Qax rayonunda III Bal bayramı keçirilib

Qax şəhəri ərəb ölkələrini heyran edən "brendi" üçün bayram düzənlədi - FOTO

3906
(Yenilənib 11:54 20.09.2019)
"Bu gün Azərbaycanın istənilən yerində Qax balı satılır deyəndə, heç kəsdə şübhə doğurmur, yəni Qax arıçılığına bu qədər inam var"

Şahpəri Abbasova, Sputnik Azərbaycan

BAKI, 20 sentyabr — Sputnik. Qax rayonunda III Bal bayramı keçirilib. Qax Rayon İcra Hakimiyyətinin təşkilatçılığı, Mədəniyyət və Kənd Təsərrüfatı nazirliklərinin, Azərbaycan Arıçılar Assosiasiyasının dəstəyi ilə reallaşan bayramın keçirilməsində əsas məqsəd rayonun kənd təsərrüfatının ənənəvi sahələrindən olan arıçılığın təbliği, bu sahəyə marağı artırmaq, həmçinin Qaxın iqtisadi, mədəni və turizm potensialını daha geniş nümayiş etdirməkdir.

Azərbaycan Arıçılar Assosiasiyasının sədri Bədrəddin Həsrətovun Sputnik Azərbaycan-a verdiyi məlumata görə,  Azərbaycanda arıçılığın inkişafı son illərdə gözəçarpacaq dərəcədə artıb: "Nəzərə alsaq ki, 2016-cı ildə təxminən 270 min arı ailəsi vardısa, bu il artıq arı ailələrinin sayı 450 mini keçir. Keçən il 3 min tona yaxın bal istehsal etmişik. Məhsuldarlıq da aşağı səviyyədə idi. Bu il artıq bal istehsalı 6 minə yaxınlaşıb. Hər arı ailəsindən əldə olunan bal 8-10 kilodan 10-15 kiloya çatıb. Bu da arıçıların uğurudur".

Azərbaycanda arıçılığın inkişafı son illərdə gözəçarpacaq dərəcədə artıb
© Sputnik / Shahperi Abbasova
Azərbaycanda arıçılığın inkişafı son illərdə gözəçarpacaq dərəcədə artıb

İxracla bağlı müəyyən işlərin görüldüyünü söyləyən Assosiasiya sədri bir çox ölkələrə bal ixrac olunduğunu vurğuladı: "Yaponiyaya 1800 kiloqram, Ərəb Əmirliklərinə 3 ton, Dubaya isə 4 ton bal ixrac olunub. İordaniya ilə danışıqlar gedir. Hər arı ailəsinə verilən subsidiya kiçik rəqəm olsa da, ümumilikdə Azərbaycan arıçılar ailəsinə 4 milyon manat pul daxil olub ki, bu da bizə böyük bir köməkdir. “Kənddən şəhərə” layihəsi çərçivəsində arıçıların balı satılır. Hər il keçirilən sərgi-satış yarmarkaları 400-ə yaxın arıçını Bakı şəhərinə gətirir və alıcı ilə üz-üzə qoyur. Birbaşa istehsalçı ilə istehlakçı qarşılaşır, satış həyata keçir. Bu da bizə dəstəkdir".

