Rəhman Məmmədov adına Alekseyevka kənd tam orta məktəbinin açılış mərasimində

Alekseyevkada Bilik Günü Nazir yüzlərlə uşağı sevindirdi

83
(Yenilənib 15:56 16.09.2019)
Prezidentin sərəncamı ilə Qubanın Alekseyevka kəndində 950 şagird üçün üçmərtəbəli məktəb tikilib

Leyla Abdullayeva, Sputnik Azərbaycan

BAKI, 16 sentyabr — Sputnik. Bu gün Təhsil naziri Ceyhun  Bayramov Qubanın Alekseyevka kəndində 3 mərtəbəli məktəbin açılışını edib.

Sputnik Azərbaycan-ın bölgə müxbirinin verdiyi məlumata görə, açılış mərasimini giriş sözü ilə açan Təhsil naziri bu gün ölkədə gözəl bir gün - uşaqlarımızı irəliyə aparan Bilik Günü olduğunu xüsusi qeyd edərək kollektivi, bütün müəllim və şagirdləri ürəkdən təbrik edib. Nazir çıxışında qeyd edib ki, ölkədə aparılan islahatlar nəticəsində 2019-cu ildə 84 orta məktəb tikilib və bu gün onlardan 43-ü istifadəyə verilib, 41-i isə ilin sonunadək hazır olaraq istifadəyə veriləcək.

  • Джейхун Байрамов, фото из архива
    © Sputnik / Leyla Abdullayeva
  • Quba rayonu Rəhman Məmmədov adına Alekseyevka kənd tam orta məktəbi
    Quba rayonu Rəhman Məmmədov adına Alekseyevka kənd tam orta məktəbi
    © Sputnik / Leyla Abdullayeva
  •  Rəhman Məmmədov adına Alekseyevka kənd tam orta məktəbinin açılış mərasimində
    Rəhman Məmmədov adına Alekseyevka kənd tam orta məktəbinin açılış mərasimində
    © Sputnik / Leyla Abdullayeva
1 / 3
© Sputnik / Leyla Abdullayeva
Джейхун Байрамов, фото из архива

Ceyhun Bayramov ölkədə təhsil strategiyasının inkişafında xüsusi xidmətlərinə görə 150 minlik müəllim ordusu adından Prezident İlham Əliyevə təşəkkür edib və onun 18 iyun 2019-cu il tarixli Sərəncamı ilə 1 sentyabr tarixindən müəllimlərin əmək haqqının bir daha artırılmasını təqdirəlayiq hal hesab etdiyini xüsusi vurğulayıb. Nazir Qubadan bütün ölkə müəllim və şagirdlərinə Bilik günü münasibətilə təbrikini çatdırıb.

Tədbirdə çıxış edən Quba Rayon İcra Hakimiyyətinin başçısı Ziyəddin Əliyev rayon ictimaiyyəti, Alekseyevka kənd sakinləri və müəllimləri adından kənddə hər cür şəraiti olan müasir, yeni məktəb binasının inşasına görə ölkə rəhbəri İlham Əliyevə xüsusi minnətdarlığını bildirib. İcra başçısı qeyd edib ki, Prezidentin 11 oktyabr 2018-ci il tarixli Sərəncamından sonra Alekseyevka  kəndində üçmərtəbəli yeni məktəb inşa olunub. Linqafon kabineti, 2 emalatxana, 2 laboratoriya, idman zalı, 450 yerlik akt zalı və geniş sinif otaqları 960 şagirdin və 75 müəllimin istifadəsinə verilib.

83
Notebook-la oynayan kişi, arxiv şəkli

Bu qurum vətəndaş müraciətlərini sosial səhifələr vasitəsilə cavablandıracaq

1
Vətəndaşlar həmin səhifələr vasitəsilə pensiya, müavinət, təqaüd, ünvanlı dövlət sosial yardımı və digər sosial təminat növləri üzrə ödənişlər, sosial sığorta məsələləri, fərdi uçot və s. aid suallarını DSMF-yə ünvanlaya bilərlər

 

BAKI, 1 dekabr — Sputnik. Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu (DSMF) dekabrın 1-dən vətəndaş müraciətlərini özünün yeni fəaliyyətə başlayan facebook, instagram, telegram və twitter sosial səhifələri vasitəsilə də cavablandıracaq. Bu barədə Sputnik Azərbaycan-a DSMF-dan məlumat verilib. Qeyd olunub ki, vətəndaşlar həmin səhifələr:

www.facebook.com/dsmf.sosial.gov.az/

www.instagram.com/dsmf.sosial.gov.az/

t.me/dsmfsosialgovaz

twitter.com/dsmfsosialgovaz

vasitəsilə pensiya, müavinət, təqaüd, ünvanlı dövlət sosial yardımı və digər sosial təminat növləri üzrə ödənişlər, sosial sığorta məsələləri, fərdi uçot və s. aid suallarını DSMF-yə ünvanlaya bilərlər.

Sorğu xarakterli müraciətlərlə bağlı qanunvericiliyə uyğun şəkildə izahatlar veriləcək. Araşdırma tələb edən müraciətlər isə müvafiq qaydada baxılaraq nəticəsinə uyğun tədbirlər görüləcək və müraciət edən vətəndaşlar bu barədə məlumatlandırılacaq. Sosial şəbəkə səhiflərində DSMF-nin fəaliyyəti, bu sahədəki yeniliklər də ictimaiyyətə təqdim ediləcək.

1
Teqlər:
sosial şəbəkə, Əmək və əhalinin Sosial Müdafiə Nazirliyi, Dövlət Sosial Müdafiə Fondu
Azərbaycan Respublikasının Birinci vitse-prezidenti Mehriban Əliyeva, arxiv şəkli

Mehriban Əliyeva Laçının işğaldan azad edilməsi ilə bağlı paylaşım edib

5
(Yenilənib 16:14 01.12.2020)
Bu gün üçtərəfli bəyanatın şərtlərinə uyğun olaraq, Laçın rayonu Ermənistanın işğalından azad edildi.

BAKI, 1 dekabr — Sputnik. Azərbaycanın I Vitse-prezidenti Mehriban Əliyeva Laçın rayonunu işğaldan azad edilməsi ilə bağlı paylaşım edib.

Sputnik Azərbaycan xəbər verir ki, paylaşımda deyilir: “Laçın rayonunun işğaldan azad edilməsi münasibətilə hamınızı səmimi-qəlbdən təbrik edirəm! Qoy, Uca Allah mərhəmətini xalqımızdan əsirgəməsin, bütün həmvətənlərimizə cansağlığı və səadət, Vətənimizə sülh, firavanlıq və nurlu gələcək bəxş etsin! Qarabağ Azərbaycandır!”

5
Teqlər:
Birinci vitse-prezident Mehriban Əliyeva, Laçının azad olunması