Bakıda Ölməz alay aksiyası, arxiv şəkli

Oljas Süleymenov: "Bakının haqqını vermək lazımdır"

1732
(Yenilənib 19:44 03.10.2019)
Vaqif Mustafayev: Bakı bəzi demaqoq səbəblərə və bəhanələrə görə "Qəhrəman Şəhər" titulundan haqsız olaraq məhrum edildi. Ancaq hamı bilir ki, Bakı olmasaydı, bu gün biz "birlikdə qalib gəldik" ifadəsini işlədə bilməzdik

BAKI, 3 oktyabr — Sputnik. Böyük Vətən Müharibəsində Xalqların Qələbə xatirəsini birlikdə qorumaq lazımdır. Bunu Sputnik Azərbaycan Beynəlxalq Multimedia Mətbuat Mərkəzində keçirilən Azərbaycanın faşizm üzərində qələbədəki rolu ilə bağlı mətbuat konfransında görkəmli qazax şair və yazıçısı, ictimai xadim Oljas Süleymenov deyib.

"Sovet İttifaqının dağılmasından sonra hamımız ayrı-ayrılıqda qələbələr və məğlubiyyətlər yaşadıq. Qələbənin xatirəsini bir yerdə qorumaq mütləq lazımdır. O, bu yaddaşı miras olaraq ötürdüyümüz yeni bir nəsli tərbiyə edir", - deyə Süleymenov bildirib.

Казахстанский поэт, писатель, общественный и политический деятель, Олжас Сулейменов
© Sputnik / Murad Orujov
Yazıçı, ictimai xadim Oljas Süleymenov

Yazıçının fikrincə, amerikalılar və britaniyalılar ona görə özlərini İkinci Dünya Müharibəsinin qalibi hesab edirlər ki, onların müharibənin getdiyi bütün illər ərzində ümumi itkiləri 350 min nəfər olub. Təkcə Gürcüstanın, yaxud da Qazaxıstanın ayrı-ayrılıqda itkilərinin sayı təqribən o qədər idi.

"O illərdə xalqlar özlərinin ən yaxşı oğul və qızlarını vətənin müdafiəsi üçün qurban vermişdilər", - Süleymenov deyib.

O qeyd edib ki, dəqiq hesablamalara görə, Sovet İttifaqı İkinci Dünya Müharibəsində 42 milyondan çox itki verib ki, onun da yarısı hərbi itkilər idi.

Avrasiya Televiziya və Radio Akademiyasının prezidenti Valeri Ruzin isə öz növbəsində qeyd edib ki, keçmiş SSRİ-nin müxtəlif xalqlarının, xüsusən də Azərbaycan, Qazaxıstan xalqlarının, ayrı-ayrı şəhər və ölkələrin Hitler Almaniyası üzərində qələbəyə verdiyi töhfələr layiqincə və lazımi dərəcədə qiymətləndirilmir.

Президент Евразийской академии телевидения и радио, Валерий Рузин
© Sputnik / Murad Orujov
Avrasiya Televiziya və Radio Akademiyasının prezidenti Valeri Ruzin

O, bu məsələ ilə bağlı yüksək səviyyəli müzakirələrin aparılması üçün düzgün mexanizmlərin tapılmasının lazım olduğunu, Avrasiya Xalqları Assambleyası günləri çərçivəsində Bakıda keçirilən "İkinci Dünya və Böyük Vətən Müharibəsinin tarixi yaddaşını qorumaq" adlı beynəlxalq ictimai forum kimi tədbirlərin keçirilməsinin bunu asanlaşdıracağını söyləyib.

Forum zamanı "Birlikdə qalib gəldik" Beynəlxalq İctimai Komitəsinin yaradılması, II Dünya Müharibəsində Qələbənin əldə olunmasına maddi töhfələr verən şəhərlər üçün ictimai mükafatlar sisteminin formalaşdırılması barədə də qərar verilib.

Qurumun baş katibinin birinci müavini Svetlana Smirnova dünyanın müxtəlif ölkələrində İkinci Dünya Müharibəsi tarixinin yenidən yazılması cəhdlərindən danışıb.

Первый заместитель генерального секретаря Ассамблеи народов Евразии Светлана Смирнова
© Sputnik / Murad Orujov
Svetlana Smirnova

"Tarixə obyektiv və balanslı nəzər salmaq və irəli getmək lazımdır. Eyni zamanda, bütün müttəfiqlərin rolu haqqında danışmalıyıq. SSRİ xalqlarının töhfəsi ilə yanaşı, Çinin və Hindistanın Qələbədəki rolunu da qeyd etməliyik" , - deyə Smirnova bildirib.

"Bakı bəzi demaqoq səbəblərə və bəhanələrə görə "Qəhrəman Şəhər" titulundan haqsız olaraq məhrum edildi. Burada döyüşlərin getmədiyi və hərbi əməliyyatların olmadığı deyildi. Ancaq hamı bilir ki, Bakı olmasaydı, biz bu gün "birlikdə qalib gəldik" ifadəsini işlədə bilməzdik", - bu sözləri isə Azərbaycanın tanınmış rejissoru, Avrasiya Televiziya və Radio Akademiyasının vitse-prezidenti Vaqif Mustafayev deyib.

