Avtomobillərin utilizasiyası, arxiv şəkli

Proqram var, şərti yox, bəs maşını ilə vidalaşanı ilə ovudacaqlar?

1062
(Yenilənib 13:55 26.09.2019)
Yararsız avtomobillərin utilizasiya proqramının icrası İqtisadiyyat Nazirliyi, Daxili İşlər Nazirliyi, Dövlət Gömrük Komitəsi və bir neçə digər quruma həvalə edilib

İradə Cəlilova, Sputnik Azərbaycan

BAKI, 26 sentyabr — Sputnik. Azərbaycan Prezidentinin 2018-ci il 27 dekabr tarixli Sərəncamı ilə təsdiq edilmiş "Azərbaycan Respublikasında yol hərəkətinin təhlükəsizliyinə dair 2019-2023-cü illər üçün Dövlət Proqramı"nda 2019-2020-ci illər üçün nəqliyyat vasitələrinin utilizasiya proqramının hazırlanması nəzərdə tutulub.

Proqramın icrası isə İqtisadiyyat Nazirliyi, Daxili İşlər Nazirliyi, Dövlət Gömrük Komitəsi və bir neçə digər quruma həvalə edilib.

Proqramın əsas məqsədi Azərbaycanda yol hərəkətinin təhlükəsizlik səviyyəsini yüksəltmək, ekoloji vəziyyəti yaxşılaşdırmaq, eləcə də yerli avtomobil istehsalını stimullaşdırmaqdır.

Qeyd edək ki, Rusiya Federasiyasında, eləcə də dünyanın bir çox ölkələrində avtomobillərin utilizasiyası proqramı var. Utilizasiya ölkədə avtomobil parkının əhəmiyyətli dərəcədə yenilənməsinə imkan verir.

Azərbaycanda isə köhnə avtomobillərin utilizasiyası ilə bağlı hələ ki heç bir sistem formalaşmayıb. Yəni bu prosesin reallaşa bilməsi üçün hələ konkret bir qərar yoxdur.

Sputnik Azərbaycan ölkədə köhnə avtomobillərin utilizasiyasının necə reallaşacağını öyrənmək məqsədi ilə araşdırma aparıb.

Nəqliyyat eksperti Elməddin Muradlı Sputnik Azərbaycan-a açıqlamasında bildirib ki, bu yaxınlarda "Təmiz Şəhər" ASC tender elan edib: "Tenderdə bir şirkət qalib gəldi və onlara utilizasiya ilə bağlı proqram layihəsi hazırlamaq həvalə edildi. Həmin proqram hazırlandıqdan sonra avtomobillərin utilizasiyası proqramı reallaşdırılacaq".

Ekspert bildirir ki, ilkin təklifə görə, avtomobillər istehsal edildiyi tarixə görə deyil, ümumi vəziyyətinə görə utilizasiya ediləcək. Çünki bu gün elə retro avtomobillər var ki, keyfiyyətli vəziyyətdə qalıb.

"Amma 2010-cu ilin elə avtomobili var ki, 4 dəfə qəza keçirib, ələ gələsi detalı yoxdur. Yəni ümumi yanaşma ilə və ya modelə görə maşın istifadədən çıxarılmamalıdır. Avtomobillər ümumi xarici görünüşünə görə, texniki müayinədən keçirildikdən sonra onların utilizasiyasına qərar verilə bilər. Daxili sistemi saz vəziyyətdədirsə, xarici görünüşündə olan qüsurların aradan qaldırılması mümkün olan avtomobillər istismar edilə bilər", - deyə Muradlı bildirib.

Onun sözlərinə görə, utilizasiya zamanı sürücülərə təklif ediləcək şərtlər hələ müəyyən edilməyib.

Ancaq E.Muradlı hesab edir ki, avtomobili utilizasiya ediləcək şəxslərə hər hansı bir kompensasiya ödənilməsi və ya onların xaricdən gətirəcəyi avtomobillər üçün gömrük rüsumunu sıfıra endirmək lazımdır: "Bəlkə, bu yolla insanları köhnə avtomobillərinin utilizasiya edilməsinə razı salmaq olar. Onu da qeyd edim ki, bu avtomobillərə bəzi insanlar iş yeri kimi baxırlar.

 Yəni avtomobil olmasa, onlar dolana bilməzlər. Utilizasiya proqramı elə reallaşdırılmalıdır ki, bu insanlar işsiz qalmasınlar. Və onlara başa salmaq lazımdır ki, bu gün iş yeri kimi baxdığın avtomobil sabah sənə məzar ola bilər. Hesab edirəm ki, proqram qəbul edilməmişdən öncə onlara vəziyyət başa salınmalıdr. Maarifləndirmə işi aparılmalıdır ki, sabah hər-hansı vətəndaşın qapısı avtomobilinin utilizasiyası üçün döyüləndə problemlər yaşanmasın".