  • Qax rayonunda III Bal bayramı keçirilib
    Qax rayonunda III Bal bayramı keçirilib
    © Sputnik / Shahperi Abbasova
  • Qax rayonunda III Bal bayramı keçirilib
    Qax rayonunda III Bal bayramı keçirilib
    © Sputnik / Shahperi Abbasova
  • Qax rayonunda III Bal bayramı keçirilib
    Qax rayonunda III Bal bayramı keçirilib
    © Sputnik / Shahperi Abbasova
  • Qax rayonunda III Bal bayramı keçirilib
    Qax rayonunda III Bal bayramı keçirilib
    © Sputnik / Shahperi Abbasova
  • Qax rayonunda III Bal bayramı keçirilib
    Qax rayonunda III Bal bayramı keçirilib
    © Sputnik / Shahperi Abbasova
  • Qax rayonunda III Bal bayramı keçirilib
    Qax rayonunda III Bal bayramı keçirilib
    © Sputnik / Shahperi Abbasova
  • Bu bayram ilk dəfə 2012-ci ildə Qaxda keçirilib
    Bu bayram ilk dəfə 2012-ci ildə Qaxda keçirilib
    © Sputnik / Shahperi Abbasova
  • Bu gün Azərbaycanın istənilən yerində Qax balı satılır
    Bu gün Azərbaycanın istənilən yerində Qax balı satılır
    © Sputnik / Shahperi Abbasova
  • Qax rayonunda III Bal bayramı keçirilib
    Qax rayonunda III Bal bayramı keçirilib
    © Sputnik / Shahperi Abbasova
  • Qax rayonunda III Bal bayramı keçirilib
    Qax rayonunda III Bal bayramı keçirilib
    © Sputnik / Shahperi Abbasova
  • Qax rayonunda III Bal bayramı keçirilib
    Qax rayonunda III Bal bayramı keçirilib
    © Sputnik / Shahperi Abbasova
  • Qax rayonunda III Bal bayramı keçirilib
    Qax rayonunda III Bal bayramı keçirilib
    © Sputnik / Shahperi Abbasova
1 / 12
© Sputnik / Shahperi Abbasova
Qax rayonunda III Bal bayramı keçirilib

Qeyd edək ki, bu bayram ilk dəfə 2012-ci ildə Qaxda keçirilib. Bu bayramın Qaxda keçirilməsinin səbəbini B.Həsrətov belə izah etdi: "Mən hər dəfə Bakı şəhərində tribunalarda çıxış edərkən Qaxı Azərbaycanın arıçılar mərkəzi adlandırırdım. Həqiqətən də Azərbaycanda Qax arıçılıq üçün bir məktəbdir. Burada çox savadlı, dəyərli arıçılar var. Bitki örtüyü çox zəngindir, 5 iqlim tipi var və Qax ərazisi arıçılıq üçün idealdır. Balakən, Zaqatala, Şəki arıxanaları bu mövsümdə əsasən Qax ərazisində yerləşir. Hətta Mingəçevir və Bərdədən də gəlirlər. Bu gün Azərbaycanın istənilən yerində Qax balı satılır deyəndə, heç kəsdə şübhə doğurmur, yəni Qax arıçılığına bu qədər inam var. Qax balı brend olduğundan, bu bayramın da burada keçirilməsi heç də təsadüfi deyil".

Ümumilikdə Azərbaycan arıçılar ailəsinə 4 milyon manat pul daxil olub
© Sputnik / Shahperi Abbasova
Ümumilikdə Azərbaycan arıçılar ailəsinə 4 milyon manat pul daxil olub

Bayramda nazirlik və dövlət qurumlarının rəsmiləri, Milli Məclisin deputatları, qonşu rayonlardan dəvət olunmuş qonaqlar, bölgənin arıçılıq birliklərinin nümayəndələri, bal istehsalçıları və rayon sakinləri iştirak ediblər.

Rəsmi açılış mərasimindən sonra bal və arıçılıq məhsulları, arıçılıqda istifadə edilən avadanlıq sərgiləri ilə tanışlıq olub, balın süzülməsi prosesi əyani şəkildə nümayiş etdirilib. Baldan hazırlanmış geniş çeşiddə mətbəx nümunələri, şirniyyat və xörəklər təqdim olunaraq, sənətkarların əl işləri sərgilənib. Bal bayramı respublikanın tanınmış incəsənət ustalarının təqdim etdiyi geniş konsert proqramı ilə başa çatıb.

3906
Teqlər:
arıçılıq məhsulları, arıçılıq, Qax, bayram, bal
Əlaqədar
Balımızı yaponlar yeyirlər, bəlasını biz çəkirik - işləyənlər qəhətə çıxıb
Nazirlikdən sərt qərar: daha əsl bal üçün dağa-daşa dırmanmağa gərək yoxdur
Bal yarmarkasında yenilik - barkod nömrələri olacaq
Adamdan çox arını sayırlar: gecikən itirdi
Türkiyə türkü Qəbələnin "tərəkəmə" arıları ilə yerlilərə pul qazanmaq öyrədir
İtaliya futbolunun əfsanələri: Paolo Maldini, Andrea Pirlo və Canluici Buffon

Baş məşqçi getdi, yaşasın yenisi! “Yuve” Sarriyə əvəz tapdı

2
(Yenilənib 22:33 08.08.2020)
Bundan öncə bildirilirdi ki, “Yuve” Maurusio Poçettino (eks-“Tottenhem”), Simone İndzagi (“Lasio”) və Pep Qvardiolanın (“Mançester Siti”) namizədliyini gözdən keçirir

BAKI, 8 avqust — Sputnik. Mövsümün nəticələrinə görə bu gün işdən çıxarılan baş məşqçi Maurisio Sarriyə “Yuventus” əvəz tapıb.

