Seyid Əhməd Baba piri

Orada bir məzar var, tarixi sirli: Arzu tut, niyyətin həyata keçsə, gələrsən...

1226
(Yenilənib 09:33 29.09.2019)
Bakının ən qədim kəndlərindən sayılan Balaxanı kəndinin daha bir özəlliyi odur ki, kənd sakinlərinin fərqli dili var

İradə Cəlilova, Sputnik Azərbaycan

BAKI, 29 sentyabr — Sputnik. Bakının Balaxanı kəndi qədim tarixə malik kənddir. Balaxanı kəndinin adının mənası "Balaxana" sözündən - "bala" yuxarı, "xana" isə ev deməkdir. Yəni, yuxarı ev.

Maraqlıdır ki, Balaxanı Bakının digər kəndlərindən fərqlənən sakinlərinin öz dili var. Kəndin tarixi abidələrin çoxu isə XIV əsrə təsadüf edir.

Sputnik Azərbaycan-ın əməkdaşı kənddə olub və sakinlərlə söhbətləşib.

Qəbiristanlığa yaxınlarının məzarını ziyarətə gələn şəxslər burada namaz qılıb, dua edirlər.
© Sputnik / Irade JELIL
Qəbiristanlığa yaxınlarının məzarını ziyarətə gələn şəxslər burada namaz qılıb, dua edirlər.

Kənd sakinlərinin sözlərinə görə, Balaxanı Bakının ən qədim kəndlərindəndir. Uzun müddət baxımsız qalsa da, son aylar da Balaxanıya böyük diqqət ayrılıb. Kəndin yolları, tarixi abidələri təmir edilir. Deyilənə görə, kənd tam təmirdən sonra İsmayıllı rayonun Lahıc kəndini xatırladacaq.

Kəndin çoxlu sayda tarixi abidələri var. Bunlardan biri də Hacı Şəhla məscididir.

Məscid Balaxanı qəbiristanlığının hündür ərazisində tikilib. Məscidin yanından qəsəbə ovuc içi kimi görünür. Məscid iki hissədən ibarətdir. Abidənin tarixinin 1385-ci ilə gedib çıxdığı deyilir. Hazırda məscid təmir edilib. Qəbiristanlığa yaxınlarının məzarını ziyarətə gələn şəxslər burada namaz qılıb, dua edirlər.

Balaxanı qəbiristanlığı
© Sputnik / Irade JELIL
Balaxanı qəbiristanlığı

Məsciddən bir qədər aralı Şakir Ağa türbəsi yerləşir. Türbə 1427-ci ildə inşa edilib. Yeri gəlmişkən, türbələr Balaxanı kəndinin qiymətli abidələrindən hesab edilir.

Kənd sakinlərinin iddiasına görə, Şakir Ağa türbəsi Şirvanşah İbrahimin vəzirinin oğlu tərəfindən tikdirilib və xalq arasında imarət adlanır.

Kəndin mərkəzində ovdan yerləşir. Ovdan XIV əsrdə Şirvanşahların göstərişi ilə tikilib. 40 pilləkənli quyu o dövrlərdə insanların su ilə təmin edilməsi üçün tikilib. Kənd sakinlərinin sözünə görə, əvvəllər ovdandan su götürülərək yaxınlıqdakı Qum hamamına ötürülərmiş.

Dəfələrlə ovdan zibillik içində qalıb, amma təmizlənərək yenidən istifadəyə verilib. Su quyusu 1920-ci illərə qədər istifadədə olub. Sonradan yenə məişət tullantılarının atıldığı yerə çevrilib. Hazırda ovdan yenidən təmizlənir.

Hazırda quyuda su yoxdur
© Sputnik / Irade JELIL
Hazırda quyuda su yoxdur

40 pilləkənlə aşağı enmək asan deyil. Fotoları çəkən zaman müşahidə etdik ki, hazırda quyuda su yoxdur. Məişət tullantılarının altında qaldığı üçün quyu quruyub. Amma deyilənə görə, təmizlənmə işlərindən sonra quyuya yenidən su gələcək.

Hazırda Balaxanı qəbiristanlığında təmir abadlıq işləri aparılır. Qəbiristanlığın rəisi Vüqar Şeydabəyovun sözlərinə görə, əvvəllər qəbiristanlıq baxımsız vəziyyətdə olub: "Dörd ildir ki, abadlıq, təmir işlərinə başlamışıq. Bütün məzarların kənarında olan dəmir barmaqlıqlar rənglənib, məzarların ətrafı təmizlənir. Qəbiristanlığa su çəkilib, bulaqlar qoyulub". 

Hazırda Balaxana qəbiristanlığında təmir abadlıq işləri aparılır.
© Sputnik / Irade JELIL
Hazırda Balaxana qəbiristanlığında təmir abadlıq işləri aparılır.

Son 4 ildə qəbiristanlıqda onlarla qədim tarixə malik olan qəbir daşları aşkarlanıb və onların mühafizəsi təmin edilib. Kənd sakinləri deyir ki, qəbiristanlıqdakı köhnə qəbirlərin 1200 ilə yaxın tarixi var. Bəzi daşlar isə torpağın altından çıxarılıb.

Qəbiristanlıqda kənd sakinlərinin inanc yerinə çevrilən Seyid Əhməd Baba piri yerləşir. Əslində pirin tarixini heç kim bilmir.

