Bakı

Yaman əlhaya düşüblər, pulumuzu cibimizdə saxlamağa çalışırlar

1071
(Yenilənib 17:23 25.09.2019)
Yeni qanun turistlərin qonşu ölkələrə, o cümlədən Gürcüstana deyil, daha çox Azərbaycana axınını təmin edər, bəzi bürokratik halların hüquqi müstəvidə aradan qaldırılmasında öz rolunu oynaya bilər

Zülfiyyə Quluyeva, Sputnik Azərbaycan

BAKI, 25 sentyabr — Sputnik. Azərbaycanda "Turizm haqqında" yeni qanun layihəsinin Milli Məclisin payız sessiyasında müzakirəsi təklif olunur. Bununla bağlı Komitə iclasında fikir səsləndirən deputatlar turizmlə bağlı qanun layihəsinin müzakirəsinin və qəbulunun tezləşdirilməli olduğunu söyləyiblər.

Sputnik Azərbaycan "Turizm haqqında" yeni qəbul ediləcək qanun layihəsinin bu sektorda hansı dəyişikliklərə səbəb olacağını araşdırıb.

Sputnik Azərbaycan-a açıqlama verən İqtisadi siyasət, sənaye və sahibkarlıq komitəsinin üzvü Vahid Əhmədov bildirib ki, ölkəmizə turist axını müşahidə olunur. Deputat deyib ki, bunun davamlı olması üçün yeni qanun layihəsinin qəbuluna, bu sahədə qeydə alınan çatışmazlıqların aradan qaldırılmasına ciddi ehtiyac var: "Azərbaycana gələn turistlərin sayı günü-gündən artır. Son rəqəmlərə görə, bu rəqəm 1,5 milyona çatıb. Deməli, turizm sahəsinin inkişafına diqqət artırılmalı, bu sahədə olan problemlər aradan qaldırılmalıdır".

V.Əhmədov deyib ki, turizm sahəsində əsas problemlərdən biri xidmət sektorundadır: "İlk növbədə turizm sahəsində xidmət səviyyəsi artırılmalıdır. Turizm obyektlərinə gələn turistlərə yüksək xidmət göstərilməlidir. Əks halda, ölkəmizə gələn turist xidmətin keyfiyyətindən narazı qalacaq. Bu isə digər turistlərin də səyahət üçün Azərbaycanı seçməsini əngəlləyə bilər. Bu istiqamətdə artıq Azərbaycanda işlərə başlanılıb. İxtisaslı kadrların hazırlanması, bu sahədə mütəxəssis yetişdirən ali və orta ixtisas məktəblərinin olması çox yaxşıdır".

Deputat digər məsələnin isə turizm sektorunda qiymətlə bağlı olduğunu söyləyib. O qeyd edib ki, turizm sahəsində qiymətlərin tənzimlənməsi mümkün deyil. Çünki ölkəmizdə özəl sektorda qiymətləri bazar tənzimləyir: "Bu gün Azərbaycanın özündən turistlərin çoxu Gürcüstana üz tutur. Səbəb də orada qiymətin münasib olmasıdır. Amma bizdə turizm sahəsində subyektiv qiymətləndirməyə də rast gəlinir. Məsələn, şimal bölgəsində turizm obyektlərində qiymətlər kəllə çarxdadır. Ona görə də bu sektorda qiymətlərin süni şişirdilməsinə qarşı da tədbirlər görülməlidir".

Turizm üzrə ekspert, Azərbaycan Turizm Assosiasiyasının sədr müavini Müzəffər Ağakərimov Sputnik Azətbaycan-a açıqlamasında bildirib ki, Azərbaycanda "Turizm haqqında" yeni qanunun qəbuluna ciddi ehtiyac var. M.Ağakərimov bildirib ki, yeni qanun turizm sahəsində olan bir sıra boşluqları tənzimləməlidir: "Bu gün ölkəmizdə turizm şirkətləri nəinki ölkə vətəndaşlarını, xaricdən Azərbaycana gələn turistləri də aldadır. Dələduzluq yolu ilə turistlərin pullarını alıb ölkəmizə turist axınının qarşısını alırlar. Bunun qarşısı qanunla alınmalıdır. Bundan əlavə, turizm sektorunda xidmət keyfiyyətinin yüksəldilməsi, qiymətlərlə manipulyasiya halları məsələsi də qanunda öz əksini tapmalıdır".

