Rusiyalı diplomat Oksana Orlova

Rusiyalı diplomat: "Bakı üçün dəlicəsinə darıxıram"

3818
(Yenilənib 21:13 18.09.2019)
Rusiyalı diplomat Oksana Orlova Bakıda Azərbaycan və azərbaycanlılara həsr etdiyi əsərlərini nümayişə çıxarıb: "Sərgidə təqdim olunan bütün əsərlərim məndən yadigar olaraq Bakıda qalacaq"

BAKI, 18 sentyabr — Sputnik. Rusiyalı diplomat Oksana Orlova Bakıda Azərbaycan və azərbaycanlılara həsr etdiyi rəsmlərini təqdim edib. Sputnik Azərbaycan bildirir ki, Milli İncəsənət Muzeyində rəssamın ekspozisiyasının açılışı olub. Tamaşaçılara qrafika janrında akvarel və yağlı boya ilə çəkilmiş 44 əsər təqdim edilib. Bu əsərlərin əksəriyyətində Azərbaycanın görməli yerləri təsvir olunub.

Oksana Orlova Moskva Dövlət Beynəlxalq Münasibətlər İnstitutunun beynəlxalq münasibətlər fakültəsinin məzunudur. Ailə üzvlərinin hamısı diplomat olduğundan, Orlova da doğmalarının izi ilə getmək qərarına gəlib. 2012-ci ildən 2017-ci ilə qədər Rusiyanın Azərbaycandakı səfirliyində işləyib. Burada mədəniyyət və humanitar məsələlərlə məşğul olub. Hal-hazırda Moskvada Rusiya Xarici İşlər Nazirliyində işləyir. O, incəsənətlə Bakıya gələndən sonra məşğul olmağa başlayıb. Bakıda yaşadığı illərdə Azərbaycana həsr olunmuş 100-dən çox rəsm əsəri çəkib.

В Национальном музее искусств прошла выставка российского дипломата Оксаны Орловой
© Sputnik / Kemale Aliyeva
Rusiyalı diplomat Oksana Orlova Bakıda Azərbaycan və azərbaycanlılara həsr etdiyi rəsmlərini təqdim edib.

Bakıya gəlmişkən öz şəxsi sərgisini təşkil etməyə və rəsmlərini azərbaycanlılara təqdim etməyə qərar verib. Sərgidə nümayiş olunan əsərləri rəssam dörd il ərzində yaradıb.

"Bakıda yaşamaq çox xoşuma gəlirdi. Bakı həyatına o qədər öyrəşmişdik ki, mən və uşaqlarım indi bu şəhər üçün çox darıxırıq. İşimin çox olmasına baxmayaraq, burada rəsm çəkmək həmişə məni özünə cəlb edirdi və odur ki, çəkməyə başladım. Əvvəlcə bu, mənə çox çətin idi, çünki həmin vaxta qədər heç yerdə rəssamlıq üzrə təhsil almamışdım. Mənə bu işdə azərbaycanlı rəssam Rüfət Əsgərov çox kömək elədi. O, mənə hər şeyi öyrətdi", - deyə Orlova bildirib.

Hazırda rəssam Moskvada yaşayır və Azərbaycan üçün hədsiz darıxır. Dediyinə görə, tez-tez xəyalən buraya qayıdır. Çünki o, məhz burada qəlbən istiliyi və sakitliyi hiss edir. Bakının hər şeyi onun xoşuna gəlir: təbiəti də, arxitekturası da, insanları da.

  • Rusiyalı diplomat Oksana Orlova Bakıda Azərbaycan və azərbaycanlılara həsr etdiyi rəsmlərini təqdim edib.
    Rusiyalı diplomat Oksana Orlova Bakıda Azərbaycan və azərbaycanlılara həsr etdiyi rəsmlərini təqdim edib.
    © Sputnik / Kemale Aliyeva
  • Rusiyalı diplomat Oksana Orlova Bakıda Azərbaycan və azərbaycanlılara həsr etdiyi rəsmlərini təqdim edib.
    Rusiyalı diplomat Oksana Orlova Bakıda Azərbaycan və azərbaycanlılara həsr etdiyi rəsmlərini təqdim edib.
    © Sputnik / Kemale Aliyeva
  • Rusiyalı diplomat Oksana Orlova Bakıda Azərbaycan və azərbaycanlılara həsr etdiyi rəsmlərini təqdim edib.
    Rusiyalı diplomat Oksana Orlova Bakıda Azərbaycan və azərbaycanlılara həsr etdiyi rəsmlərini təqdim edib.
    © Sputnik / Kemale Aliyeva
  • Rusiyalı diplomat Oksana Orlova Bakıda Azərbaycan və azərbaycanlılara həsr etdiyi rəsmlərini təqdim edib.
    Rusiyalı diplomat Oksana Orlova Bakıda Azərbaycan və azərbaycanlılara həsr etdiyi rəsmlərini təqdim edib.
    © Sputnik / Kemale Aliyeva
1 / 4
© Sputnik / Kemale Aliyeva
Rusiyalı diplomat Oksana Orlova Bakıda Azərbaycan və azərbaycanlılara həsr etdiyi rəsmlərini təqdim edib.