Xatırladaq ki, "Təmiz Şəhər" Açıq Səhmdar Cəmiyyətinin (ASC) yol hərəkətinin təhlükəsizlik səviyyəsini yüksəltmək, ekoloji vəziyyəti yaxşılaşdırmaq, eləcə də yerli avtomobil istehsalını stimullaşdırmaq məqsədilə köhnəlmiş, texniki təhlükəsizlik baxımından və ekoloji cəhətdən yararsız nəqliyyat vasitələrinin dövriyyədən çıxarılmasını təmin etmək üçün nəqliyyat vasitələrinin utilizasiya proqramının hazırlanması və tətbiqi işləri üzrə məsləhət xidmətləri üçün elan etdiyi tenderin qalibi "Eko Enerji" MMC olub.

Bağlanmış müqaviləyə əsasən, "Təmiz Şəhər" ASC göstərilən işlər üzrə məsləhət xidmətləri üçün "Eko Enerji" MMC-yə 47 min 508 manat ödəyəcək.

1062
Teqlər:
təhlükəsizlik, texniki nasazlıq, utilizasiya, avtomobil
Əlaqədar
Rahatlığına son qəpiyini xərcləyir, təhlükəsizliyinə “yoxumdur” deyir
Texniki baxışla bağlı rüsum niyə artırılır?
Baş tutmayacaq təklif verildi: Amma həll edilsə, hamının həyatı dəyişəcək
Dəmir atlarda yarış – Bakıda “BMW” festivalı necə keçdi

Azərbaycanın Baş naziri Moskvaya dəvət olundu

2
Mixail Mişustin Əli Əsədovu Rusiya Federasiyasına rəsmi səfərə dəvət edib. Dəvət minnətdarlıqla qəbul edilib.

BAKI, 20 aprel - Sputnik. Bu gün Rusiya Federasiyası Hökumətinin sədri Mixail Mişustin Azərbaycan Respublikasının Baş naziri Əli Əsədova telefonla zəng edib.

Sputnik Azərbaycan bildirir ki, bu barədə Nazirlər Kabinetinin mətbuat xidmətinin məlumatında deyilir. Telefon danışığı əsnasında Azərbaycanla Rusiya arasında ticarət dövriyyəsinin artmasından və qarşılıqlı tədarük olunan məhsul çeşidinin genişlənməsindən məmnunluq ifadə edilib.

Hacıqabul sənaye məhəlləsində "GAZel-NEXT" və "GAZon NEXT" kommersiya yük maşınlarının yığım istehsalı zavodunun istismara verilməsi məmnuniyyətlə vurğulanıb. Həmçinin qarşılıqlı maraq doğuran bir sıra digər məsələlər müzakirə olunub.

Mixail Mişustin Əli Əsədovu Rusiya Federasiyasına rəsmi səfərə dəvət edib. Dəvət minnətdarlıqla qəbul edilib.

2
Teqlər:
rəsmi səfər, dəvət, Əli Əsədov, Mixail Mişustin, Azərbaycan, Rusiya
Zabrat gölü

Bakıda göllərin təmizlənməsinə sahibkarları cəlb edəcəklər

3
(Yenilənib 21:41 20.04.2021)
"Əsas məqsədimiz bu gölləri təmizləmək üçün sahibkarların, bu sahəyə marağı olan iş adamlarının həmin ərazilərdə müvafiq infrastruktur sahələrinin yaradılmasına cəlb etməkdir".

BAKI, 20 aprel — Sputnik. Azərbaycanda bəzi göllərin çirkli olmasının səbəbi tullantı sularının düzgün idarə olunmamasıdır. Sputnik Azərbaycan-ın məlumatına görə, bunu Ekologiya və Təbii Sərvətlər Nazirliyinin "Ekspert saatı"nda Dövlət Ekoloji Ekspertiza Agentliyinin sədri Mirsalam Qənbərov deyib.

Onun sözlərinə görə, təkcə Abşeron yarımadasında irili-xırdalı, quruyan və mövcud olan 800-dən çox göl və gölməçə var: "Bütün ərazilərdə yenidən monitorinq aparılıb, ilkin qiymətləndirmə hazırlanıb. Əsas məqsədimiz bu gölləri təmizləmək üçün sahibkarların, bu sahəyə marağı olan iş adamlarının həmin ərazilərdə müvafiq infrastruktur sahələrinin yaradılmasına cəlb etməkdir. Eyni zamanda, proqramda nəzərdə tutulan göllərin təmizlənməsinin həyata keçirilməsidir. Hesab edirəm ki, yaxın zamanda göllərin təmizlənməsi işlərinin şahidi olacağıq".

