Velosipedçi, arxiv şəkli

İki təkər üstündəkiləri "təkərə salanlar" - Barselona deyilik ki...

609
(Yenilənib 13:56 02.10.2019)
"Düşünürəm ki, bu layihə, yəqin ki, bütün şəhəri əhatə edə bilməyəcək. Bunun üçün yollara yenidən baxılmasına ehtiyac var. Burada əsas məsələ odur ki, layihə Bakını tam əhatə etsin" - Tural Yusifli

Nigar İsgəndərova, Sputnik Azərbaycan

BAKI, 2 oktyabr — Sputnik. 2019-cu ilin 8 ayı ərzində velosipedçilərin iştirakı ilə 16 yol nəqliyyat hadisəsi baş verib. Nəticədə qəzada xəsarət alanlardan 7 nəfər dünyasını dəyişib, 9 nəfər isə müxtəlif bədən xəsarətləri alıb. Bu barədə Dövlət Yol Polisindən Sputnik Azərbaycan-ın sorğusuna cavab olaraq bildirilib.

Baş verən yol qəzaları velosiped sürənlər üçün ayrıca zolaqların çəkilməsi məsələsini bir daha gündəmə gətirib. Artıq bununla əlaqədar Bakı Nəqliyyat Agentliyi (BNA) tərəfindən müəyyən işlərə start verilib.

Bakıda velosiped nəqliyyatının inkişaf etdirilməsi məqsədilə əsaslı şəkildə araşdırmalar aparılıb, paytaxtın yol infrastrukturu, əhalinin əsas maraq dairələri əsas götürülərək müvafiq təklif layihəsi hazırlanıb. Sözügedən layihədə ilkin olaraq şəhərin mərkəzi hissələrini əhatə edən küçə və prospektlərdə velosiped yollarının inşası nəzərdə tutulub. Yolun uzunluğu 18 kilometr planlaşdırılıb. Artıq onun 7 kilometri layihələndirilib.

BNA-dan Sputnik Azərbaycan-a verilən məlumatda 12 kilometrlik bu zolaqların yaxın həftələrdə istismara veriləcəyi qeyd olunub. Bu işlərin davamlı olaraq aparılacağı, öncədən turistik, müxtəlif tarixi yerləri, iaşə obyektlərinin olduğu məkanları birləşdirərək sonda bir şəbəkə halını alacağı qeyd olunub.

Yol-nəqliyyat məsələləri üzrə ekspert Tural Yusifli Sputnik Azərbaycan-a açıqlamasında bildirib ki, 10 metrlik yolu çəkdikdən sonra bu layihə yarımçıq saxlanılacaqsa, o zaman belə bir addımın atılması mənasız olacaq: "Şəhərimizdə velosiped zolaqlarının olmasının tərəfdarıyam. Necə ki, İspaniyanın Barselona şəhərində belə veosiped yolları 500 kilometrdən çox ərazini əhatə edir. Amma Barselona şəhərinin arxitektura və şəhərsalma planı Bakıdan tamamilə fərqlidir.

Azərbaycanda şəhərsalma xaotikdir. Artıq hamı nəsə tikib, onları sökmək mümkün olmayacaq. Söküntü lazım olduğu təqdirdə buna görə təzminat ödənilməsi tələb olunacaq ki, bu da kifayət qədər böyük məbləğdə pul olacaq. Düşünürəm ki, bu layihə, yəqin ki, bütün şəhəri əhatə edə bilməyəcək. Bunun üçün yollara yenidən baxılmasına ehtiyac var.

Burada əsas məsələ odur ki, layihə Bakını tam əhatə etsin. Yəni velosiped yolu kiçik bir ərazini əhatə edəcəksə, sözsüz ki, bunun effekti olmayacaq. Bu zolağın təhlükəsizliyi üçün avtobus zolağının olması da vacibdir. Bundan sonra isə əsas məsələ velosipedçilərə nəzarət mexanizminin olmasıdır. Nəzarət mexanizmi çərçivəsində onların qoruyucu dəbilqədən istifadə edib- etmədiyi, velosipedin hansı vəziyyətdə olması öyrənilməlidir. İçkili vəziyyətdə velosiped sürmək olmaz. Buna da nəzarət olmalıdır".

 Onun sözlərinə görə, belə zolaqların çəkilməsi ilə qəzaların qarşısını almaq mümkün olmayacaq. "Rahat şəkildə velosiped sürmək mümkün olacaqmı?" sualının cavabını isə zaman verəcək.   

