Özbəkistanın opera müğənnisi, Reqistan ansamblının rəhbəri Xursand Şerov

Müslüm Maqomayevə həsr olunmuş aksiya təxirə salındı: Səbəb...

564
(Yenilənib 18:16 18.09.2019)
Özbəkistanın opera müğənnisi, "Reqistan" ansamblının rəhbəri Xursand Şerov dünya şöhrətli müğənni, bəstəkar, SSRİ-nin və Azərbaycanın Xalq artisti Müslüm Maqomayevin xatirəsinə həsr etdiyi veloyürüşü avtoqəzaya düşməsi səbəbindən dayandırmalı olub.

BAKI, 18 sentyabr — Sputnik. Özbəkistanın opera müğənnisi, "Reqistan" ansamblının rəhbəri Xursand Şerov dünya şöhrətli müğənni, bəstəkar, SSRİ-nin və Azərbaycanın Xalq artisti Müslüm Maqomayevin xatirəsinə həsr etdiyi veloyürüşü dayandırmalı olub. Buna səbəb müğənninin qəzaya düşməsi olub.

Sputnik Azərbaycan-ın məlumatına görə, bu barədə Şerov özünün "Facebook" sosial şəbəkəsindəki səhifəsində məlumat verib.

Şerov onu dərhal travmatoloqa apardıqlarına və rentgen elətdirdiklərinə görə Bryansk şəhərindən olan dostlarına minnətdarlığını bildirib.

"Bakıya çatmaq üçün yola davam etmək istəyirdim, amma həkim razılaşmadı. Sən demə, qolumun sınığı ciddidir. Əgər həkimin sözünə qulaq asmasam, cərrahiyə əməliyyatı etməli olacaqlar. Ona görə də tam sağalana qədər səyahətimi təxirə salmalı oldum", - deyə Şerov bildirib.

O, hazırda müalicə aldığı Daşkənd şəhərinə qayıdıb. Müğənni Maqomayevin vəfat etdiyi 25 oktyabra qədər Bakıya çatmağı və azərbaycanlılarla birlikdə onun xatirəsini yad etməyi arzulayırmış.

Xursand Şerov səhhətində problemlər yarandıqdan sonra velosipedlə səyahətə çıxmaqdan zövq almağa başlayıb. O, həkiminin məsləhəti ilə velosiped almaq və səyahətə yollanmaq qərarına gəlib. Budəfəki turuna Müslüm Maqomayevin anadan olmasının 77-ci ildönümü (17 avqust 1942-ci il) münasibətilə başlayıb və bu turu müğənninin anım günündə (25 oktyabrda) Bakıda başa çatdırmağa qərar verib. Amma Rusiyanın Bryansk şəhərində keçirdiyi yol-nəqliyyat hadisəsi nəticəsində qolu qırıldığından, turu dayandırmalı olub və vətəninə qayıdıb.

Şerov M.Maqomayevin xatirəsini əbədiləşdirmək üçün artıq neçə ildir dünyanın müxtəlif yerlərinə veloyürüş edir. Özbəkistandan Rusiyaya, Çin, Orta Asiya, Azərbaycan, Gürcüstan, Türkiyə və digər ölkələrə M.Maqomayevin portreti ilə bəzədilmiş velosipedilə yürüş edən X.Şerov dünya şöhrətli müğənnini özünə kumir seçib. Veloyürüş etdiyi ölkələrdə yaşayan azərbaycanlıların, diaspor fəallarının ona qarşı məhəbbətinin sonsuz olduğunu qeyd edən özbək müğənnisi bu ölkələrdə Maqomayevin repertuarından mahnılar oxuduğunu, konsert verdiyini bildirib. Bu il avqustun 17-də ölməz sənətkarın Ukraynanın paytaxtı Kiyev şəhərinin mərkəzində yerləşən heykəli önünə veloyürüş edən Şerov Maqomayevin bütün doğum və anım günləri ərəfəsində digər ölkələrə də veloyürüşlər edəcəyini açıqlamışdı. O, səyahətləri zamanı Maqomayev haqqında topladığı materialları kitab şəklində nəşr etdirəcəyini də vurğulayıb.

564

İcra başçısının müavinini maşın vurdu

13
Sosial-iqtisadi inkişafın təhlili və proqnozlaşdırılması şöbəsinin müdiri Vahid İsaxan oğlu Həsənovu avtomobil vurub. 

BAKI, 9 avqust - Sputnik. Sabirabad Rayon İcra Hakimiyyəti başçısının müavinini avtomobil vurub. 

APA-nın məlumatına görə, Sabirabad Rayon İcra Hakimiyyəti başçısının müavini - Sosial-iqtisadi inkişafın təhlili və proqnozlaşdırılması şöbəsinin müdiri Vahid İsaxan oğlu Həsənovu avtomobil vurub. 