Sputnik Azərbaycan-ın məlumatına görə, jurnalistlər Fabrisio Romano, Canluka Di Marsio və digər insayderlər bildiriblər ki, italyan klubuna onun keçmiş yarımmüdafiəçisi Andrea Pirlo rəhbərlik edəcək.

Pirlo iyulun sonunda Turin klubunun 23 yaşlılardan ibarət komandasına baş məşqçi təyin olunmuşdu.

Məşqçi karyerasında bir ilk yaşayacaq Andre Pirlonu “Yuventus”un prezidenti Andrea Anyelli özü seçib.

Klub sosial şəbəkə hesabından rəsmi olaraq Pirlonun baş məşqçi təyin olunduğunu bildirib.

Bundan öncə bildirilirdi ki, “Yuve” Maurusio Poçettino (eks-“Tottenhem”), Simone İndzagi (“Lasio”) və Pep Qvardiolanın (“Mançester Siti”) namizədliyini gözdən keçirir.

Andrea Pirlo İtaliya millisinin tərkibində 2006-cı ildə dünya çempionu olub. “İnter”, “Milan” və “Yuventus” klublarındakı oyunlarıyla məşhurlaşıb. Futbolçu karyerasını 2017-ci ilin noyabrında “Nyu-York Siti”də başa vurub.

Bildirək ki, dünən Çempionlar Liqasının 1/8 finalında “Yuventus” “Lion”a iki oyunun nəticələrinə görə (0:1, 2:1) uduzaraq yarışı tərk edib. Bu mövsüm İtaliya çempionu olmasına rəğmən klubun baş məşqçisi Maurisio Sarri bu gün vəzifəsindən azad edilib. O, “Yuve”yə 2019-cu ildə Massimilano Alleqrinin əvəzinə gəlmişdi.

2
Əlaqədar
Əfsanə futboldan getdi
Hamısı italyan olacaq - Millimizin məşqçisi qərarını verdi
“Real”ın keşmiş ulduzu Azərbaycana gəlməkdən imtina edib
Daha bir futbol fırıldağı? FİFA prezidentinə qarşı cinayət işi başlanıb
Bir də futboldan görək: Millimizin baş məşqçisindən daha bir jest
Film çəkilişi, arxiv şəkli

"Onlara pul lazım deyil, bacarıqlı rejissor filmi üçün maliyyə tapacaq"

11
(Yenilənib 21:45 08.08.2020)
Əgər dövlətin maliyyəsinin bundan sonra da xərclənməsində ədalət, şəffaflıq olmayacaqsa, kinoya böyük pullar ayırmağın mənası yoxdur.

Şahpəri Abbasova, Sputnik Azərbaycan

BAKI, 8 avqust — Sputnik. "Ay camaat, bu kino ki, var, çox qəliz məsələdir. Həm qəlizdir, həm də ki, vacib". Personajlarının hər kəlməsi xalq dilində zərb-məsələ çevrilmiş "Bəyin oğurlanması" filmindən kolxoz sədri Hidayət müəllimin fikridir. Kino, doğrudan da qəliz və vacib məsələdir. Ölkənin dünya arenasında tanınmasında kino əvəzsiz vasitədir.

Venesiya beynəlxalq film festivalının keçirildiyi məkanın yanında qızıl şir heykəli, arxiv şəkli
© Sputnik / Екатерина Чеснокова

Tənqidçi və kinoşünas Sevda Sultanova Sputnik Azərbaycan-la söhbətində son illər Azərbaycan kinosunda yaranan boşluqlardan danışıb.

- Ötən əsrin 60-70-ci illəri və qismən də 80-ci illər Azərbaycan kinosunun intibah dövrü olub. Lakin sonralar, məlum səbəblərdən, digər sahələr kimi, kino sahəsi də tənəzzülə uğradı. Sonralar digər sahələr inkişaf etsə də kino sahəsi yerində sayır, sizcə, bunun səbəbləri nədir?