Həmsöhbətimiz deyir ki, velosiped sürmək üçün hansısa qadağa yoxdur. Yəni 15 yaşından yuxarı olan hər kəs velosiped sürə bilər: "Təhlükəsizlik üçün əsas şərtlərdən biri isə şəxsin velosipedi necə sürməsi yox, ətrafdakıların avtomobili necə sürməsidir".

 Yol-nəqliyyat məsələləri üzrə digər ekspert Azər Allahverənov isə Sputnik Azərbaycan-a açıqlamasında inkişaf etmiş ölkələrin təcrübəsindən danışaraq bu layihənin geniş miqyas alacağı halda verəcəyi töhfələrdən söz açıb: "Bu gün Avropanın aparıcı dövlətlərində velosipedlər üçün ayrıca dayanacaqlar var. Belə velosiped dayanacaqlarında qeydiyyatdan keçməklə hansısa velosipedi icarəyə götürmək mümkündür. Bu cür ölkələrdə insanların velosipeddən geniş istifadəsi üçün maksimum imkanlar yaradılır. Amma Bakıya gəldikdə isə, reallığa əsaslanıb hazırkı yolların velosipeddən geniş istifadə üçün nəzərdə tutulmadığını deyə bilərəm".

""Azərbaycan Respublikasında yol hərəkətinin təhlükəsizliyinə dair 2019–2023-cü illər üçün Dövlət Proqramı" var. Bu proqramın əsas məqsədi yollardakı qəzaların sayını azaltmaq, təhlükəsizliyi təmin etməkdir. Artıq bu proqramın reallaşdırılması üçün hökumətin qarşısında bir neçə öhdəliklər dayanır. Həmin dövlət proqramının 7.2.9-cu bəndində qeyd  olunur ki, avtomobil yollarında, küçə yol şəbəkəsində velosiped yolları və duracaqlarının yaradıla biləcəyi ərazilər müəyyən edilməli, bununla bağlı olaraq müvafiq təkliflər hazırlanmalı və tədbirlər görülməlidir. Bu layihənin reallaşdırılmasında əsas icraedici qurum Daxili İşlər Nazirliyi və Bakı Nəqliyyat Agentliyi olmalıdır", - deyə o əlavə edib.

Ekspert baş verə biləcək qəzalarda rol oynayan amillərdən də söz açıb: "Velosipeçilərlə bağlı qanunvericilikdə kifayət qədər müddəalar əksini tapsa da, reallıq bizə bu şəxslərin özləri, eyni zamanda da ətraf üçün təhlükə yaratdığını deyir.

Ümumiyyətlə, yollarda velosipedlərin hərəkəti üçün müəyyən imkanlar yaradılmalıdır. Amma təəssüf ki, bu gün biz əks istiqamətdə hərəkət edən, işıqforun işığına nəzarət etməyən velosipedçilərin hərəkətini də müşahidə edirik.

Ona görə də bu istiqamətdə kompleks tədbirlərin həyata keçirilməsinin, maariflənmə işlərinin görülməsinin tərəfdarıyam".

Buradan belə qənaətə gəlmək olar ki, layihə Bakı şəhərini əhatə edə bilərsə, bu zaman yollardakı sıxlığın da qarşısını almaq mümkün olacaq. Yəni artıq tıxacların qarşısını almaq üçün müxtəlif illərdə yeni yolların çəkilməsinə, bunun üçün ayrıca vəsaitin ayrılmasına da gərək qalmayaq. Beləcə, "hər ailəyə 1, yaxud 2 avtomobil" devizi "hər kəsə bir velosiped" devizi ilə əvəzlənəcək. Velosipedə tələbatın artması isə Azərbaycanda velosiped istehsal edən zavodların fəaliyyətini dirçəltməklə yanaşı, eyni zamanda sağlamlığımıza da müsbət təsir göstərəcək.

609
Teqlər:
BNA, Bakı, qanun, qayda, yol, velosipedçi, velosiped
Peyvənd

Vaksin qədər təhlükəlidir: ABŞ cavab tələb edir

16
Qarşıdan gələn kütləvi peyvəndləmə prosesində "AstraZeneca" preparatının həqiqətən də insan sağlamlığına zərər vurması halları üzə çıxarsa, bu, şirkət üçün heç bir ağır nəticələrə səbəb olmayacaq.

