Zabrat-Məhəmmədi gölü

Ümid reallığa çevrilir Kabus daha qayıtmayacaq

108
(Yenilənib 17:41 22.09.2019)
Anar Cəbrayıllı bildirib ki, artıq Zabrat qəsəbəsində yeni layihənin icrasına başlanılıb. Yeni yaradılan infrastruktur istismara veriləndən sonra yağış sularının yığılma təhlükəsi aradan qaldırılacaq

İradə Cəlilova, Sputnik Azərbaycan

BAKI, 22 sentyabr — Sputnik. Zabrat-Kürdəxanı yolunun kənarında Zabrat gölü uzun müddət idi ki, kənd sakinlərinin kabusuna çevrilmişdi. Havalar bir balaca soyuyub, yağıntılar başlayan kimi göl də daşıb evlərə dolurdu. Sakinlər evlərindəki suyu vedrələrlə daşımaqdan cana doymuşdular.

Daşan göl eyni zamanda asfalt yola çıxır, hərəkətin intensivliyinə də problem yaradırdı.

Zabrat-Kürdəxanı yolunun kənarında Zabrat gölü
© Sputnik / Irade JELIL
Zabrat-Kürdəxanı yolunun kənarında Zabrat gölü
Mütəxəssislər iddia edirdilər ki, gölün daşmasına ərazidə yeni fərdi evlərin tikilməsi səbəb olub. Belə ki, kənd ərazisində kanalizasiya sistemi olmadığı üçün yeni tikilən evlərin məişət suları gölə axıdılırdı. Payız-qış aylarında yağıntılar da gölə axır və gölün daşmasına səbəb olurdu.

Havalar soyuyur, bir müddət sonra yağıntılar başlayacaq, Zabrat və Kürdəxanı sakinlərinin qara kabusu geri dönəcək.

Ancaq Azərsu ASC-nin mətbuat katibi Anar Cəbrayıllı Sputnik Azərbaycan-a bildirib ki, artıq Zabrat qəsəbəsində yeni layihənin icrasına başlanılıb.

Onun sözlərinə görə, yeni yaradılan infrastruktur istismara veriləndən sonra yağış sularının yığılma təhlükəsi aradan qaldırılacaq.

"Qeyd edim ki, Bakı şəhəri Sabunçu rayonunun 2-ci Zabrat yaşayış massivi adlanan ərazisində səth və qrunt sularının kənarlaşdırılması məqsədilə mərkəzləşdirilmiş yağış-kanalizasiya sistemləri mövcud olmayıb. Son illər ərazidə məskunlaşmanın artması səth və tullantı sularının axıdılmasını aktuallaşdırıb. İntensiv yağıntılar zamanı ərazidə subasma hallarının qeydə alınması sakinlər üçün narahatlıq doğurmaqla yanaşı, antisanitar vəziyyətin yaranmasına səbəb olub", – deyə mətbuat katibi vurğulayıb.

Ərazidə 3,6 km uzunluğunda yağış-kanalizasiya şəbəkəsi və kollektoru inşa olunur
© Sputnik / Irade JELIL
Ərazidə 3,6 km uzunluğunda yağış-kanalizasiya şəbəkəsi və kollektoru inşa olunur

Qurumun sözçüsü əlavə edib ki, layihəyə əsasən, ərazidə 3,6 km uzunluğunda yağış-kanalizasiya şəbəkəsi və kollektoru inşa olunur: "Yeni yaradılan şəbəkə üzərində baxış quyuları tikilir. Burada yaranan səth və qrunt suları yaxınlıqdan keçən mövcud kollektora ötürüləcək. Bu məqsədlə ərazidə nasos stansiyası inşa edilir. Layihə üzrə tikinti-quraşdırma işlərinin cari ilin sonuna qədər başa çatdırılması nəzərdə tutulur".

Bu layihənin icrası nəticəsində subasma təhlükəsi olan ərazilərdə su yığılmalarının qarşısı alınacaq. Layihələrin icrası əhalinin məişət şəraitini yaxşılaşdırmaqla yanaşı, ekoloji baxımdan da mühüm əhəmiyyət daşıyır.

Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin baş mühəndisi Əziz Qaralov Sputnik Azərbaycan-a açıqlamasında bildirib ki, Zabrat gölü və Məhəmmədi gölü bir-biri ilə əlaqəlidir: "Yəni birinin səviyyəsi qalxanda, o birisini aşıb keçirdi. Bir neçə il öncə məsələ ictimailəşdirildi. Həmin dövrdə kənar evlərin zirzəmiləri nəmişlik, rütubət var idi. Orada olan evlərin divarlar nəm idi, ağcaqanadlar həddən artıq çox idi. Eyni zamanda həmin göldə sovet dövründə dəmiryolunun altından keçən kanal olub. Həmin kanalın ağzı bağlanmış və üzəri satılmışdı. Məsələ Nazirlər Kabineti səviyyəsində qaldırıldıqdan sonra kanalın ağzı açıldı və drenaj sularının səviyyəsi aşağı endirildi. Artıq sular idarə olunan hala gəldi. Buna baxmayaraq, ətraf gölməçələrdə su qalmaqdadır".

Payız-qış aylarında yağıntılar gölə axır və gölün daşmasına səbəb olur
© Sputnik / Irade JELIL
Payız-qış aylarında yağıntılar gölə axır və gölün daşmasına səbəb olur

Ə.Qaralov qeyd edib ki, yağıntılar artdıqca, gölün səviyyəsi qalxdıqca, qrunt sularının səviyyəsinin artması gözlənilir.