"Mən Azərbaycan tarixini yaxşı bilirəm. Ona görə də Bakıya gələn kimi onu öyrənməyə başladım. Mən özüm üçün çox şeyi kəşf elədim. Beş il burada yaşadığım müddətdə Azərbaycan mənim bir parçam oldu, buna görə də buradan ayrılsam da, özümdən bir hissəni - rəsmlərimi burada qoyuram. Sərgidə təqdim olunan bütün əsərlərim məndən yadigar olaraq Bakıda qalacaq", - deyə Orlova bildirib.

Sərgidə Rusiyanın Azərbaycandakı səfiri Mixail Boçarnikov, eləcə də bir çox mədəniyyət və incəsənət xadimləri iştirak edib. Qonaqların hər biri Orlovanın rəsmlərini yüksək qiymətləndirib. Bu əsərlərdə İçərişəhərin müxtəlif guşələri, Qız qalası, Dənizkənarı bulvar, milli geyimli azərbaycanlı qadın və kişilər təsvir olunub. Rəssam meyvələrdən yalnız Bakıda yaşayarkən dəlicəsinə sevdiyi narı təsvir edib.

Oksana Orlova diplomatik fəaliyyətinə baxmayaraq, öz sevimli məşğuliyyətini - rəsm çəkməyi Moskvada da davam etdirmək niyyətindədir. Rəssam Azərbaycana daha çox rəsm həsr etmək, sonra isə onları Bakı və Moskvada nümayişə çıxarmaq niyyətindədir.

3818
Teqlər:
sərgi, Rusiya, Bakı, diplomat, rəsm, rəssam
Əlaqədar
Tək əllə düzənlər, şüşə parçalarla xarüqələr yaradan sənətkarların izində
Şəhid çəkməsini nənniyə qoyub ağlayan ananın izi ilə - "Qürubda Nəsimini yaratdım"
Azərbaycanda bu işi yalnız o bacarır - müəllimdən "Ginnesin Rekordlar Kitabı" üçün iddia
Yumurtanı sındırıb iki yüz manatlıq əsər yaratdı - şəmkirli rəssamdan yeni trend
Darısqal eyvandan dünyaya yayılan sənət: O əsərləri heç kim düzəldə bilmir - FOTOLAR

Manas Ata Dədə Qorqudun ruhu sizə kömək olsun - Qırğız ziyalılar İlham Əliyevə dua etdi

15
(Yenilənib 01:31 27.10.2020)
Qırğız ziyalılardan İlham Əliyevə dəstək: "Azərbaycan bizə türk xalqlarının totem quşunu - havaya qalxarkən qanadından yaralanan azadlıqsevər qızıl qartalı xatırladır".

BAKI, 27 oktyabr — Sputnik. "Biz, Aytmatov Əskər Çingizoviç, Osmanaliyev Kayrat Mederbekoviç, əsas vəzifəsi qırğız və türk yazıçısı Çingiz Aytmatovun yaradıcılıq və mənəvi irsinin qorunub saxlanılması və təbliği, onun humanist ideallarının təşviqi olan “Ç.Aytmatov adına Beynəlxalq İssık-Kul Forumu” İctimai Birliyinin üzvləriyik".

Sputnik Azərbaycan-ın məlumatına görə, "Çingiz Aytmatov adına Beynəlxalq İssık-Kul Forumu" İctimai Birliyinin üzvlərinin Azərbaycan Prezidenti İlham Əliyevə ünvanladığı məktub bu sətirlə başlayır.

Məktubda daha sonra deyilir:

"Biz qürur duyuruq ki, Çingiz Aytmatovun kitabları qardaş Azərbaycanda çox oxunur və sevilir, Azərbaycan xalqı onu öz yazıçısı kimi qəbul edir.

Biz ölkənizin inkişaf edən bir dövlət qurmaq istiqamətində qazandığı uğurlara, dünya miqyasında malik olduğu nüfuza sevinirik.

Bununla yanaşı, hər zaman azərbaycanlı qardaşlarımızın uzun müddətdir sağalmayan yarası - işğal olunmuş Dağlıq Qarabağ problemi ilə bağlı ağrı-acısını bölüşmüşük.

Azərbaycan bizə türk xalqlarının totem quşunu - havaya qalxarkən qanadından yaralanan azadlıqsevər qızıl qartalı xatırladır. Qızıl qartal havada qürurla yeni üfüqlərə doğru uçur, lakin yaralı qanad ona daha yüksəklərə qalxmağa və uçmağa imkan vermir.