BAKI, 29 sentyabr — Sputnik, İrina Alksnis. "AstraZeneca" farmakologiya şirkətinin Oksford Universiteti ilə birgə hazırladığı eyni adlı peyvəndin problemləri yeni mərhələyə qədəm qoyub.

ABŞ bir neçə həftə əvvəl dondurulmuş sınaqları bərpa edib. Lakin Amerikanın aparıcı KİV-ləri preparatın təhlükəsizliyi ilə bağlı getdikcə daha çox sual səsləndirirlər. CNN telekanalı başqalarından daha yüksək səslə çıxış edib.

Məlum olduğu kimi, "AstraZeneca"nın klinik sınaqları iki dəfə – iyul və sentyabr aylarında dayandırılıb: iki könüllüdə nevroloji mənşəli qeyri-adi simptomlar özünü göstərib. Hər iki halın sonradan vurulmuş vaksinlə əlaqəli olmadığı təsdiqlənib və Böyük Britaniya da daxil olmaqla, əksər ölkələrdə sınaqlar davam edib.

Lakin amerikalı alimlər və ABŞ-ın səhiyyə sisteminin mütəxəssisləri daha çox narahatlıq keçiriblər və yan təsirlərlə bağlı hesabatlarda ciddi fərqlər aşkar ediblər.

"AstraZeneca"nın iyul insidenti əvvəl aşkar edilməmiş skleroz ilə izah edilib. Lakin Oksford Universitetinin saytında bu, "açıqlanmayan nevroloji simptom" kimi təsvir olunub.

Sentyabrda baş vermiş ikinci insident ilə bağlı şirkət könüllü qadında "anlaşılmaz xəstəlik" yarandığını deyib. Yalnız daxili sənədlərdə bu vəziyyət "köndələn mielit" (nadir nevroloji xəstəlik) kimi göstərilir.

Nəticədə, amerikalılar indi belə fikir ayrılığının səbəbləri ilə bağlı tamamilə məntiqli suallar verirlər. "AstraZeneca" onsuz da peyvənd üzərində işinin şəffaflığına dair ciddi iddialarla üzləşib və ortaya çıxmış ziddiyyətlər yalnız əlavə olaraq preparata və onun təhlükəsizliyinə olan inamı pozur.

Sınaq iştirakçılarının sağlamlığında yaranmış problemlərin ümumi xarakteri xüsusi bir mövzu olaraq qalır. Amerikalı professor-immunoloqlardan biri bu məsələ ilə bağlı açıq şəkildə deyib: hər iki xəstəliyin nevroloji təbiətinin olması "şoka salır".

Bəlkə də "AstraZeneca"nın sadəcə bəxti gətirməyib və söhbət həqiqətən də vaksin ilə heç bir əlaqəsi olmayan uğursuz təsadüflərdən gedir. Amma sağlam düşüncə ən azından bu məqamı aydınlaşdırmağı tələb edir. Burada Amerikanın sınaqları dondurmuş məsul xidmətlərini tərifləmək lazımdır.

Onların avropalı həmkarlarının mövqeyi isə daha çox təəccüb doğurur. Onlar bütün bu qəribəlikləri görməməyə üstünlük veriblər və testləri davam etdiriblər.

Hərçənd Avropa İttifaqı (Aİ) hökumətlərinin və şirkətin özünün bu cür sürüşkən mövzu ilə bağlı rahatlığı böyük xoşagəlməz hallara səbəb ola bilər (əgər vaksin həqiqətən də təhlükəlidirsə).

Bu günlərdə "Reuters" agentliyi Aİ-nin rəsmi nümayəndəsinə istinadən xəbər verib ki, "AstraZeneca" Avropa İttifaqı ilə vaksin sövdələşməsi çərçivəsində qismən toxunulmazlıq qazanıb. Razılaşma avqustda bağlanıb, lakin onun bəzi incə detalları yalnız indi elan edilib.

Məsələ ondadır ki, əczaçılıq şirkəti preparatı Aİ-yə aşağı qiymətə tədarük edəcək və əvəzində onun tətbiqinin yan təsirlərinə görə maliyyə məsuliyyəti daşımayacaq. Sazişin dəqiq miqyası açıqlanmır, lakin Avropanın "AstraZeneca"ya hər doza üçün 2,5 avro ödəyəcəyi məlumdur.