Президент телерадиокомпании Space, вице-президент Евразийской академии телевидения и радио, Вагиф Мустафаев
© Sputnik / Murad Orujov
Avrasiya Televiziya və Radio Akademiyasının vitse-prezidenti Vaqif Mustafayev

Mustafayevin sözlərinə görə, müxtəlif bəhanələrə qarşı o fakt əsas arqument ola bilər ki, müharibə illərində Bakı ələ keçiriləcəyi təqdirdə məhv edilmək məqsədilə minalanmış yeganə şəhər idi.

Tədbirdə Rusiya Cəmiyyətinin Tədqiqatçılar Assosiasiyasının prezidenti Gennadi Bordyuqov Azərbaycan və Rusiya alimləri, İkinci Dünya müharibəsi tədqiqatçıları arasında aparılan araşdırmalarla bağlı məlumat çatışmazlığının aradan qaldırılmasının vacibliyindən danışıb.

 Президент Ассоциации исследователей российского общества (АИРО-XXI), Геннадий Бордюгов
© Sputnik / Murad Orujov
Rusiya Cəmiyyətinin Tədqiqatçılar Assosiasiyasının prezidenti Gennadi Bordyuqov

"Azərbaycanlı alimlərin və xadimlərin gördüyü işlər Rusiyada az məlumdur. Bu biliklərin yayılması vacibdir. Onların dünyanın müxtəlif ölkələrində topladıqları məlumatlar, həyata keçirdikləri axtarış işləri haqqında bilmək vacibdir", - Bordyuqov deyib.

O, İkinci Dünya Müharibəsi illərində həlak olanların məzarlarının reyestrini yaratmaq, onları qorumaq üçün YUNESKO ilə əlaqə qurmaq və mümkün qədər onları Ümumdünya İrs Siyahısına saldırmaq ideyasını da irəli sürüb.

1732
Əlaqədar
Varis: "Hər il gələndə başqaları şad olur ki, bir il də yaşadım, amma mən itirdim deyirəm"
Bakıda keçiriləcək beynəlxalq festivala seçim müsabiqəsi başladı
Bakının faşizm üzərində Qələbəyə töhfələrini yenidən necə qiymətləndirməli
Oljas Süleymenov Stalinin saxtakarlığından danışır
Füzuli rayonunda minaya düşən mülki avtomobil

Füzulidə minaya düşən şəxslərin meyitləri ailələrinə təhvil verilib

63
(Yenilənib 21:42 28.11.2020)
Agentliyin mütəxəssisləri tərəfindən ərazidə aparılmış tədqiqat zamanı 90-BL-558 dövlət qeydiyyat nişanlı “Toyota” markalı avtomobilin 2 ədəd tank əleyhinə minaya düşdüyü məlum olub.

BAKI, 28 noyabr - Sputnik. 2020-ci il 28 noyabr tarixində saat 15:10 radələrində Füzuli rayonunun işğaldan azad olunmuş Aşağı Seyidəhmədli kəndində mülki əhalinin girişi qadağan olunan təhlükəli ərazidə mina hadisəsi baş verib. Bu barədə Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) məlumat daxil olub.

© Azerbaijan National Agency for Mine Action
Füzuli rayonunda minaya düşən mülki avtomobil

ANAMA-dan Sputnik Azərbaycan-a verilən məlumata görə, agentliyin mütəxəssislərindən ibarət əməliyyat-axtarış qrupu dərhal həmin əraziyə göndərilib, aparılmış xilasetmə əməliyyatı zamanı xüsusi təhlükəsizlik zolağı açılaraq Hacıyev Şakir Məhərrəm oğlu, Hacıyev Firuddin Məhərrəm oğlu, Hüseynov Zülfüqar Adışirin oğlu və Adilzadə Zibeydə Şakir qızının meyitləri ərazidən götürülərək aidiyyəti üzrə təhvil verilib.

© Azerbaijan National Agency for Mine Action
Füzuli rayonunda minaya düşən mülki avtomobil

Agentliyin mütəxəssisləri tərəfindən ərazidə aparılmış tədqiqat zamanı 90-BL-558 dövlət qeydiyyat nişanlı “Toyota” markalı avtomobilin 2 ədəd tank əleyhinə minaya düşdüyü məlum olub.

"Agentlik tərəfindən bir daha bildiririk ki, işğaldan azad olunmuş ərazilər mina və partlamamış hərbi sursatlardan (PHS) təmizlənməmiş həmin ərazilərə təhlükəsizlik səbəbindən mülki şəxslərin girişi qəti qadağandır", - ANAMA bildirib. 

