Tullantılar, arxiv şəkli

Baş qarışıb arayışa, zibil çıxıb boğaza: bu qurumların işə yaradığını kim bilir?

88
(Yenilənib 15:43 05.10.2019)
İqtisadçı Samir Əliyev bildirib ki, bələdiyyələr nazirlik cərimə etdiyi halda bir dəfə cəriməni ödəyə bilir. İkinci dəfə cərimə edildiyi təqdirdə ödəyə bilmir

İradə Cəlilova, Sputnik Azərbaycan

BAKI, 5 oktyabr — Sputnik. "Buzovna ərazisində müəyyən yerlər may, avqust, sentyabr aylarında tullantılardan təmizlənib. Lakin hər dəfə aksiyalar zamanı eyni ərazidə daha çox tullantının toplandığının şahidi olmuşuq. Yəni zibil azalmır ki, azalmır. Niyə, nə vaxtadək? Yəqin ki, yanaşmamız dəyişənədək. Yəqin, hər kəs mənimlə razılaşar ki, özümüz təbiəti bu günə qoyuruq. Evimizin içindəki zibili çıxarıb, kandara atırıq, ətrafı çirkləndiririk. Görəsən, niyə biz özümüz özümüzə bu qədər biganəyik, niyə təbiətimizə laqeydik?

Təbiətimizə münasibətimiz dəyişmədikcə, istirahət etdiyimiz ərazilər də daxil, ayağımızın dəydiyi hər yerdə ürək açmayan mənzərənin, tullantıların şahidi olacağıq. Təəssüf yaradan da odur ki, bu haqda davamlı olaraq danışılır, yazılır, təbliğat aparılır, örnək üçün təmizlik aksiyaları keçirilir. Amma yenə də öz ətrafımıza, dənizə, meşəyə biganəlik, tullantıların haraya gəldi atılması davam edir.

İstirahət etdiyimiz əraziləri niyə bu günə salırıq? Nə vaxta qədər belə yanaşma olacaq? Qoruyub saxlamağa borclu olduğumuzu ya unuduruq, ya da heç məhəl qoymadan, sabahı fikirləşmədən həyatımıza davam edirik".

Sputnik Azərbaycan bildirir ki, bu barədə Ekologiya və Təbii Sərvətlər Nazirliyinin mətbuat katibi İradə İbrahimova danışıb. 

O qeyd edib ki, bu məsələdə hamı məsuliyyət daşıyır.

"Bunu təkcə bir qurumun işi və vəzifəsi hesab etməyək, hamılıqla məsələnin ciddiliyini başa düşək və əməli nümunə göstərək. Düzdür, bu, tullantıların idarə edilməsinə cavabdeh olan yerli bələdiyyələrin, icra nümayəndəliyinin səhlənkarlığı da var. Onların da bu məsələlərə diqqət yetirməsi olduqca vacibdir. Belə olsa, nəticə daha tez əldə ediləcək, hamımızın daha təmiz ətraf mühitdə yaşamasına birgə nail olacağıq və təmizlik aksiyalarının keçirilməsinə də ehtiyac qalmayacaq", - deyə İ.İbrahimova bildirib.

Bələdiyyələr və icra nümayəndəlikləri niyə öhdəliklərini yerinə yetirmirlər?

Sputnik Azərbaycan bu məsələni araşdırıb. Ekoloq Cəmşid Quliyev Sputnik Azərbaycan-a açıqlamasında bildirib ki, bələdiyyə və icra nümayəndəlikləri öz vəzifə borclarına biganə yanaşırlar. Bu, ölkənin bütün ərazilərində müşahidə edilir: "Həqiqətən də ölkədə bələdiyyə və icra nümayəndəlikləri öz vəzifə borclarını icra etmirlər. Bu necə ola bilər axı? Məgər onlar öz səlahiyyətlərini və vəzifə borclarını bilmirlər? Və yaxud bilib, bunu qulaqardına vururlar".

Turizm cənnətini cəhənnəmə çevirənlər - niyə ancaq cəriməyə reaksiya veririk?>>

O qeyd edib ki, bələdiyyə və icra nümayəndəlikləri nəinki ətraf mühitlə bağlı olan məsələlərdə, eləcə də kəndlərin rifahı üçün onların birbaşa borclu olduğu işlərdə biganəlik nümayış etdirirlər. Küçələr bərbad vəziyyətdədir, heç bir abadlıq işləri aparılmır.

"Biz bələdiyyələri, icra nümayəndəliklərini arayış verən bir idarə kimi tanıyırıq. Arayış lazım olanda onlara müraciət edirik. Və yaxud bələdiyyələrin balansında olan torpaqların müəyyən işbazlarla əlbir olaraq satılmasına və ya icazə verilməsinə şahid oluruq. Bələdiyyə və icra nümayəndəliklərinin nə işə yaradığını kim bilir?" - deyə C.Quliyev vurğulayıb.