M.Ağakərimov kənd turizminin inkişafı, eləcə də turizm sahəsində digər məsələləri əhatə edən yeni qanunvericilik bazasının yaradılmasının vacib olduğunu qeyd edib.

"Turizm haqqında" yeni qanunun qəbulu ilə bağlı Dövlət Turizm Agentliyinin də mövqeyini öyrəndik. Məlum oldu ki, artıq Dövlət Turizm Agentliyi "Turizm haqqında" yeni qanun layihəsi üzərində işləyir. Hətta qanun layihəsi dövlət qurumlarına birinci rəyə göndərilib və rəy alınıb. Bu barədə Sputnik Azərbaycan-a açıqlamasında Dövlət Turizm Agentliyinin Turizm siyasəti və strategiyası şöbəsinin müdiri Məhəmməd Muradov məlumat verib. O bildirib ki, rəyləri nəzərə aldıqdan sonra qanun layihəsi yenidən baxılması üçün göndəriləcək. M.Muradov "Turizm haqqında" yeni qanunda nələrin öz əksini tapacağından danışmağın hələ tez olduğunu söyləyib. O bildirib ki, sənəd hələ tam hazır deyil: "Burada qeyd edilən məsələləri açıqlamaq doğru olmaz. Çünki hələ bilinmir ki, qeyd edilənlərin hansı qanunda öz əksini tapacaq. Amma ümumi yanaşma ondan ibarətdir ki, sənayeni daha çox dəstəkləyəcək və təşviq edəcək bir qanun layihəsi olsun".

Qeyd edək ki, ölkəmizdə "Turizm haqqında" qanun 1999-cu ildə qəbul olunub. Bu sahədə yeni qanun layihəsi hazırlansa da, 3-cü oxunuşda Milli Məclisdə ilişib qalıb.

Deputat Hadı Rəcəbli də deyib ki, ölkəmizdə turizm sahəsində yeni idarəçilik sistemi yaradılıb. O qeyd edib ki, Dövlət Turizm Agentliyinin yaradılmasından sonra "Turizm haqqında" yeni qanunun qəbuluna ciddi ehtiyac yaranıb.

Məlumat üçün qeyd edək ki, deputat Musa Quliyev deyib ki, bu qanun layihəsinin qəbulu turizm sektorunun inkişafına öz müsbət töhfəsini verər, turistlərin qonşu ölkələrə, o cümlədən Gürcüstana deyil, daha çox Azərbaycana axınını təmin edər, bəzi bürokratik halların hüquqi müstəvidə aradan qaldırılmasında öz rolunu oynaya bilər. Digər millət vəkilləri Elmira Axundova isə turizm sahəsində işlərin daha da sürətləndirilməli olduğunu, yeni otellər tikilməli olduğunu, həmçinin müvafiq qanun layihəsinin qəbul edilməsinin zəruriliyini qeyd edib. Millət vəkili Araz Əlizadə isə bildirib ki, turizm sahəsində ən böyük problem restoranlarda, yeməkxanalarda qiymətlərin baha olmasıdır.

1071
İmtahan, arxiv şəkli

Nazirlikdən imtahanlarla bağlı açıqlama

10
(Yenilənib 22:45 15.01.2021)
Nicat Məmmədlinin sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib.

BAKI, 15 yanvar — Sputnik. "Pandemiyadan sonra – ola bilər ki, yaz, yaxud da daha sonrakı semestrdə ənənəvi imtahan sessiyasına keçəcəyik". Sputnik Azərbaycan-ın məlumatına görə, bunu Təhsil Nazirliyinin Elm, ali və orta ixtisas təhsili şöbəsininn müdiri Nicat Məmmədli deyib. Onun sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib. "İmtahanların təşkilində güzəştlərin olması ilə bağlı təkliflər edilir. Amma hazırkı pandemiya dövrü bizdən təhsilə daha məsuliyyətli yanaşmağı tələb edir".

Şöbə müdiri bildirib ki, ötən ilin dekabrında imtahan sessiyasının keçirilməsi haqqında əmr imzalanıb: "Sessiya imtahanları onlayn qaydada 4 həftə ərzində keçiriləcək. Əslində keçən ilin son semestrindən dərslər onlayn keçirilir. Bu, bütün təhsil sistemi üçün bir çağırışdır. Əsas vacib məsələ bir çox hallarda imtahanların formalarının keçirilməsi idi. Bundan əvvəl imtahanlar daha çox yazılı şəkildə keçirilirdi".