- Azərbaycan kinosunda bir neçə dəfə qırılma nöqtəsi baş verib. Birinci qırılma nöqtəsi 1930-cu illərin repressiyaları ilə bağlıdır. Yəni senzura gücləndi, kino sektoruna nəzarət gücləndi, həbslər başladı, qeyri-millətdən olan kadrlara üstünlük verildi. Ümumiyyətlə, kino sənəti ölkəmizə gəldiyi ilk illərdə ən yaxşı filmləri azərbaycanlılar çəkiblər, nəinki ruslar və ya ermənilər. Digər millətlərin çəkdikləri filmlərdə xeyli təhrif vardı ki, bu barədə Cəfər Cabbarlı "Hara gedir Azərkino" məqaləsində yazıb. Yerli rejissorlarımız isə mühiti, coğrafiyanı, mentallığı, yerli mədəniyyəti, əhvalatları bilirdilər, üstəlik, istedadlı çəkirdilər.

Qeyd etdiyiniz 60-70-ci illərdə də intibahı milli rejissorlarımız yaratdılar. Mənə görə, Azərbaycan kinosu ikinci intibah dövrünü məhz sovetlərin dağılması ərəfəsində yaşadı. Bu, 1980-ci illərin sonundan 1990-cı illərin ortalarınadək davam etdi. "Azərbaycan postsovet dövrü kinosunun müxtəsər tarixi" adlı araşdırmamda bu haqda ətraflı yazmışam. Sonrakı illərdə kinoya ayrılan büdcənin monopoliyaya alınması, keyfiyyətsiz idarəetmə sistemi bu sahədə növbəti qırılma nöqtəsinə səbəb oldu. Daha bir məqamı deyim: əslində bunun özü böyük araşdırma mövzusudur. Yaradıcılığının ilk illərində yüksək peşəkarlıq göstərən rejissorların sonrakı işlərində zəif nəticələr göstərməsi maraqlıdır. Misalçün, Hüseyn Seyidzadənin "Yenilməz batalyon" filmində əldə etdiyi nəticə digər filmlərində nəzərə çarpmadı. Səbəbləri çox ola bilər. Məsələn, Seyidzadə çox sıxışdırılırdı, bu da onun yaradıcı potensialına təsir etməyə bilməzdi. Dediyim kimi, araşdırılmalı mövzudur.

- Ümumiyyətlə, necə düşünürsünüz, kinomuzun bu duruma düşməsinin günahkarı kimlərdir?

- Bayaq dediyim kimi, başlıca problem doğru olmayan idarəçilik sistemindədir. Amma italyan neorealizmi çətin şərtlərdə yaranmışdı. Görünür, burada yaradıcı adamların entuziazmı da böyük rol oynayır.

- Azərbaycan Dövlət Mədəniyyət və İncəsənət Universitetində tədris olunan dərslərin əksəriyyəti qeyri-ixtisas fənləridir. Universitetə böyük şövqlə qəbul olunan tələbənin qol-qanadı həmin illərdə sınır. Sizcə, milli kinomuzun bu duruma düşməsinin səbəbi həm də bu ola bilərmi?

- İncəsənət Universitetində tədrisin hansı prinsiplərə əsaslanması, keyfiyyəti haqda ətraflı məlumatım yoxdur. Amma orada təhsil alan tələbələrdən, məzunlardan eşitdiklərimə görə, dərslər keyfiyyətli, məhsuldar keçirilmir, müəllimlərin bir qisminin sahələri üzrə yetərli bilgiləri yoxdur, peşəkarlığı qənaətbəxş deyil. Aydın Dadaşov bir dəfə məni kinoşünaslıq kafedrasına dəvət etmişdi. İstəyirdi ki, mən və Aygün Aslanlı müəllim kimi burada fəaliyyət göstərək. Yeri gəlmişkən, mən İncəsənət Universitetini bitirmədiyimdən, orada dərs deməyim üçün ya kino ilə bağlı kitabım olmalıydı, ya da heç olmasa, Universitetdə qiyabi təhsil almalıydım. Aydın müəllim dedi ki, sənin üçün şərait yaradacağıq. Nə kitab yazmağa, nə ikinci təhsilə həvəsim olmadığımdan alınmadı. Həm də kitab üçün təklif olunan mövzu ürəyimcə deyildi. Həmin kafedrada bir neçə müəllimlə söhbət edəndə onların kino bilgilərinə dırnaqarası heyran oldum.