Həmsöhbətimiz əlavə edib ki, yeni layihə qrunt sularının səmərəli şəkildə idarə edilməsinə xidmət edəcək.

Yəni qısaca desək, daha Zabrat ərazisində subasmalar qeydə alınmayacaq, xüsusilə Zabrat gölü daşmayacaq.

Rahat nəfəs alın, Bakıya köçən insanlar!

108

İcra başçısının müavinini maşın vurdu

13
Sosial-iqtisadi inkişafın təhlili və proqnozlaşdırılması şöbəsinin müdiri Vahid İsaxan oğlu Həsənovu avtomobil vurub. 

BAKI, 9 avqust - Sputnik. Sabirabad Rayon İcra Hakimiyyəti başçısının müavinini avtomobil vurub. 

APA-nın məlumatına görə, Sabirabad Rayon İcra Hakimiyyəti başçısının müavini - Sosial-iqtisadi inkişafın təhlili və proqnozlaşdırılması şöbəsinin müdiri Vahid İsaxan oğlu Həsənovu avtomobil vurub. 

V.Həsənov başından xəsarət alaraq Şirvan Şəhər Xəstəxanasına yerləşdirilib. 

Faktla bağlı araşdırma aparılır.

13

Pandemiyanın ən çox ziyan vurduğu sahə - Burada çalışanların yoluxma riski daha böyükdür

722
(Yenilənib 22:32 09.08.2020)
Bütün dünyanı bürüyən bu pandemiya təəssüf olsun ki, ölkəmizdən də yan keçməyib və daxili turizm böhran ilə üzləşib.

İradə Cəlilova, Sputnik Azərbaycan

BAKI, 9 avqust — Sputnik. Koronavirus pandemiyası bütün sahələrə təsir etdiyi kimi turizm sahəsindən də yan keçməyib. Bölgələrə gediş-gəlişin məhdud çərçivədə olması, bəzi bölgələrdə istirahət mərkəzlərinin, restoranların, otellərin fəaliyyətinin dayandırılması turizm sahəsini demək olar ki, dondurub.

Turizm eksperti Ramin Zamanovun fikrincə, pandemiya dövründə turizm sektoru arxa planda qalıb. Onun sözlərinə görə, bu sahədə çalışanların virusa yoluxma riski də böyükdür. Otellərdə, restoran və istirahət mərkəzlərində yoluxma ehtimalı daha böyükdür.

Ekspert deyir ki, rayonlara gediş-gəlişin məhdudiyyətlərlə olması, ölkədə koronavirusun yayılma səviyyəsini azaltma məqsədi daşıyır. Onun fikrincə, bəzi rayonlarda virusa yoluxma faktının az olması məhdudiyyətlərin nəticə verdiyini göstərir və daha uzun müddət davam etməsinə əsas yaradır.

"Rayonlarda olan otellərin əksəriyyəti demək olar ki, fəaliyyətini dayandırıb. İşlə bağlı regionlara üz tutanlar xüsusi icazə ilə həmin otellərdə qala bilər. Rayonlara istirahət məqsədi ilə gedib, oteldə qalmaq isə mümkün deyil" – o vurğulayıb.

Millət vəkili Malik Həsənov Sputnik Azərbaycan-a açıqlamasında bildirib ki, pandemiya təkcə bizi yox, bütün dünyanı iflic edib, 6 aya yaxındır bütün dünya ölkələrinin sərhədləri bağlıdır, sərhədlərin pandemiyadan əvvəlki vəziyyətə qayıtmaq ehtimalı hələ yoxdur: "Bəlkə də ən çox itki, ən böyük böhran ilə üzləşən turizm sektoru olub. Nəinki Azərbaycanda, bütün dünyada tarixdə belə hal olmayb".

Onun sözlərinə görə, pandemiya səbəbindən daxili turizm böhranla üzləşib.

Millət vəkili Azərbaycanda koronovirus pandemiyasının qarşısının alınması üçün görülən tədbirləri təqdirəlayiq hesab edir: "Koronavirusa qarşı mübarizədə imzalanan sərəncamlar, həyata keçirilən operativ və təxirəsalınmaz tədbirlər nəticəsində ölkəmiz koronavirus pandemiyasına qarşı səmərəli mübarizə aparır. Ölkə başçısı pandemiyaya qarşı mübarizədə hər zaman vətəndaşların sağlamlığını ön planda tutub. Bu səbəbdən də bir sıra önləyici tədbirlər görülüb. Vətəndaşların sağlamlığını düşünərək, ölkə ərazisində xüsusi karantin rejimi tətbiq edilib və ölkə daxilindəki epidemiya demək olar ki, idarə olunan vəziyyətə gəlib".

M. Həsənov qeyd edib ki, bunun bariz nümunəsi son günlər yoluxma sayının azalması və sağalanların üstünlük təşkil etməsidir. Bütün bunları nəzərə alaraq ölkə əhalisinin sağlamlığı turizm sektorunda olan problemlərlə müqayisədə daha önəmlidir.

722
Belorusda seçkinin gedişi zamanı

Belarus MSK ilkin nəticələri açıqlayıb

0
Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir.

BAKI, 10 avqust - Sputnik. Belarusun Mərkəzi Seçki Komissiyası bu gün ölkədə keçirilən prezident seçkilərinin ilkin nəticələrini açıqlayıb.

Bu barədə Sputnik Azərbaycan RİA Novosti-yə istinadən xəbər verir.

Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir. O, seçicilərin 82%-nin səslərini toplayıb. 

Qeyd edək ki, Lukaşenko altıncı dəfədir prezident seçkilərində namizəddir.  

0