"GlaxoSmithKline" konserni ilə birlikdə öz preparatını hazırlayan Fransanın "Sanofi" şirkəti isə preparatın hər dozasını Avropaya 10 avroya satır.

Koronavirus vaksini, arxiv şəkli
© REUTERS / Dado Ruvic / Illustration / File Photo

Yeri gəlmişkən, hər iki şirkət artıq Aİ-dən avans ödənişləri alıb. "AstraZeneca"nın 400 milyon dozanı təmin etməsi üçün ödəniş 336 milyon avro təşkil edib. "Sanofi"də bu rəqəm 324 milyon avro olub (300 milyon doza üçün).

Beləliklə, əgər qarşıdan gələn kütləvi peyvəndləmə prosesində "AstraZeneca" preparatının həqiqətən də insan sağlamlığına zərər vurması halları üzə çıxarsa, bu, şirkət üçün heç bir ağır nəticələrə səbəb olmayacaq. Zərərçəkənlərə kompensasiyaları milli hökumətlər, daha dəqiqi, müvafiq ölkələrin vergi ödəyiciləri verəcəklər.

Həmçinin, Avropa isteblişmentinin bu qədər fərqli yanaşmaları olan iki vaksin ("AstraZeneca" və "Sanofi") üzərində dayanması maraq oyatmaya bilməz. Aİ-nin hansı dövlətlərinin hansı preparatı alacağını, həmçinin onların öz daxilində rayonların rifahı və orada yaşayan insanların ictimai vəziyyətinə görə preparatları necə bölüşdürəcəyini görmək maraqlı olacaq.

16
Teqlər:
ABŞ, AstraZeneca, vaksin, Koronavirus, epidemiya, COVID-19
Əlaqədar
Belə insanlar koronavirusa az yoluxurlar
Cizgi filmi qəhrəmanları uşaqları koronavirusdan qorumaq əvəzinə...
Rusiyanın koronavirus peyvəndi: hansı ölkələr onu almaq istəyir
Təəccüblü kəşf: bu xəstəliyə yoluxmaq koronavirusa qarşı immunitet yaradır
Google-un köməyilə koronavirusun harada “partladığını” bilmək olar

Həsənqaya yaxınlığında Ermənistan ordusunun mövqeləri darmadağın edilib

292
(Yenilənib 23:24 29.09.2020)
Ağır itkilərə məruz qalan düşmən ölən və yaralıların evakuasiyasını təşkil etmək üçün nəqliyyat vasitələri tapmaqda çətinlik çəkir

BAKI, 29 sentyabr - Sputnik. Azərbaycan Ordusunun artilleriya zərbələri nəticəsində Tərtər rayonunun Həsənqaya yaşayış məntəqəsi yaxınlığında yerləşən Ermənistan silahlı qüvvələrinin 5-ci motoatıcı alayının 1-ci taboru və Talış istiqamətində yerləşən 6-cı motoatıcı alayının 1-ci taborunun mövqeləri dağıdılıb.

Sputnik Azərbaycan bildirir ki, bu barədə Azərbaycan Müdafiə Nazirliyi məlumat yayıb.

Ağır itkilərə məruz qalan düşmən ölən və yaralıların evakuasiyasını təşkil etmək üçün nəqliyyat vasitələri tapmaqda çətinlik çəkir.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli və Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki əhali arasında həlak olan və yaralananlar var. Mülki infrastruktur obyektlərinə ciddi ziyan dəyib.

Mülki əhali və hərbi qulluqçular arasında itkilər və yaralılar barədə məlumat dəqiqləşdirilir.Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin mətbuat katibi, polkovnik-leytenant Anar Eyvazov isə açıqlamasında qeyd edib ki, Azərbaycan Ordusunun uğurlu əməliyyatı nəticəsində bir sıra kəndlərimiz azad edilib. A.Eyvazov bildirib ki, hazırkı məlumata görə, Füzuli–Cəbrayıl istiqamətində Qaraxanbəyli, Şərvənj, Kənd Horadiz, Nüzgar, Yuxarı Abdurrəhmanlı, Aşağı Abdurrəhmanlı, Böyük Mərcanlı kəndləri azad edilib. Bundan əlavə, Ağdərə rayonu və Murovdağ istiqamətlərində düşmən postları darmadağın edilib, Talış kəndi ətrafındakı əlverişli yüksəkliklər nəzarətə götürülüb.

