Çernobıl, arxiv şəkli

Ukraynadan gətirilən məhsullarda radioaktiv çirklənmə var? - AQTA-dan açıqlama

42
(Yenilənib 19:47 24.09.2019)
Ukraynanın bəzi kənd təsərrüfatı əraziləri var ki, Çernobıldan 100 kilometr aralıda olsa da, orada sezium-137 maddəsi aşkarlanıb

Nigar İsgəndərova, Sputnik Azərbaycan

BAKI, 24 sentyabr — Sputnik. "Azərbaycan Respublikasının Qida Təhlükəsizliyi Agentliyi qida zəncirinin bütün mərhələlərində dövlət nəzarəti və tənzimləməni həyata keçirir. Agentlik tərəfindən ölkədə istehsal olunan və ölkəyə idxal olunan qida məhsulları üzərində risk əsaslı nəzarət tədbirləri həyata keçirilir". Bu barədə Azərbaycan Qida Təhlükəsizliyi Agentliyindən (AQTA) Sputnik Azərbaycan-ın Ukraynadan gətirilən məhsulların təhlükəsizliyi ilə bağlı sorğusuna cavab olaraq bildirilib.

Qeyd olunub ki, məhsullar gömrük ərazisinə daxil olunduqdan sonra daşıdığı risk səviyyəsinə uyğun olaraq ekspertizadan keçirilir. Ölkəyə idxal edilən məhsullardan Agentliyin müfəttişləri tərəfindən nümunələr götürülərək Azərbaycan Qida Təhlükəsizliyi İnstitutunun müvafiq laboratoriyalarında müayinə edilir. Ekspertizanın nəticələri uyğun olduqda, sahibkarlar məhsulları yerli bazarda sərbəst ticarət dövriyyəsinə daxil edə bilirlər.

Məlumat üçün bildirək ki, Ukraynadan ölkəmizə idxal olunan qida məhsulları radioloji müayinələrə cəlb olunur. AQTA fəaliyyətə başladığı gündən etibarən Ukraynadan ölkəmizə idxal olunan qida məhsullarında aparılmış radioloji müayinələrdə heç bir uyğunsuzluq aşkar edilməyib.

Qeyd edək ki, “Greenpeace” təşkilatı tərəfindən 2011-ci ildə açıqlanan hesabata görə, Ukraynanın bəzi kənd təsərrüfatı əraziləri var ki, Çernobıldan 100 kilometr aralıda olsa da, orada sezium-137 maddəsi aşkarlanıb. Yəni bu radioaktiv maddənin torpaq və suyu çirkləndirdiyi sübuta yetirilib. Belə qənaətə gəlinib ki, torpaq və suyun çirklənməsi həmin maddənin bitki və heyvanlara keçməsinə də səbəb olub.

42
Teqlər:
Azərbaycan, Ukrayna, radioaktiv maddə, zərərli maddə, qida məhsulu, qida
Əlaqədar
Süd məhsullarına antibiotik qatırmışlar - Azərbaycanda
Ötən ay hər dörd nəfərdən biri özünə yanlış diaqnoz qoyub
Mövsümü gəldi: Balıqdan zəhərlənməmək üçün bunlara nəzər yetirin
Ətlə əlaqəsi olan hər kəsi yoxlayacaqlar
İsmayıllıda festivalda kütləvi zəhərlənmə - Araşdırma başlayıb

Salyanda zəncirvari qəza: yaralılardan biri baş həkimdir

4
Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb

BAKI, 4 avqust — Sputnik. Salyanda baş verən zəncirvari qəzada 3 nəfər xəsarət alıb.

Sputnik Azərbaycan APA-ya istinadən bildirir ki, hadisə bu gün günorta saatlarında Salyan rayonunun Kərimbəyli kəndində qeydə alınıb. “Daewoo”, “Toyota Prado” və  “VAZ 2107” markalı avtomobillərinin toqquşması nəticəsində 3 nəfər - Bakı sakini, 1960-cı il təvəllüdlü Əliyev Vidadi Qamət oğlu, 1990-cı il təvəllüdlü Həsənova Lalə İslam qızı və 1982-ci il təvəllüdlü Talıbov Zöhür Nadir oğlu müxtəlif dərəcəli bədən xəsarətləri ilə Şirvan Şəhər Xəstəxanasına yerləşdiriliblər.

Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb.

Qeyd edək ki, Vidadi Əliyev Respublika Cüzam xəstəxanasının baş həkimidir.

Faktla bağlı araşdırma aparılır.

4
“Miss Azərbaycan-2019” titulunun sahibi Səmra Hüseynova, arxiv şəkli

“Miss Azərbaycan”la tanış olmağın çox asan yolu varmış zərfin içində...

48
Səmra Hüseynova onun şəxsi həyatı ilə maraqlanan, hətta canlı tanış olmaq istəyən izləyicilərinə cavab verib

BAKI, 3 avqust — Sputnik. “Miss Azərbaycan-2019” titulunun sahibi Səmra Hüseynova sosial şəbəkə istifadəçilərini onların suallarına verdiyi cavablarla şok edib.

Sputnik Azərbaycan-ın məlumatına görə, Səmra onunla necə tanış olmağın asan yolunu da deyib.

Model Instagram-dakı izləyicilərinin suallarına cavab vermək qərarına gəlib. Sualların çoxu isə onun şəxsi həyatına aid olub. Bir çoxları onunla tanış olmaq arzularını dilə gətiriblər, Səmra isə deyib ki, bunun üçün içində pul olan zərf və yaxud da brilyant hədiyyə eləmək yetər.

Qiz deyib ki, dörd aydır ki, karantin ucbatından pul qazana bilmir.

Səmra Hüseynova on ilə yaxındır ki, model biznesindədir, bir çox beynəlxalq və yerli dəb layihələrində, məşhur dizaynerlərin defilelərində iştirak edib. Uzun müddət xaricdə işləyib.

2019-cu ildə “Miss Azərbaycan” titulunu qazanıb. Hüseynova azərbaycanlı həmkarlarından açıq-saçıq layihələrdə iştiraka hazır olmasıyla seçilir.

48
Əlaqədar
“Miss Azərbaycan” model biznesindən əl çəkib məşhurluq üçün Türkiyəni seçdi
Azərbaycanın ən gözəl qızı karantinin pozduğu planını İstanbulda reallaşdırdı
Azərbaycanlı model ABŞ-ın ən “ulduzlu” evinə köçməyə hazırlaşır
Kamilla Zərbəliyeva: "Qabağımda soyunmaq istəyənlər çoxdur"
Rusiyalı müğənni: Bakını göz yaşları içində tərk elədim və bir daha oraya qayıtmadım