Bu il milli kino ilə bağlı iki mühüm araşdırma etmişəm, "Ekranlaşdırılmış ədəbi əsərlər" kitabım çıxıb. Xeyli resenziyam var, yaxınlarda "Azlogos"da dünya kinosunda homoseksual mövzunu araşdıran yazım yayımlandı, üstəlik, mükafat alan yeni Qərb filmləri ilə bağlı təhlillərim var. Mənim üçün maraqlıdır ki, İncəsənətdə dərs deyən kinoşünasların və ya kino tənqidçilərinin hansı məhsulu var? Bu, mənim üçün, doğrudan, maraqlıdır. Və onların yetişdirdiyi yeni nəsil kino tənqidçiləri haradadır?

Bu yaxınlarda gənc kinotənqidçilər axtarırdım, əməkdaşlıq üçün. Araşdırdım, tapa bilmədim. Məlum oldu ki, teatrşünaslıqda, teatr tənqidində yeni, maraqlı imzalar var, amma kinoda yoxdur. Mən, Aygün Aslanlı kino tənqidi ilə məşğul olmaq istəyən gənclərlə biliklərimizi təmənnasız paylaşmağa, fikir mübadiləsi etməyə hazırıq. İstəyənlər sizinlə əlaqə saxlayıb, əlaqə nömrələrimi sizdən götürə bilərlər. "Debüt" studiyası və "Artlogos" saytı ilə birgə kino verilişi planlaşdırırıq. Aygünlə mən müəllifik. İlk mövzumuz "Resenziya necə yazılmalıdır?" olacaq. Qısa zaman içərisində gərəkli bilgiləri verməyə çalışacağıq.

- "Azərbaycan kinosunu düşünməyən məmurlar və tək qalmış gənc rejissorlar" adlı yazınızda xaricdə uğur qazanan gənc rejissorlarımızı qeyd etmisiniz. O rejissorlar ki, əcnəbi rejissorlarla rəqabətə girə biləcək qədər güclüdürlər.

- Azərbaycanda istedadlı rejssorlar həmişə olub. Xüsusən, indi gənc nəsil kinematoqrafçılar gəlirlər ki, onlar tədricən "Yeni dalğa"ya zəmin yaradırlar. Kino sahəsində idarəçiliyin qüsurluluğu, uyğun iqtisadi şərtlərin olmaması, "Azərbaycan kinosunun 2008-2018-ci illər üzrə inkişafına dair Dövlət Proqramı"nın yerinə yetirilməməsi prosesi xeyli ləngitdi. Teymur Hacıyevin Kann festivalında, Hilal Baydarovun Venesiya festivalının əsas müsabiqəsinə düşməsi onların təkbaşına, müstəqil fəaliyyətlərinin nəticəsidir. Yəni, burada dövlətin rolu olmayıb.

Həmişə bu fikirdə olmuşam ki, tammetrajlı bədii filmlərə dövlət maliyyəsi ayrılmasın. Uşaq, cizgi, müəyyən mövzularda – məsələn, Qarabağ kimi mühüm mövzularda çəkilən filmlər istisna olmaqla.

İstedadlı, bacarıqlı rejissor filmi üçün maliyyə tapacaq, həm də yaşadığımız texnogen dünyada imkanların bolluğu buna şərait yaradır. Demək istədiyim odur ki, əgər dövlətin maliyyəsinin bundan sonra da xərclənməsində ədalət, şəffaflıq olmayacaqsa, kinoya böyük pullar ayırmağın mənası yoxdur.

- Son illər ölkəmizdə film sahəsində, xüsusən də komediya filmləri monopoliyadadır. Çəkilən əksər komediya filmlərində eyni simaları görürük. Sizcə, bu, komediyanı çəkən rejissorun özünü sığortalaması ola bilərmi? Çünki həmin filmlərə sponsorluq edən təşkilatlar populyar simaya daha çox etibar edir.