3
Teqlər:
sahibkar, təmizlənmə, göl, Bakı
Vergi Məcəlləsi, arxiv şəkli

Aktiv vergi ödəyicilərinin sayı artır - Rəqəmlər

0
(Yenilənib 22:53 20.04.2021)
2020-ci ilin mart ayından başlamaqla müşahidə olunmuş ardıcıl 12 aylıq azalma dövründən sonra, ilk dəfə olaraq cari ilin mart ayında qeydiyyatın sayında artım müşahidə edilib.

BAKI, 20 aprel — Sputnik. 2021-ci ilin aprel ayının 1-nə respublika üzrə uçotda olan 1.240.652 vergi ödəyicisinin 87,7%-i fiziki şəxs, 12,3%-i hüquqi şəxs və digər təşkilatlar olub.

Sputnik Azərbaycan-ın məlumatına görə, 2020-ci ilin müvafiq dövrü ilə müqayisədə vergi ödəyicilərinin ümumi sayı 167.992 vahid və ya 115,7% artıb ki, bunun da 94,6%-i fiziki şəxslərin, 5,4%-i hüquqi şəxslərin hesabına baş verib. Hüquqi şəxs kimi uçotda olan vergi ödəyicilərinin sayının artması əsasən kommersiya qurumları hesabına baş verib.

2020-ci ilin mart ayından başlamaqla müşahidə olunmuş ardıcıl 12 aylıq azalma dövründən sonra, ilk dəfə olaraq cari ilin mart ayında qeydiyyatın sayında artım müşahidə edilib.

Cari ilin I rübündə 2.714 kommersiya qurumu dövlət qeydiyyatından keçib. Kommersiya qurumlarının 2253-ü (83%) elektron qaydada, 461-i isə (17%) kağız daşıyıcılarda edilmiş müraciətlər əsasında qeydə alınıb. İlkin qeydiyyat prosedurunun yerinə yetirilməsi zamanı 460 hüquqi şəxsin (ümumi qeydiyyatın 17%-i) ƏDV məqsədləri üçün qeydiyyata alınması təmin edilib.

Cari ilin I rübündə 2.494 yerli investisiyalı kommersiya qurumu dövlət qeydiyyatına alınıb ki, bu da yerli investisiyalı kommersiya qurumlarının dövlət qeydiyyatının sayında 25%-lik artım deməkdir.

2021-ci ilin I rübündə fəaliyyəti aktivləşmiş (bərpa edilmiş) hüquqi şəxslərin sayı 2.840 vahid təşkil edib. Bu zaman fəaliyyəti aktivləşmiş ƏDV ödəyicilərinin sayı ötən ilin müvafiq dövrü ilə müqayisədə 6,4% artıb. 2021-ci ilin I rübündə fəaliyyətini dayandırmış hüquqi şəxslərin sayı 3.682 vahid təşkil edərək 2020-ci ilin müvafiq dövrü ilə müqayisədə 19,5% azalıb. Fəaliyyəti passivləşmiş ƏDV ödəyicilərinin sayı isə 18,8% azalıb.

2021-ci ilin I rübündə qeydiyyata alınmış və fəaliyyətini bərpa etmiş kommersiya qurumlarının sayı fəaliyyəti passivləşmiş qurumların sayından 1.788 vahid çox olub.

Hesabat dövründə fəaliyyəti aktiv olan hüquqi şəxslərin 86,4%-i kommersiya qurumlarıdır. Ümumiyyətlə, 136.997 kommersiya qurumundan 58,5 faizinin vəziyyəti aktiv olub. 2020-ci ilin müvafiq dövrü ilə müqayisədə aktiv kommersiya qurumlarının sayı 13,9 faiz artıb. Bu zaman kommersiya qurumlarının tərkibində aktiv ƏDV ödəyicilərinin sayı 16% artıb.

2021-ci ilin I rübündə kommersiya qurumlarının 83%-i elektron qaydada qeydiyyata alınıb. Yerli investisiyalı məhdud məsuliyyətli cəmiyyətlərin e-qeydiyyatının xüsusi çəkisi isə 91%-ə yaxın olub.

Yeni qeydiyyat üsulu ilə (fin kod+mobil nömrə) cari ildə 438 yerli investisiyalı məhdud məsuliyyətli cəmiyyət qeydə alınıb ki, bu da 2020-ci ilin müvafiq dövrü ilə müqayisədə 62,2 faiz çoxdur. Bu üsulun ümumi qeydiyyatda xüsusi çəkisi artaraq 16,1%, yerli investisiyalı məhdud məsuliyyətli cəmiyyətlərin qeydiyyatında isə 17,7% təşkil edib.

2021-ci ilin 1 aprel tarixinə 272 publik hüquqi şəxs, 16.066 xarici investisiyalı kommersiya hüquqi şəxs dövlət qeydiyyatından keçib.

0