V.Həsənov başından xəsarət alaraq Şirvan Şəhər Xəstəxanasına yerləşdirilib. 

Faktla bağlı araşdırma aparılır.

13

Pandemiyanın ən çox ziyan vurduğu sahə - Burada çalışanların yoluxma riski daha böyükdür

743
(Yenilənib 22:32 09.08.2020)
Bütün dünyanı bürüyən bu pandemiya təəssüf olsun ki, ölkəmizdən də yan keçməyib və daxili turizm böhran ilə üzləşib.

İradə Cəlilova, Sputnik Azərbaycan

BAKI, 9 avqust — Sputnik. Koronavirus pandemiyası bütün sahələrə təsir etdiyi kimi turizm sahəsindən də yan keçməyib. Bölgələrə gediş-gəlişin məhdud çərçivədə olması, bəzi bölgələrdə istirahət mərkəzlərinin, restoranların, otellərin fəaliyyətinin dayandırılması turizm sahəsini demək olar ki, dondurub.

Turizm eksperti Ramin Zamanovun fikrincə, pandemiya dövründə turizm sektoru arxa planda qalıb. Onun sözlərinə görə, bu sahədə çalışanların virusa yoluxma riski də böyükdür. Otellərdə, restoran və istirahət mərkəzlərində yoluxma ehtimalı daha böyükdür.

Ekspert deyir ki, rayonlara gediş-gəlişin məhdudiyyətlərlə olması, ölkədə koronavirusun yayılma səviyyəsini azaltma məqsədi daşıyır. Onun fikrincə, bəzi rayonlarda virusa yoluxma faktının az olması məhdudiyyətlərin nəticə verdiyini göstərir və daha uzun müddət davam etməsinə əsas yaradır.

"Rayonlarda olan otellərin əksəriyyəti demək olar ki, fəaliyyətini dayandırıb. İşlə bağlı regionlara üz tutanlar xüsusi icazə ilə həmin otellərdə qala bilər. Rayonlara istirahət məqsədi ilə gedib, oteldə qalmaq isə mümkün deyil" – o vurğulayıb.

Millət vəkili Malik Həsənov Sputnik Azərbaycan-a açıqlamasında bildirib ki, pandemiya təkcə bizi yox, bütün dünyanı iflic edib, 6 aya yaxındır bütün dünya ölkələrinin sərhədləri bağlıdır, sərhədlərin pandemiyadan əvvəlki vəziyyətə qayıtmaq ehtimalı hələ yoxdur: "Bəlkə də ən çox itki, ən böyük böhran ilə üzləşən turizm sektoru olub. Nəinki Azərbaycanda, bütün dünyada tarixdə belə hal olmayb".

Onun sözlərinə görə, pandemiya səbəbindən daxili turizm böhranla üzləşib.

Millət vəkili Azərbaycanda koronovirus pandemiyasının qarşısının alınması üçün görülən tədbirləri təqdirəlayiq hesab edir: "Koronavirusa qarşı mübarizədə imzalanan sərəncamlar, həyata keçirilən operativ və təxirəsalınmaz tədbirlər nəticəsində ölkəmiz koronavirus pandemiyasına qarşı səmərəli mübarizə aparır. Ölkə başçısı pandemiyaya qarşı mübarizədə hər zaman vətəndaşların sağlamlığını ön planda tutub. Bu səbəbdən də bir sıra önləyici tədbirlər görülüb. Vətəndaşların sağlamlığını düşünərək, ölkə ərazisində xüsusi karantin rejimi tətbiq edilib və ölkə daxilindəki epidemiya demək olar ki, idarə olunan vəziyyətə gəlib".

M. Həsənov qeyd edib ki, bunun bariz nümunəsi son günlər yoluxma sayının azalması və sağalanların üstünlük təşkil etməsidir. Bütün bunları nəzərə alaraq ölkə əhalisinin sağlamlığı turizm sektorunda olan problemlərlə müqayisədə daha önəmlidir.

743
Belorusda seçkinin gedişi zamanı

Belarus MSK ilkin nəticələri açıqlayıb

0
Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir.

BAKI, 10 avqust - Sputnik. Belarusun Mərkəzi Seçki Komissiyası bu gün ölkədə keçirilən prezident seçkilərinin ilkin nəticələrini açıqlayıb.

Bu barədə Sputnik Azərbaycan RİA Novosti-yə istinadən xəbər verir.

Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir. O, seçicilərin 82%-nin səslərini toplayıb. 

Qeyd edək ki, Lukaşenko altıncı dəfədir prezident seçkilərində namizəddir.  

0