Təşkilatının uyğun qurumları (UN OCHA, UN DRR), Beynəlxalq Mülki Müdafiə Təşkilatı, NATO EADRCC (Avro Atlantik Fəlakətə Cavabın Əlaqələndirilməsi Mərkəzi), Avropa İttifaqının Avropa Mülki Müdafiəsi və Humanitar Yardım Əməliyyatları Baş İdarəsi, Avropa Şurasının Avropa və Aralıq Dənizi üzrə Böyük Risklər Sazişi, Atom Enerjisi üzrə Beynəlxalq Agentlik, GUAM, Qara Dəniz İqtisadi Əməkdaşlıq Təşkilatı, İqtisadi Əməkdaşlıq Təşkilatı və digər aidiyyəti beynəlxalq strukturlara ünvanlanmış məktublarda Ermənistan-Azərbaycan, Dağlıq Qarabağ münaqişəsi barədə həqiqətlər diqqətə çatdırılıb.

Məktublarda Ermənistan silahlı qüvvələri tərəfindən tarixi Azərbaycan torpaqlarının 20 faizinin 30 ilə yaxın işğal altında saxlanılması, işğal olunmuş bölgədən bir milyondan çox soydaşımızın qaçqın və məcburi köçkün vəziyyətinə düşməsi, BMT Təhlükəsizlik Şurasının torpaqlarımızın işğaldan dərhal və qeyd-şərtsiz azad edilməsi tələbi barədə 4 qətnaməsinin hələ də kağız üzərində qalması qeyd olunub.

Ermənistanın terrorçu xislətli hərbi-siyasi rəhbərliyinin qərarı ilə Ermənistan silahlı qüvvələrinin bu ilin 27 sentyabr tarixində Azərbaycanın mülki əhalisini və hərbi obyektləri hədəf alaraq hərbi təxribata əl atması və buna cavab olaraq Azərbaycan Silahlı Qüvvələri tərəfindən əks-həmlə əməliyyatına başlanılması, bu əməliyyatın yalnız Azərbaycan Respublikasının beynəlxalq birlik tərəfindən birmənalı tanınmış torpaqlarında aparılması diqqətə çatdırılıb.

Bildirilib ki, Ermənistan dövlətinin ənənəvi terrorçu davranışlarına uyğun olaraq, Ermənistan silahlı qüvvələri beynəlxalq humanitar hüququn norma və prinsiplərini kobud şəkildə pozaraq Azərbaycan əhalisinin sıx yaşadığı yaşayış məntəqələrini, mülki obyektləri, o cümlədən fərdi və çoxmənzilli yaşayış binalarını, təsərrüfatları ağır artilleriya qurğularından və raketlərdən atəşə tutaraq mülki obyektlərdə dağıntı və yanğınlar törədir, çoxsaylı sakinlərin həlak olmasına səbəb olur. Bu çərçivədə, xüsusilə razılaşdırılmış humanitar atəşkəs rejiminin tələblərini kobudcasına pozaraq döyüş bölgəsindən kənarda yerləşən Azərbaycanın Gəncə, Bərdə, Ağcabədi və digər şəhər və kəndlərinin mütəmadi olaraq ağır artilleriya və raket atəşlərinə məruz qalması, nəticədə çoxsaylı mülki şəxslərin ölümü və ciddi dağıntıların baş verməsi qəti şəkildə pislənilir, bu terrorçu addımlara dərhal son verilməsi üçün dünya birliyinin Ermənistanın hərbi-siyasi rəhbərliyinə ciddi təzyiqlər göstərməsinin vacibliyi vurğulanır.

Qeyd edək ki, məktublara Ermənistan dövlətinin terrorçu xislətini sübut edən foto və videomateriallar, habelə ingilis dilində broşür əlavə olunub.

0