Kənd sakinləri deyir ki, pir də böyük tarixə malikdir. Pir əvvəllər dağılsa da, sonradan kənd sakinlərinin yardımı ilə abadlaşdırılıb. Bu pirə sakinlərin inamı o qədər çoxdur ki, ora gələn hər kəsə arzu, niyyət etmək təklif edilir. Deyirlər ki, arzuları yerinə yetsə, bura gəlib, nəzir versinlər...

1226
Təqvim, arxiv şəkli

Gələn ilin bayram günləri müəyyənləşdi: Beş gün Novruzu qeyd edəcəyik

10
2021-ci il martın 20, 21, 22, 23, 24-ü Novruz bayramı, mayın 13, 14-ü Ramazan bayramı, iyulun 20, 21-i Qurban bayramı günləri müəyyən edilib

BAKI, 5 dekabr - Sputnik. Gələn ilin bayram günləri müəyyənləşib. 

Sputnik Azərbaycan bildirir ki, Nazirlər Kabinetinin 2021-ci il üçün Novruz, Ramazan və Qurban bayramları günlərinin müəyyən edilməsi haqqında” qərarına əsasən, 2021-ci il martın 20, 21, 22, 23, 24-ü Novruz bayramı, mayın 13, 14-ü Ramazan bayramı, iyulun 20, 21-i Qurban bayramı günləri müəyyən edilib.

Qərara əsasən, yuxarıda nəzərdə tutulan günlər iş günü hesab edilmir.

10
Teqlər:
Nazirlər Kabineti, Ramazan bayramı, Qurban bayramı, Novruz bayramı, gələn il, bayram günləri
Yaşadığı ünvanı tərk edən koronavirus xəstəsi

Samuxda qadını evinə zorla qaytardılar

5
(Yenilənib 11:11 05.12.2020)
Polis əməkdaşları dərhal onun rayon ərazisində yerini müəyyən edərək, müəyyən edilmiş tibbi prosedurlar gözlənilməklə yaşadığı ünvana göndəriblər.

BAKI, 5 dekabr — Sputnik. Samuxda yaşayış yerini tərk edən koronavirus xəstəsi məsuliyyətə cəlb edilib. Sputnik Azərbaycan Daxili İşlər Nazirliyinin Mətbuat Xidmətinin Gəncə şəhərindəki regional qrupundan verilən məlumata istinadla xəbər verir ki, Samux rayon Polis Şöbəsinin (RPŞ) əməkdaşları tərəfindən keçirilən müvafiq tədbirlər nəticəsində koronavirus testinin nəticəsi pozitiv çıxan, rayonun Nəbiağalı kənd sakini, Aynur Xəlilovanın ev şəraitində müalicə almasına baxmayaraq, karantin qaydalarını kobud şəkildə pozaraq, yaşadığı ünvanı tərk etməsi müəyyən edilib. Polis əməkdaşları dərhal onun rayon ərazisində yerini müəyyən edərək, müəyyən edilmiş tibbi prosedurlar gözlənilməklə yaşadığı ünvana göndəriblər.

Faktla bağlı araşdırmalar davam etdirilir.

5
Teqlər:
karantin, polis, Samux, qayda pozuntusu, xəstə, Koronavirus
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Azərbaycan Qiymətləndiricilər Cəmiyyətinin sədr müavini, “Vecon Consulting” qiymətləndirmə şirkətinin direktoru Vüqar Oruc

Vüqar Oruc: “Əmlak bazarında durğunluğa əsas yoxdu”

0
(Yenilənib 16:05 03.12.2020)
Azərbaycan Qiymətləndiricilər Cəmiyyətinin sədr müavini Vüqar Oruc deyir ki, əhalinin əksəriyyəti məskunlaşdığı ərazilərdə əmlak sahibi olub, bu səbəbdən də onlar sistematik surətdə həm regionda, həm məskunlaşdığı ərazidə yaşayacaqlar
Vüqar Oruc: “Əmlak bazarında böyük canlanma yaranacaq”

“Torpaqların 28 il işğal altında olduğu dövrdə məcburi köçkünlərin nüfuz sayı da yüksəlib. Söhbət bu illər ərzində 600 mindən 900-950 min civarında artan əhalidən gedir”. Sputnik Azərbaycan xəbər verir ki, bunu Azərbaycan Qiymətləndiricilər Cəmiyyətinin sədr müavini, “Vecon Consulting” qiymətləndirmə şirkətinin direktoru Vüqar Oruc deyib.

“Həmin əhalinin bir qismi işğaldan azad edilən ərazilərə qayıdacaq, digər qismi elə əvvəlki kimi paytaxtda və məskunlaşdıqları digər şəhərlərdə yaşamağa davam edəcək. Artıq əhalinin əksəriyyəti məskunlaşdığı ərazilərdə əmlak sahibi olub, bu səbəbdən də onlar sistematik surətdə həm regionda, həm məskunlaşdığı ərazidə yaşayacaqlar. Məsələnin digər tərəfi ondan ibarətdir ki, iqtisadiyyatın inkişafı, investisiya qoyuluşu, yeni istehsal sahələrinin, eləcə də iş yerlərinin yaranması deməkdir. Bu proses paytaxtın, yaxud da digər şəhərlərin boşalması və ya iştirakçısı olduğumuz əmlak bazarında durğunluğun yaranmasına səbəb ola bilməz. Əksinə mən deyərdim ki, böyük canlanma yaranacaq”, – deyə o bildirib.

Vüqar Orucun fikirlərinə audiofaylda qulaq asa bilərsiniz

0