10
Bakıda avtomobil tıxacı, arxiv şəkli

Dünyada yollar, məsafələr qısaldılsa da, Azərbaycanda əksinədir

31
(Yenilənib 22:25 15.01.2021)
Hazırda orta hesabla 6 saatı yola sərf etdiyimizi nəzərə alsaq, aylıq olaraq bu rəqəmin azı 120 saat olduğunu deyə bilərik. Bu isə o deməkdir ki, gündəlik olaraq ictimai nəqliyyatdan istifadə edən şəxslər təkcə son 5 ayda 600 saatını yola sərf edib.

Nigar İsgəndərova, Sputnik Azərbaycan

BAKI, 15 yanvar — Sputnik. Bu gün dünyanın bir çox ölkələri məhz yolları, məsafələri qısaltmaq, xüsusən də işçi qrupun rahatlığı üçün müəyyən planlar üzərində çalışırlar. Lakin Azərbaycanda bu müddət azalmaq əvəzinə daha da artırılır. Pandemiyadan öncə getdiyimiz yarım saatlıq yol bu gün 2 saatlıq yola çevrilib. Ümumiyyətlə, pandemiyadan əvvəl də Azərbaycanda bənzər mənzərə müşahidə edilirdi. Bu isə xüsusən gündəlik olaraq işə gedən şəxslər üçün böyük problemə səbəb olur. Yəni, qısa məsafəni hər iki istiqamət üçün qət edən şəxs gününün 4-5, indiki halda isə hətta 6-7 saaatını da yolda keçirmiş olur. Bəs nə etməli?

Öncə dünya ölkələrinin təcrübəsinə nəzər yetirək. Bu gün əksər ölkələrdə artıq şəhərin mərkəzində avtobusların hərəkəti məhdudlaşdırılır. Belə ki, müəyyən məsafədən gələn şəxslər şəhərin mərkəzində avtomobilini park edərək mərkəzdən lazım olan ünvana ya velosiped, ya da ki, ictimai nəqliyyatdan istifadə etməklə çatmış olur. Belə olan halda həm əlavə yanacağa qənaət edilmiş olur, həm havanın çirklənməsinin qarşısı alınır, həm şəhər mrəkəzi sərnişin və piyadalar üçün daha uyğun bir vəziyyətə gəlir, həm də avtomobillərin olmaması səbəbi ilə əlaqədar olaraq tıxaclar yaranmır və beləcə məsafə daha da qısaldılmış olur. 

Sputnik Azərbaycan bu problemlərin həlli barədə nəqliyyat üzrə ekspert Hüseyn Abdullayevlə söhbətləşib. "Azərbaycanda avtobus marşrut xətlərinin planlaşdırılmasında böyük problemlər var. Ümumiyyətlə, heab edirəm ki, Bakının avtobus-marşrut şəbəkəsi yenidən müasir prinsiplərlə qurulmalıdır. Vaxt itkisinə səbəb olan nüanslar aradan qaldırılmalıdır. Avtobuların yollarda gecikməsinin qarşısını almaq üçün müəyyən addımlar atılmalı, ayrıca zolaqlar salınmalı, dəhlizlərdə avtobuslara üstünlük verilməlidir. Bir sözlə ümumilikdə nəqliyyat infrastrukturu ilə bağlı islahatlar aparılmalıdır" - ekspert deyib.

"Magistral avtobus xətlərinin də köməkçi avtobus xətləri olmalıdır. İyerarxiyalı sistemdə mütləqdir ki, bir nəqliyyatdan digər nəqliyyat xəttinə keçid mümkün qədər tez baş versin. Bunun üçün bu marşrutlar hamısı qısa intervalla işləməlidir. Bundan başqa, insanlar böyük məsafələr qət etməməli və hər mübadilə üçün əlavə gediş haqqı ödəməməlidirlər. Lakin qeyd edim ki, Azərbaycanda nəqliyyat sistemində bir pərakəndəlik var, avtobus, metro və dəmiryolu xətti ilə ayrılıqda müəyyən qurumlar məşğul olurlar. Əsas dəhlizlərdə isə avtobuslara üstünlük verilmir", - deyə eskpert bildirir.

