Psixoloqun qəbulunda, arxiv şəkli

Ölkədə rəsmən paranı bütövdən ayıracaqlar - Psixologiya vs parapsixologiya

546
Televiziyalarda psixoloq kimi təqdim olunan Bayram Nurlunun fikrincə, insan həyatı ilə bağlı bəzi suallar var ki, onların cavabı elmdə yoxdur

İradə Cəlilova, Sputnik Azərbaycan

BAKI, 6 oktyabr — Sputnik. "Azərbaycanda bu qanun olmadığı bir vaxtda psixoloji təhsili olmayan biri ayrıca otaq götürüb ekstrasenslik, falçılıq edirdi. Adlarını da psixoloq qoymuşdular. Bu cür yolla insanları aldadırdılar. "Psixoloji yardım haqqında" qanun qəbul olunduqdan sonra bu istiqamətdə qanun qüvvəyə minib və xeyli işlər görülüb".

Qeyd edək ki, bu barədə Milli Məclisin Səhiyyə komitəsinin sədri Əhliman Əmiraslanov danışıb.

O qeyd edib ki, istər məktəblərdə, istərsə də xəstəxanalarda psixoloqların fəaliyyəti nəzərə çarpır. Hətta, özəl müəssisələrdə də psixoloq ştatları yaranmağa başlayıb. Bu qanun layihəsinin qəbul edilməsi ölkəmizdə psixoloji yardımın təkmilləşdirilməsinə, inkişafına, əhaliyə keyfiyyətli psixoloji yardımın göstərilməsinə təkan verəcək.

Məsələ ilə bağlı Sputnik Azərbaycan-a danışan psixoloq Ramin Hacıyev bildirib ki, ekstrasenslik psixologiyaya yox, parapsixologiyaya aid bir sahədir: "Özünə, işinə, peşəsinə hörmət edən psixoloq ekstrasenslik edib psixoloq adı ilə fəaliyyət göstərməməlidir. Bu insanlarda psixologiya elmi haqqında yanlış fikirlər formalaşdıra bilər. Parapsixologiya sözünün psixologiya sözü ilə oxşarlığı ola bilər, amma tam fərqli sahələrdir".

Çox zaman efirlərdə psixoloq kimi təqdim edilən, ekstrasens Bayram Nurlu Sputnik Azərbaycan-a açıqlamasında bildirib ki, o özünü psixoloq kimi təqdim etmir: "Məni psixoloq kimi efirlərdə özləri təqdim edirlər. Mən ektrasensəm. Psixoloqlar özləri ektrasenslik etməyə çalışırlar. Ekstrasenslik bir vergidir. Bu eramızdan əvvəl də olub və indidən sonra olacaq da. Bunu heç kim inkar edə bilməz".

B.Nurlu qeyd edib ki, onun yanına gələn şəxslərin "yolu bağlandığı" üçün həmin şəxslər psixoloji problemlər yaşayırlar: "Bu problemlər insanların psixologiyasına zərər vurursa, istər-istəməz onların mütəxəssisə ehtiyacı olur. Bilirsiniz, insan həyatı ilə bağlı bəzi suallar var ki, onların cavabı elmdə yoxdur".

"Psixoloqlar ekstrasenslik etmək istəyirlər. Amma ekstrasenslər elə bir növ psixoloqdurlar. Əgər mən insanlarla söhbət edib onları sakitləşdirə bilirəmsə, deməli bu işi bacarıram", - deyə Nurlu bildirib.

Xatırladaq ki, "Psixoloji Yardım haqqında" qanun ötən il qəbul edilib. Bu Qanunun tələblərinin pozulmasına görə şəxslər Azərbaycan Respublikasının İnzibati Xətalar Məcəlləsində və Azərbaycan Respublikasının Cinayət Məcəlləsində müəyyən edilmiş hallarda məsuliyyət daşıyırlar. Bu Qanunla klinik (tibbi) psixoloq kimi fəaliyyət göstərmək üçün müəyyən edilmiş tələblər bu qanun qüvvəyə minənədək psixoloq kimi fəaliyyət göstərən şəxslərə şamil edilmir.

546
Kubadan gələn tibb işçiləri

Bizi onlar xilas edəcək! Kubalı həkimləri koronavirusla mübarizə üçün Bakıya gəldilər

11
(Yenilənib 18:12 13.07.2020)
Kubadan gələn peşəkar həkimlər Azərbaycan həkimləri ilə birgə pandemiyaya qarşı mübarizə tədbirlərində iştirak edəcəklər

BAKI, 13 iyul — Sputnik. İyulun 13-ü Azərbaycanın milli aviadaşıyıcısı (AZAL) Havanadan (Kuba) Bakıya xüsusi reys yerinə yetirdi. Bu barədə Sputnik Azərbaycan-a AZAL-dan məlumat verilib.

Bildirilib ki, Azərbaycan Respublikasının Nazirlər Kabineti yanında Operativ Qərargahın tapşırığı ilə təşkil olunan bu reyslə ölkəmizə koronavirus infeksiyasına qarşı mübarizə aparmaq üçün 115 mütəxəssisdən ibarət həkim qrupu gətirilib.

Kubadan gələn peşəkar həkimlər Azərbaycan həkimləri ilə birgə pandemiyaya qarşı mübarizə tədbirlərində iştirak edəcəklər.

Qeyd edək ki, bu uçuş "Azərbaycan Hava Yolları" aviaşirkətinin tarixində Bakı-Havana-Bakı marşrutu üzrə başqa məntəqələrdə enmə icra edilmədən həyata keçirilən ilk birbaşa uçuşdur. Uçuş genişfüzelyajlı "Boeing 787" tipli təyyarə vasitəsilə həyata keçirilib. Uçuşun müddəti 13 saat, Azərbaycan və Kuba paytaxtları arasındakı məsafə 11880 km təşkil edib.