- Mən gözləyirdim ki, komediya janrından tədricən dram, triller, melodram və digər janrlara keçiləcək. Yəni qanunauyğunluq bunu tələb edir. Amma hələ ki, komediya janrı dominantdır. Ən pisi isə odur ki, komediya janrının özündə belə çox az istisnanı nəzərə almasaq, keyfiyyət dəyişikliyi baş vermir. Çünki yeganə məqsəd pul qazanmaqdır. Onların pul qazanmaq istəyinə normal baxıram. Ancaq pul qazanmaq üçün yaxşı məhsul təklif etmək lazımdır axı. Ona görə eyni adamlar komediya çəkir ki, azad iqtisadi bazar yoxdur, normal reklam bazarı yoxdur, ifadə sərhədləri məhduddur və dediyim səbəblərdən ciddi rəqabət yoxdur. 1990-cı illərin əvvəllərindən iş adamları kinoya investisiya qoyurdular. Dövlətdən asılı olmayan, alternativ maliyyə ilə çəkilən müstəqil kino yavaş-yavaş inkişaf edirdi. Onların arasında festival üçün nəzərdə tutulan, ciddi filmlər üstünlük təşkil edirdi. Sonralar bu ənənə müxtəlif səbəblərdən yox oldu.

11
Əlaqədar
Həyatını riskə ataraq: Rejissor azərbaycanlı həkimlərin fədakarlığını seriala çəkəcək
Kinorejissor: “Filmimizin beynəlxalq festivalda iştirakı böyük qələbədir”
Azərbaycanlı cütlüyün ağlına qeyri-adi ideya gəlib
Azərbaycanlı dramaturqun pyesi Rusiya festivalının şort-listinə daxil edilib
“Çocuklar duymasın”ın Haluku: “Azərbaycan üçün könüllü əsgərliyə gedərdim
Əfqan polisi, arxiv şəkli

"Dedilər ki, onların 100 min ədəd silahı itib. İtməyib, pulla almışıq"

0
(Yenilənib 21:55 08.08.2020)
"Bizim siyasi ofisimizin həm Rusiya, həm də regionun digər ölkələri ilə əlaqələri var. Söhbət hərbi əlaqələrdən getmir"

BAKI, 8 avqust — Sputnik. Talibanın Rusiya və regionun digər ölkələri ilə yalnız siyasi əlaqələri var, hərbi əlaqələri yoxdur. Hərəkat silahı isə Əfqanıstan ordusundan da alır. Sputnik Azərbaycan "RİA Novosti"yə istinadən xəbər verir ki, bunu hərəkatın siyasi ofisinin rəsmi nümayəndəsi Süheyl Şahin bildirib.

"Bizim siyasi ofisimizin (Dohada – red.) həm Rusiya, həm də regionun digər ölkələri ilə əlaqələri var. Söhbət hərbi əlaqələrdən getmir", - deyə Şahin qeyd edib.

Taliblərin rəsmi nümayəndəsi Əfqanıstan münaqişəsinin nizamlanmasında Rusiyanın rolunu yüksək dəyərləndirib: "Hesab edirəm ki, Rusiyanın bu məsələdə rolu olduqca önəmlidir".

"Silahlara gəldikdə, bizim silahlarımız var, bizim Əfqanıstanda silah ehtiyatlarımız var və biz Kabil Administrasiyasından – ordudan silah alırıq. Belə məlumat yayıldı ki, onların 100 min ədəd silahı itib və ya oğurlanıb. Bax o silahları biz onlardan almışdıq. Nəyisə biz ələ keçirmişik (döyüşlər zamanı - red.). Bizim xeyli sayda silah-sursatımız var. Onların hamısı Kabil Administrasiyasından alınıb", - deyə o izah edib.

0
Əlaqədar
Əfqanıstanda güclü partlayış: ölənlər və yaralılar var
“İŞİD-in qəssabı”nı məhv elədilər
Əfqan qız valideynlərini qətlə yetirmiş "Taliban" yaraqlılarını güllələyib
Açıq-aşkar feyk: ABŞ kəşfiyyatı Rusiyanın taliblərlə “sözləşmə” xəbərini etibarsız saydı
Əfqanıstanda 700-dən çox "Taliban" üzvü azad edilib