Xarici təcrübədən danışdıqda isə, o qeyd edir ki, avtobus marşrutları, həm də digər nəqliyyat növəri arasında konkret iyerarxiya olmalıdır: "Yəni, müəyyənləşir ki, bu xətlərdən hansılar magistral, hansılar köməkçi nəqliyyat yollarıdır. Əsas magistral marşrut xətlərinə sərnişinlərin çıxışını təmin etməkdir", - deyə ekspert əlavə edib.

Millət vəkili Fazil Mustafa isə fərqli fikirdədir. Bu barədə Sputnik Azərbaycan-a danışan millət vəkili belə bir infrastrukturun qurulmasının mümkünsüzlüyündən bəhs edir: "Hazırda yollarda yaranan sıxlıq ilk növbədə metro ilə bağlıdır. Bu səbəbdən əksəriyyət minik avtomobilindən istifadə etmək məcburiyyətində qalır. Məktəblər açılmasa da, şəhərdə fəlakətli səviyyədə tıxaclar var. Pandemiya şəraitində yaranan vəziyyət təbiidir. Çünki avtobuslar da riskli olduğundna insanlar şəxsi avtomobillərə üstünlük verirlər. Bu səbəbdən hələlik çıxış yolu haqda danışmaqda çətinlik çəkirəm. Amma düşünürəm ki, tədricən metronun açılmasını görməliyik. Çünki nəqliyyatda hədsiz yüklənmə var".

Millət vəkili heab edir ki, şəhərin mərkəzinə çatmamış avtomobillərin park edilməsi təcrübəsini Azərbaycanda tətbiq etmək çətin olar: "Düşünürəm ki, bunun heç faydası da olmayacaq. Çünki bizdə normal elektrik qatarı yoxdur. Bu təcrübə yalnız düzgün infrastrukturun qurulduğu şəhərlər üçün keçərlidir. Bizdə isə düzgün infrastruktur qurulmayıb, şəhərsalmanın prinsipləri pozulub. Xaricdə belədir ki, məktəbəqədər yaşda olan uşaqlar üçün xüsusi avtobuslar var. Bizdə məktəbəqədərlər 25 faiz təşkil etsə də, heç bunu da təmin edə bilmirik".

Bir sözlə, hazırda gündəlik hesabla 6 saatı yola sərf etdiyimizi nəzərə alsaq, aylıq olaraq bu rəqəmin azı 120 saat olduğunu deyə bilərik. Bu isə o deməkdir ki, gündəlik olaraq ictimai nəqliyyatdan istifadə edən şəxslər təkcə son 5 ayda 600 saatını yola sərf edib. 

Qeyd edək ki, pandemiyadan öncə isə gündəlik olaraq işə gedib-gələn və bir qədər şəhərin mərkəzindən kənarda qalan şəxslər 4 saatını yola sərf edirlər. Yəni, aylıq olaraq bu 80 saat, illik olaraq isə 960 saatdır.

Hələlik isə ümid təkcə metronun açılmasına qalır...

31
Türkiyə Prezidenti Rəcəb Tayyib Ərdoğan koronavirusdan peyvənd vurdurur

Ərdoğan koronavirus peyvəndindən sonra: "Sapsağlamam"

0
(Yenilənib 00:05 16.01.2021)
Türkiyə Prezidentinə yanvarın 14-də Çinin "Sinovac" şirkətinin istehsalı olan "CoronaVac" vaksini vurulub.

BAKI, 16 yanvar — Sputnik. Bu ana qədər hər hansı bir yan təsiri olmayıb. Sputnik Azərbaycan "Hurriyet" nəşrinə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında bildirib.

"Bu ana qədər hər hansı bir yan təsiri olmayıb. Sapsağlamam. 28 gün sonra ikinci iynəmizi vurduracağıq", - deyə Ərdoğan qeyd edib.

Qeyd edək ki, Türkiyə Prezidenti Rəcəb Tayyib Ərdoğan canlı yayımda koronavirusa qarşı peyvənd edilib.

Türkiyə Prezidentinə Çinin "Sinovac" şirkətinin istehsalı olan "CoronaVac" vaksini vurulub.

0