11
 Dövlət Təhlükəsizliyi Xidməti

Azərbaycanın keçmiş müdafiə naziri təxribat maddəsi ilə saxlanıldı

68
(Yenilənib 18:05 13.07.2020)
Rəhim Qazıyev Azərbaycan Respublikası Cinayət Məcəlləsinin 281-ci (Dövlət əleyhinə yönələn açıq çağırışlar) və 282-ci (Təxribat) maddələri ilə başlanılmış cinayət işi üzrə şübhəli şəxs qismində saxlanılmışdır.

BAKI, 13 iyul – Sputnik. Məlum olduğu kimi, 2020-ci il iyulun 12-də Ermənistanın silahlı qüvvələrinin bölmələri Azərbaycan-Ermənistan dövlət sərhədinin Tovuz rayonu istiqamətində atəşkəs rejimini kobud şəkildə pozaraq artilleriya qurğularından mövqelərimizi atəşə tutmuşlar. Görülən adekvat tədbirlər nəticəsində düşmənə ağır zərbə endirilib və o, ciddi itkilər verərək geri oturdulmuşdur. Düşmən təxribatlarının qarşısı alınarkən Azərbaycan Ordusunun şəhid olmuş hərbi qulluqçularının ailələrinə dərin hüznlə başsağlığı verir, yaralılara tez bir zamanda sağalmaları üçün şəfa diləyirik.

Cəbhədə baş vermiş döyüşlər zamanı xalqımızın hər zaman olduğu kimi nümayiş etdirdiyi milli həmrəylik və birliyindən, vətəndaş-dövlət vəhdətindən narahat olan düşmən dairələr və antimilli qüvvələrin respublikada ictimai-siyasi sabitliyi, əmin-amanlığı pozmağa, dövlətin, onun ordusunun və digər strukturlarının sistemli fəaliyyətinə zərbə vurmağa uğursuz cəhdləri müşahidə edilməkdədir. Bir qrup şəxs öz çirkin niyyətlərini yerinə yetirmək üçün dövlət sərhədində baş vermiş düşmən təxribatlarından sui-istifadə edərək Silahlı Qüvvələrimizi, Azərbaycan əsgərini, həmçinin hakimiyyət və hüquq mühafizə orqanlarını gözdən salmaq, onlara inamsızlıq yaratmaq, Azərbaycan Respublikasının müdafiə qabiliyyətinə xələl gətirmək məqsədilə sosial media səhifələrində əhali arasında çaşqınlıq, ölkədə qarışıqlıq yaratmağa yönələn məlumatlar yaymağa başlamış və dövlət əleyhinə açıq çağırışlar etmişlər.

Sputnik Azərbaycan-ın xəbərinə görə, bu barədə Dövlət Təhlükəsizliyi Xidməti və Baş Prokurorluğun Mətbuat xidmətlərinin məlumatında bildirilir. 
2020-ci il iyulun 12 və 13-də sabiq müdafiə naziri Rəhim Qazıyevin Azərbaycan-Ermənistan sərhədində düşmənin təxrtibatları ilə bağlı döyüş əməliyyatlarının aparıldığı və bu barədə Azərbaycan Respublikası Müdafiə Nazirliyi tərəfindən ictimaiyyətə müntəzəm rəsmi məlumatlar verildiyi bir vaxtda, məqsədyönlü şəkildə sosial şəbəkələr vasitəsi ilə hadisələrin mahiyyəti barədə aşkar surətdə həqiqətə uyğun olmayan xəbərlər yayıb Azərbaycan Respublikasının müdafiə qabiliyyətini zəiflətməyə yönələn hərəkətlər edərək, insanları iğtişaşlara, dövlət hakimiyyətini zorla ələ keçirməyə açıq çağırışlar etməklə təxribat törətməsinə əsaslı şübhələr müəyyən olunmuşdur.

© Photo : TREND
Экс-министр обороны Рагим Газиев


Rəhim Qazıyev Azərbaycan Respublikası Cinayət Məcəlləsinin 281-ci (Dövlət əleyhinə yönələn açıq çağırışlar) və 282-ci (Təxribat) maddələri ilə başlanılmış cinayət işi üzrə şübhəli şəxs qismində saxlanılmışdır.
Azərbaycan Respublikasının informasiya sahəsində milli maraqlarına, həmçinin “Dövlət sirri haqqında”, “Kütləvi informasiya vasitələri haqqında” Azərbaycan Respublikasının qanunlarının və digər qanunvericilik aktlarının tələblərini qəsdən pozaraq dövlət sirri təşkil edən, ölkəmizin müdafiə potensialına, Silahlı Qüvvələrimizin və ordumuzun döyüş qabiliyyətinə zərər vuran dəqiqləşdirilməmiş, qərəzli, ictimai rəyi çaşdırmaq məqsədi güdən məlumatların yayılması yolverilməzdir.
Eyni zamanda bir daha diqqətə çatdırılır ki, Azərbaycan Respubliksının milli mənafelərinin və təhlükəsizliyinin qorunmasında xalqın həmrəyliyi sarsılmazdır, düşmən həmlələrinə, antiazərbaycan qüvvələrə və onların maraqlarına xidmət edənlərin xaos, anarxiya və təxribat cəhdlərinin qarşısı qətiyyətlə alınmışdır və bundan sonra da qətiyyətlə alınacaqdır.
Hazırda Dövlət Təhlükəsizliyi Xidmətində başlanılmış cinayət işi üzrə istintaq-əməliyyat tədbirləri davam etdirir.

68