İqtisadçı Samir Əliyev Sputnik Azərbaycan-a açıqlamasında bildirib ki, bələdiyyə və icra nümayəndəliklərinin məişət tullantılarının daşınması və yığılması kimi vəzifə öhdəliyi var: "Şəhər yerlərində - Bakı, Sumqayıt, Xırdalanda bu vəzifəni icra hakimiyyətləri həyata keçirir. Kənd yerlərində isə bu məsələ problem olaraq qalır. Əslində kənd yerlərində bu işi bələdiyyələr etməlidir. Bələdiyyələrin isə texnikası və imkanları olmadığına görə bu iş görülmür. Kənd əhalisi də məişət tullantılarını yerə basdırır və ya yandırır. Ekologiya və Təbii Sərvətlər Nazirliyi isə bu istiqamətdə nəzarəti və cərimələrin tətbiq edilməsini təmin edir".

S.Əliyev bildirib ki, bələdiyyələr nazirlik cərimə etdiyi halda bir dəfə cəriməni ödəyə bilir. İkinci dəfə cərimə edildiyi təqdirdə ödəyə bilmir. Buna görə də nazirlik cərimələrin tətbiq edilməsində maraqlı deyil.

"Biz bununla bağlı xüsusi təkliflər hazırlayırıq. Məişət tullantılarının yığılması, daşınması və təkrar emalı ilə bağlı işlər görülməlidir. Məişət tullantılarını təkrar emal edib, ondan faydalanmaq lazımdır", - deyə Əliyev əlavə edib.

Xatırladaq ki, İnzibati Xətalar Məcəlləsinin 271-ci maddəsinə görə, sənaye və məişət tullantılarının qalaqlanması qaydalarının pozulmasına, göstərilən tullantıları yandırarkən ətraf mühitin mühafizəsi tələblərinə əməl edilməməsinə görə fiziki şəxslər beş yüz manatdan səkkiz yüz manatadək məbləğdə, vəzifəli şəxslər iki min manatdan üç min manatadək məbləğdə, hüquqi şəxslər altı min beş yüz manatdan səkkiz min manatadək məbləğdə cərimə edilir.

88
Teqlər:
icra nümayəndiliyi, bələdiyyə, məişət tullantları, tullantı, zibil
Əlaqədar
Vətəndaşlarda yaşıl və narıncı konteynerlərə marağı necə oyatmalı?!
Təkrarı olmayan tarixi abidə məhv edilir – Sakinlər qədim abidəni “zibil qutusuna”çevirib
Xəzəri çirkləndirən obyektlər bağlanır
İctimai çimərliklər təmizlənir
Texnika insana qarşı: Yeni zibilyığan maşınlar xadimələri işsiz qoyacaq?
Elnur Hüseynov, arxiv şəkli

"Eurovision" ulduzlarından Gəncə terroru barədə klip

38
(Yenilənib 20:03 28.10.2020)
"Say Hallelujah" mahnısına çəkilmiş videoklip Fidan Hüseynovanın rəsmi "Youtube" kanalında təqdim edilib. Sənətçilər klip vasitəsi ilə həqiqəti bütün dünyaya çatdırmağa çalışıblar.

BAKI, 28 oktyabr — Sputnik. "Eurovision" mahnı müsabiqəsinin ulduzları Elnur Hüseynov və Fidan Hüseynova Ermənistanın Gəncədə törətdiyi terror aktları barədə klip çəkiblər. Sputnik Azərbaycan xəbər verir ki, "Say Hallelujah" mahnısına çəkilmiş videoklip Fidan Hüseynovanın rəsmi "Youtube" kanalında təqdim edilib. Sənətçilər klip vasitəsi ilə həqiqəti bütün dünyaya çatdırmağa çalışıblar.

Müğənni kliplə bağlı danışarkən bunları deyib: "Oktyabrın 4, 11 və 17-də Azərbaycanın hərbi əməliyyatlar zonasından kənarda yerləşən, əhalisinin sayına görə ikinci ən böyük şəhəri olan Gəncəyə üç raket hücumu nəticəsində 26 nəfər həlak olub. Həlak olanlar arasında 10 qadın və 6 uşaq var. Daha 138 nəfər yaralanıb. İndi informasiya müharibəsi gedir və hər kəsin öz silahı var: bizim mahnımız ingilis dilində olduğu üçün istədim ki, yenidən o mahnıya qayıdaq və bütün həqiqəti dünyaya çatdıraq. Bu arzumu Fidanın atası Yaqub müəllimə bildirəndə o, mənim ideyamı ürəkdən dəstəklədi".

