CƏMİYYƏT
Cəmiyyətin həyatında baş verən aktual hadisələr

AQTA-dan tövsiyə - Zəhərlənməmək üçün bunlara əməl edin

© REUTERS / Steven SaphoreÇörək
Çörək - Sputnik Azərbaycan
Abunə olmaq
Mal qonşuluğunun başlıca şərti məhsulların fərdi xüsusiyyətlərini və uyğunluqlarını mümkün qədər nəzərə almaq və onları ən münasib şəraitlərdə saxlamaqdır

BAKI, 17 sentyabr — Sputnik. Bir çox hallarda mağazalardan aldığımız qidalar standartlara cavab versə də, bəzən mənfi fəsadlar da yaradır. Buna səbəb isə aldığımız qidanın keyfiyyəti yox, onun daşınması, saxlanılmasıdır. Bundan başqa mağazalardan aldığımız qidaları paketlərə doldurarkən də diqqətli olmaq lazımdır. Yəni mal qonşuluğu prinsipinə əməl edilməsi çox vacibdir ki, aldığımız qida bizə xeyirdən çox ziyan yetirməsin. Ümumiyyətlə mağazadan məhsul alarkən nəyə diqqət etməliyik, kəskin qoxulu və qoxusuz, yaxud da qida və qeyri-qida məhsullarını bir paketdə daşıya bilərikmi kimi suallara isə Azərbaycan Qida Təhülkəsizliyi Agentliyi aydınlıq gətirib.

Qoşqar Təhməzli - Sputnik Azərbaycan
Məktəblərdə qida təhlükəsizliyi necə təmin ediləcək - AQTA sədri danışır

Agentlikdən Sputnik Azərbaycan-a verilən məlumata görə, “AQTA maarifləndirir” rubrikası  “Qida məhsullarını seçərkən nələrə diqqət etməliyik?” mövzusunda maarifləndirici material hazırlayıb. Həmin materialı sizə təqdim edirik:

Qablaşdırma tam şəkildə olmalı, üzərində deşik, kəsik olmamalıdır. Gözəl görüntülü, rəngli rəsmlərlə bəzədilmiş qablaşdırma sizi çaşdırmamalıdır. Mütləq məhsulun üzərində tərkibi haqqında informasiya verən mətnə diqqət yetirin. Burada məhsulun enerji dəyəri, istehsal və son istifadə tarixi, çəkisi, saxlanma temperaturu və şəraiti, istehsalçı müəssisənin adı, ünvanı və s. kimi vacib məlumatlar öz əksini tapır. Məlumatların əcnəbi dillərlə yanaşı, Azərbaycan dilində də olması vacibdir.

Qida məhsullarını seçərkən mal qonşuluğu prinsipinə əməl edilməsinə diqqət yetirin. Mal qonşuluğunun başlıca şərti məhsulların fərdi xüsusiyyətlərini və uyğunluqlarını mümkün qədər nəzərə almaq və onları ən münasib şəraitlərdə saxlamaqdır. Qida məhsullarını kimyəvi tərkibli, kəskin qoxulu qeyri-qida məhsulları ilə eyni paketə yerləşdirməyin. Aldığınız məhsulları paketə qoyarkən donmuş və soyuq qidaları ən alt hissədən yerləşdirin. Əzilməyə, sınmağa həssas (yumurta, göyərti və s.) olan qida məhsullarını paketin ən üst hissəsinə qoyun. 

AQTA-nın monitorinqi - Sputnik Azərbaycan
CƏMİYYƏT
AQTA zəhərlənmədən ölənlərin sayını açıqladı
Alış-veriş etdiyiniz mağazada məhsullarınızı torbaya yığmağa sizə kömək edən işçinin də eyni qaydaya riayət etməsinə nəzarət edin. Qablaşdırılmamış, açıq şəraitdə və çəki ilə satılan məhsulun çirklənməyə məruz qalması ehtimalı böyükdür. Belə məhsulları alarkən üzərində xüsusi örtücü vasitələrin olmasına diqqət yetirin.

Uşaqlar əhalinin həssas yaş qrupuna aid olduğundan uşaq qidaları alarkən xüsusilə diqqətli olun. Bu qidaları seçərkən məhsulun yararlılıq müddətini, hansı yaş qrupuna aid olmasına dair təlimatı, mənşəyi və tərkibi haqqında olan məlumatları oxuyun.

Qablaşdırmanın üzərindəki göstərilən son istifadə tarixini diqqətlə yoxlayın. Sizdə həmin tarixin süni müdaxilə vasitəsilə yazılması, dəyişdirilməsi barədə şübhə yaranarsa, o məhsulu almayın və bu barədə Azərbaycan Respublikasının Qida Təhlükəsizliyi Agentliyinin (AQTA) 1003 “Çağrı Mərkəzi”nə məlumat verin.

Qida məhsulunun istifadə tarixi onun uyğun şəraitdə saxlanacağı nəzərə alınaraq təyin edilir. Vaxtı bitmiş, saxlanması müvafiq texniki şərtlərə cavab verməyən məhsulları almayın. Məhsul alarkən onun saxlanıldığı soyuducunun temperatur göstəricilərinə diqqət edin. Hər məhsulun aid olduğu kateqoriyaya uyğun olaraq öz saxlanma temperaturu var. Piştaxtaların ön cərgəsində yerləşən, endirimdə olan qida məhsullarının yoxlanılmasına xüsusi diqqət yetirin.

Aqronom və istehsalçıların görüşdüyü yer - Qida sənayesi sərgisi necə keçdi  - Sputnik Azərbaycan
VİDEO
Aqronom və istehsalçıların görüşdüyü yer - Qida sənayesi sərgisi necə keçdi

Qida məhsulunu seçərkən diqqət yetirilməsi lazım olan əsas məsələlərdən biri də onun kalorililiyidir. Bildiyimiz kimi, orqanizmin ehtiyacı olduğundan artıq kalori qəbul edilməsi kökəlməyə səbəb olur. Bu da sağlamlığımızla bağlı digər problemlərə yol açır. Buna görə də hər kəs fərdi olaraq gündəlik kalori normasını bilməli, qida məhsullarını alarkən bunu nəzərə almalıdır.

Unutmayın ki, “nə qədər bahalıdırsa, o qədər yaxşıdır” prinsipi ilə məhsul seçmək hər zaman özünü doğrultmur. Məhsulun satış qiymətinə onun nəqliyyat xərci, populyar brendə məxsusluğu, istehsalçı və ya satıcı tərəfindən süni şəkildə qiymətinin artırılması kimi digər faktorlar da təsir edir. Yuxarıda sadalanan faktorlara riayət etməklə qida təhlükəsizliyimizi möhkəmləndirə və həyatımızı daha sağlam şəkildə yaşaya bilərik.

Xəbər lenti
0