İndi Qarabağda müharibə gedir və bütün dünya hərbi əməliyyatların gedişini narahatlıqla izləyir.

Azərbaycan Ordusu yüksək döyüş ruhu, döyüş qabiliyyəti və qalib gəlmək əzmi nümayiş etdirir.

Böyük Lev Tolstoyun və Çingiz Aytmatovun ardınca müharibənin insan zəkasına və mahiyyətinə zidd fenomen olduğuna əminik. Ancaq bəzən xalq belə bir addım atmağa məcbur olur. Vətəninə, torpağına məhəbbət - bu müqəddəs hiss hər bir xalqa instinktiv səviyyədə xasdır.

Azərbaycanlılar üçün Qarabağ onları birləşdirən milli meqafikrə, müstəqil dövlət olaraq yetkinlik və məsuliyyət imtahanına, ölkəsinin suverenliyini və ərazi bütövlüyünü qorumaq əzminə çevrildi.

Uca Allahdan döyüş əməliyyatlarının ən qısa müddətdə bitməsini, danışıqlar prosesinin bərpa edilməsini və Qarabağın Azərbaycanın ayrılmaz hissəsi olduğu dərk edilərək problemin sülh yolu ilə həll olunmasını diləyirik.

Hər hansı müharibə, xüsusilə mülki əhaliyə qarşı bəşəriyyətin əsrlər boyu yaşadığı acı təcrübə əsasında aparılan müharibə qaydalara məhəl qoyulmadığı zaman qəddarlıq və insanlıqdan kənar nəticələrə gətirib çıxarır.

Müharibə cinayətlərinin bilərəkdən və soyuqqanlılıqla törədilməsi, Ermənistan ordusunun cəbhə xəttindən çox uzaqda yerləşən sülhsevər Azərbaycan şəhərlərini qəsdən bombalaması faciəvidir və dərindən pislənilməlidir. Uşaqlar da daxil olmaqla mülki şəxslərin qurban olması çox təəssüf doğurur.

Cənab Prezident, Sizə və bu hücumlar nəticəsində həlak olanların yaxınlarına dərin hüznlə başsağlığı veririk. Yerləri cənnət olsun. Bütün yaralıların tezliklə sağalmalarını arzu edirik.

Əminik ki, bu cür çirkin hərəkətlər Azərbaycan Ordusunun döyüş ruhunu qıra bilməyəcək, Azərbaycan xalqını qorxutmayacaq, müharibənin gedişini öz xeyrinə dəyişə bilməyəcək, əgər bu qeyri-insani hərəkətlərin məqsədi belə idisə.

Cənab Prezident, Siz dahi atanız və bütün Azərbaycan xalqının atası - Heydər Əliyevin işlərinin layiqli davamçısısınız.

İndi Azərbaycan xalqının qarşınıza qoyduğu tarixi vəzifənin - ölkənin ərazi bütövlüyünün bərpası üçün həlledici andır. Əminik ki, müdrik və uzaqgörən lider olaraq, bu missiyanı qardaş Azərbaycan xalqı naminə, bölgədə və dünyada sülhün və sabitliyin qorunması naminə, beynəlxalq hüquq və sivil vasitələr çərçivəsində danışıqlar yolu ilə layiqincə yerinə yetirməkdə uğur qazanacaqsınız. Ulu əcdadlarımız Manas Ata və Dədə Qorqudun ruhu bu nəcib işdə sizə kömək olsun".

15
Türkiyənin Hatay vilayətində İsgenderun rayon mərkəzində terror aktı

Türkiyədə terror aktı törədilib - partlayış anının dəhşət saçan görüntüləri

61
(Yenilənib 23:45 26.10.2020)
Türkiyənin Hatay vilayətinin İsgəndərun rayonunun mərkəzində yerləşən Fənər prospektində güclü partlayış baş verib.

BAKI, 26 oktyabr — Sputnik. Türkiyənin Hatay vilayətinin İsgəndərun rayonunun mərkəzində yerləşən Fənər prospektində güclü partlayış baş verib.

Sputnik Türkiyə xəbər verir ki, bu barədə Hatay valisi Rahmi Doğan məlumat yayıb.

Vali deyib ki, İsgəndərunun mərkəzində Fənər küçəsində yerli vaxtla 20.30-da iki terrorçudan biri öz üzərinə bağladığı partlayıcı ilə birgə partlayış törədib və o, zərərsizləşdirilib. Digər terrorçunun isə axtarışı davam edir.

Hadisə yerinə çox sayda təhlükəsizlik, səhiyyə, fövqəladə hallar və hüquq-mühafizə işçiləri cəlb edilib.

Vali partlayışda ölənlərin olmadığını deyib. Hadisə zamanı biri polis olmaqla 3 nəfərin yaralandığı bildirilir.

61