Rejissor Ülviyyə Könül bildirib ki, bu klipin ərsəyə gəlməsində məqsəd həqiqəti bəşəriyyətə çatdırmaqdır: "Mənim fikrimcə, bu klip çox güclü material yaratmağa kömək edib, çünki bu mövzuya laqeyd qalmaq mümkün deyil".

Layihə müəlliflərinin sözlərinə görə, bu gün dünya birliyi anlamalıdır ki, Ermənistanın terrorçu qoşunları Azərbaycan ərazisində vuruşur, lakin Qarabağın hüdudlarından uzaqlarda dinc əhaliyə qarşı vəhşiliklər törədirlər.

Mahnının sözləri Cəlal Qurbanovundır. Misraları ingilis dilinə tərcümə etmiş şairə Nigar Həsənzadə deyir:

"Bu mahnı doğma Azərbaycanımızın övladlarına, müharibə nəticəsində həyatlarını itirmiş günahsız qurbanlara görə bizim ümumi harayımız və fəryadımızdır. Bu mahnı dünya birliyini həqiqətin gözünün içinə baxmağa, öz ambisiyalarını müvəqqəti də olsa, unutmağa, mənfur erməni diasporunun təsirinə uymamağa və terrorçu ermənilərin bəşəriyyət əleyhinə törətdiyi dəhşətli cinayətlərə görə onları mühakimə etməyə çağırışdır".

38
Mövzu:
Azərbaycan və Ermənistan arasında müharibə
Şəhid general Polad Həşimovun portreti, arxiv şəkli

Türkiyədə general Həşimovun adına park salındı - VİDEO

44
(Yenilənib 20:31 28.10.2020)
Osmanqazi bələdiyyəsinin sədri Mustafa Dündar və Azərbaycanın Türkiyədəki səfirliyinin müşaviri Ruslan Abdullayev mərasimdə çıxış ediblər

BAKI, 28 oktyabr - Sputnik. Ermənistan silahlı qüvvələrinin Tovuz rayonu istiqamətindən ölkəmizə xain hücumları nəticəsində şəhid olan Azərbaycan Silahlı Qüvvələrinin generalı Polad Həşimovun əziz xatirəsi Türkiyədə əbədiləşdirilib.

Sputnik Azərbaycan-ın məlumatına görə, Bursanın Osmanqazi rayonunun Dəmirtaş bölgəsində Polad Həşimovun adı verilən yeni park salınıb.

Parkın açılış mərasimi Azərbaycan və Türkiyənin dövlət himnləri səsləndirilməsi ilə başlayıb. Sonra şəhidlərimizin əziz xatirəsi bir dəqiqəlik sükutla yad olunub, onların ruhuna dualar oxunub.

Osmanqazi bələdiyyəsinin sədri Mustafa Dündar və Azərbaycanın Türkiyədəki səfirliyinin müşaviri Ruslan Abdullayev mərasimdə çıxış ediblər.

44
Əlaqədar
Türkiyədə Polad Həşimovun xatirəsi əbədiləşdirilir
"Təhlükəsizlik baxımından bizim üçün Türkiyənin önəmi qiymətsizdir" – Azərbaycanlı general
"Yeni şəhidlərimiz olmasın" - Polad Həşimovun portretini yaradan rəssam - VİDEO
Avropa İttifaqının bayrağı (Aİ), arxiv şəkli

Dağlıq Qarabağ münaqişəsinin sülh yolu ilə həllinə dair substantiv danışıqlara çağırdı

0
Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanon atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı bəyanat yayıb.

BAKI, 29 oktyabr - Sputnik. Avropa İttifaqı Rusiya, Fransa və ABŞ-ın vasitəçiliyi ilə atəşkəsə dair üç razılaşmadan sonra Dağlıq Qarabağ və ətrafında döyüşlərin hələ də davam etdiyini və daha çox mülki şəxslərin hədəf alınmasını qəbuledilməz hesab edir.

Sputnik Azərbaycan xəbər verir ki, bu barədə Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanonun atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı verdiyi bəyanatda bildirilib.

Bəyanatda, o da qeyd edilib ki, Avropa İttifaqı münaqişə tərəflərinə beynəlxalq humanitar hüquqa əsasən, mülki  şəxsləri qorumaq öhdəliklərini bir daha xatırladır.

"Avropa İttifaqı tərəfləri sonuncu dəfə 25 oktyabrda Vaşinqtonda razılaşdırıldığı kimi, gecikmədən Dağlıq Qarabağ münaqişəsinin sülh yolu ilə həllinə dair substantiv danışıqlara başlamağa çağırır", - deyə bəyanatda bildirilir.

0