63
Teqlər:
mina, Füzuli rayonu, Füzuli, ANAMA
Aktyor Taleh Yüzbəyov, arxiv şəkli

"Əri döymüş gəlini, bir yandan da it qapdı" - Yüzbəyovdan yeni film

27
(Yenilənib 20:51 28.11.2020)
Yüzbəyovun çəkdiyi "Əri döymüş gəlini, bir yandan da it qapdı" və ya "Karantin balladası" qısa zamanda "Youtube" portalında trendə düşüb.

Şahpəri Abbasova, Sputnik Azərbaycan

BAKI, 28 noyabr — Sputnik. Taleh Yüzbəyov yeni filmini təqdim edib. Sputnik Azərbaycan xəbər verir ki, aktyor senaristi və rejissoru olduğu filmi "Youtube" hesabında paylaşıb. Film ailə-məişət mövzusundadır. "Karantin balladası" adlanan film karantin dövründə insanların yaşadığı maddi və mənəvi çətinliklərdən bəhs edir. Yüzbəyov film barədə özünün "Facebook" hesabında bunları deyib:

"Bu videonun senarisini mayda yazıb, karantinə görə ancaq avqustda çəkə bildik. Sentyabrın 28-i paylaşmaq istəyirdik ki, müharibə başladı. İkinci korona dalğasında gecikmiş video olsa da paylaşmaq istədik".

Qeyd edək ki, "Əri döymüş gəlini, bir yandan da it qapdı" və ya "Karantin balladası" qısa zamanda "Youtube" portalında trendə düşüb.

27

"Qafqazın Xirosiması" - fransız kanalı Ağdamı belə adlandırdı

0
(Yenilənib 21:43 28.11.2020)
“Bu şəhər o qədər dağıdılıb ki, bəzən onu “Qafqazın Xirosiması” adlandırırlar. 1980-ci illərin sonlarında 40 min əhalisi olan Ağdam bu gün “ruhlar şəhəri”dir" - France-24.

BAKI, 28 noyabr - Sputnik. “France-24” kanalı işğaldan azad edilmiş Ağdam rayonu haqqında reportaj yayımlayıb.

Sputnik Azərbaycan AZƏRTAC-a istinadla xəbər verir ki, reportajda münaqişəyə son qoyan razılaşmaya əsasən, dekabrın 1-də Laçın rayonunun Azərbaycana təhvil verilməli olduğu bildirilir. Qeyd edilir ki, bununla da Azərbaycan Dağlıq Qarabağın ətrafındakı 7 rayonun hamısını geri qaytarmış olacaq.

Kanalın xüsusi müxbirləri Lüdoviq dö Fuko, Katrin Norestrent və Hüseyn Əsədin Ağdamdan hazırladıqları reportajda deyilir:

“Bu şəhər o qədər dağıdılıb ki, bəzən onu “Qafqazın Xirosiması” adlandırırlar. 1980-ci illərin sonlarında 40 min əhalisi olan Ağdam bu gün “ruhlar şəhəri”dir. Bu gün Ağdamda hələ də qalan yeganə bina məsciddir. Bu şəhər 30 il əvvəl Birinci Qarabağ müharibəsi zamanı böyük strateji əhəmiyyət daşıyırdı. 1993-cü ildə bu şəhərin itirilməsi müharibənin dönüş nöqtəsi oldu. Buranın sakinləri köç etmək məcburiyyətində qaldı. Bu gün məcburi köçkünlər qayıdırlar və dağılmış binaları görürlər”.

Reportajda Ağdam sakini Zülfü Qasımovun bu fikirlərinə də yer verilir: “Belə bir şəhəri bu günə salmaq olarmı? Bu evləri belə dağıtmaq olarmı? Siz bu evlərin keçmişini görsəydiniz bilərdiniz ki, ən müasir evlər, ən yaxşı tikilmiş evlər ancaq Ağdamda olub. Onlar bilirdilər ki, burada yaşamayacaqlar. Onların inamı yox idi ki, burada qalsınlar. Çünki qalmaqları mümkün deyildi. Ona görə də əllərinə düşən hər şeyi dağıdıblar”.

Reportajda qeyd edilir ki, bərpa işlərindən əvvəl təhlükəsizliyi təmin etmək lazımdır. Azərbaycan tərəfindən azad edilmiş digər rayonlar kimi, Ağdam da mina ilə doludur. Hakimiyyət orqanları bu istiqamətdə işə başlayıblar.

ANAMA-nın əməliyyat qərargahının rəhbəri İdris İsmayılov deyir ki, 4500-ə yaxın piyada əleyhinə mina, 2000-ə yaxın tank əleyhinə mina, 750-yə yaxın isə müxtəlif növ bombalar aşkar edilərək zərərsizləşdirilib.

Reportajda, həmçinin Azərbaycanın işğaldan azad edilmiş ərazilərə vurulmuş ziyanı 10 milyardlarla dollar həcmində dəyərləndirdiyi və Ermənistan tərəfindən təzminat almaq üçün məhkəmələrə müraciət edəcəyi diqqətə çatdırılır.

0
Teqlər:
Xirosima faciəsi, Xirosima, Qafqaz, ANAMA, Ağdam şəhəri, Ağdam