292
Teqlər:
artilleriya, Həsənqaya, Tərtər, Azərbaycan ordusu, cəbhə, Ermənistan-Azərbaycan Dağlıq Qarabağ münaqişəsi
Əlaqədar
Artilleriya bölmələrimiz Ermənistan ordusuna sarsıdıcı zərbələr endirir - VİDEO
Müdafiə Nazirliyi: Ermənistan ordusunun alay komandiri ağır yaralanıb
Füzuli istiqamətində Ermənistan SQ-nin əks-hücum cəhdi dəf edilib
Ermənistan ordusunun hərbi hissə komandiri Köçəryan məhv edilib
Müdafiə Nazirliyi: Ermənistan ordusunun polkovniki Karen Babayan məhv edilib
Türkiyə və Azərbaycan bayrağı, arxiv şəkli

"Azərbaycanın kədəri kədərimiz, sevinci sevincimizdir" - Türk məşhurlardan dəstək

0
(Yenilənib 23:46 29.09.2020)
Azərbaycan-Ermənistan təmas xəttində bir neçə gündür gedən döyüşlərə Türkiyənin məşhur ulduzları da laqeyd qalmayıblar

BAKI, 29 sentyabr — Sputnik. Ermənistan silahlı qüvvələri sentyabrın 27-də təxribata əl atdıqdan sonra Azərbaycanın dinc yaşayış məntəqələrini atəşə tutmağa davam edir. Atəş nəticəsində dinc sakinlər əziyyət çəkirlər, infrastruktur məhv edilir. Bir neçə gündür ki, davam edən müharibəyə qardaş Türkiyənin məşhur sənət adamları da dəstək veriblər. Sputnik Azərbaycan xəbər verir ki, onlar şəhidlərimizə rəhmət diləyib, Azərbaycana dəstək olduqlarını vurğulayıblar.

View this post on Instagram

A post shared by SERENSERENGİLTV (@serenserengil) on

Aktyor Oktay Kaynarca paylaşımında "Türkiyə daim Azərbaycanın yanındadır" sözlərini yazıb.

Aktrisa Tuvana Türkay isə paylaşımını "Şəhidlərimizə Allahdan rəhmət, yaralılara isə şəfa diləyirəm" sözləri ilə tamamlayıb.

View this post on Instagram

A post shared by 🇹🇷 Mustafa Ceceli (@mustafaceceli) on

Müğənni Ebru Yaşar "Biz bir millət, iki dövlətik. Azərbaycana edilən hücumları qınayıram. Qardaşlarımızın yanındayıq" sözlərini qeyd edib.

Müğənni Mustafa Ceceli isə "Vaxtı gəldi, Allah zəfər nəsib etsin" sözləri ilə dəstək olub.

View this post on Instagram

A post shared by Serdar Ortaç (@serdarsortac) on

Aparıcı Seren Serengil "Dostunuz dostumuz, düşməniniz düşmənimizdir. Kədəriniz kədərimiz, sevinciniz sevincimizdir. Xarakterli dost belə olur. İki dövlət, tək millətik. Bizimlə kimsə dava etməsin, etməyə də cəhd etməsin", - deyə o yazıb.

View this post on Instagram

A post shared by Alişan (@alisanofficial) on

Seda Sayan Mustafa Kamal Atatürkün məşhur "Azərbaycanın kədəri kədərimiz, sevinci sevincimizdir" kəlamını paylaşıb.

Müğənni Alişan "Hər şey Vətən, Qarabağ, cəbhə, qələbə üçün" deyə vurğulayıb. Bundan başqa, müğənni bu gün öz səhifəsində azərbaycanlı müğənni Azərinin "Çırpınırdı Qara dəniz" mahnısını paylaşıb.

0
Teqlər:
Bir millət, iki dövlət, dəstək, məşhurlar, Türkiyә, Azərbaycan, erməni təxribatı, Ermənistan-Azərbaycan Dağlıq Qarabağ münaqişəsi
Əlaqədar
Sami Yusuf Azərbaycan Ordusuna dəstək verib
Bakı bayrağımızın rənglərinə boyandı - FOTO
Xarici ölkələrdə yaşayan məşhurlardan Azərbaycana və ordumuza dəstək gəldi
Hacı Zeynalabdin Tağıyevin nəvəsindən Azərbaycana dəstək
Diaspor Komitəsi xaricdə yaşayan azərbaycanlılara müraciət edib